1 Koronika 2
2
Ahima a Izarayeli
1Ala ba anapongwe Izarayeli aabanle liye: Rubeni, Simeyawu, Levi, Juda, Isakari, Zebuloni, 2Dani, Joze, Benjami, Nafitali, Gadi na Azeri.
3Juda aabanle anapongwe ala: Eri, Onani na Sela. Ahima araru anna, aabanle na muhiyanaye Batisuwa nkuda Kana. Fwanyeya Juda mwanaye oroma wenno aitaniwa Eri, Yehova ohompa mwasiwa ali mutu osakanya jabure vamentoni va Yehova. 4Juda ohabala ahima amohiwa ambinli: Pereji na Zera. Ahima anna aabanle na nijaliye Tamari, ku wonga anapongwe atene a Juda kali atanu. 5Pereji aabanle anapongwe ala: Ezironi na Hamuli. 6Zera aabanle anapongwe ala: Zimiri, Etani, Emani, Kalikoli na Dara, gumaniha ahima atene kali atanu. 7Mwana Karimi aitaniwa Akari, liye ohatatamulela makatamiho aIzarayeli muwari mohalana jengo jaawakile atu amwidani, jejo jali jofwanela tolotchiwa. 8Mulombwana Etani ambanle mwanapongwe mmohi aitaniwa Azariya. 9Ezironi aabanle anapongwe ala: Jerameyele, Ramu na Kelubayi. 10Ramu ohombala Aminadabe, Aminadabe ohombala Nasoni wenno ali musogolrelri wa nlogo na Juda. 11Nasoni ohombala Salima, Salima ohombala Bowazi, 12Bowazi ohombala Obedi eto Obedi ohombala Jese. 13Mulombwana Jese aabanle anapongwe atanu na ambinli ala: Murandji baliwa aitaniwa Eliyabe, wanembinli aitaniwa Abinadabe, waneraru aitaniwa Simeya, 14wanennayi aitaniwa Natanayeli, wanetanu aitaniwa Radayi, 15wanetanu na mmohi aitaniwa Ozemu wanetanu na mbinli aitaniwa Davi. 16Jese eto ohabala ahima ambinli a anavihiyana kaitaniwa Zeruwiya na Abigayeli. Zeruwiya anna anapongwe araru ala: Abizayi, Jowabe na Azayeli. 17Abigayeli ateliwe na mulombwana mmohi eni nkuda Jomayili aitaniwa Jetere, liye mbala Amasa. 18Kalebi mwana Ezironi na muhiyanaye Azuba kohombala mwana wa muhiyana aitaniwa Jeriyote. Kohabala eto anapongwe kaitaniwa Jesere, Sobabe na Aridoni. 19Evale Azuba ohokwa, agakwile Kalebi ohomutela Efarata, liye mbalana mwana wenno aitaniwa Huri. 20Huri ohombala Wuri eto Wuri ohombala Bezaleli.
