Esaaya 63
63
Joomiraaɗo yoɓtanto yimɓe muuɗum
1Moy woni ƴuuruɗo Edom,
ƴuuruɗo Bosora,
na ɓornii kaddule boɗeeje coy,
saayooji jalbooji,
na yaada e lemre,
jokolle kiɓɓuɗo jom semmbe?
Wo miin woni kaaliroowo e fonnditaare,
jogiiɗo baawɗe faa hisina oon.
2Ko saabii de kaddule maaɗa na mbojji?
Ko waɗi de kaddule maaɗa na nga'i
hono ɗe ɓoosoowo inaboojam ley ɓoosirde?
3Miin tan dampi ley ɓoosirde inabooje ndeen.
Gorko fay gooto hakkunde lenyi waldaano e am.
Mi yaaɓirii ɓe e tikkere am.
Mi niisirii ɓe e dukkuru am.
Ƴiiƴam maɓɓe wiccake dow kaddule am,
faa tuunini saayooji am fuu.
4Sabo nyalaande yomnitagol na woni e ɓernde am.
Hitaande nde njoɓtotoomi ndeen yottake.
5Miɗo ye'e-ye'enannoo,
ammaa balloowo fay gooto walaa.
Ɗum haynake kam sanne ko balloowo fuu walaa.
Ndeen cemmbinɗinmi ɓernde am de keɓumi jaalorgal,
dukkuru am nduun laatanii kam semmbe.
6Mi yaaɓirii lenyi e tikkere am,
mi waɗii dukkuru am nduun sulii ɓe
de ndufumi ƴiiƴam maɓɓe e leydi.
Miccitagol moƴƴere Joomiraaɗo
7Mi haaltan hinney mo Joomiraaɗo holli en,
golleeji makko kaanuɗi yetteede ɗi o waɗi saabe moƴƴere nde o waɗani en
e yidde mawnde nde o woodani Israa'iilankooɓe
fodde yurmeende makko
e hinney makko mawɗo oon.
8O wi'iino: Wo ɓe yimɓe am goonga e goonga,
wo ɓe ɓiɓɓe ɓe penataa.
De o laatanii ɓe kisinoowo.
9Ley tiiɗallaaji maɓɓe ɗiin fuu, o torrodake e maɓɓe.
Ndeen o neli maleyka yeeso makko faa hisina ɓe.
Ley njinngu makko e yurmeende makko ndeen o rimɗini ɓe.
O reeni ɓe, o walliti ɓe.
O bammbi ɓe hono no arande noon.
10Ammaa ɓe muurtanii mo,
ɓe mettinani Ruuhu makko Ceniiɗo oon.
Ndeen o waylitii o laatii ganyo maɓɓe,
de kanko e hoore makko o haɓdi e maɓɓe.
11Ndeen yimɓe makko miccitii ko wittinoo,
wakkati jamaanu Muusaa.
Ɓe ƴamitii ɓe mbi'i:
Toy peƴƴinnooɗo en maayo,
enen e durooɓe coggal muuɗum oon woni?
Toy gattannooɗo Ruuhu muuɗum Ceniiɗo e meeɗen oon woni?
12Oon woni keedunooɗo nyaamo Muusaa,
na feccira diyeele yeeso maɓɓe e junngo muuɗum ngo baawɗe,
faa innde muuɗum manee faa abada.
13O feƴƴinii ɓe maayo luggungo hono puccu dow kollangal,
de ɓe pergaaki.
14Hono no ndaaba njippotoonga ley naɗɗol noon,
wo noon Ruuhu Joomiraaɗo ɗowiri ɓe faa ɓe njottii nokkuure powtiri.
Wo noon ɗowirɗaa yimɓe maaɗa
faa innde maaɗa heɓa teddineede.
15Ndaaru gilla dow kammuuli de nji'aa,
gilla joonde maaɗa seniinde teddunde ndeen.
Toy kiram maaɗa e baawɗe maaɗa ɗeen ngoni?
Toy yidde maaɗa e yurmeende maaɗa ndeen fuu ngoni?
16Tawi lee, wo aan woni Baabii amin,
fay si Ibrahiima annditay min,
fay si Israa'iila du hiisaaki min e muuɗum.
Wo aan, yaa Joomiraaɗo, woni Baabii amin.
Wo aan woni dimɗinoowo min,
noon inndirteɗaa gilla ajal.
17Yaa Joomiraaɗo, ko saabii de ngaɗɗaa miɗen njay-yayta to woɗɗi e laawi maaɗa?
Ko saabii de njoornuɗaa ɓerɗe amin taa min kule?
Yecca wartu saabe amin, minen maccuɓe maaɗa,
e saabe lenyi laatiiɗi jeyal maaɗa ɗiin!
18Yimɓe maaɗa seniiɓe ɓeen njeytiino leydi ndiin wakkati seeɗa tan.
Ammaa wayɓe amin njaaɓii nokkuure maaɗa seniinde ndeen.
19Miɗen laatii hono yimɓe ɓe a laamaaki gilla ko ɓooyi,
ɓe noddirtaake innde maaɗa.
Si tawiino a seekan kammuuli, njippoɗaa fu,
baamle caamanno yeeso maaɗa.
