1 Korinto 9
9
Makalelo olramwiseya a Pawulo
Muwari mwa muselu wa kapitulu 8, Pawulo kwi: <<Miyo kannairana yengo yofuna ngwagwadutcha mbalaga.>> Zela jodja, Pawulo kwi: <<Miyo masiki diwandagave dja yengo yokuteliwa ikwamutu yosema, kannairana tawiha ira nnoza dimunonge mbalaga ahanawanda dja.>>
Zela kobiri, Pawulo kafunne nne vang'ono ira atu anne aalaleya liye kanvahe kobiri. Liye atawa ira: <<Atu anaze kawongege ira: <Moyola unahara kobiri bahi.> >> Liye alaba mabasa na mandaye ira akayena udja waye.
Pawulo eto kaanna muhiyanaye. Liye awendave eno. Muwari mokala mutu ovilela, kohokalawo atu kafwanyeya Korinto, kamuonaga Pawulo na makalelo anna liye, kafuna jomulramwisa, keraga: <<Uluwole yengo? Kanavahiwa kobiri, so unalaba na mandaye ira akayena udja. Muhiyana kanna, unawendave eno. Liye kanna makalelo ovioniha vili liye.>> Atwale roma mulramwisaga Pawulo mbalraga nnga kaali namarumiwa wa Yesu. Va Pawulo unafuna awakule nkani wenno ira aKorinto kaiziwe ira liye na ibaribari gu namarumiwa wa Yesu Kiristu.
Pawulo afuna joira jaye jatene jilabe ira atu kawande vwa Muselu Wapama
1Kodi nyo kamunawanda ona ira miyo kadili muzari wa mutu mmohiwa? Kodi nyo kamunawanda diona ira miyo dili namarumiwa, dili mutu umuonne Yesu Nabwiya wehu? Kodi nyo kamuli nnga yengo isakannye miyo muwari mwa kopolo da Nabwiya?#9:1 yengo isakannye miyo muwari mwa kopolo da Nabwiya: Pawulo aaonne aKorinto nnga yengo yasakannye liye mwasiwa ira aliwa kamuroromele Yesu, kamuroromenle muwari molaleya mwaye. Voira aliwa kohowanda rumela ira alaleya ali Pawulo, ali eto yofwanela kaiziwe ira Pawulo gu namarumiwa wa ibaribari. 2Akala atu amohi kinadiona nnga namarumiwa, zela nyo mbwenye na ibaribari dili namarumiwa wa Nabwiya. Tchoira nyo muli karimbu yorumelela zela unamarumiwa waga muwari mwa Nabwiya.#9:2 muli karimbu yorumelela zela unamarumiwa waga: Yengo yodindiwa na karimbu inaoniha ira tcha ibaribari. Voira aKorinto kamuroromenle Yesu muwari mwa Pawulo, aliwa kafwanyeya kagali yengo yotonyiheda ibaribari zela unamarumiwa waye.
3Zela ale anawanganyeda unamarumiwa waga, nnafuna daawakule atwale eni. 4Kodi miyo na Barnabe kaninna direitu yotambilra jodja na jong'wa zela mabasa analaba hiyo? 5Kodi miyo na Barnabe kaninna direitu yomutela muhiyana omuroromela Yesu amala nimuwendagana muwari mwa mabasihu nnga vere anamarumiwa afwihu, Nabwiya Yesu adibiliye no zaga mulombwana Peduru?#9:5 Peduru: Owu hehi Sefa. Tchoira Peduru ohokana nzina nimohi niwa na Sefa. Sawasawa 1 Korinto 15:5. Nione Juwawu 1:42. 6Kodi miyo na Barnabe bahi guvahiwe hinda mabasa a Mulugu mohokala motambilra ja ilambo ya vati, funeyaga ira hiyo bahi nilabege na mandihu? Nari.#9:4-6 Kodi miyo na Barnabe kaninna direitu…? Mazwala tapulela ira Pawulo awonga ira: <<Madireitu matene anno nihikana. Hiyo nahalabegena madireitu ehu kahi ira hiyo kanili anamarumiwa a Yesu.>> Zela mazu a Pawulo oira: direitu yomutela muhiyana omuroromela Yesu ku wonga Pawulo na Barnabe kahafune, kogoatela ahiyaniwa kagali omuroromela Yesu. Mbwenye aliwa tchanna direitu yomutela muhiyana wa unde owu olobela eto ahali omuroromela Yesu. Nione Detoronomiyo 7:3; 1 Korinto 7:39; 2 Korinto 6:14.
