1 Korinto 8
8
Mazu otanda nkani wa jodja jokuteliwa vikwamutu josema
Ilambo ya Korinto atu a unde kohokana vikwamutu josema. Muwari motamalela vilombolombo janna atu jile, aliwa kokutela vinyama. Muwari mopa mule, kohokana makalelo ogawa nyamiwa nnga jinera aliba saya. Aliwa meyawo vang'ono, vaha ikwamutu yosema, meyawo vang'ono, nvaha namakuta. Nyama yohalawo maliba kuta gwadowana vande. Kadowa vande, kafuna, kodja nyama yatene. Kafuna, koguliha metadi, metadi aliwa dja. Masiki namakuta aweruwa, odowana nyamaye vande. Afuna, na liyene oguliha metadi, metadi liye dja.
Ku wonga ira mutu adowaga merkado waguliha atu nyama, ofwanyavo nyama pwi, imohiwa yokuteliwa ikwamutu yosema, imohiwa yohokuteliwa. Muwari mwa mwemule, mutu ahafuke, kaiziwa akala nyamiwa yali yokuteliwa ikwamutu yosema owu tchali yokuteliwa. Masiki mutu omuroromela Yesu aviraga mutatamoni, nfwaye ohombalra Mulugu aira: <<Almoso>>, aperuwa, avahiwa nyama ahafukile, kaiziwa akala nyamiwa yali yokuteliwa ikwamutu yosema owu hehi. Eto fwanyeya ira atu ohombalra Mulugu koalaleya atu omuroromela Yesu ira kadowe kadje serimoniya yafuna atu irana nyumba yotamalela ikwamutu yosema. Nona va Pawulo unawonga mazwala muwari moawelruza atu omuroromela Yesu zela ejo.
Nkani wa jodja jokuteliwa vikwamutu josema
1Zela yofuka yenyu zela nkani wa jodja jokuteliwa vikwamutu josema, nnafuna dirome wonga ira hiyo atene nihimala iziwa ira kada mutu ukana jengo jiiziwile liye. Iziwetchetcha unoziha vitukulela mbwenye kana zivela unoziha alimbiha afwawo. 2Akala ukalavo mutu mmohi unaona ira: <<Jatene jene dihimala iziwa>>, kanaiziwe ibaribari muupamani muwa. 3So mbwenye wenno unamuziveliwa Mulugu gwenno unaiziweya na Mulugu.
4Zela nkani odja jengo jokuteliwa ikwamutu yosema, hiyo nihimala iziwa ira ikwamutu yosema kahi yengo yokalawo, mbwenye uliwo gu Mulugu mmohi wa ibaribari bahi. 5Tchoira mwa ibaribari kohokalawo amilugu a ilambo ya zulu na amilugu a ilambo ya vati anaahara atu. Mbwenye masiki kakalewo amilugu oindjiva nari anabwiya oindjiva anaahara atu, 6zela hiyo mbwenye nihiiziwa ira ninna Mulugu mmohi bahi, Baba wenno upandutchile jatene jene. Nihiiziwa ira hiyo nikalelewo ira liye ateteliwe. Eto nihiiziwa ira hiyo ninna Mbwiye mmohive bahi, Yesu Kiristu. Jatene jipandutchiwe, jipandutchiwe muwari mwa liye eto nikanlewo muwari mwa liye.
7Fwanyeya ira kahi atene anakana onelramo wewo. Tchoira kohokalawo atu wanle kalemenle riheda ikwamutu yosema. Kawelela dja jadja atu jile, para aliwa inakala nnga kahanlena makalelo ewa a wanle otamalela ikwamutu yosema. Evale voira kinalimba, kadja, mmirimani mwiwa munotakalihiwa. 8Na ibaribari kahi udja unanikaliha pama vamentoni va Mulugu. Wahadje, kupuzeyile, eto wadja, kuganyalrile. 9So mbwenye akala weyo unowanda dja, polre polre tawiha ira muwari modja wawo unaze ungwagwadutche nfwawo oholimba murima zela ejo.
10Tchoira nfwawo unoufwanya we maliba iziwa yoira udjege jatene, udjaga munyumbani mwa ikwamutu yosema. Liye agauing'anne, muwari moholimba murima waye, unopela nrima jodja jikuteliwe vikwamutu josema jinadja we jile.#8:9-10 unaze ungwagwadutche nfwawo oholimba murima zela ejo: Ku wonga yononga ya aKorinto kahi ira kadja jengo johofwanela, nari. Yononga yewa yali ira muwari modja vamentoni va afwiwa kahadja, ohodjale kagahanle, kohalana duvida zela jadjile afwiwa. Inakala nnga aliba dja kareyile nigodo mundila mwa afwiwa ohodja mofuna ira kagwagwaduwena. Vamohiwa eto vinoza takaleliwana muwari mwa abali omuroromela Yesu. Vamohiwa mutu unopela nrima jodja jikuteliwe agali ibaribari inadjela atu liye kanakayena. Ku wonga aliba dja anaameza afwiwa ira katege. Nione Roma 14:1-4,14-23. 11Liye adja mowanganyeda, ku wonga weyo utukula ibaribari yanna we, weyo munongana mbalawo wenno Kiristu umukwenle liye. 12Tapulela eno umala mutegela mbalawo eto vamohive vevo umutegela Kiristu mwasiwa weyo unvaha yowanganyeda nfwawo mmirimani mwaye.
13Nona miyo daiziwa ira: <<Dadja ila, nnomugwagwadutcha mbalaga>>, miyo kadiza diwelela idja yenno tawiha ira nnaze dimugwagwadutche mbalagole.
