Jabuura 135
135
Jabuura 135
1 Haleluuya!
Manee innde Joomiraaɗo!
Manee mo, onon gollanooɓe mo,
2onon gollooɓe ley suudu Joomiraaɗo,
wonɓe ley galle suudu Laamɗo meeɗen.
3Manee Joomiraaɗo sabo wo moƴƴuɗo.
Njimanee innde makko sabo o korsuɗo.
4Joomiraaɗo suɓanake hoore muuɗum Yaakuuba.
O waɗii Israa'iila laatoo jeyal makko korsungal.
5Goonga, miɗo anndi ko Joomiraaɗo wo mawɗo.
Joomii en na ɓuri allaaji fuu.
6Ko Joomiraaɗo muuyi fuu, waɗii ɗum
dow kammu e dow leydi,
ley maayooji e to ɓuri luggude fuu.
7Imo ɓanta duule gilla keerol leydi,
imo nelda maƴƴe faa ƴoonde toɓa.
Imo wurtina henndu to o resunoo ndu toon.
8Wo kanko fiyi ko laatii awru leydi Misira fuu,
gilla e ɓiɓɓe Aadama faa hewti kulle.
9O waɗii maandeeji kaayniiɗi ley leydi maaɗa, aan Misira
faa o haɓda e Fira'awna e gollooɓe muuɗum fuu.
10Wo kanko tappi lenyi ɗuuɗɗi
de wari kaanankooɓe semmbiɗinɓe.
11Ɓeen ngoni: Sihon, kaananke Amorinkooɓe,
Og, kaananke Basan,
e laamiiɓe Kanaana fuu.
12Ndeen o hokki leyɗe muɓɓen Israa'iila,
ɗe laatii ndonngu lenyol makko ngool.
13Yaa Joomiraaɗo, innde maaɗa inndete faa abada.
Haala maaɗa du haalete ley jamaanuuji fuu.
14Sabo Joomiraaɗo hiitanto lenyol muuɗum,
o yurmoto gollanooɓe mo.
15Tooruuji maɓɓe wo kaŋŋe e cardi ngaɗiraa,
kujje ɗe ɓiɓɓe Aadama tafiri e juuɗe muɓɓen.
16Iɗi ngoodi kunnduɗe, ammaa ɗi mbaawaa haalude.
Iɗi ngoodi gite, ammaa ɗi mbaawaa yi'ude.
17Iɗi ngoodi noppi, ammaa ɗi mbaawaa nanude.
Fay soonaango waawaa naneede e kunnduɗe majji.
18Laamɗo waɗa waɗooɓe ɗi ɓeen nannda e majji.
Hooliiɓe ɗi ɓeen laatoo hono majji.
19Onon lenyol Israa'iila, njettee Joomiraaɗo.
Onon suudu Haaruuna, njettee Joomiraaɗo.
20Onon lenyol Lewi, njettee Joomiraaɗo.
Onon hulooɓe Joomiraaɗo, njettee Joomiraaɗo.
21Joomiraaɗo yettee gilla Siyona,
kanko jooɗiiɗo ley Urusaliima!
Haleluuya!
Currently Selected:
Jabuura 135: FBF
Highlight
Copy
Compare
Share
Want to have your highlights saved across all your devices? Sign up or sign in
© SIM International 2012, 2022
