1 Korinto 12
12
Jolemelela Mulugu unaavaha liye atu omuroromela Yesu ira kawande limbihana
1Zela jolemelela jinavaha Mulugu, miyo kannafuna ira nyo abalaga muwende mohoiziwa yengo tchivi. 2Nyo mumala iziwa ira malambo a mundulrimu mwali nyo atu ohombalra Mulugu, moholowa, nyo haraga makalelo madjindjene vikwamutu josema johowanda wonga yengo. 3Nona nnafuna muiziwe ira mutu wenno unasogolrelriwa na Munemba wa Mulugu kanawanda wonga ira: <<Yesu atembelrelreye.>> Eto ahali mosogolrelriwa na Munemba Otchena, kalivo unawanda kana kopolo dowonga ira: <<Yesu gu Nabwiya.>>
4Jolemelela Mulugu jinivahile liye jihiindjiva mbwenye mutu unasogolrelra jolemelela jatene gu mmohive Munemba Otchena. 5Atu analaba mabasa ohiyana-hiyana kamulabaga Nabwiya mmohive. 6Masiki eto jengo jinalaba atu jiindjive, unaavaha atu atene kopolo ira kawande irana jatene gu Mulugu mmohive. 7Munemba Otchena unonvaha kada mutu yolemelela yaye#12:7 kada mutu yolemelela yaye: Ira nifundje zela jolemelela ji, nifwanye Roma 12:6-8; 1 Peduru 4:10-11. ira muwari mowenda na yolemelela ivahiwe liye, mutule awande alimbihana afwaye. 8Munemba Otchena unonvaha mutu mmohi ira awandege awelruza afwaye. Munemba Otchena mmohive wenno unanvaha mutu mmohiwa ira awandege wonga jengo joaiziwiha afwaye. 9Munemba Otchena mmohive unonvaha mutu mmohiwa ira akayena nroromelo nlukulu. Munemba Otchena mmohive unonvaha mutu mmohiwa ira aavulumutchege arenda. 10Mmohiwa unovahiwa ira airegena jengo jotikiniha. Mmohiwa unovahiwa ira awandege fiyiheda ja Mulugu. Mmohiwa unovahiwa ira awandege hiyanihavo ja Satana na ja Mulugu. Mmohiwa unovahiwa ira awandege wonga viwongelo dimohi diwa dahafundjile liye. Mmohiwa unovahiwa ira aatapulelege afwaye viwongelo dohofundjiwa nnawonga atu.#12:10 Mmohiwa unovahiwa ira awandege wonga viwongelo dimohi diwa dahafundjile liye. Ku wonga ule unawonga iwongelo imohiwa kanawanda iziwa yengo inawonga liye. Ira liye awande iziwa, nfwaye gunamutapulela. Ku wonga inokala nnga jaireyile siku nazilege Munemba Otchena. Atu omuroromela Yesu kagazeliwe Munemba Otchena, kohoroma wonga na viwongelo dahafundjile atu. (Joira ja Anamarumiwa 2:4-11) 11Mbwenye masiki mabasa analaba atu kaindjive, atu atene anowanda hinda mabasiwa muwari mwa kopolo da Munemba Otchena mmohive. Munemba Otchena mofuna mwaye gunanvaha kada mutu yolemelela yaye.
Atu omuroromela Yesu atene ti jano ja maningo mamohive
12Tchoira sawasawa nnga maningo mamohive anokana jano jidjindji jene eto masiki jano jiindjivileve, maninguwa ba mamohive. Sawasawa hiyo atu omuroromela Yesu nili maningo mamohive a Kiristu. 13Tchoira hiyo nibatiziwaga, batiziwa wehu watonyiheda ira Munemba Otchena unigumaniha hiyo atene ira nikale maningo mamohive. Masiki aJudewu nari aGerego, masiki azari nari ahali azari, atene nili maningo mamohive. Hiyo atene eto nivahiwa ira ning'we Munemba Otchena mmohive.
14Tchoira maningo kahi ira inakala yengo imohi, mbwenye tchi yengo inagumanihiwa jano jidjindji. 15Masiki nnyalo niwonge ira: <<Voira miyo kadili ndanda, kadinna pandi na maningo>>, liye uli mmaningoni emule, kakumilemo. 16Eto masiki nibaru niwonge ira: <<Voira miyo kadili niso, kadinna pandi na maningo>>, liye uli mmaningoni emule, kakumilemo. 17Maningo matene kahakale niso, atu kafuna kavwege avi? Maningo matene kahakale nibaru, puno yahakalawo, maningo kafuna kaonege avi jonuka nari jonukela pama? 18Mulugu mbwenye uwanda gumaniha jano jatene ja maningo, liye tandaga kada yano na makalelo asakunlre liye.
