1 Tesalonika 4
4
Makalelo apama ira atu omuroromela Yesu kawendegena
1-2Hiyo abalihu, yengo yogomiheda inafuna hiyo nukokomezeni tchi ila. Malambo a mundulrimu nagali vamohi na nyo, nohouwandelani na nzina na Nabwiya Yesu mawendelo apama para nyo muiregena ira Mulugu aziveliwe joira jenyu. Mawendelo nnga nuwandenleni hiyo malambo a mundulrimu, nnovwa ira nyo munnana iranave. Nnoukokomezani eto nnouwelruzani na nzina na Nabwiya Yesu ira mawendelo apama munairana nyo, kamuhiye, inafwanela mudowegenave sogolro.
3Tchoira yofuna ya Mulugu para hiyo atu omuroromela Yesu, ili ira mawendelo ehu katchenihiwe. Muwari motchenihiwa mawendelo, vari venyu kakalevo unaira joraruwa. 4Kada mutu awendihe maningwaye na makalelo otchena eto ofwanela. 5Kakalevo mutu olaba ja unyambi nnga vini atu ohombalra eto ohomuiziwa Mulugu. 6Zela ja unyambi jo, kakalevo unafuna jompudja nfwaye nari mutegela mbalaye. Tchoira unaatonga atu atene oraruwa gu Nabwiya. Jatene eji malambo a mundulrimu nagali na nyo nihimala uwandelani eto nihimala uwendjelihani.
7Tchoira Mulugu kaniitanne ira niiregena jengo jabure mbwenye uniitanne ira niiregena jengo japama, jotchena. 8Nona mutu wenno unalramwisa jinawonga hiyo ji, kanamulramwisa mutu nfwaye mbwenye unamulramwisa Mulugu wenno unauvahani Munemba waye Otchena.
9Zela nkani ozivelana nnga atu a muibalini mmohive, kinafuneya ira nilrembege jengo jidjindji. Tchoira Mulugu uhumala ufundjihani ira muzivelanege. 10Nyo malambwala muli ozivelanene eto munoaziveliwa abalihu atene omuroromela Yesu anafwanyeya muwari mwa porovinsiya ya Masedoniya mwatene. Inafuna hiyo ukokomezani tchi ila. Zivelana munna nyo, kamuhiye mbwenye mudowegenave musogolro.
11Nnoukokomezani eto ira mukale ofwaseyene mmirimani mwenyu, mukale atu ohinda jili jenyu eto mukale atu ohinda mabasa na manda enyu nnga mwawongele hiyo malambo a mundulri. 12Ili ira atu kali unde kauonani, kauonegeni ira nyo mukana mawendelo apama eto ili ira mwahaazuzumihege atu amohiwa ira kaukamihedegeni.
Zela za wa Nabwiya Yesu
13Hiyo abalihu nnafuna mukayena ibaribari zela afwihu anagona gona wa ukwa#4:13-14 afwihu anagona gona wa ukwa ba ale kakwile muwari mwa Kiristu. Tchoira mutu agona, unodediha venya, unodediha rurumuwa. Nona Pawulo kasimbwile aona afwaye kakwile muwari mwa Kiristu ira ba atu okwa. Liye aabalra nnga atu ogona mwasiwa liye ohokana ibaribari ira: <<Gona unagona afwagale, tempu yakwakwana, anoza karurumuwe.>> Nione mazu a 1 Korinto 11:30, 15:6,18,20. Eto mazwala anawonga zela venya wa maningo. Zela ibaribari ira mutu unokalawo mmunembani agakwile, ahanavenyihiwe mokwani, nione eto Ekeleziyaste 12:7; Lukaji 16:22-31; Filipo 1:21-23; Jowandeliwa 6:9-11. ira mwahakukumuwe nnga vini atu amohiwa kahanna yodediheda. 14Tchoira hiyo nihikana ibaribari ira Yesu ohokwa eto agakwile, liye ohovenya mokwani. Sawasawa na afwihu anne anagona gona wa ukwa muwari mwa Yesu, Mulugu unoza aavenyihe mokwani ira kakale vamohi na Yesu.#4:14 Mulugu unoza aavenyihe mokwani ira kakale vamohi na Yesu. Owu hehi Mwa Yesu, Mulugu unoza azena ale kakwile ira kakale vamohi na Yesu.
15Hiyo nnafuna nuwandeleni nnga mwemo muniwandenle Nabwiya ira ora inaza Nabwiya, hiyo vano niliwo na afwihu karomile gona wanle gona wa ukwa, kahi ira hiyo vano niliwo nnaza nikale arandji tukuleliwa zulu, hehi. 16Tchoira vasogolro Nabwiya mwinnya unotita akumelaga zulu no kuwa undimuwa na nizu na mungelro mulukulu eto aganna kuwa wa palraza ya Mulugu. Vevale ale kagonne gona wa ukwa muwari mwa Kiristu, anoza kababihe venyihiwa mokwani. 17Era eno hiyo omuroromela Yesu amohiwa ohala nnafuna za fwanyeya mesove, nnoza nitukuleliwe zulu mmiramboni vamohi na afwihu ale ira nagumane na Nabwiya zulu-zulu. Mwa eno, pinafuna hiyo nikale vamohi na liye kala no kala. 18Nona inafwanela mutukule mazwala, mwalimbihegena afwihu.
