Esaaya 37
37
No Esaaya semmbinɗiniri Esekiya
(2 Kaanankooɓe 19:1-7)
1Nde kaananke Esekiya nannoo haala kaan fu, seeki kaddule muuɗum, ɓornii bootooji de yehi naatowi ley suudu Joomiraaɗo.
2O neli Eliyakim mawɗo laamordu e Sebna binndanoowo kaananke e almaami'en nayeeɓe to annabi Esaaya ɓii Amot. Ɓe fuu ɓe njehi iɓe ɓornii bootooji, 3ɓe mbi'i mo:
— Inan ko Esekiya wi'i: Hannden, wo nyalaande mettorgal, nyannde jukkungo e semteende. Hannden eɗen nandi e debbo mo ŋatawere muuɗum fuɗɗi de tawi walaa semmbe ndimu. 4Na hasii Joomiraaɗo, Laamɗo maaɗa nanan haalaaji ɗi mawɗo laamordu Asuura nelaa faa wara jalnoroo Laamɗo Buurɗo ɗiin. Na hasii Joomiraaɗo hiitoto mo dow haalaaji ɗiin. Saabe majjum miɗo ŋaare ngaɗanaa yimɓe lenyol meeɗen heddiiɓe du'aaw.
5Yimɓe laamordu kaananke Esekiya ɓeen njehi to annabi Esaaya. 6Esaaya wi'i ɓe:
— Inan ko mbi'oyton joomii'on: Joomiraaɗo wi'i taa kulaa haalaaji ɗi nanuɗaa e jennooje ɗe nelaaɓe kaananke Asuura njottini dow am ɗeen. 7Mi wattan miilo gomma e ɓernde makko. O nanan kabaaru de o yeccoo leydi makko. Ndeen mi waɗa o wardee kaafaahi ley leydi makko toon.
No kaananke Asuura mbonkorii Joomiraaɗo
(2 Kaanankooɓe 19:8-13)
8Ndeen mawɗo laamordu Asuura oon nani ko kaananke muuɗum dillii Lakis yehi na haɓdowa e galluure Libina. O yehi toon o tawoy ɗum. 9Wakkati oon kaananke nani ko Tirhaka kaananke Kuus na wondi anniya haɓdude e muuɗum. Nde o nannoo ɗum fu, o waɗi nelaaɓe njehi to Esekiya kaananke Israa'iila mbi'owa ɗum:
— 10Taa accu Laamɗo mo kooliɗaa oon hiile wi'e ko Urusaliima naatataa e junngo kaananke Asuura. 11Aan e hoore maaɗa a nanii no kaanankooɓe Asuura kalkiri leyɗe fuu. Ɓe ngaɗii ɗe laatake ko huɗtortee. Yalla aɗa miila aan tan aɗa waawi hisude naa? 12Yalla tooruuji lenyi ɗiin mbaawii hisinde ɗum'en e juuɗe maamiraaɓe am naa? Ndaaru galluuje Gojan e Karan e Rejef e Edeninkooɓe wonnooɓe Telasar. 13Toy kaanankooɓe Hamat e Arpad e Sefarwayim e Hena e Iwa ɓeen fuu ngoni?
Haala du'aaw Esekiya
(2 Kaanankooɓe 19:14-19)
14Esekiya jaɓi ɓataaki kiin e juuɗe nelaaɓe ɓeen janngi de yehi naatowi ley suudu Joomiraaɗo. O weɗɗiti ki yeeso Joomiraaɗo. 15O ŋaarii Joomiraaɗo o wi'i:
— 16Yaa Joomiraaɗo Jom Kammu e Leydi, Laamɗo Israa'iila, aan jooɗiiɗo hakkunde keruba'en, aan tan woni Laamɗo dow laamuuji adunaaru fuu, wo aan tagi kammu e leydi. 17Yaa Joomiraaɗo, fiɗɗu noppi maaɗa de kettinoɗaa! Ɓantaa gite maaɗa de ndaaraa! Nanaa jennooje ɗe Sennakerib neldi ma ɗeen fuu, aan Laamɗo Buurɗo! 18Yaa Joomiraaɗo, wo goonga, kaanankooɓe Asuura kalkii lenyi ɗiin fuu e leyɗe muɓɓen. 19Ɓe mbulii tooruuji muɓɓen. Ammaa ɗiin nganaa ngoongaaji, wo ko juuɗe ɓiɓɓe Aadama ngaɗi, wo ɗi leɗɗe e kaaƴe ɓole. Ɗuum saabii de ɓe kalki ɗi. 20Ndelle joonin, yaa Joomiraaɗo, Laamɗo amin, hisin min e juuɗe Sennakerib, faa leyɗe adunaaru fuu paama wo aan tan woni Joomiraaɗo.