19Mulugu ahapandutche yano imohive, maningo tchakalawo. 20Mulugu mbwenye ohopandutcha jano jidjindji ira jigumanele mokala maningo mamohive. 21Ninto kannawanda wonga na ndanda ira: <<Moya we kunna mabasa para miyo.>> Eto nne muru kaza awonga na manyalo ira: <<Nyo kamunna mabasa para miyo.>>
22Mofutukula jano jejo jinaoneya nnga jovuta jihikana mabasa a ibaribari analaba atu. 23Jihikalawo eto jano jahanafuna oniwa na atu. Jano ejo nnoriheda pama muwari mokunela na jowara. 24Jano jimohi eto jinowanda oniwa na atu. Jano ejo hiyo kannakoya. Mbwenye Mulugu muwari mosakanya maningo, ohosakanya ira yano yenno yafuna lramwisiwa irihediwe 25ira kada yano yahawandege kana gaweya na yano nfwaye mbwenye kada yano iwandege ikukumuwela yano nfwaye. 26Yano imohi yasegedeya, jano jatene jinosegedeya vamohi. Yano imohi yateteliwa, jano jatene jinohagalala vamohi.
27Nyo munafwanyeya mwagali maningo a Kiristu. Kada mutu unafwanyeya agali yano muwari mwa maningo mamohive. 28Ha jano jiwa, Mulugu muwari mwa nikuru na atu omuroromela Yesu, voroma uharuma anamarumiwa. Vowelela uharuma anamafiyiheda. Vowelela uharuma anamafundjiha. Nomala eno, liye uharuma aliba irana jotikiniha, aliba avulumutcha arenda, aliba akamiheda afwiwa, aliba sogolrelra jengo, aliba wonga na viwongelo dohofundjiwa. 29Kodi hiyo atenene nili anamarumiwa? Kodi atenene nili anamafiyiheda? Kodi atenene nili anamafundjiha? Kodi atenene nili oirana jotikiniha? 30Kodi atenene nnowanda avulumutcha arenda? Kodi atenene nnowonga na viwongelo dohofundjiwa? Kodi atenene nnowanda atapulela aliba wonga na viwongelo dohofundjiwa nnawonga atu? 31Nyo mbwenye inafwanela mufunege jolemelela jilukulu.#12:31 Owu hehi Inafwanela munvepege Mulugu ira auvahegeni jolemelela jilukulu.
Zivelana unokwaranya jatene
Miyo eto nnafuna duwandeleni makalelo apama kwaranya.
Currently Selected:
1 Korinto 12: iLolo
Highlight
Share
Copy
Want to have your highlights saved across all your devices? Sign up or sign in
© 2018 Visão Integral
1 Korinto 12
12
Jolemelela Mulugu unaavaha liye atu omuroromela Yesu ira kawande limbihana
1Zela jolemelela jinavaha Mulugu, miyo kannafuna ira nyo abalaga muwende mohoiziwa yengo tchivi. 2Nyo mumala iziwa ira malambo a mundulrimu mwali nyo atu ohombalra Mulugu, moholowa, nyo haraga makalelo madjindjene vikwamutu josema johowanda wonga yengo. 3Nona nnafuna muiziwe ira mutu wenno unasogolrelriwa na Munemba wa Mulugu kanawanda wonga ira: <<Yesu atembelrelreye.>> Eto ahali mosogolrelriwa na Munemba Otchena, kalivo unawanda kana kopolo dowonga ira: <<Yesu gu Nabwiya.>>
4Jolemelela Mulugu jinivahile liye jihiindjiva mbwenye mutu unasogolrelra jolemelela jatene gu mmohive Munemba Otchena. 5Atu analaba mabasa ohiyana-hiyana kamulabaga Nabwiya mmohive. 6Masiki eto jengo jinalaba atu jiindjive, unaavaha atu atene kopolo ira kawande irana jatene gu Mulugu mmohive. 7Munemba Otchena unonvaha kada mutu yolemelela yaye#12:7 kada mutu yolemelela yaye: Ira nifundje zela jolemelela ji, nifwanye Roma 12:6-8; 1 Peduru 4:10-11. ira muwari mowenda na yolemelela ivahiwe liye, mutule awande alimbihana afwaye. 8Munemba Otchena unonvaha mutu mmohi ira awandege awelruza afwaye. Munemba Otchena mmohive wenno unanvaha mutu mmohiwa ira awandege wonga jengo joaiziwiha afwaye. 9Munemba Otchena mmohive unonvaha mutu mmohiwa ira akayena nroromelo nlukulu. Munemba Otchena mmohive unonvaha mutu mmohiwa ira aavulumutchege arenda. 10Mmohiwa unovahiwa ira airegena jengo jotikiniha. Mmohiwa unovahiwa ira awandege fiyiheda ja Mulugu. Mmohiwa unovahiwa ira awandege hiyanihavo ja Satana na ja Mulugu. Mmohiwa unovahiwa ira awandege wonga viwongelo dimohi diwa dahafundjile liye. Mmohiwa unovahiwa ira aatapulelege afwaye viwongelo dohofundjiwa nnawonga atu.#12:10 Mmohiwa unovahiwa ira awandege wonga viwongelo dimohi diwa dahafundjile liye. Ku wonga ule unawonga iwongelo imohiwa kanawanda iziwa yengo inawonga liye. Ira liye awande iziwa, nfwaye gunamutapulela. Ku wonga inokala nnga jaireyile siku nazilege Munemba Otchena. Atu omuroromela Yesu kagazeliwe Munemba Otchena, kohoroma wonga na viwongelo dahafundjile atu. (Joira ja Anamarumiwa 2:4-11) 11Mbwenye masiki mabasa analaba atu kaindjive, atu atene anowanda hinda mabasiwa muwari mwa kopolo da Munemba Otchena mmohive. Munemba Otchena mofuna mwaye gunanvaha kada mutu yolemelela yaye.
