Koloso 4
4
1Na nyenne apatarawu inafwanela muwendege na azarinyu na makalelo a ibaribari, ofwanela muwari moiziwa ira na nyenne muhukana Patarawu wenyu uli zulu.
Jokokomeza jimohi jiwa
2Mukalelege lobela ora ili yatene. Eto mwalobelaga, muumbuwelege pama zela mazu anafuna nyo wonga eto mulobelege na makalelo omutamalelana Mulugu zela jinera liye. 3Eto mwalobelaga, munilobelelege hiyo munvepaga Mulugu ira naalaleyaga atu, kakayena tempu yovuruwana mazu analaleya hiyo. Tchoira para atu oindjiva, ibaribari zela Kiristu ilive yengo yokoyeya.#4:3 ibaribari zela Kiristu ilive yengo yokoyeya: Ibaribari yokoyeya ili ira Kiristu unikwenle ira namunyindela niwande wandana na Mulugu eto Kiristu akale muwari mwa hiyo. (Juwawu 3:14-17; 1 Korinto 15:3; Koloso 1:27; 1 Peduru 2:24) Na mwasa olaleya zela muselu wenno, na vanove dili omangiwene na makurenti. 4Mudilobelelege ira miyo dalaleyaga Muselu Wapama, diwandege vweyiha pama ibaribari yokoyeya zela Kiristu na makalelo ofwanelela.#4:3-4 Pawulo kafunne laleya mwa kopolo daye. Nona masiki agalaleyile fendo didjindji, liye ohavepa afwaye ira mudilobelelege. Na hiyene inafwanela naalobelele ale analaleya ira kawandege vweyiha pama ibaribari yokoyeya zela Kiristu eto naalobelele ale anafuna laleyiwaga ira kakayena tempu yovuruwana mazu.
5Nyo mwawendaga na atu a unde, inafwanela mulabegena tempu inakala nyo vamohi na aliwa ira mwaawandelege ibaribari. 6Inafwanela eto jowonga jenyu jikalegeve japama, joriya. Mwawonga pama, munoiziwa makalelo omuwakula pama mutu uli watene unafune za ufukani yengo.
Mazu ogomiheda
7-8Miyo eto nnomuruma Tikiko mbalihu unamuziveliwa hiyo eto mutu ororomeleya eto namalaba nnga hiyo muwari mohinda mabasa muUmweneni mwa Nabwiya vamohi na hiyo. Nnomuruma ira aze auwandelani makalelo anna hiyo na mabasa matene analaba miyo malambwala. Nnomuruma eto ira aulimbiheni mmirimani mwenyu. 9Liye unaza vamohi na Onezimo wenno uli nkuda waninyu eto unafwanyeya agali mbalihu unamuziveliwa hiyo eto agali mutu ororomeleya. Ambinlene kaza, anomala uwandelani zela jatene jinaireya uli miyo uno.
10Uno mulombwana Aristarku wenno unafwanyeya vamohi na miyo mukadeya, unoulondjelani. Eto mulombwana Markuji wenno uli Barnabe pirimu waye eto wenno kauwandenleni atu ira: <<Agazile mmuwatchele na manda menli>>, na liyene unoulondjelani. 11Vamohive vevo mulombwana Yesu wenno unaitaniwa Justu#4:11 mulombwana Yesu wenno unaitaniwa Justu: Muwari mwa atu omuroromela Yesu oroma, ohokalawo mulombwana mmohi okana nzina na Yesu. Mbwenye atu omuroromela Yesu kamuitana na nzina na Justu. Afwase aliwa kaonne ira: <<Ira nimuitanege na nzina naye na Yesu kinakala. So ninvahe nzina nimohi niwa.>> Evale aliwa muitanaga na nzina na Justu. Wakumilena liye nzina na Yesu, hiyo kaniiziwilewo. unoulondjelani. AJudewu atene analaba vamohi na miyo mabasa a muUmweneni mwa Mulugu ba araru anna daawongile miyo ala bahi. Aliwa eto kohowanda dilimbiha miyo.