7Kodi munyakondo guvi unalaba ahatambilra yengo? Kodi bani unazala munda wa uva, amala uva uwa ahadjaga? Bani unakumbuza anavinyama liye ahang'waga mukaka wa anavinyamale? 8Miyo dawongaga eji, kannawonga muwari mwa zelru da atu bahi, nari. Tchoira malamulo anowonga imohive. 9Tchoira muwari mwa malamulo a Mozeji munofwanyeya mazu oira: <<Kakalevo unafuna imanga ng'ombe wanoni, amala adugudiha udja.>>#9:9 Kakalevo unafuna imanga ng'ombe wanoni, amala adugudiha udja. Malambo a mundulrimu atu kodowana ng'ombe vafuna atu bubuda jalo, aliwa roma wendihaga ng'ombe dile vazulu va jodja muwari momwalaniha jodja na makata. Fwanyeya ira malamulo anokondiha mangiha wanoni wa ng'ombe, amala we dugudihaga jodja. (Detoronomiyo 25:4) Ali ira ng'ombe ile irome takuna jodja ja vang'ono nnga yotambilra yaye zela mabasa alaba liye. Tapulela ira wenno unalaba mabasa a Mulugu ukana direitu yowatchela yengo zela mabasa analaba liye. Ira Mulugu awonge yofwalrafwaniha yenna kodi ilukuluwa Mulugu akukumuwela ng'ombe? Nari. 10Na ibaribari awonga zela hiyo atu. Awongela liye na hiyo atu tchi ila. Inafwanela maliba tipulra atipulrege eto maliba handa ahandege muwari modediha gaweliwa jalo jinafuna kumavo. 11Akala hiyo nihizala ja Mulugu muwari mwa nyo, kodi kifwanenle nihande ja ilambo ya vati muwari mwa nyo? 12Akala mwa nyo kohokalawo atu okana direitu yovahiwa jengo, kodi hiyo kaninna direitu yoakwaranya atu anne? Masiki eno, kuma varomile hiyo laba na vanove kannakose direitu dihu. Mwasiwa nnatawa ira nakosa direitu dihu, atu anoza kakayena wanganyeda zela hiyo. Nona hiyo nnorumela zuzumela yengo ili yatene ira atu kavwe Muselu Wapama wa Kiristu.
13Kodi nyo kamunaonelramo ira mutu wenno unalaba mabasa a Nyumba ya Yehova, unopata udja waye Nyumba ya Yehova emule? Eto anamakuta anakuta mikuto vaibuwani anogaweliwa muwari mwa mikuto emule ira na aliwene kadjege emule. 14Sawasawa eto zela anamalaleya. Na aliwene Nabwiya utonga ira ule unalaleya Muselu Wapama, udja waye ukumege muwari molaleya mwemo.#Lukaji 10:7
15Mbwenye miyo kannarome kosa direitu daga nne imohi. Eto dalrembaga karta ni, kannalrembela ira mudivahe yengo. Tchoira yali yapama dikwe hiyaniha no nvaha mutu tempu yodiwaka inavitukulelana miyo.#9:15 yapama dikwe hiyaniha no nvaha mutu tempu yodiwaka inavitukulelana miyo: Nafiya vs 18, nnovwa ira Pawulo yavitukulelana liye ali alaleya atu vasayi ahaapagalriha aliba laleyiwa. Pawulo eto kafunne irana yengo yonvaha mutu tempu yomunukeda ira liye alaleya ira apate sabawu. 16Tchoira laleyave Muselu Wapama kunadivaha mwasa ira divitukulele mwasiwa dire rumiwa. Eto udilu wa miyo dahalaleye. 17Akala miyo nnalaleya na mmirimani mwaga mwatene, nnokana yotambilra. Mbwenye masiki dahafunege, dilive mutu ovahediwa izo yolaleya. 18Miyo mbwenye nnafuna dikayena yotambilra nni? Yotambilra inna miyo, nnaziveliwa laleya mohodediheda tambilrihiwa na aliba laleyiwa ira dahadjege direitu daga zela laleya Muselu Wapama.