Atu omuroromela Yesu atene ti jano ja maningo mamohive
12Tchoira sawasawa nnga maningo mamohive anokana jano jidjindji jene eto masiki jano jiindjivileve, maninguwa ba mamohive. Sawasawa hiyo atu omuroromela Yesu nili maningo mamohive a Kiristu. 13Tchoira hiyo nibatiziwaga, batiziwa wehu watonyiheda ira Munemba Otchena unigumaniha hiyo atene ira nikale maningo mamohive. Masiki aJudewu nari aGerego, masiki azari nari ahali azari, atene nili maningo mamohive. Hiyo atene eto nivahiwa ira ning'we Munemba Otchena mmohive.
14Tchoira maningo kahi ira inakala yengo imohi, mbwenye tchi yengo inagumanihiwa jano jidjindji. 15Masiki nnyalo niwonge ira: <<Voira miyo kadili ndanda, kadinna pandi na maningo>>, liye uli mmaningoni emule, kakumilemo. 16Eto masiki nibaru niwonge ira: <<Voira miyo kadili niso, kadinna pandi na maningo>>, liye uli mmaningoni emule, kakumilemo. 17Maningo matene kahakale niso, atu kafuna kavwege avi? Maningo matene kahakale nibaru, puno yahakalawo, maningo kafuna kaonege avi jonuka nari jonukela pama? 18Mulugu mbwenye uwanda gumaniha jano jatene ja maningo, liye tandaga kada yano na makalelo asakunlre liye.
19Mulugu ahapandutche yano imohive, maningo tchakalawo. 20Mulugu mbwenye ohopandutcha jano jidjindji ira jigumanele mokala maningo mamohive. 21Ninto kannawanda wonga na ndanda ira: <<Moya we kunna mabasa para miyo.>> Eto nne muru kaza awonga na manyalo ira: <<Nyo kamunna mabasa para miyo.>>
22Mofutukula jano jejo jinaoneya nnga jovuta jihikana mabasa a ibaribari analaba atu. 23Jihikalawo eto jano jahanafuna oniwa na atu. Jano ejo nnoriheda pama muwari mokunela na jowara. 24Jano jimohi eto jinowanda oniwa na atu. Jano ejo hiyo kannakoya. Mbwenye Mulugu muwari mosakanya maningo, ohosakanya ira yano yenno yafuna lramwisiwa irihediwe 25ira kada yano yahawandege kana gaweya na yano nfwaye mbwenye kada yano iwandege ikukumuwela yano nfwaye. 26Yano imohi yasegedeya, jano jatene jinosegedeya vamohi. Yano imohi yateteliwa, jano jatene jinohagalala vamohi.
27Nyo munafwanyeya mwagali maningo a Kiristu. Kada mutu unafwanyeya agali yano muwari mwa maningo mamohive. 28Ha jano jiwa, Mulugu muwari mwa nikuru na atu omuroromela Yesu, voroma uharuma anamarumiwa. Vowelela uharuma anamafiyiheda. Vowelela uharuma anamafundjiha. Nomala eno, liye uharuma aliba irana jotikiniha, aliba avulumutcha arenda, aliba akamiheda afwiwa, aliba sogolrelra jengo, aliba wonga na viwongelo dohofundjiwa. 29Kodi hiyo atenene nili anamarumiwa? Kodi atenene nili anamafiyiheda? Kodi atenene nili anamafundjiha? Kodi atenene nili oirana jotikiniha? 30Kodi atenene nnowanda avulumutcha arenda? Kodi atenene nnowonga na viwongelo dohofundjiwa? Kodi atenene nnowanda atapulela aliba wonga na viwongelo dohofundjiwa nnawonga atu? 31Nyo mbwenye inafwanela mufunege jolemelela jilukulu.#12:31 Owu hehi Inafwanela munvepege Mulugu ira auvahegeni jolemelela jilukulu.
Zivelana unokwaranya jatene
Miyo eto nnafuna duwandeleni makalelo apama kwaranya.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018 Visão Integral