1 Koronika 7
7
Makolo kakumile mwa Isakari
1Isakari aabanle anapongwe ala: Tola, Puwa, Jazube na Simironi. Atene kali annayi. 2Tola aabanle anapongwe ala: Uzi, Refaya, Jeriyeli, Jamayi, Ibisawu na Samuweli. Aliwa kali asogolrelri a muibalini mwewa eto kali anyakondo ovweya. Tempu yatonga Davi, akuda Tola kagakontariwe alombwana a kopolo kohofiya 22.600. 3Mwana Uzi aitaniwa Izaraya. Izaraya aabanle anapongwe ala: Mikayeli, Obadiya, Joweli na Isiya. Atanu atene anne kali asogolrelri. 4Aliwa kohakana ahiyana na ahima oindjiva, mwa eno kagalrembile malista a muibalini mwewa muwari mwa makolo ewa kofwanyamo alombwana okwakwana 36.000 owanda wana kondo. 5Kagalrembile malista a abaliwa atene a nlogo na Isakari, alombwana a kopolo owanda wana kondo kohofiya 87.000.
Makolo kakumile mwa Benjami na Nafitali
6Benjami aabanle anapongwe araru ala: Bela, Bekeri na Jediyeli. 7Bela aabanle anapongwe atanu ala: Ejiboni, Uzi, Uziyeli, Jerimoti na Iri. Atene kali asogolrelri a muibalini mwewa. Kagalrembile malista a alombwana a kopolo, kafwanyeya 22.034 owanda wana kondo. 8Bekeri aabanle anapongwe ala: Zemira, Jowasi, Eliyezeri, Eliyowenayi, Omiri, Jeremoti, Abiya, Anatoti na Alemeti. Atene anna kali ahima a mulombwana Bekeri. 9Kagalrembile malista a makolo ewa, atu kakumile muibalini mwewa kofwanyeyamo alombwana a kopolo 20.200 owanda wana kondo. 10Jediyeli ambanle Bilani. Bilani aabanle anapongwe ala: Jeyusi, Benjami, Ewudi, Kenana, Zetani, Tarisi na Ayisari. 11Ahima a Jediyeli atene anna kali asogolrelri a muibalini mwewa, alombwana a kopolo kali 17.200 owanda wana kondo. 12Supimu na Hupimu kali ahima a Iri. Husimi ali mwana Ayeri. 13Nafitali aabanle anapongwe ala: Jaziyeli, Guni, Jezere na Salumu. Atu anne kakumile muibalini mwa Bila.#7:13 Bila ali mwadi Jako wenno ambanle Nafitali na Isakari. Nione Jenesesi 30:5-8.
Makolo amohiwa kakumile mwa Manasesi
14Manasesi anna anapongwe ambinli: Asiriyeli na Makiri anno aabanle liye na muhiyanaye wang'ono wa Siriya. Makiri eto ohombala Jileyadi. 15Makiri amutenle Maka wenno afwanyeya agali Hupimu na Supimu murongoliwa. Makiri mbalaye wenno aitaniwa Zelofeyadi aabanle ahiyana ve. 16Maka mwadi Makiri ohombala mwanapongwe, liye nvaha nzina na Pereji. Pereji mbalayiwa aitaniwa Seresi. Pereji aabanle anapongwe ala: Ulawu na Rekemu. 17Ulawu ambanle Bedani. Anna kali anapongwe a Jileyadi mwana Makiri, Makiri mwana Manasesi. 18Hamoleketi wenno ali Jileyadi murongoliye, aabanle anapongwe ala: Izode, Abiyezeri na Makala. 19Semida aabanle anapongwe ala: Ayiya, Sikemu, Liki na Aniyamu.
Makolo kakumile mwa Efarayimi
20Mwana Efarayimi aitaniwa Sutela, Sutela ohombala Beredi, Beredi ohombala Tati, Tati ohombala Eleyada, Eleyada ohombala Tati, 21Tati ohombala Zabade, Zabade ohombala Sutela.
Efarayimi ohabala eto alombwana amohiwa ambinli Ezeri na Eleyade. Aliwa kohopiwa na alombwana a sidadi ya Gate mwasiwa kavenda joabela akuda Gate jifuwo jiwa. 22Babiwa Efarayimi ohanlela ahimaye ale malambo madjindjene, evale abalaye kohozaga mudidiliha murima. 23Nomala enne, mulombwana Efarayimi ohogonaga na muhiyanaye akoka, muhiyanaye ule kana vambani, mbala mwana. Mwanole agabaliwe aliwa kohonvaha nzina na Beriya [ku wonga makatamiho]. Kanvahile nzina neno na mwasa wa makatamiho kaireyele vande viwa. 24Efarayimi ohomukana mwanaye wa muhiyana aitaniwa Sera, gu liyene amangile sidadi da Bete-Horoni wa Pedi na Bete-Horoni wa Nkumani vamohi na sidadi ya Uzeni-Sera.
25Mwana Beriya aitaniwa Refa, Refa ohombala Resefe, Resefe ohombala Tela, Tela ohombala Tani, 26Tani ohombala Ladani, Ladani ohombala Amiyude, Amiyude ohombala Elizama, 27Elizama ohombala Numi, Numi ohombala Jozuwe. 28Jilambo jewa mwakala atu na sidadi dakala atu ali sidadi ya Beteli na tatamo dewa, mavirelo wa nzuwa wa Nara, makumelo wa nzuwa wa sidadi ya Jezeri na tatamo da wewule, Sikemu na tatamo dewa, dowagave Ayiya na tatamo dewa. 29Nlogo na Manasesi kaing'anela sidadi ya Bete-Seya, Tanaki, Mejido, Dori na tatamo dowandamelana. Ahima a Joze mwana Izarayeli kakaletcha muwari mwa sidadi dedi.
Makolo kakumile mwa Azeri
30Azeri aabanle anapongwe ala: Imina, Isiva, Isivi, Beriya na mwana wa muhiyana aitaniwa Sera. 31Beriya aabanle anapongwe ala: Eberi na Malikiyeli. Malikiyeli gwenno akungile sidadi ya Birizavite. 32Eberi ohombala Jafeleti, Someri, Otamu na mwana wa muhiyana aitaniwa Suwa. 33Jafeleti aabanle anapongwe ala: Pasaki, Bimali na Asivati. Anna bali ahima a mulombwana Jafeleti. 34Semeri aabanle anapongwe ala: Ayi, Roga, Jeyuba na Arani. 35Elemu dibiliye Semeri aabanle anapongwe ala: Zofa, Imina, Selesi na Amali. 36Zofa aabanle anapongwe ala: Suwa, Hereneferi, Suwali, Beri, Imira, 37Bezeri, Ode, Sama, Silisa, Itarani na Behera. 38Jetere aabanle anapongwe ala: Jefoni, Pisipa na Ara. 39Mulombwana Ula aabanle anapongwe ala: Ara, Haniyeli na Riziya. 40Atene anna kali atu kakumile muibalini mwa mulombwana Azeri, aliwa kafwanyeya kagali asogolrelri a muibalini, anyakondo a kopolo eto asogolrelri a andimuwa. Fwanyeya kagalrembile malista a alombwana owanda wana kondo atene kali 26.000.
Currently Selected:
1 Koronika 7: iLolo
Highlight
Copy
Compare
Share
Want to have your highlights saved across all your devices? Sign up or sign in
© 2018 Visão Integral