19Agali kadili muzari wa mutu mmohiwa unafwanyeya mwilamboni ya vati, miyo nnavikaliha muzari wa atu atene ira amohiwa oindjiva kamuroromele Yesu muwari mwa miyo. 20Ira daalaleye aJudewu, miyo dohovikaliha muJudewu ira aJudewu kawande rumela jalaleya miyo. Kadili mutu owenda na malamulo mbwenye ira daalaleye atu owenda na malamulo, miyo dohovikaliha mutu owenda na malamulo ira atu owenda na malamulo kawande rumela jalaleya miyo. 21Ira daalaleye atu kahanawenda na malamulo, miyo dohovikaliha mutu ohowenda na malamulo ira atu ohowenda na malamulo kawande rumela jalaleya miyo. Dawongaga ira davikaliha nnga mutu ohowenda na malamulo, kahi ira kannawenda na malamulo a Mulugu, tchoira miyo nnawendave na malamulo a Kiristu. 22Ira daalaleye atu ovuta, miyo dohovikaliha mutu ovuta ira atu ovuta kawande rumela jalaleya miyo. Miyo nnoirana jatene jene vamentoni va atu atene ira muwari mwa makalelo matene anera miyo, atu kawande vwa jolaleya jaga ira kavulusiwe. 23Jatene ejo jinera miyo, ilukuluwa so nnafuna atu kawande vwa Muselu Wapama ira kagavwile, kawatchele upama uwatchenle miyo.
24Nyo muhumala iziwa ira ilambo yakana korida, atu atene anne anotamanga. Masiki atene katamangege, unafuna ganyalri gu mutu mmohi bahi. Nona inafwanela mutamangege na makalelo oira muganyalri yotambilriwa. 25Kada mutu ahanatamange, unokana tundela maningo aye na makalelo madjindji, mwasiwa liye unafuna atamange mwapama. Mbwenye jatene jeji anerela mwasiwa anafuna katambilre tchapowa ohorutcha vunda.#9:25 tchapowa ohorutcha vunda: Malambo a mundulrimu wenno aganyalri korida ovahiwa tchapowa agali kara yaluwa atu na matakuru. Kara ile kahi ira yalaba ira mutu apwatelegena jengo, nari. Mbwenye yatapulela ira: <<Mutula guganyalrile.>> Hiyo mbwenye mabasa ehu analaba hiyo, nnafuna nitambilre yengo yohokana goma uwa.
26Muwari mofuna tambilra yengo yohomala, miyo kannatamanga na makalelo a burebure eto kannalaba nnga mutu unabubuda yengo yohooneya, bubudaga nipevo. 27Mbwenye nnokana tundela maningwaga ira diiregena japama tawiha ira dagamanle alaleya atu, miyo damwinnya nnaze dikumihiwemo mukoridani.
Currently Selected:
1 Korinto 9: iLolo
Highlight
Share
Copy
Want to have your highlights saved across all your devices? Sign up or sign in
© 2018 Visão Integral
1 Korinto 9
9
Makalelo olramwiseya a Pawulo
Muwari mwa muselu wa kapitulu 8, Pawulo kwi: <<Miyo kannairana yengo yofuna ngwagwadutcha mbalaga.>> Zela jodja, Pawulo kwi: <<Miyo masiki diwandagave dja yengo yokuteliwa ikwamutu yosema, kannairana tawiha ira nnoza dimunonge mbalaga ahanawanda dja.>>
Zela kobiri, Pawulo kafunne nne vang'ono ira atu anne aalaleya liye kanvahe kobiri. Liye atawa ira: <<Atu anaze kawongege ira: <Moyola unahara kobiri bahi.> >> Liye alaba mabasa na mandaye ira akayena udja waye.
Pawulo eto kaanna muhiyanaye. Liye awendave eno. Muwari mokala mutu ovilela, kohokalawo atu kafwanyeya Korinto, kamuonaga Pawulo na makalelo anna liye, kafuna jomulramwisa, keraga: <<Uluwole yengo? Kanavahiwa kobiri, so unalaba na mandaye ira akayena udja. Muhiyana kanna, unawendave eno. Liye kanna makalelo ovioniha vili liye.>> Atwale roma mulramwisaga Pawulo mbalraga nnga kaali namarumiwa wa Yesu. Va Pawulo unafuna awakule nkani wenno ira aKorinto kaiziwe ira liye na ibaribari gu namarumiwa wa Yesu Kiristu.
Pawulo afuna joira jaye jatene jilabe ira atu kawande vwa Muselu Wapama
1Kodi nyo kamunawanda ona ira miyo kadili muzari wa mutu mmohiwa? Kodi nyo kamunawanda diona ira miyo dili namarumiwa, dili mutu umuonne Yesu Nabwiya wehu? Kodi nyo kamuli nnga yengo isakannye miyo muwari mwa kopolo da Nabwiya?#9:1 yengo isakannye miyo muwari mwa kopolo da Nabwiya: Pawulo aaonne aKorinto nnga yengo yasakannye liye mwasiwa ira aliwa kamuroromele Yesu, kamuroromenle muwari molaleya mwaye. Voira aliwa kohowanda rumela ira alaleya ali Pawulo, ali eto yofwanela kaiziwe ira Pawulo gu namarumiwa wa ibaribari. 2Akala atu amohi kinadiona nnga namarumiwa, zela nyo mbwenye na ibaribari dili namarumiwa wa Nabwiya. Tchoira nyo muli karimbu yorumelela zela unamarumiwa waga muwari mwa Nabwiya.#9:2 muli karimbu yorumelela zela unamarumiwa waga: Yengo yodindiwa na karimbu inaoniha ira tcha ibaribari. Voira aKorinto kamuroromenle Yesu muwari mwa Pawulo, aliwa kafwanyeya kagali yengo yotonyiheda ibaribari zela unamarumiwa waye.
