Esaaya 8
8
Haala ɓii Esaaya mo innde maandeere
1Joomiraaɗo wi'i kam: Kooƴaa alluwal manngal de mbinndaa binndi ɗi yimɓe fuu mbaawi janngude mbi'aa: Maher-Salal-Has-Bas (ɗum na fiirta «yaawan jawdi teetaandi, harana ɓoɓtude jawdi»). 2Ngaɗumi seedeeɓe ɗiɗo hoolniiɓe ceedanii kam, ɗum woni almaami Uriya e Jakariya ɓii Yeberekiya. 3Ndeen ngondumi e deekam annabaajo debbo de oon reedi rimi ɓiɗɗo gorko. Joomiraaɗo wi'i kam mi inndira o Maher-Salal-Has-Bas. 4Sabo fadde suka oon e hewtude wi'ude baaba e inna fu, jawdi Damas e ndi Samariya fuu waddete yeeso kaananke Asuura.
No Asuura honiri leydi Yahuuda
5Joomiraaɗo wi'i kam katin:
6Saabe yimɓe ɓee calake diyeele Silowe ilirooje seeɗa seeɗa,
de mbeltoorii e Resin e ɓii Remaliya,
7saabe ɗuum dee, Joomiraaɗo umminan
diyeele mawɗe, semmbentereeje ɗe maayo Efrat,
ɗum woni kaananke Asuura e teddeengal muuɗum manngal ngaal fuu.
Ɗam dellitorto tatteeji maggo fuu.
Ɗam nyaaman njaayri piiliindi ɗam ndiin fuu.
8Ɗam wuuwan leydi Yahuuda, yoolan ndi,
moɗa ndi faa e daande.
Calɗi majjam du keewan njaayri leydi maaɗa, yaa Emanuwel.
Emanuwel, maande jaalorgal
9Onon lenyi, ndiwnee kulol de taƴo taƴooji mbara on!
Onon jooɗiiɓe nokkuuje adunaaru boɗɗuɗe, kettinee!
Kaɓɓinee kaɓitirɗe mooɗon de maayon kulol!
Kaɓɓinee kaɓitirɗe mooɗon de maayon kulol!
10Ngaɗee dabare, ammaa nde gasataa!
Kaalee ko kaajaɗon, ammaa ɗum laatataako fey!
Sabo Laamɗo na wonndi e amin.
Wo Laamɗo tan njeyi huleede
11Goonga, inan ko Joomiraaɗo wi'i kam wakkati junngo muuɗum nanngunoo kam de sappani kam taa mi rewa laawol yimɓe ɓee:
12Taa inndiree dabare bonnde
ko yimɓe ɓee inndirta dabare bonnde.
Taa kulee ko ɓe kulata, taa ndiwnee.
13Wo Joomiraaɗo Jom Kammu e Leydi oon tan ndaardoton Ceniiɗo.
Wo oon tan kuloton.
Oon tan ndiwnoton yeeso muuɗum.
14O laatanto cuuɗi Israa'iila ɗiɗi ɗiin
nokkuure seniinde, hayre fergoore,
e hayre ferginoore.
Jooɗiiɓe Urusaliima du,
o laatanto ɗum'en bedorgal e tuugol.
15Yimɓe ɗuuɗɓe pergoto, mboɓɓoo de kela.
Ɓe caaman e tuugol de ɓe nanngee.
No annabi Esaaya heɗorii ballal to Joomiraaɗo.
16Resu seedaaku oo,
anndinaa ekintinol ngol taalibaaɓe am tan.
17Miɗo heɗii Joomiraaɗo,
tottitiiɗo suudu Yaakuuba oon.
Miɗo yowi jikke am dow makko.
18Inani kam miin e ɓiɓɓe ɓe Joomiraaɗo hokki kam ɓeen,
miɗen laatanii Israa'iila ko haaynii,
maandeeji ƴuuruɗi to Joomiraaɗo Jom Kammu e Leydi
jooɗiiɗo dow waamnde Siyona oon.
19Si on mbi'aama: Njehee ndaarnowee to daggadaaɓe,
soonodotooɓe e beeli maayɓe faa kolla on ko warata.
Yalla wanaa lenyol fuu na ndaarna to tooruuji muuɗum naa?
Yalla maayɓe ƴamataake haala wuurɓe naa?
20En njeccoo e ekintinol Joomiraaɗo e seedaaku muuɗum!
Si haaliraaka noon fu, pooyngol fajiri walanaa lenyol ngool.
21O feccitan leydi ndiin, ley torra e rafo.
Rafo ngoon umminan fitinaaji hakkunde yimɓe,
de kuɗa kaananke muɓɓen e Laamɗo muɓɓen.
Ndeen ɓe tiggitoto dow
22de ɓe ndaara ley,
ammaa inan wo bone e nimre,
wo nimre tekkunde e mettorgal manngal,
nimre ɓaleere nde ɓe paɗɗaa e muuɗum ndeen.
23Ammaa nimre ndeen laamataako faa abada
dow leydi to kulol jooɗii.
Ley ko wittii, Joomiraaɗo hurriino leydi Jabulon e Naftali semteende,
ammaa ley ko warata, o hurriran laawol maayo,
faro too Urdun, ley leydi Galili ndi lenyi feere-feere ndiin e teddeengal makko.