Annabaaku Esaaya dow saamugol Sennakerib
(2 Kaanankooɓe 19:20-34)
21Ndeen Esaaya ɓii Amot neli Esekiya wi'ee:
— Inan ko Joomiraaɗo, Laamɗo Israa'iila mo ngaɗuɗaa du'aaw to muuɗum dow Sennakerib kaananke Asuura oon wi'i: 22Inan ko Joomiraaɗo wi'i dow makko:
Surbayel Siyona na yawi ma, na jalnore,
Lobbel Urusaliima na yiilane hoore.
23Moy mbonkiɗaa?
Moy njennuɗaa?
Moy pelɓuɗaa?
Moy ndaarduɗaa e yawaara?
Yalla wo Ceniiɗo Israa'iila oon naa?
24A waɗii nelaaɓe maaɗa njennii Joomiraaɗo
de mbiiɗaa:
«Miin kaa, mi ƴeenyidii e torkooji am ɗuuɗɗi ɗiin to ɓuri toowude dow baamle.
Mi yehii to ɓuri luggude e leydi Liban.
Mi soppii leɗɗe seddere ɓurɗe toowude
e ɗe sipire ɓurɗe wooɗude.
Mi hewtii nokku ɓurɗo lonngitaade ley ladde ɓurnde sukkude.
25Mi wasii ɓulli de njarumi ndiyam muɓɓen.
Mi yoornirii calɗi maayo Misira ɗiin fuu e teppere am.»
26A faamaay ko miin Joomiraaɗo mi fodakeno ɗum gilla ko ɓooyi naa?
Mi segilake ɗum gilla arande.
Wo wakkati oo tabintinmi ɗum.
Galluuje cemmbiɗinɗe ɗeen du,
wo aan jeyi fusude ɗum'en faa laatoo joorde.
27Jooɗiiɓe e majje ngalaa semmbe,
iɓe ngondi wemmbere e semteende,
iɓe nanndi e huɗo gese hecco,
hono huɗo fuɗuko dow kippudi cuuɗi,
hono ngesa nga fuɗay faa'e tafon.
28Miɗo anndi nde njooɗiɗaa
nde njahataa e nde ngartataa fuu.
Miɗo anndi nde tikkanɗaa kam.
29Saabe aɗa ɓernani kam sanne,
haala mawnitaare maaɗa du hewtii faa noppi am dey,
mi wattan jammbuure e hinere maaɗa,
de mi watta lagamal e hunnduko maaɗa.
Mi yeccinirte laawol ngol ngarduɗaa.
30Aan Esekiya du, inan maande holloore ko ɗum tabitan:
Hikka on nyaaman ko fuɗani hoorem.
Mawuuri du laatorto hono noon,
ammaa mawtuuri on aawan, taƴon,
tiiroɗon inabooje, nyaamon ko ndimi.
31Hedditiiɓe e suudu Yahuuda ngaɗan ɗaɗi lugguɗi,
de ndima faa ɗuuɗa.
32Ayyo, heddiiɓe ɓeen lanyan mburtoo Urusaliima.
Hisuɓe ɓeen ƴuuran waamnde Siyona.
Wo yidde Joomiraaɗo Jom Kammu e Leydi mawnde ndeen waɗata ɗum.
33Saabe ɗuum de inan ko Joomiraaɗo wi'i dow kaananke Asuura:
O naatataa ley galluure ndeen.
O fiɗataa kure dow mayre.
Wawaade makko sappataako nde.
O tifataa leydi faa o ƴeenyira kokuuji mayre.
34O soƴƴorto laawol ngol o ƴuuri ngool.
O naatataa ley galluure ndee.
Noon Joomiraaɗo wi'i.
35Mi reenan galluure ndee.
Mi hisinan nde saabe am e saabe maccuɗo am Daawda.
36 Maleyka Joomiraaɗo fanti hoɗorde Asuurankooɓe de wari konunkooɓe ujunaaje hemre e capanɗe jeetati e joy (185.000). Nde weetunoo fu, tawaa ɓe fuu ɓe maayɓe. 37Ndeen Sennakerib kaananke Asuura oon hooti galluure Niniwe jooɗowii. 38Nyannde gomma imo wonnoo ley suudu tooru makko wi'eteendu Nisirok, imo teddina ɗum de ɓiɓɓe makko Adiramelek e Sarejer kippii mo, mbardi mo kaafaaje de ndoggiri leydi Ararat. Ndeen ɓiyiiko Esara-Hadon loomti mo laamii.
Currently Selected:
Esaaya 37: FBF
Highlight
Copy
Compare
Share
Want to have your highlights saved across all your devices? Sign up or sign in
© SIM International 2012, 2022
Esaaya 37
37
No Esaaya semmbinɗiniri Esekiya
(2 Kaanankooɓe 19:1-7)
1Nde kaananke Esekiya nannoo haala kaan fu, seeki kaddule muuɗum, ɓornii bootooji de yehi naatowi ley suudu Joomiraaɗo.