3Zela ale anawanganyeda unamarumiwa waga, nnafuna daawakule atwale eni. 4Kodi miyo na Barnabe kaninna direitu yotambilra jodja na jong'wa zela mabasa analaba hiyo? 5Kodi miyo na Barnabe kaninna direitu yomutela muhiyana omuroromela Yesu amala nimuwendagana muwari mwa mabasihu nnga vere anamarumiwa afwihu, Nabwiya Yesu adibiliye no zaga mulombwana Peduru?#9:5 Peduru: Owu hehi Sefa. Tchoira Peduru ohokana nzina nimohi niwa na Sefa. Sawasawa 1 Korinto 15:5. Nione Juwawu 1:42. 6Kodi miyo na Barnabe bahi guvahiwe hinda mabasa a Mulugu mohokala motambilra ja ilambo ya vati, funeyaga ira hiyo bahi nilabege na mandihu? Nari.#9:4-6 Kodi miyo na Barnabe kaninna direitu…? Mazwala tapulela ira Pawulo awonga ira: <<Madireitu matene anno nihikana. Hiyo nahalabegena madireitu ehu kahi ira hiyo kanili anamarumiwa a Yesu.>> Zela mazu a Pawulo oira: direitu yomutela muhiyana omuroromela Yesu ku wonga Pawulo na Barnabe kahafune, kogoatela ahiyaniwa kagali omuroromela Yesu. Mbwenye aliwa tchanna direitu yomutela muhiyana wa unde owu olobela eto ahali omuroromela Yesu. Nione Detoronomiyo 7:3; 1 Korinto 7:39; 2 Korinto 6:14.
7Kodi munyakondo guvi unalaba ahatambilra yengo? Kodi bani unazala munda wa uva, amala uva uwa ahadjaga? Bani unakumbuza anavinyama liye ahang'waga mukaka wa anavinyamale? 8Miyo dawongaga eji, kannawonga muwari mwa zelru da atu bahi, nari. Tchoira malamulo anowonga imohive. 9Tchoira muwari mwa malamulo a Mozeji munofwanyeya mazu oira: <<Kakalevo unafuna imanga ng'ombe wanoni, amala adugudiha udja.>>#9:9 Kakalevo unafuna imanga ng'ombe wanoni, amala adugudiha udja. Malambo a mundulrimu atu kodowana ng'ombe vafuna atu bubuda jalo, aliwa roma wendihaga ng'ombe dile vazulu va jodja muwari momwalaniha jodja na makata. Fwanyeya ira malamulo anokondiha mangiha wanoni wa ng'ombe, amala we dugudihaga jodja. (Detoronomiyo 25:4) Ali ira ng'ombe ile irome takuna jodja ja vang'ono nnga yotambilra yaye zela mabasa alaba liye. Tapulela ira wenno unalaba mabasa a Mulugu ukana direitu yowatchela yengo zela mabasa analaba liye. Ira Mulugu awonge yofwalrafwaniha yenna kodi ilukuluwa Mulugu akukumuwela ng'ombe? Nari. 10Na ibaribari awonga zela hiyo atu. Awongela liye na hiyo atu tchi ila. Inafwanela maliba tipulra atipulrege eto maliba handa ahandege muwari modediha gaweliwa jalo jinafuna kumavo. 11Akala hiyo nihizala ja Mulugu muwari mwa nyo, kodi kifwanenle nihande ja ilambo ya vati muwari mwa nyo? 12Akala mwa nyo kohokalawo atu okana direitu yovahiwa jengo, kodi hiyo kaninna direitu yoakwaranya atu anne? Masiki eno, kuma varomile hiyo laba na vanove kannakose direitu dihu. Mwasiwa nnatawa ira nakosa direitu dihu, atu anoza kakayena wanganyeda zela hiyo. Nona hiyo nnorumela zuzumela yengo ili yatene ira atu kavwe Muselu Wapama wa Kiristu.