Currently Selected:
Esaaya 8: FBF
Highlight
Copy
Compare
Share
Want to have your highlights saved across all your devices? Sign up or sign in
© SIM International 2012, 2022
Esaaya 8
8
Haala ɓii Esaaya mo innde maandeere
1Joomiraaɗo wi'i kam: Kooƴaa alluwal manngal de mbinndaa binndi ɗi yimɓe fuu mbaawi janngude mbi'aa: Maher-Salal-Has-Bas (ɗum na fiirta «yaawan jawdi teetaandi, harana ɓoɓtude jawdi»). 2Ngaɗumi seedeeɓe ɗiɗo hoolniiɓe ceedanii kam, ɗum woni almaami Uriya e Jakariya ɓii Yeberekiya. 3Ndeen ngondumi e deekam annabaajo debbo de oon reedi rimi ɓiɗɗo gorko. Joomiraaɗo wi'i kam mi inndira o Maher-Salal-Has-Bas. 4Sabo fadde suka oon e hewtude wi'ude baaba e inna fu, jawdi Damas e ndi Samariya fuu waddete yeeso kaananke Asuura.
No Asuura honiri leydi Yahuuda
5Joomiraaɗo wi'i kam katin:
6Saabe yimɓe ɓee calake diyeele Silowe ilirooje seeɗa seeɗa,
de mbeltoorii e Resin e ɓii Remaliya,
7saabe ɗuum dee, Joomiraaɗo umminan
diyeele mawɗe, semmbentereeje ɗe maayo Efrat,
ɗum woni kaananke Asuura e teddeengal muuɗum manngal ngaal fuu.
Ɗam dellitorto tatteeji maggo fuu.
Ɗam nyaaman njaayri piiliindi ɗam ndiin fuu.
8Ɗam wuuwan leydi Yahuuda, yoolan ndi,
moɗa ndi faa e daande.
Calɗi majjam du keewan njaayri leydi maaɗa, yaa Emanuwel.
Emanuwel, maande jaalorgal
9Onon lenyi, ndiwnee kulol de taƴo taƴooji mbara on!
Onon jooɗiiɓe nokkuuje adunaaru boɗɗuɗe, kettinee!
Kaɓɓinee kaɓitirɗe mooɗon de maayon kulol!
Kaɓɓinee kaɓitirɗe mooɗon de maayon kulol!
10Ngaɗee dabare, ammaa nde gasataa!
Kaalee ko kaajaɗon, ammaa ɗum laatataako fey!
Sabo Laamɗo na wonndi e amin.
Wo Laamɗo tan njeyi huleede
11Goonga, inan ko Joomiraaɗo wi'i kam wakkati junngo muuɗum nanngunoo kam de sappani kam taa mi rewa laawol yimɓe ɓee:
12Taa inndiree dabare bonnde
ko yimɓe ɓee inndirta dabare bonnde.
Taa kulee ko ɓe kulata, taa ndiwnee.
13Wo Joomiraaɗo Jom Kammu e Leydi oon tan ndaardoton Ceniiɗo.
Wo oon tan kuloton.
Oon tan ndiwnoton yeeso muuɗum.
14O laatanto cuuɗi Israa'iila ɗiɗi ɗiin
nokkuure seniinde, hayre fergoore,
e hayre ferginoore.
Jooɗiiɓe Urusaliima du,
o laatanto ɗum'en bedorgal e tuugol.
15Yimɓe ɗuuɗɓe pergoto, mboɓɓoo de kela.
Ɓe caaman e tuugol de ɓe nanngee.
No annabi Esaaya heɗorii ballal to Joomiraaɗo.
16Resu seedaaku oo,
anndinaa ekintinol ngol taalibaaɓe am tan.
17Miɗo heɗii Joomiraaɗo,
tottitiiɗo suudu Yaakuuba oon.
Miɗo yowi jikke am dow makko.
18Inani kam miin e ɓiɓɓe ɓe Joomiraaɗo hokki kam ɓeen,
miɗen laatanii Israa'iila ko haaynii,
maandeeji ƴuuruɗi to Joomiraaɗo Jom Kammu e Leydi
jooɗiiɗo dow waamnde Siyona oon.
19Si on mbi'aama: Njehee ndaarnowee to daggadaaɓe,
soonodotooɓe e beeli maayɓe faa kolla on ko warata.
Yalla wanaa lenyol fuu na ndaarna to tooruuji muuɗum naa?
Yalla maayɓe ƴamataake haala wuurɓe naa?
20En njeccoo e ekintinol Joomiraaɗo e seedaaku muuɗum!
Si haaliraaka noon fu, pooyngol fajiri walanaa lenyol ngool.
21O feccitan leydi ndiin, ley torra e rafo.
Rafo ngoon umminan fitinaaji hakkunde yimɓe,
de kuɗa kaananke muɓɓen e Laamɗo muɓɓen.
Ndeen ɓe tiggitoto dow
22de ɓe ndaara ley,
ammaa inan wo bone e nimre,
wo nimre tekkunde e mettorgal manngal,
nimre ɓaleere nde ɓe paɗɗaa e muuɗum ndeen.
23Ammaa nimre ndeen laamataako faa abada
dow leydi to kulol jooɗii.
Ley ko wittii, Joomiraaɗo hurriino leydi Jabulon e Naftali semteende,
ammaa ley ko warata, o hurriran laawol maayo,
faro too Urdun, ley leydi Galili ndi lenyi feere-feere ndiin e teddeengal makko.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© SIM International 2012, 2022