Currently Selected:
1 Korinto 8: iLolo
Highlight
Share
Copy
Want to have your highlights saved across all your devices? Sign up or sign in
© 2018 Visão Integral
1 Korinto 8
8
Mazu otanda nkani wa jodja jokuteliwa vikwamutu josema
Ilambo ya Korinto atu a unde kohokana vikwamutu josema. Muwari motamalela vilombolombo janna atu jile, aliwa kokutela vinyama. Muwari mopa mule, kohokana makalelo ogawa nyamiwa nnga jinera aliba saya. Aliwa meyawo vang'ono, vaha ikwamutu yosema, meyawo vang'ono, nvaha namakuta. Nyama yohalawo maliba kuta gwadowana vande. Kadowa vande, kafuna, kodja nyama yatene. Kafuna, koguliha metadi, metadi aliwa dja. Masiki namakuta aweruwa, odowana nyamaye vande. Afuna, na liyene oguliha metadi, metadi liye dja.
Ku wonga ira mutu adowaga merkado waguliha atu nyama, ofwanyavo nyama pwi, imohiwa yokuteliwa ikwamutu yosema, imohiwa yohokuteliwa. Muwari mwa mwemule, mutu ahafuke, kaiziwa akala nyamiwa yali yokuteliwa ikwamutu yosema owu tchali yokuteliwa. Masiki mutu omuroromela Yesu aviraga mutatamoni, nfwaye ohombalra Mulugu aira: <<Almoso>>, aperuwa, avahiwa nyama ahafukile, kaiziwa akala nyamiwa yali yokuteliwa ikwamutu yosema owu hehi. Eto fwanyeya ira atu ohombalra Mulugu koalaleya atu omuroromela Yesu ira kadowe kadje serimoniya yafuna atu irana nyumba yotamalela ikwamutu yosema. Nona va Pawulo unawonga mazwala muwari moawelruza atu omuroromela Yesu zela ejo.
Nkani wa jodja jokuteliwa vikwamutu josema
1Zela yofuka yenyu zela nkani wa jodja jokuteliwa vikwamutu josema, nnafuna dirome wonga ira hiyo atene nihimala iziwa ira kada mutu ukana jengo jiiziwile liye. Iziwetchetcha unoziha vitukulela mbwenye kana zivela unoziha alimbiha afwawo. 2Akala ukalavo mutu mmohi unaona ira: <<Jatene jene dihimala iziwa>>, kanaiziwe ibaribari muupamani muwa. 3So mbwenye wenno unamuziveliwa Mulugu gwenno unaiziweya na Mulugu.
4Zela nkani odja jengo jokuteliwa ikwamutu yosema, hiyo nihimala iziwa ira ikwamutu yosema kahi yengo yokalawo, mbwenye uliwo gu Mulugu mmohi wa ibaribari bahi. 5Tchoira mwa ibaribari kohokalawo amilugu a ilambo ya zulu na amilugu a ilambo ya vati anaahara atu. Mbwenye masiki kakalewo amilugu oindjiva nari anabwiya oindjiva anaahara atu, 6zela hiyo mbwenye nihiiziwa ira ninna Mulugu mmohi bahi, Baba wenno upandutchile jatene jene. Nihiiziwa ira hiyo nikalelewo ira liye ateteliwe. Eto nihiiziwa ira hiyo ninna Mbwiye mmohive bahi, Yesu Kiristu. Jatene jipandutchiwe, jipandutchiwe muwari mwa liye eto nikanlewo muwari mwa liye.
7Fwanyeya ira kahi atene anakana onelramo wewo. Tchoira kohokalawo atu wanle kalemenle riheda ikwamutu yosema. Kawelela dja jadja atu jile, para aliwa inakala nnga kahanlena makalelo ewa a wanle otamalela ikwamutu yosema. Evale voira kinalimba, kadja, mmirimani mwiwa munotakalihiwa. 8Na ibaribari kahi udja unanikaliha pama vamentoni va Mulugu. Wahadje, kupuzeyile, eto wadja, kuganyalrile. 9So mbwenye akala weyo unowanda dja, polre polre tawiha ira muwari modja wawo unaze ungwagwadutche nfwawo oholimba murima zela ejo.
10Tchoira nfwawo unoufwanya we maliba iziwa yoira udjege jatene, udjaga munyumbani mwa ikwamutu yosema. Liye agauing'anne, muwari moholimba murima waye, unopela nrima jodja jikuteliwe vikwamutu josema jinadja we jile.#8:9-10 unaze ungwagwadutche nfwawo oholimba murima zela ejo: Ku wonga yononga ya aKorinto kahi ira kadja jengo johofwanela, nari. Yononga yewa yali ira muwari modja vamentoni va afwiwa kahadja, ohodjale kagahanle, kohalana duvida zela jadjile afwiwa. Inakala nnga aliba dja kareyile nigodo mundila mwa afwiwa ohodja mofuna ira kagwagwaduwena. Vamohiwa eto vinoza takaleliwana muwari mwa abali omuroromela Yesu. Vamohiwa mutu unopela nrima jodja jikuteliwe agali ibaribari inadjela atu liye kanakayena. Ku wonga aliba dja anaameza afwiwa ira katege. Nione Roma 14:1-4,14-23. 11Liye adja mowanganyeda, ku wonga weyo utukula ibaribari yanna we, weyo munongana mbalawo wenno Kiristu umukwenle liye. 12Tapulela eno umala mutegela mbalawo eto vamohive vevo umutegela Kiristu mwasiwa weyo unvaha yowanganyeda nfwawo mmirimani mwaye.
13Nona miyo daiziwa ira: <<Dadja ila, nnomugwagwadutcha mbalaga>>, miyo kadiza diwelela idja yenno tawiha ira nnaze dimugwagwadutche mbalagole.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018 Visão Integral