Ezodu 21

Malamulo zela azari

1Yehova ohomuwandelagave mulombwana Mozeji ira: <<Jotonga jinafuna we awandela Ana Izarayeli ira kaharege ti ji: 2Mutu amugula muzari#21:2 muzari: Wanle ira mutu akale muzari, kera hindeliwa nari. (Ezodu 21:16) So mbwenye mutu akana mangawa na nfwaye ahawandaga pagalri, owanda viguliha wa mutu mmohiwene ira apagalri mangawa ale. Mwa enne ule akumiha kobiri pwi apagalri mangawa ale, omutukula mutule, dowa kala muzari waye. Owu hehi mutu afuna, owanda muwongana maliba kobiri ule ira: <<Miyo kobiri kadinna. So uditukule miyene dakale muzari wawo.>> Nione eto Ezodu 22:3. wa mulombwana eto muzariwa akala muEberewu, muzari ule ahindege mabasa fiyeda yaka tanu na imohi. Mbwenye yafiya yaka yanetanu na mbinli, muzari ule mbwiyaye amuhiye akumemo muuzarini mwaye, adowege vasayi vene. 3Akala avolowaga muuzarini mwaye ali mudiye, akumagamo kanamudowana muhiyana. Mbwenye akala avolowaga muuzarini mwaye ohokana muhiyana na wanle, akumagamo unerege dowa na muhiyanayene. 4Akala muzari ule mbwiyaye ohonvaha muhiyana, amala muhiyanole ambalana ahima a alombwana nari a ahiyana, liye akumagamo muuzarini mwaye, unakumamo eka. Muhiyanaye na ahimaye anokalave azari a mbwiyaye ule. 5Mbwenye muzari ule awonga vatando ira: <Miyo dihimuziveliwa mbwiyaga na muhiyanaga na ahimaga, nnafuna dikalege evano, kannakumamo muzarini mwaga!>, 6mbwiyaye ule amutukule, amudowena wa anamatonga.#21:6 amudowena wa anamatonga: Owu hehi: amudowena vamentoni va Mulugu. Anfiyana wewule, muzari ule ahele nibaru naye vamusuwoni owu vakaxiluni, mbwiyaye ule ampovole nibaru nne na peregu. Era enne unakala muzari waye wa mukalakala.

7<<Eto mutu amuguliha mwanaye wa muhiyana ira akale muzari,#21:7 mutu amuguliha mwanaye wa muhiyana ira akale muzari: Agali hiyo kaniiziwile jatene jaira atu wanle, va inakala nnga mwana wa muhiyana agulihiwaga nnga muzari, so ali ira adowe ateliwe. Nona kavakala kuma muuzarini mwaye. mwana wa muhiyana ule mbwenye kanakuma muuzarini mwaye nnga jinaireya na muzari wa mulombwana. 8Mulombwana wenno umugunle ira amutele, akonda mutela na mwasa ohomuziveliwa, inafwanela arumele ira muhiyanole awomboliwe. Mbwenye kavinawandeya ira amutukule adowe amugulihe wa atu amohiwa a unde. Tchoira liye amugulaga, tchapanganne eno. 9Eto akala amugulaga ali ira mwanaye amutele, inafwanela amusakanyege na makalelo nnga mwemo munamusakanya liye mwanaye wa muhiyana. 10Eto amutela, amala eno avenya adowa amutela muhiyana mmohiwa avalanya, inafwanela anvahegeve muhiyanaye oroma ule jodja, anvahegeve jowara jokwakwanela eto amugonegenave. 11Mwasiwa ahamuirelege jengo taru ji, muhiyanole unokuma muuzarini mwaye vasayi, ahapagalrileve yengo.>>

Malamulo zela aliba porotchana na aliba panana

12<<Mutu uli watene unambubude nfwaye ante nfwaye ule afiyeda kwa, na liyene apiwe. 13Mbwenye mutu ampa nfwaye ahali mofuna mwaye, ku wonga yaireya mofuna mwa Mulugu bahi, inafwanela mutu wenne umpile nfwaye ule atawele sidadi nnafuna miyo utonyihedani.#21:13 mutu ampa nfwaye ahali mofuna mwaye: Inakala nnga mutu unakakata mutengo eto mutengole agwelaga vati, unolupa ante fiya wewo wahafunne maliba kakata, unofiyeda mpa nfwaye. AIzarayeli kohokana sidadi datawela atu ira kahapiwe zela milandu dedo. (Detoronomiyo 4:41-43, 19:2-10) 14Mbwenye mutu atakaleliwa na nfwaye, avenya adowa ampa komove, masiki adowe atawele uli ibuwa yaga ya mukuto, mutu wenno inafwanela akumihiwewo ibuwani ule, adowe apiwe.

15<<Mutu unambubude babaye nari mmaye, apiwe. 16Mutu unamuhinde nfwaye adowa amuguliha, nari mutule afwanyiwa agali mmandani mwaye, apiwe.

