Banndi Ko taweten ley mayre
Ko taweten ley mayre
Dewtere Banndi wo ndesaari haalaaji hakkillo feere feere. Suleymaana kaananke Israa'iila kam moƴƴini keewal banndi ɗiin. Laamɗo hokki mo hakkillo e caral manngal faa winndi ko ɓuri haalaaji hakkilanteeji ujunaaje tati e ko ɓuri jimi ujunere (Ndaar 1 Kaanankooɓe 5:10-14). O winndii ɗi hono duuɓi 970 fadde Almasiihu e warude. Goɗɗi majji wo haalaaji Aguur, goɗɗi katin wo tindinooje kaananke bi'eteeɗo Lemuwiila ɗe inna muuɗum janngini ɗum. Goɗɗi du wo konngi jom'en hakkillo woɓɓe. Hesekiya kaananke leydi Yahuuda yamiri banndi Suleymaana goɗɗi kawrinee ngaɗee dewtere wootere.
Suleymaana na maandinira hakkillo hono wo debbo noddoowo yimɓe ɓe ƴoƴaa faa ngara nyaama nyaamdu muuɗum. Puuyndam du na noddira yimɓe noon faa nyaamowa ɗo muuɗum kam du (Suura 8 e 9). Noon janngoowo hollirtee sanaa suɓoo hakkunde laabi ɗiɗi: hakkunde ko sakitortoo barke goongalaajo e ko sakitortoo halkere.
Nde dewtere ndee haali haala «puuyɗo» fu, wanaa mo walaa anndal naa kaaŋaaɗo nde sappata. Mo ɗum haalata haala mum dey, wo caliiɗo ko Laamɗo wi'i. Inde holla en hulude Joomiraaɗo woni fuɗɗoode anndal, sabo wo hulooɓe Joomiraaɗo, kam'en njogii hakkillo goongalaawo, kam'en ndewata laawol barke Laamɗo. Dewtere ndee na janngina en no laawol hakkillo e laawol puuyndam ceediri, inde holla en no timmoode jokkuɗo laawol fonnditaare e timmoode jokkuɗo oonyaare ceediri.
Dewtere Banndi wo tindinooje lobbe, ammaa nde laataaki haala amaana, nde laataaki du haala annabaaku. Suura 13:22 wi'ii «Gaɗoowo ko wooɗi accanan taaniraaɓe mum ndonngu» - ammaa ɗum laataaki hono aadi, ɗum hollaay neɗɗo lobbo hewtataako baasi du.
Ko'e haalaaji mawɗe
Suura 1 faa 22:16: Banndi Suleymaana.
Suura 22:17 faa 24: Desaaji konngi hakkillo ɗiɗi.
Suura 25: Hawrondirgal banndi Suleymaana gonngal ngal yimɓe Esekiya, kaananke Yahuudiya cottini.
Suura 30: Tindinooje Aguur.
Suura 31:1-9: Haalaaji kaananke Lemuwiila.
Suura 31:10-31: Sifa jikku debbo lobbo.
Currently Selected:
Banndi Ko taweten ley mayre: FBF
Highlight
Copy
Compare
Share
Want to have your highlights saved across all your devices? Sign up or sign in
© SIM International 2012, 2022