1 Tesalonika 1
1
Malondjelo a aliba lremba
1Unaulrembelani gu hiyo vano Pawulo na Sila#1:1 Sila: Owu hehi Silivano, tchoira Sila ku wonga Silivano mogwada. na Timoteyo. Nnoulrembelani nyo nikuru na atu omuroromela Yesu muli muwari mwa Mulugu Baba eto muli muwari mwa Nabwiya Yesu Kiristu, munafwanyeya sidadi ya Tesalonika. Malondjelo anaurumihedani hiyo ba ala. Nifunne ira sayi na murendele jikale na nyo.
APawulo kohatamalela aTesalonika zela makalelo ewa
2Hiyo nalobelaga nnomutamaleletcha Mulugu na mwasa wenyu, eto nnoulobeleletchani. 3Tchoira hiyo nnoumbuweletcha vamentoni va Mulugu Babihu mabasa munahinda nyo muwari mwa nroromelo nenyu na makalelo analaba nyo muwari moaziveliwa afwinyu mwaakamihedaga no dediha wenyu wolimba munna nyo muwari mwa Nabwiya wehu Yesu Kiristu.
4Nyo abalihu oziveliwiwa na Mulugu, nihiiziwa ira muli atu osakulriwa na Mulugu. 5Tchoira nagaulaleyileni Muselu Wapama ozela vulusiwa, kamwere vwa, nyo kwaranyavo, nari. Muwari mwa Munemba Otchena, mazwale kohoufwanyani na kopolo eto kohogarateya pama mmirimani mwenyu.#1:4-5 nihiiziwa ira muli atu osakulriwa na Mulugu: Fwanyeya ira vulusiwa kunazela muwari mwa hiyo musakulra Mulugu mbwenye muwari mwa hiyo sakulriwa na Mulugu. (Juwawu 15:16) Muwari mokala atu osakulriwa na Mulugu, Pawulo ohowonga na akuda Tesalonika ira: Muwari mwa Munemba Otchena, mazwale kohoufwanyani na kopolo.
Nyo muhumala iziwa makalelo matene apama nanna hiyo tempu yawenda hiyo na nyo ira nyo muwande watchela mazu nalaleya hiyo. 6Eto nyo mwaganionne, muhuwanda nisaziha hiyo eto muhuwanda musaziha Nabwiya Yesu. Tchoira muwari mwa makatamiho madjindji, nyo muhuwanda watchela mazu a Mulugu eto muwari mwa Munemba Otchena, muhuwanda hagalala zela mazu muvwile nyo. 7Na mwasa wenno, afwinyu omuroromela Yesu a porovinsiya ya Masedoniya na a porovinsiya ya Akaya#1:7 porovinsiya ya Masedoniya: Fwanyeya ira sidadi ya Tesalonika yafwanyeya muwari mwa porovinsiya ya Masedoniya. Eto porovinsiya ya Akaya yawandamanne na porovinsiya ya Masedoniya. Agali kuma sidadi ya Tesalonika dowa porovinsiya ya Akaya lapa uwa wokwaranya kilometuru 350, atu a Akaya ule kohovwa zela muroromela Yesu wa akuda Tesalonika. kagaonne makalelo vere nyo, aliwa kohowanda fundja makalelo owenda muwari mwa makatamiho. 8Muwari mwa nyo, mazu a Nabwiya kohomala mwadeya mwilamboni mwatene mwa Masedoniya na Akaya. Eto fwanyeya ira nroromelo munna nyo zela Mulugu nihimala vweya mwatene mwene. Kahi ira hiyo vano nnaawandela atu. 9So akuda Masedoniya na Akaya banawonga ira: <<Sidadi ya Tesalonika mazu kalaleyile aPawulo wewo, atu kohomala hiya vikwamutu josema jahara atu, peno mbwenye aliwa anamuhara Mulugu Okalawo, Mulugu wa ibaribari. 10Eto aliwa anamudediha Yesu, Mwana Mulugu wenno Mulugu unvenyihile liye mokwani ira unoza akume zulu, aze mwilamboni ya vati akoka. Eto aliwa anadediha ira Yesu gunafuna nivunela mwa uwali wa Mulugu unafuna za.>>#1:10 anadediha ira Yesu gunafuna nivunela mwa uwali wa Mulugu unafuna za: Ku wonga ira uwali wa Mulugu unoza. Mbwenye atu omuroromela Yesu kohokana yodediha ira: <<Uwali wa Mulugu waazelaga atu okana jotega, nihikana mbozihu unafuna nikumbarela ira uwali wenno wahanifwanye.>>
Currently Selected:
1 Tesalonika 1: iLolo
Highlight
Share
Copy
Want to have your highlights saved across all your devices? Sign up or sign in
© 2018 Visão Integral
1 Tesalonika 1
1
Malondjelo a aliba lremba
1Unaulrembelani gu hiyo vano Pawulo na Sila#1:1 Sila: Owu hehi Silivano, tchoira Sila ku wonga Silivano mogwada. na Timoteyo. Nnoulrembelani nyo nikuru na atu omuroromela Yesu muli muwari mwa Mulugu Baba eto muli muwari mwa Nabwiya Yesu Kiristu, munafwanyeya sidadi ya Tesalonika. Malondjelo anaurumihedani hiyo ba ala. Nifunne ira sayi na murendele jikale na nyo.