21Fwanyeya mulombwana Ezironi aganna yaka 60, ohomutela mwana Makiri wenno ali Jileyadi babaye, liye mbalana mwana aitaniwa Segube. 22Segube ohombala Jayire, Jayire ule ohokana sidadi 23 atonga liye muwari mwa ilambo ya Jileyadi. 23Maumwene a Jesuri na Arani kohogondjiha tatamo da Havote-Jayire na Kenati na tatamo dowandamelana, gumaniha tatamo datene dohofiya 60. Atene anne kali malogo a ahima a Makiri Jileyadi babaye. 24Ezironi agakwile ilambo ya Kalebe-Efarata, muhiyanaye Abiya ohombalela mwana aitaniwa Azuri. Azuri gwenno akungile sidadi ya Tekowa. 25Jerameyele murandji baliwa wa Ezironi aabanle anapongwe ala: Ramu wenno ali murandji baliwa, Buna, Oreni, Ozemu na Ayiya. 26Jerameyele ohomukana muhiyana mmohiwa eriwa Atara wenno ali mmaye Onani. 27Ramu mwana murandji wa Jerameyele aabanle anapongwe ala: Mazi, Jamini na Ekeri. 28Onani aabanle anapongwe ala: Samayi na Jada. Samayi aabanle anapongwe ala: Nadabe na Abizuri. 29Abizuri ohomutela muhiyana aitaniwa Abiyaili liye abala ahima ambinli: Abani na Molidi. 30Nadabe aabanle anapongwe ala: Seledi na Apayimu. Fwanyeya mulombwana Seledi akwile ahanna mwana. 31Apayimu ambanle mwanapongwe aitaniwa Isi. Isi ambanle mwanapongwe aitaniwa Sesani. Sesani ambanle mwanapongwe aitaniwa Alayi. 32Samayi mbalaye wenno aitaniwa Jada aabanle anapongwe ala: Jetere na Jonata. Mulombwana Jetere akwile ahanna mwana. 33Jonata aabanle anapongwe ala: Peleti na Zaza. Anna bali azulu a Jerameyele. 34Sesani kambanle mwanapongwe, so aabanle anavihiyanave bahi. Liye eto ohomukana mulombwana ali muzari waye, muIjipitu wenno aitaniwa Jara. 35Evale mulombwana Sesani ohomutukula mwanaye mmohi wa muhiyana, liye nvaha muzari waye Jara ule ira akale muhiyanaye, evale kohombala mwana aitaniwa Atayi. 36Atayi ohombala Nata, Nata ohombala Zabade. 37Zabade ohombala Efilala, Efilala ohombala Obedi, 38Obedi ohombala Jewu, Jewu ohombala Azariya. 39Azariya ohombala Helezi, Helezi ohombala Elaza. 40Elaza ohombala Sisimayi, Sisimayi ohombala Salumu, 41Salumu ohombala Jekamiya, Jekamiya ohombala Elizama.
Makolo kakumile mwa Kalebi
42Kalebi wenno ali Jerameyele mbalaye, mwanaye murandji aitaniwa Mesa. Mesa ombala Zife. Zife ohombala Maresa. Maresa ohombala Eboroni. 43Eboroni aabanle anapongwe ala: Kora, Tapuwa, Rekemu na Sema. 44Sema ohombala Rahamu, Jorikeyamu babaye. Eto Rekemu ohombala Samayi. 45Mwana Samayi aitaniwa Mayoni eto Mayoni ali Bete-Zuri babaye. 46Kalebi muhiyanaye wang'ono aitaniwa Efa anna ahima araru: Arani, Mosa na Gazezi. Arani ohombala Gazezi. 47Jadayi aabanle anapongwe ala: Rejemu, Jotawu, Gesani, Peleti, Efa na Safi. 48Kalebi muhiyanaye wang'ono aitaniwa Maka aabanle ahima ambinli ala: Seberi na Tirana. 49Maka ule eto ohombala Safi wenno akungile sidadi ya Madimana eto ohombala mwana mmohiwa aitaniwa Seva wenno akungile sidadi ya Makibena na Jibeya. Kalebi ohomukana mwana wa muhiyana aitaniwa Akisa. 50Ahima amohiwa kabaliwe muwari mwa Kalebi ali ala: Huri mwana murandji ambanle liye na muhiyanaye Efarata. Huri aabanle anapongwe ala: Sobali wenno akungile sidadi ya Kiriyati-Jeyarimi, 51Salima wenno akungile sidadi ya Beleme na Harefi wenno akungile Betegadere. 52Sobali wenno eto akungile Kiriyati-Jeyarimi aabanle anapongwe ala: Arowe na atu a vang'ono a Manahati. 53Maziza a akuda Kiriyati-Jeyarimi kali ala: aItira, aPuti, aSumati na aMisirayi. Anna bali makolo a aZorati na aEsitayoli. 54Salima wenno akungile Beleme, ali nikolo na aNetofa, aAtaroti-Beti-Jowabe, aManahati na aZori. 55Maziza a anamalremba kakala Jabezi ba ala: aTirati, aSimeyati na aSukati. Anna ba aKeni, ahima a Hamate nikolo na akuda Rekabe.
Currently Selected:
1 Koronika 2: iLolo
Highlight
Copy
Compare
Share
Want to have your highlights saved across all your devices? Sign up or sign in
© 2018 Visão Integral
