Jabuura 132
132
Jabuura 132
1Jimol hijjooɓe dow waamnde Urusaliima.
Yaa Joomiraaɗo, miccita Daawda,
e torraaji muuɗum fuu.
2Kam hunanii Joomiraaɗo,
waɗi hunayeere yeeso Jom Baawɗe mo Yaakuuba wi'i:
3Mi naatataa ley suudu am,
mi fukkataako dow leeso am,
4mi ommbataa gite am faa mi fowta,
mi accataa ɗoyngol teeta gite am,
5si wanaa nde keɓammi Joomiraaɗo,
Jom Baawɗe mo Yaakuuba oon joonde.
6E ley Efrata, en nanii haala keesuwal Amaana,
ngal tawaama ley ngesa Yaar.
7Mbiiɗen: En njaha nokkuure makko seniinde ndeen,
kofoɗen yeeso njaaɓirɗe koyɗe makko.
8Joomiraaɗo umma, ngaraa nokkuure maaɗa fowtinorde,
aan e keesuwal Amaana kolloowal baawɗe maaɗa ngaal.
9Almaami'en ɓornoo fonnditaare.
Hooliiɓe ma ɓeen du ilinoroo seyo.
10Saabe Daawda maccuɗo maaɗa,
taa tottita kaananke mo cuɓiɗaa oon.
11Joomiraaɗo hunanake Daawda,
hunayeere hoolniinde nde bonataa.
O wi'i: «Wo gooto e ƴuuruɓe e maaɗa ndoninammi jooɗorgal laamu maaɗa.
12Si ɓiɓɓe maaɗa keddodake e amaana am,
na njokkii jamirooje ɗe njanngimmi ɗum'en ɗeen fu,
ɓiɓɓe muɓɓen du ndonan laamu maa faa abada.»
13Goonga, Joomiraaɗo suɓake Siyona,
sabo jooɗaade toon na weli mo.
14O wi'ii: Ɗoo woni nokkuure ɗo powtintoomi faa abada.
Ɗoo njooɗotoomi, sabo weli kam.
15Mi barkiniran huɓeere Siyona e nyaamdu ɗuundu,
mi nyaamnan talkaaɓe mum faa kaara.
16Mi ɓoornan almaami'en makko kisindam,
Hooliiɓe mo ɓeen ilinoroo seyo.
17Mi wilitinan jom semmbe ƴuuruɗo e Daawda,
mi accataa jayngol kaananke mo cuɓiimi oon nyifa.
18Mi ɓoornan wayɓe mo semteende.
Ammaa kanko kaa, pilkol laamu makko jalbiran darja.
Currently Selected:
Jabuura 132: FBF
Highlight
Copy
Compare
Share
Want to have your highlights saved across all your devices? Sign up or sign in
© SIM International 2012, 2022
