Jabuura 148
148
Jabuura 148
1 Haleluuya!
Manee Joomiraaɗo, gilla dow kammuuli!
Manee mo dow to ɓuri fuu toowude.
2Manee mo, onon maleyka'en makko!
Manee mo, onon konunkooɓe kammuuli!
3Manee mo, onon naange e lewru!
Manee mo, onon koode jaynooje!
4Manee mo, onon kammuuli ɓurɗi fuu toowde!
Manee mo, onon diyeele gonɗe tawaaɗe dow kammuuli!
5Ɗum fuu ɗum mana innde Joomiraaɗo,
sabo kanko haali de ɗum tagaa.
6O joƴƴini huunde fuu faa tabita faa abada.
O hokki jamirooje duumiiɗe.
7Manee Joomiraaɗo gilla e leydi ɗo,
onon diyeele lugguɗe e kulle mawɗe gonɗe ley majje,
8Manee mo, onon maƴƴe e malmalluuje e ulgu,
e keni mawɗi jottinooji konngol Joomiraaɗo.
9Manee mo, onon baamle e tile,
e onon leɗɗe dimooje e leɗɗe seddere,
10e onon kulle ladde e kulle wuro,
kulle daasotooɗe e leydi e pooli piirooji.
11Manee mo, onon kaanankooɓe adunaaru e siyiiji lenyi fuu,
onon mawɓe laamu e ardiiɓe wonɓe e adunaaru fuu,
12onon jokolɓe e surbaaɓe,
onon nayeeɓe e sukaaɓe!
13Ɗuum fuu ɗum mana innde Joomiraaɗo,
sabo innde makko tan jeyi manngu,
darja makko na ɓuri kammu e leydi fuu.
14O hokkii yimɓe makko jaalorgal.
O teddinii yimɓe makko hooliiɓe mo,
lenyol Israa'iila, ɓattiingol mo ngool.
Haleluuya!
Currently Selected:
Jabuura 148: FBF
Highlight
Copy
Compare
Share
Want to have your highlights saved across all your devices? Sign up or sign in
© SIM International 2012, 2022