13Kodi nyo kamunaonelramo ira mutu wenno unalaba mabasa a Nyumba ya Yehova, unopata udja waye Nyumba ya Yehova emule? Eto anamakuta anakuta mikuto vaibuwani anogaweliwa muwari mwa mikuto emule ira na aliwene kadjege emule. 14Sawasawa eto zela anamalaleya. Na aliwene Nabwiya utonga ira ule unalaleya Muselu Wapama, udja waye ukumege muwari molaleya mwemo.#Lukaji 10:7
15Mbwenye miyo kannarome kosa direitu daga nne imohi. Eto dalrembaga karta ni, kannalrembela ira mudivahe yengo. Tchoira yali yapama dikwe hiyaniha no nvaha mutu tempu yodiwaka inavitukulelana miyo.#9:15 yapama dikwe hiyaniha no nvaha mutu tempu yodiwaka inavitukulelana miyo: Nafiya vs 18, nnovwa ira Pawulo yavitukulelana liye ali alaleya atu vasayi ahaapagalriha aliba laleyiwa. Pawulo eto kafunne irana yengo yonvaha mutu tempu yomunukeda ira liye alaleya ira apate sabawu. 16Tchoira laleyave Muselu Wapama kunadivaha mwasa ira divitukulele mwasiwa dire rumiwa. Eto udilu wa miyo dahalaleye. 17Akala miyo nnalaleya na mmirimani mwaga mwatene, nnokana yotambilra. Mbwenye masiki dahafunege, dilive mutu ovahediwa izo yolaleya. 18Miyo mbwenye nnafuna dikayena yotambilra nni? Yotambilra inna miyo, nnaziveliwa laleya mohodediheda tambilrihiwa na aliba laleyiwa ira dahadjege direitu daga zela laleya Muselu Wapama.
19Agali kadili muzari wa mutu mmohiwa unafwanyeya mwilamboni ya vati, miyo nnavikaliha muzari wa atu atene ira amohiwa oindjiva kamuroromele Yesu muwari mwa miyo. 20Ira daalaleye aJudewu, miyo dohovikaliha muJudewu ira aJudewu kawande rumela jalaleya miyo. Kadili mutu owenda na malamulo mbwenye ira daalaleye atu owenda na malamulo, miyo dohovikaliha mutu owenda na malamulo ira atu owenda na malamulo kawande rumela jalaleya miyo. 21Ira daalaleye atu kahanawenda na malamulo, miyo dohovikaliha mutu ohowenda na malamulo ira atu ohowenda na malamulo kawande rumela jalaleya miyo. Dawongaga ira davikaliha nnga mutu ohowenda na malamulo, kahi ira kannawenda na malamulo a Mulugu, tchoira miyo nnawendave na malamulo a Kiristu. 22Ira daalaleye atu ovuta, miyo dohovikaliha mutu ovuta ira atu ovuta kawande rumela jalaleya miyo. Miyo nnoirana jatene jene vamentoni va atu atene ira muwari mwa makalelo matene anera miyo, atu kawande vwa jolaleya jaga ira kavulusiwe. 23Jatene ejo jinera miyo, ilukuluwa so nnafuna atu kawande vwa Muselu Wapama ira kagavwile, kawatchele upama uwatchenle miyo.
24Nyo muhumala iziwa ira ilambo yakana korida, atu atene anne anotamanga. Masiki atene katamangege, unafuna ganyalri gu mutu mmohi bahi. Nona inafwanela mutamangege na makalelo oira muganyalri yotambilriwa. 25Kada mutu ahanatamange, unokana tundela maningo aye na makalelo madjindji, mwasiwa liye unafuna atamange mwapama. Mbwenye jatene jeji anerela mwasiwa anafuna katambilre tchapowa ohorutcha vunda.#9:25 tchapowa ohorutcha vunda: Malambo a mundulrimu wenno aganyalri korida ovahiwa tchapowa agali kara yaluwa atu na matakuru. Kara ile kahi ira yalaba ira mutu apwatelegena jengo, nari. Mbwenye yatapulela ira: <<Mutula guganyalrile.>> Hiyo mbwenye mabasa ehu analaba hiyo, nnafuna nitambilre yengo yohokana goma uwa.
26Muwari mofuna tambilra yengo yohomala, miyo kannatamanga na makalelo a burebure eto kannalaba nnga mutu unabubuda yengo yohooneya, bubudaga nipevo. 27Mbwenye nnokana tundela maningwaga ira diiregena japama tawiha ira dagamanle alaleya atu, miyo damwinnya nnaze dikumihiwemo mukoridani.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018 Visão Integral