Banndi 31
31
Tindinooje Lemuwiila
1Inan haalaaji Lemuwiila kaananke,
ɗi inna muuɗum janngini ɗum.
2Inniiko wi'i mo: Aan ɓiyam,
ɗume mbi'anmaami, aan ɓiyam reedu?
Ɗume mbi'anmaami, aan ɓii du'aare am?
3Taa hokku rewɓe semmbe maa,
laawi maa du, taa hokku ɗi halkooɓe laamiiɓe.
4Lemuwiila am, laamiiɓe kaanaa yarude bagi.
Goonga, noon ardiiɓe ngoni kaandiraa yarude,
ardiiɓe ngaɗanaaka njaram.
5Sabo si ɓe njarii, ɓe njeggitan jamirooje,
ɓe miilataako ɓillaaɓe.
6Gonɗo daande maayde, kam haandi e bagi,
gooduɗo mettorgal ɓernde, kam jeyi yarude.
7Ɓe njara, ɓe njeggita talkaaku maɓɓe,
heɓa taa ɓe miccitoo torraaji maɓɓe.
8Omtu hunnduko maa,
haalu jaɓanaa ɓe mbaawaa haalande ko'e muɓɓen,
haalu jaɓanaa ɓe ngalaa faa'e.
9Toownu daande maa,
kiitoroɗaa goonga,
keedanaa talkaajo e kaajaaɗo walleede.
Manoore debbo jom teddeengal
10Debbo mo jikku lobbo, moy heɓata ɗum?
Imo ɓuri jawe kaŋŋe dimo.
11Ɓernde goriiko na hoolii mo,
o waasataa moƴƴere fey.
12Ko weli goriiko tan o waɗata,
haddu balɗe makko fuu.
13O mottan haabu, kam e leeɓi baali,
o waɗiran ɗum ɓernde wootere.
14Imo itta nyaamdu makko to woɗɗi,
hono no laanaaji ndiyam luumoytooɗi ngaɗirta noon.
15Illa weetaay o finata,
o hokka ɓaade makko neema,
ndeen o hokka horɓe makko mono fuu gollal muuɗum.
16O miiloto coggu ngesa, o sooda nga,
ko o heɓiri golle makko o aawirta ngesa cabiije.
17Imo gollira ɓernde wootere,
wo o tinniiɗo e golle.
18Imo yi'a gollal makko na heɓa tino,
fay si jenngi du, lampal makko nyifataa.
19Juuɗe makko na motta,
kolli makko na canya kolte.
20Imo omtana talkaaɓe ɓernde makko,
imo foortana tampuɓe junngo.
21O hulantaa ɓiɓɓe makko jaangol,
ɓe fuu, o nyootanii ɓe kolte tekkuɗe.
22Imo sanyana hoore makko gude,
kolte boɗeeje ɗaatuɗe o holtirta.
23Goriiko na teddinee ley kawrital mawɓe,
imo nanee ley kabaaruuji wuro ngoon.
24Debbo oon na nyoota kolte na sonna,
imo sonnira luumotooɓe kaɓɓorɗi.
25Semmbe e teddeengal ngoni kaddule makko,
o hulataa ko warata jaango.
26Hakkillo o omtirta hunnduko makko,
wo e njinngu koolniingu o ekintinirta.
27Imo ndaara no wuro makko yahirta yeeso,
abada o nyaamataa nyaamdu jayndu.
28Ɓiɓɓe makko na ndaroo, na inndira o barkinaaɗo,
goriiko du na mana mo, na wi'a:
29«Rewɓe ɗuuɗɓe na ngaɗa ko teddi,
de aan kaa aɗa ɓuri ɓe, ɓe fuu.»
30Dawla na hiila,
ŋari du na faltoo hono henndu,
ammaa debbo kuloowo Joomiraaɗo, kam manetee.
31Barjoɗon mo saabe golle juuɗe makko.
Golleeji makko lobbi ɗiin manee yeeso yimɓe fuu.
Currently Selected:
Banndi 31: FBF
Highlight
Copy
Compare
Share
Want to have your highlights saved across all your devices? Sign up or sign in
© SIM International 2012, 2022