12Mulombwana Epafaraji, wenno uli nkuda waninyu, muzari wa Yesu Kiristu, unoulondjelani. Mulombwana Epafaraji eto unakaleletcha uzuzumelani muwari moulobelelani. Liye aulobelelagani, unanvepetcha Mulugu ira nyo mukale olimba muwari mwa nroromelo eto mukayena ibaribari zela yofuna ya Mulugu inafuna liye ira nyo muiregena.#4:12 Mazwala ananiwandela ira alobelela afwawo omuroromela Yesu kahi so wagavwile makatamiho anafwanyeyana atu. Ili yapama ora ili yatene atu omuroromela Yesu kawande alobelela afwiwa jengo mbinli. Yoroma, kakale olimba muwari mwa nroromelo. Yanembinli, kakayena ibaribari zela yofuna ya Mulugu inafuna liye ira aliwa kairegena. 13Miyo dagali Pawulo nnomuhidedela umboni ira na ibaribari liye unasimbwetcha ulabani nyo vamohi na akuda Layodiseya na akuda Hiyerapoli.
14Lukaji wenno unafwanyeya agali mediku, wenno unamuziveliwa hiyo, na mulombwana Demaji, aliwa anoulondjelani.
15Miyo nnorumiha malondjelo para abalihu anafwanyeya Layodiseya. Eto nnorumiha malondjelo para murongolihu Ninfa na nikuru na atu omuroromela Yesu anagumanetcha vande vaye.
16Mwamala ileri karta ni vamentoni va anamwindji, mwaavahede eto nikuru na atu omuroromela Yesu a sidadi ya Layodiseya ira na aliwene kaileri. Aliwa eto kohokana karta newa naalrembele miyo. Inafwanela mwaawandele ira kauvahedeni karta newa ira na nyenne muileri.
17Eto mmuwandele mulombwana Arkipu ira akwakwanelihede mabasa matene anno Nabwiya anvahile liye.
18 Miyo dagali Pawulo malondjelo ogomiheda ala, unalremba gu miyo na ndanda naga. # 4:18 malondjelo ogomiheda ala, unalremba gu miyo na ndanda naga : Inaoneya ira Pawulo kalrembile karta natene na ndanda naye. So agafiyile magomo uwa, liye ohela asinatura. Ali ira kakayena ibaribari ira ulrembile karta ni gu Pawulo. Nione Roma 16:22; 1 Korinto 16:21. Umbuwelani makurenti diwarihiwe miyo. Sayi da Mulugu dikale na nyo.
Kukala mazu a karta nalrembiwele atu omuroromela Yesu a Koloso.
Currently Selected:
Koloso 4: iLolo
Highlight
Share
Copy
Want to have your highlights saved across all your devices? Sign up or sign in
© 2018 Visão Integral
Koloso 4
4
1Na nyenne apatarawu inafwanela muwendege na azarinyu na makalelo a ibaribari, ofwanela muwari moiziwa ira na nyenne muhukana Patarawu wenyu uli zulu.
Jokokomeza jimohi jiwa
2Mukalelege lobela ora ili yatene. Eto mwalobelaga, muumbuwelege pama zela mazu anafuna nyo wonga eto mulobelege na makalelo omutamalelana Mulugu zela jinera liye. 3Eto mwalobelaga, munilobelelege hiyo munvepaga Mulugu ira naalaleyaga atu, kakayena tempu yovuruwana mazu analaleya hiyo. Tchoira para atu oindjiva, ibaribari zela Kiristu ilive yengo yokoyeya.#4:3 ibaribari zela Kiristu ilive yengo yokoyeya: Ibaribari yokoyeya ili ira Kiristu unikwenle ira namunyindela niwande wandana na Mulugu eto Kiristu akale muwari mwa hiyo. (Juwawu 3:14-17; 1 Korinto 15:3; Koloso 1:27; 1 Peduru 2:24) Na mwasa olaleya zela muselu wenno, na vanove dili omangiwene na makurenti. 4Mudilobelelege ira miyo dalaleyaga Muselu Wapama, diwandege vweyiha pama ibaribari yokoyeya zela Kiristu na makalelo ofwanelela.#4:3-4 Pawulo kafunne laleya mwa kopolo daye. Nona masiki agalaleyile fendo didjindji, liye ohavepa afwaye ira mudilobelelege. Na hiyene inafwanela naalobelele ale analaleya ira kawandege vweyiha pama ibaribari yokoyeya zela Kiristu eto naalobelele ale anafuna laleyiwaga ira kakayena tempu yovuruwana mazu.
5Nyo mwawendaga na atu a unde, inafwanela mulabegena tempu inakala nyo vamohi na aliwa ira mwaawandelege ibaribari. 6Inafwanela eto jowonga jenyu jikalegeve japama, joriya. Mwawonga pama, munoiziwa makalelo omuwakula pama mutu uli watene unafune za ufukani yengo.