APawulo kohatamalela aTesalonika zela makalelo ewa
2Hiyo nalobelaga nnomutamaleletcha Mulugu na mwasa wenyu, eto nnoulobeleletchani. 3Tchoira hiyo nnoumbuweletcha vamentoni va Mulugu Babihu mabasa munahinda nyo muwari mwa nroromelo nenyu na makalelo analaba nyo muwari moaziveliwa afwinyu mwaakamihedaga no dediha wenyu wolimba munna nyo muwari mwa Nabwiya wehu Yesu Kiristu.
4Nyo abalihu oziveliwiwa na Mulugu, nihiiziwa ira muli atu osakulriwa na Mulugu. 5Tchoira nagaulaleyileni Muselu Wapama ozela vulusiwa, kamwere vwa, nyo kwaranyavo, nari. Muwari mwa Munemba Otchena, mazwale kohoufwanyani na kopolo eto kohogarateya pama mmirimani mwenyu.#1:4-5 nihiiziwa ira muli atu osakulriwa na Mulugu: Fwanyeya ira vulusiwa kunazela muwari mwa hiyo musakulra Mulugu mbwenye muwari mwa hiyo sakulriwa na Mulugu. (Juwawu 15:16) Muwari mokala atu osakulriwa na Mulugu, Pawulo ohowonga na akuda Tesalonika ira: Muwari mwa Munemba Otchena, mazwale kohoufwanyani na kopolo.
Nyo muhumala iziwa makalelo matene apama nanna hiyo tempu yawenda hiyo na nyo ira nyo muwande watchela mazu nalaleya hiyo. 6Eto nyo mwaganionne, muhuwanda nisaziha hiyo eto muhuwanda musaziha Nabwiya Yesu. Tchoira muwari mwa makatamiho madjindji, nyo muhuwanda watchela mazu a Mulugu eto muwari mwa Munemba Otchena, muhuwanda hagalala zela mazu muvwile nyo. 7Na mwasa wenno, afwinyu omuroromela Yesu a porovinsiya ya Masedoniya na a porovinsiya ya Akaya#1:7 porovinsiya ya Masedoniya: Fwanyeya ira sidadi ya Tesalonika yafwanyeya muwari mwa porovinsiya ya Masedoniya. Eto porovinsiya ya Akaya yawandamanne na porovinsiya ya Masedoniya. Agali kuma sidadi ya Tesalonika dowa porovinsiya ya Akaya lapa uwa wokwaranya kilometuru 350, atu a Akaya ule kohovwa zela muroromela Yesu wa akuda Tesalonika. kagaonne makalelo vere nyo, aliwa kohowanda fundja makalelo owenda muwari mwa makatamiho. 8Muwari mwa nyo, mazu a Nabwiya kohomala mwadeya mwilamboni mwatene mwa Masedoniya na Akaya. Eto fwanyeya ira nroromelo munna nyo zela Mulugu nihimala vweya mwatene mwene. Kahi ira hiyo vano nnaawandela atu. 9So akuda Masedoniya na Akaya banawonga ira: <<Sidadi ya Tesalonika mazu kalaleyile aPawulo wewo, atu kohomala hiya vikwamutu josema jahara atu, peno mbwenye aliwa anamuhara Mulugu Okalawo, Mulugu wa ibaribari. 10Eto aliwa anamudediha Yesu, Mwana Mulugu wenno Mulugu unvenyihile liye mokwani ira unoza akume zulu, aze mwilamboni ya vati akoka. Eto aliwa anadediha ira Yesu gunafuna nivunela mwa uwali wa Mulugu unafuna za.>>#1:10 anadediha ira Yesu gunafuna nivunela mwa uwali wa Mulugu unafuna za: Ku wonga ira uwali wa Mulugu unoza. Mbwenye atu omuroromela Yesu kohokana yodediha ira: <<Uwali wa Mulugu waazelaga atu okana jotega, nihikana mbozihu unafuna nikumbarela ira uwali wenno wahanifwanye.>>
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018 Visão Integral