1 Tesalonika 3
3
Timoteyo ohozana Muselu Wapama zela aTesalonika
1Nona muwari mousauwelani nyo, miyo Pawulo na Sila ambinlene nihirumela hala sidadi ya Atena okave, 2hiyo muruma Timoteyo wenno uli mbalihu olaba mabasa a Mulugu muwari molaleya Muselu Wapama wa Kiristu ira aze aupandeni eto aulimbiheni ira nroromelo nenyu nidowegeve sogolro, 3ira mwahakukumuwe muwari mwa makatamiho mwafwanyeyana nyo.
Zela makatamiho anafwanyeyana nyo, muhumala iziwa ira Mulugu guhenle zelru doira nikayena makatamiho. 4Jejo jinakala nnga mazu nawongetcha hiyo voroma vale nagali na nyo. Nohouwandelani ira mabasa anna hiyo, ba mabasa ovira muwari mwa makatamiho. Makatamiho anno kagaufwanyileni, nyo mwagaromile ona, muhuwanda iziwa ira makatamiho kawongile atwale banna anna hiyo ala.#3:4 Nohouwandelani ira mabasa anna hiyo, ba mabasa ovira muwari mwa makatamiho. Ku wonga tempu ili hiyo ila ihiyana na tempu ya aIzarayeli. Tchoira Mulugu oholumbela na aIzarayeli ira kanvwelela, jewa ja ilambo ya vati jinerege awendela pama. (Detoronomiyo 28:1-14) Mbwenye tempu ili hiyo ila Mulugu unaniwandela ira nanvwelela, nnerege kana makatamiho mwilamboni ya vati. (Joira ja Anamarumiwa 14:22; Filipo 1:29-30; 2 Timoteyo 3:12) Eto upama wehu nnoza nikayena sogolro Yesu azaga. (Matewuji 10:42; Roma 8:17-18)
5Miyo dagavwile zela makatamiho enyu, kadiwandile garati wene. Pa evo vamurumile hiyo nfwihu Timoteyo ira aze, aupandeni, aone akala mulive na nroromelo nenyu. Tchoira daova ira afwase afwihu vano kohomala nyengiwa na wenno unaanyengetcha atu. Miyo daumbuwela ira afwase mabasa nalabile hiyo Tesalonika, nalabele vasayi.
6Mbwenye Timoteyo agazile wewo, aufwannyeni mwagannave makalelo omuroromela Yesu, mwagalive atu ozivelana. Nfwihu Timoteyo agazile uno, owanda niwandela ira: <<Afwihu na vanove anouumbuwelani mwapama. Sawasawa nnga nyo munafuna nnga mwagadowile aona afwihu a Tesalonika, na aliwene anafuna nnga kagauonneni nyo.>>
7Hiyo abalihu, malambwala nnofwanyeyana makatamiho madjindji no segedeya. Mbwenye muwari mokana makatamiho, vere Timoteyo aza, aniwandela zela nroromelo nenyu, vire hiyo nivwa eno, nihiwanda didilihiwa murima. 8Malringana nivwe ira muli olimbene momuroromela Nabwiya, hiyo kaninna makani ali matene.
9Hiyo vano nagavwile zela makalelo apama anna nyo wewo, hiyo kaniiziwile makalelo anafuna hiyo mutamalela Mulugu mokwakwanela na mwasa wa nyo. Tchoira nihikana hagalala undimuwa vamentoni va Mulugu. 10So nnakaleletcha lobela ntana na mahiyu ira hiyo niwande fiya uli nyo wo, nize nuoneni kove na kove akoka, niwande limbiha nroromelo nenyu, ira nikale nroromelo nokwakwanela.#3:10 nize nuoneni kove na kove akoka, niwande limbiha nroromelo nenyu, ira nikale nroromelo nokwakwanela: Mazwala ananiwandela ira Pawulo kaonne ira mazuve anokwakwana ira niwande alimbiha afwihu. Tapulela ira inafwanela atu omuroromela Yesu kakayena gumana eto kakayena pandana mmavande muwari molimbihana. Kahi so garati weka vande na Munemba Otchena na mazu a Mulugu.
11Baba wehu Mulugu vamohi na Nabwiya wehu Yesu kawande nivelela ira nifiye muli nyo wo. 12Nabwiya aukamihedeni ira zivelana wenyu udowegeve sogolro eto uulukulegeve na makalelo nnga hiyo nnauziveliwani hiyo nyo. Nabwiya eto aukamihedeni ira muwande aziveliwa atu atene, nari atu omuroromela Yesu nari ale kahali muwari mwa nyo. 13Mwaira eno, Nabwiya Yesu aza azaga na atwaye otchenihiwa, Mulugu Babihu unoza anifwanye mmirimani mwehu mwagali mwapama mwene eto mwagali motchena.