Mazu ogomiheda
7-8Miyo eto nnomuruma Tikiko mbalihu unamuziveliwa hiyo eto mutu ororomeleya eto namalaba nnga hiyo muwari mohinda mabasa muUmweneni mwa Nabwiya vamohi na hiyo. Nnomuruma ira aze auwandelani makalelo anna hiyo na mabasa matene analaba miyo malambwala. Nnomuruma eto ira aulimbiheni mmirimani mwenyu. 9Liye unaza vamohi na Onezimo wenno uli nkuda waninyu eto unafwanyeya agali mbalihu unamuziveliwa hiyo eto agali mutu ororomeleya. Ambinlene kaza, anomala uwandelani zela jatene jinaireya uli miyo uno.
10Uno mulombwana Aristarku wenno unafwanyeya vamohi na miyo mukadeya, unoulondjelani. Eto mulombwana Markuji wenno uli Barnabe pirimu waye eto wenno kauwandenleni atu ira: <<Agazile mmuwatchele na manda menli>>, na liyene unoulondjelani. 11Vamohive vevo mulombwana Yesu wenno unaitaniwa Justu#4:11 mulombwana Yesu wenno unaitaniwa Justu: Muwari mwa atu omuroromela Yesu oroma, ohokalawo mulombwana mmohi okana nzina na Yesu. Mbwenye atu omuroromela Yesu kamuitana na nzina na Justu. Afwase aliwa kaonne ira: <<Ira nimuitanege na nzina naye na Yesu kinakala. So ninvahe nzina nimohi niwa.>> Evale aliwa muitanaga na nzina na Justu. Wakumilena liye nzina na Yesu, hiyo kaniiziwilewo. unoulondjelani. AJudewu atene analaba vamohi na miyo mabasa a muUmweneni mwa Mulugu ba araru anna daawongile miyo ala bahi. Aliwa eto kohowanda dilimbiha miyo.
12Mulombwana Epafaraji, wenno uli nkuda waninyu, muzari wa Yesu Kiristu, unoulondjelani. Mulombwana Epafaraji eto unakaleletcha uzuzumelani muwari moulobelelani. Liye aulobelelagani, unanvepetcha Mulugu ira nyo mukale olimba muwari mwa nroromelo eto mukayena ibaribari zela yofuna ya Mulugu inafuna liye ira nyo muiregena.#4:12 Mazwala ananiwandela ira alobelela afwawo omuroromela Yesu kahi so wagavwile makatamiho anafwanyeyana atu. Ili yapama ora ili yatene atu omuroromela Yesu kawande alobelela afwiwa jengo mbinli. Yoroma, kakale olimba muwari mwa nroromelo. Yanembinli, kakayena ibaribari zela yofuna ya Mulugu inafuna liye ira aliwa kairegena. 13Miyo dagali Pawulo nnomuhidedela umboni ira na ibaribari liye unasimbwetcha ulabani nyo vamohi na akuda Layodiseya na akuda Hiyerapoli.
14Lukaji wenno unafwanyeya agali mediku, wenno unamuziveliwa hiyo, na mulombwana Demaji, aliwa anoulondjelani.
15Miyo nnorumiha malondjelo para abalihu anafwanyeya Layodiseya. Eto nnorumiha malondjelo para murongolihu Ninfa na nikuru na atu omuroromela Yesu anagumanetcha vande vaye.
16Mwamala ileri karta ni vamentoni va anamwindji, mwaavahede eto nikuru na atu omuroromela Yesu a sidadi ya Layodiseya ira na aliwene kaileri. Aliwa eto kohokana karta newa naalrembele miyo. Inafwanela mwaawandele ira kauvahedeni karta newa ira na nyenne muileri.
17Eto mmuwandele mulombwana Arkipu ira akwakwanelihede mabasa matene anno Nabwiya anvahile liye.
18 Miyo dagali Pawulo malondjelo ogomiheda ala, unalremba gu miyo na ndanda naga. # 4:18 malondjelo ogomiheda ala, unalremba gu miyo na ndanda naga : Inaoneya ira Pawulo kalrembile karta natene na ndanda naye. So agafiyile magomo uwa, liye ohela asinatura. Ali ira kakayena ibaribari ira ulrembile karta ni gu Pawulo. Nione Roma 16:22; 1 Korinto 16:21. Umbuwelani makurenti diwarihiwe miyo. Sayi da Mulugu dikale na nyo.
Kukala mazu a karta nalrembiwele atu omuroromela Yesu a Koloso.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018 Visão Integral