Currently Selected:
1 Tesalonika 4: iLolo
Highlight
Share
Copy
Want to have your highlights saved across all your devices? Sign up or sign in
© 2018 Visão Integral
1 Tesalonika 4
4
Makalelo apama ira atu omuroromela Yesu kawendegena
1-2Hiyo abalihu, yengo yogomiheda inafuna hiyo nukokomezeni tchi ila. Malambo a mundulrimu nagali vamohi na nyo, nohouwandelani na nzina na Nabwiya Yesu mawendelo apama para nyo muiregena ira Mulugu aziveliwe joira jenyu. Mawendelo nnga nuwandenleni hiyo malambo a mundulrimu, nnovwa ira nyo munnana iranave. Nnoukokomezani eto nnouwelruzani na nzina na Nabwiya Yesu ira mawendelo apama munairana nyo, kamuhiye, inafwanela mudowegenave sogolro.
3Tchoira yofuna ya Mulugu para hiyo atu omuroromela Yesu, ili ira mawendelo ehu katchenihiwe. Muwari motchenihiwa mawendelo, vari venyu kakalevo unaira joraruwa. 4Kada mutu awendihe maningwaye na makalelo otchena eto ofwanela. 5Kakalevo mutu olaba ja unyambi nnga vini atu ohombalra eto ohomuiziwa Mulugu. 6Zela ja unyambi jo, kakalevo unafuna jompudja nfwaye nari mutegela mbalaye. Tchoira unaatonga atu atene oraruwa gu Nabwiya. Jatene eji malambo a mundulrimu nagali na nyo nihimala uwandelani eto nihimala uwendjelihani.
7Tchoira Mulugu kaniitanne ira niiregena jengo jabure mbwenye uniitanne ira niiregena jengo japama, jotchena. 8Nona mutu wenno unalramwisa jinawonga hiyo ji, kanamulramwisa mutu nfwaye mbwenye unamulramwisa Mulugu wenno unauvahani Munemba waye Otchena.
9Zela nkani ozivelana nnga atu a muibalini mmohive, kinafuneya ira nilrembege jengo jidjindji. Tchoira Mulugu uhumala ufundjihani ira muzivelanege. 10Nyo malambwala muli ozivelanene eto munoaziveliwa abalihu atene omuroromela Yesu anafwanyeya muwari mwa porovinsiya ya Masedoniya mwatene. Inafuna hiyo ukokomezani tchi ila. Zivelana munna nyo, kamuhiye mbwenye mudowegenave musogolro.
11Nnoukokomezani eto ira mukale ofwaseyene mmirimani mwenyu, mukale atu ohinda jili jenyu eto mukale atu ohinda mabasa na manda enyu nnga mwawongele hiyo malambo a mundulri. 12Ili ira atu kali unde kauonani, kauonegeni ira nyo mukana mawendelo apama eto ili ira mwahaazuzumihege atu amohiwa ira kaukamihedegeni.
Zela za wa Nabwiya Yesu
13Hiyo abalihu nnafuna mukayena ibaribari zela afwihu anagona gona wa ukwa#4:13-14 afwihu anagona gona wa ukwa ba ale kakwile muwari mwa Kiristu. Tchoira mutu agona, unodediha venya, unodediha rurumuwa. Nona Pawulo kasimbwile aona afwaye kakwile muwari mwa Kiristu ira ba atu okwa. Liye aabalra nnga atu ogona mwasiwa liye ohokana ibaribari ira: <<Gona unagona afwagale, tempu yakwakwana, anoza karurumuwe.>> Nione mazu a 1 Korinto 11:30, 15:6,18,20. Eto mazwala anawonga zela venya wa maningo. Zela ibaribari ira mutu unokalawo mmunembani agakwile, ahanavenyihiwe mokwani, nione eto Ekeleziyaste 12:7; Lukaji 16:22-31; Filipo 1:21-23; Jowandeliwa 6:9-11. ira mwahakukumuwe nnga vini atu amohiwa kahanna yodediheda. 14Tchoira hiyo nihikana ibaribari ira Yesu ohokwa eto agakwile, liye ohovenya mokwani. Sawasawa na afwihu anne anagona gona wa ukwa muwari mwa Yesu, Mulugu unoza aavenyihe mokwani ira kakale vamohi na Yesu.#4:14 Mulugu unoza aavenyihe mokwani ira kakale vamohi na Yesu. Owu hehi Mwa Yesu, Mulugu unoza azena ale kakwile ira kakale vamohi na Yesu.
15Hiyo nnafuna nuwandeleni nnga mwemo muniwandenle Nabwiya ira ora inaza Nabwiya, hiyo vano niliwo na afwihu karomile gona wanle gona wa ukwa, kahi ira hiyo vano niliwo nnaza nikale arandji tukuleliwa zulu, hehi. 16Tchoira vasogolro Nabwiya mwinnya unotita akumelaga zulu no kuwa undimuwa na nizu na mungelro mulukulu eto aganna kuwa wa palraza ya Mulugu. Vevale ale kagonne gona wa ukwa muwari mwa Kiristu, anoza kababihe venyihiwa mokwani. 17Era eno hiyo omuroromela Yesu amohiwa ohala nnafuna za fwanyeya mesove, nnoza nitukuleliwe zulu mmiramboni vamohi na afwihu ale ira nagumane na Nabwiya zulu-zulu. Mwa eno, pinafuna hiyo nikale vamohi na liye kala no kala. 18Nona inafwanela mutukule mazwala, mwalimbihegena afwihu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018 Visão Integral