Currently Selected:
1 Tesalonika 3: iLolo
Highlight
Share
Copy
Want to have your highlights saved across all your devices? Sign up or sign in
© 2018 Visão Integral
1 Tesalonika 3
3
Timoteyo ohozana Muselu Wapama zela aTesalonika
1Nona muwari mousauwelani nyo, miyo Pawulo na Sila ambinlene nihirumela hala sidadi ya Atena okave, 2hiyo muruma Timoteyo wenno uli mbalihu olaba mabasa a Mulugu muwari molaleya Muselu Wapama wa Kiristu ira aze aupandeni eto aulimbiheni ira nroromelo nenyu nidowegeve sogolro, 3ira mwahakukumuwe muwari mwa makatamiho mwafwanyeyana nyo.
Zela makatamiho anafwanyeyana nyo, muhumala iziwa ira Mulugu guhenle zelru doira nikayena makatamiho. 4Jejo jinakala nnga mazu nawongetcha hiyo voroma vale nagali na nyo. Nohouwandelani ira mabasa anna hiyo, ba mabasa ovira muwari mwa makatamiho. Makatamiho anno kagaufwanyileni, nyo mwagaromile ona, muhuwanda iziwa ira makatamiho kawongile atwale banna anna hiyo ala.#3:4 Nohouwandelani ira mabasa anna hiyo, ba mabasa ovira muwari mwa makatamiho. Ku wonga tempu ili hiyo ila ihiyana na tempu ya aIzarayeli. Tchoira Mulugu oholumbela na aIzarayeli ira kanvwelela, jewa ja ilambo ya vati jinerege awendela pama. (Detoronomiyo 28:1-14) Mbwenye tempu ili hiyo ila Mulugu unaniwandela ira nanvwelela, nnerege kana makatamiho mwilamboni ya vati. (Joira ja Anamarumiwa 14:22; Filipo 1:29-30; 2 Timoteyo 3:12) Eto upama wehu nnoza nikayena sogolro Yesu azaga. (Matewuji 10:42; Roma 8:17-18)
5Miyo dagavwile zela makatamiho enyu, kadiwandile garati wene. Pa evo vamurumile hiyo nfwihu Timoteyo ira aze, aupandeni, aone akala mulive na nroromelo nenyu. Tchoira daova ira afwase afwihu vano kohomala nyengiwa na wenno unaanyengetcha atu. Miyo daumbuwela ira afwase mabasa nalabile hiyo Tesalonika, nalabele vasayi.
6Mbwenye Timoteyo agazile wewo, aufwannyeni mwagannave makalelo omuroromela Yesu, mwagalive atu ozivelana. Nfwihu Timoteyo agazile uno, owanda niwandela ira: <<Afwihu na vanove anouumbuwelani mwapama. Sawasawa nnga nyo munafuna nnga mwagadowile aona afwihu a Tesalonika, na aliwene anafuna nnga kagauonneni nyo.>>
7Hiyo abalihu, malambwala nnofwanyeyana makatamiho madjindji no segedeya. Mbwenye muwari mokana makatamiho, vere Timoteyo aza, aniwandela zela nroromelo nenyu, vire hiyo nivwa eno, nihiwanda didilihiwa murima. 8Malringana nivwe ira muli olimbene momuroromela Nabwiya, hiyo kaninna makani ali matene.
9Hiyo vano nagavwile zela makalelo apama anna nyo wewo, hiyo kaniiziwile makalelo anafuna hiyo mutamalela Mulugu mokwakwanela na mwasa wa nyo. Tchoira nihikana hagalala undimuwa vamentoni va Mulugu. 10So nnakaleletcha lobela ntana na mahiyu ira hiyo niwande fiya uli nyo wo, nize nuoneni kove na kove akoka, niwande limbiha nroromelo nenyu, ira nikale nroromelo nokwakwanela.#3:10 nize nuoneni kove na kove akoka, niwande limbiha nroromelo nenyu, ira nikale nroromelo nokwakwanela: Mazwala ananiwandela ira Pawulo kaonne ira mazuve anokwakwana ira niwande alimbiha afwihu. Tapulela ira inafwanela atu omuroromela Yesu kakayena gumana eto kakayena pandana mmavande muwari molimbihana. Kahi so garati weka vande na Munemba Otchena na mazu a Mulugu.
11Baba wehu Mulugu vamohi na Nabwiya wehu Yesu kawande nivelela ira nifiye muli nyo wo. 12Nabwiya aukamihedeni ira zivelana wenyu udowegeve sogolro eto uulukulegeve na makalelo nnga hiyo nnauziveliwani hiyo nyo. Nabwiya eto aukamihedeni ira muwande aziveliwa atu atene, nari atu omuroromela Yesu nari ale kahali muwari mwa nyo. 13Mwaira eno, Nabwiya Yesu aza azaga na atwaye otchenihiwa, Mulugu Babihu unoza anifwanye mmirimani mwehu mwagali mwapama mwene eto mwagali motchena.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018 Visão Integral