17<<Mutu wenne unamutembelrelre babaye owu mmaye, apiwe.

18<<Vakala atu ambinli kawanaga eto muwari mowana mule mutu mmohi amporotcha nfwaye na nibwe owu hehi na xoko eto nfwaye ule ahakwe, mbwenye aroma bulela vakamani, 19era eno, avenya, awandaga wenda vang'ono vang'ono na ikumbuzo, afiyeda mwezo ovulumuwa, maliba mbubuda nfwaye ule kanna mulandu mulukulu. So mbwenye unompagalri nfwaye zela malambo amanle liye abulelaga eto unerege nvaha kobiri ili yatene inafuneya ira avulumuwe pama.

20<<Mutu atukula imiri ambubudana muzari waye wa mulombwana nari wa muhiyana, ante muzari ule afiyeda kwela mmandani mwaye, maliba mporotcha muzari ule atongiwe. 21Mbwenye muzari ule abulela siku nimohi owu malambo menli amala akwa, mbwiyaye ule kanatongiwa mwasiwa ere mugula na kobiri daye.

22<<Alombwana kawanaga eto muwari mowana mule aliwa kambubuda muhiyana okana vambani, muhiyanole jopa jaye jobala jatatamuwa, afiyeda bala vahakuma yabure, maliba nkoma muhiyanole unompagalri muhiyanole kobiri malringana konta inawonge muhiyanole mamunaye, malringana ikale molingana na mwemo munawongele anamatonga. 23Mbwenye vakuma yabure, wenno unkomile unotongiwa mozela yabure iireyile. Akala ukwa, na liyene apiwe. 24Akala niso, na liyene atwiwe niso naye, akala nino, na liyene akotoliwe nino naye, akala ndanda, na liyene agwadiwe ndanda naye, nari akala nnyalo, na liyene agwadiwe nnyalo naye. 25Mutu amutumeya nfwaye na liyene atumeyiwe na makalelo amohive, amporotcha nfwaye na liyene aporotchiwe na makalelo amohive eto mutu amuzuzundaniha nfwaye na liyene azuzundanihiwe na makalelo amohive. 26Mutu ambubuda niso muzari waye wa mulombwana nari wa muhiyana, niso nne nanongeya, unomuhiya muzari ule akume muuzarini mwaye na mwasa wa niso neno ninongile liye. 27Eto mutu wenne unamukotole nino muzari waye wa mulombwana nari wa muhiyana, unomuhiya muzari ule akume muuzarini mwaye na mwasa wa nino nikotonle liye.>>

28<<Ng'ombe yamudima mutu na manyanga, mutule afiyeda kwa, masiki akale muhiyana nari mulombwana, ivokiwe mabwe ante ikwe. Mbwenye ng'ombele yakwa, kakalevo unafuna idja. Eto kairana eno, mwinnya wa ng'ombele kanakana mulandu. 29Mbwenye akala ng'ombe ile yazave yaadimaga atu romela wanle, mwinnya ule agaiziwile ahafuna ifungela, yampa mulombwana nari muhiyana, ng'ombele muipe na mabwe eto vamohi na mwinnyene apiwe. 30Mbwenye atongiwa ira aviwombole, unokumiha yengo ili yatene inamutonge atu ira awombole ingumi yaye. 31Masiki akala ng'ombe ile impile mwana wa muhiyana nari wa mulombwana, makaleluwa otonga ba mamohive. 32Eto ng'ombe yamudima muzari wa muhiyana nari wa mulombwana na manyanga, muzari ule akwa, maliba ng'ombe ule unompagalri mwinnya wa muzari ule kobiri da parata 30 eto ng'ombele ipiwe na mabwe.

33<<Mutu agudubulra muliha okuneliwa owu atimba muliha eto ahafuna kunelavo, mwa enne ng'ombe ya nfwaye owu buru wa nfwaye adowa amorelamo afiyeda kwela mwemule, 34maliba muliha ule unompagalri kobiri maliba ng'ombe ule. Kobiriwa ikale yolingana na ng'ombe yenno ikwile eto amala mwanainyama ukwile ule unakala wa maliba muliha ule.

35<<Ng'ombe ya mutu mmohi yadowa iwanaga na ng'ombe ya mutu mmohiwa, ng'ombe imohi yakwavo, inafwanela annyale katukule ng'ombe yahakwile, kadowe kagulihe, kobiri anafuna atu guliha kagane. Eto na yenne ikwile ile kagane. 36Mbwenye ng'ombe impile nfwaye ile, akala yohoiziweya na wanle ira yali yoaporotcha afwaye na manyanga eto mwinnya kafunne ifungela, maliba ng'ombele unonvaha nfwaye ule ng'ombe yamentwene yolingana na yenno ikwile. Amala eno ng'ombe yokwa ile ikale ya maliba mpagalri nfwaye ule.>>

Currently Selected:

Ezodu 21: iLolo

Highlight

Copy

Compare