Currently Selected:
Esaaya 63: FBF
Highlight
Copy
Compare
Share
Want to have your highlights saved across all your devices? Sign up or sign in
© SIM International 2012, 2022
Esaaya 63
63
Joomiraaɗo yoɓtanto yimɓe muuɗum
1Moy woni ƴuuruɗo Edom,
ƴuuruɗo Bosora,
na ɓornii kaddule boɗeeje coy,
saayooji jalbooji,
na yaada e lemre,
jokolle kiɓɓuɗo jom semmbe?
Wo miin woni kaaliroowo e fonnditaare,
jogiiɗo baawɗe faa hisina oon.
2Ko saabii de kaddule maaɗa na mbojji?
Ko waɗi de kaddule maaɗa na nga'i
hono ɗe ɓoosoowo inaboojam ley ɓoosirde?
3Miin tan dampi ley ɓoosirde inabooje ndeen.
Gorko fay gooto hakkunde lenyi waldaano e am.
Mi yaaɓirii ɓe e tikkere am.
Mi niisirii ɓe e dukkuru am.
Ƴiiƴam maɓɓe wiccake dow kaddule am,
faa tuunini saayooji am fuu.
4Sabo nyalaande yomnitagol na woni e ɓernde am.
Hitaande nde njoɓtotoomi ndeen yottake.
5Miɗo ye'e-ye'enannoo,
ammaa balloowo fay gooto walaa.
Ɗum haynake kam sanne ko balloowo fuu walaa.
Ndeen cemmbinɗinmi ɓernde am de keɓumi jaalorgal,
dukkuru am nduun laatanii kam semmbe.
6Mi yaaɓirii lenyi e tikkere am,
mi waɗii dukkuru am nduun sulii ɓe
de ndufumi ƴiiƴam maɓɓe e leydi.
Miccitagol moƴƴere Joomiraaɗo
7Mi haaltan hinney mo Joomiraaɗo holli en,
golleeji makko kaanuɗi yetteede ɗi o waɗi saabe moƴƴere nde o waɗani en
e yidde mawnde nde o woodani Israa'iilankooɓe
fodde yurmeende makko
e hinney makko mawɗo oon.
8O wi'iino: Wo ɓe yimɓe am goonga e goonga,
wo ɓe ɓiɓɓe ɓe penataa.
De o laatanii ɓe kisinoowo.
9Ley tiiɗallaaji maɓɓe ɗiin fuu, o torrodake e maɓɓe.
Ndeen o neli maleyka yeeso makko faa hisina ɓe.
Ley njinngu makko e yurmeende makko ndeen o rimɗini ɓe.
O reeni ɓe, o walliti ɓe.
O bammbi ɓe hono no arande noon.
10Ammaa ɓe muurtanii mo,
ɓe mettinani Ruuhu makko Ceniiɗo oon.
Ndeen o waylitii o laatii ganyo maɓɓe,
de kanko e hoore makko o haɓdi e maɓɓe.
11Ndeen yimɓe makko miccitii ko wittinoo,
wakkati jamaanu Muusaa.
Ɓe ƴamitii ɓe mbi'i:
Toy peƴƴinnooɗo en maayo,
enen e durooɓe coggal muuɗum oon woni?
Toy gattannooɗo Ruuhu muuɗum Ceniiɗo e meeɗen oon woni?
12Oon woni keedunooɗo nyaamo Muusaa,
na feccira diyeele yeeso maɓɓe e junngo muuɗum ngo baawɗe,
faa innde muuɗum manee faa abada.
13O feƴƴinii ɓe maayo luggungo hono puccu dow kollangal,
de ɓe pergaaki.
14Hono no ndaaba njippotoonga ley naɗɗol noon,
wo noon Ruuhu Joomiraaɗo ɗowiri ɓe faa ɓe njottii nokkuure powtiri.
Wo noon ɗowirɗaa yimɓe maaɗa
faa innde maaɗa heɓa teddineede.
15Ndaaru gilla dow kammuuli de nji'aa,
gilla joonde maaɗa seniinde teddunde ndeen.
Toy kiram maaɗa e baawɗe maaɗa ɗeen ngoni?
Toy yidde maaɗa e yurmeende maaɗa ndeen fuu ngoni?
16Tawi lee, wo aan woni Baabii amin,
fay si Ibrahiima annditay min,
fay si Israa'iila du hiisaaki min e muuɗum.
Wo aan, yaa Joomiraaɗo, woni Baabii amin.
Wo aan woni dimɗinoowo min,
noon inndirteɗaa gilla ajal.
17Yaa Joomiraaɗo, ko saabii de ngaɗɗaa miɗen njay-yayta to woɗɗi e laawi maaɗa?
Ko saabii de njoornuɗaa ɓerɗe amin taa min kule?
Yecca wartu saabe amin, minen maccuɓe maaɗa,
e saabe lenyi laatiiɗi jeyal maaɗa ɗiin!
18Yimɓe maaɗa seniiɓe ɓeen njeytiino leydi ndiin wakkati seeɗa tan.
Ammaa wayɓe amin njaaɓii nokkuure maaɗa seniinde ndeen.
19Miɗen laatii hono yimɓe ɓe a laamaaki gilla ko ɓooyi,
ɓe noddirtaake innde maaɗa.
Si tawiino a seekan kammuuli, njippoɗaa fu,
baamle caamanno yeeso maaɗa.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© SIM International 2012, 2022