2O neli Eliyakim mawɗo laamordu e Sebna binndanoowo kaananke e almaami'en nayeeɓe to annabi Esaaya ɓii Amot. Ɓe fuu ɓe njehi iɓe ɓornii bootooji, 3ɓe mbi'i mo:
— Inan ko Esekiya wi'i: Hannden, wo nyalaande mettorgal, nyannde jukkungo e semteende. Hannden eɗen nandi e debbo mo ŋatawere muuɗum fuɗɗi de tawi walaa semmbe ndimu. 4Na hasii Joomiraaɗo, Laamɗo maaɗa nanan haalaaji ɗi mawɗo laamordu Asuura nelaa faa wara jalnoroo Laamɗo Buurɗo ɗiin. Na hasii Joomiraaɗo hiitoto mo dow haalaaji ɗiin. Saabe majjum miɗo ŋaare ngaɗanaa yimɓe lenyol meeɗen heddiiɓe du'aaw.
5Yimɓe laamordu kaananke Esekiya ɓeen njehi to annabi Esaaya. 6Esaaya wi'i ɓe:
— Inan ko mbi'oyton joomii'on: Joomiraaɗo wi'i taa kulaa haalaaji ɗi nanuɗaa e jennooje ɗe nelaaɓe kaananke Asuura njottini dow am ɗeen. 7Mi wattan miilo gomma e ɓernde makko. O nanan kabaaru de o yeccoo leydi makko. Ndeen mi waɗa o wardee kaafaahi ley leydi makko toon.
No kaananke Asuura mbonkorii Joomiraaɗo
(2 Kaanankooɓe 19:8-13)
8Ndeen mawɗo laamordu Asuura oon nani ko kaananke muuɗum dillii Lakis yehi na haɓdowa e galluure Libina. O yehi toon o tawoy ɗum. 9Wakkati oon kaananke nani ko Tirhaka kaananke Kuus na wondi anniya haɓdude e muuɗum. Nde o nannoo ɗum fu, o waɗi nelaaɓe njehi to Esekiya kaananke Israa'iila mbi'owa ɗum:
— 10Taa accu Laamɗo mo kooliɗaa oon hiile wi'e ko Urusaliima naatataa e junngo kaananke Asuura. 11Aan e hoore maaɗa a nanii no kaanankooɓe Asuura kalkiri leyɗe fuu. Ɓe ngaɗii ɗe laatake ko huɗtortee. Yalla aɗa miila aan tan aɗa waawi hisude naa? 12Yalla tooruuji lenyi ɗiin mbaawii hisinde ɗum'en e juuɗe maamiraaɓe am naa? Ndaaru galluuje Gojan e Karan e Rejef e Edeninkooɓe wonnooɓe Telasar. 13Toy kaanankooɓe Hamat e Arpad e Sefarwayim e Hena e Iwa ɓeen fuu ngoni?
Haala du'aaw Esekiya
(2 Kaanankooɓe 19:14-19)
14Esekiya jaɓi ɓataaki kiin e juuɗe nelaaɓe ɓeen janngi de yehi naatowi ley suudu Joomiraaɗo. O weɗɗiti ki yeeso Joomiraaɗo. 15O ŋaarii Joomiraaɗo o wi'i:
— 16Yaa Joomiraaɗo Jom Kammu e Leydi, Laamɗo Israa'iila, aan jooɗiiɗo hakkunde keruba'en, aan tan woni Laamɗo dow laamuuji adunaaru fuu, wo aan tagi kammu e leydi. 17Yaa Joomiraaɗo, fiɗɗu noppi maaɗa de kettinoɗaa! Ɓantaa gite maaɗa de ndaaraa! Nanaa jennooje ɗe Sennakerib neldi ma ɗeen fuu, aan Laamɗo Buurɗo! 18Yaa Joomiraaɗo, wo goonga, kaanankooɓe Asuura kalkii lenyi ɗiin fuu e leyɗe muɓɓen. 19Ɓe mbulii tooruuji muɓɓen. Ammaa ɗiin nganaa ngoongaaji, wo ko juuɗe ɓiɓɓe Aadama ngaɗi, wo ɗi leɗɗe e kaaƴe ɓole. Ɗuum saabii de ɓe kalki ɗi. 20Ndelle joonin, yaa Joomiraaɗo, Laamɗo amin, hisin min e juuɗe Sennakerib, faa leyɗe adunaaru fuu paama wo aan tan woni Joomiraaɗo.
Annabaaku Esaaya dow saamugol Sennakerib
(2 Kaanankooɓe 19:20-34)
21Ndeen Esaaya ɓii Amot neli Esekiya wi'ee:
— Inan ko Joomiraaɗo, Laamɗo Israa'iila mo ngaɗuɗaa du'aaw to muuɗum dow Sennakerib kaananke Asuura oon wi'i: 22Inan ko Joomiraaɗo wi'i dow makko:
Surbayel Siyona na yawi ma, na jalnore,
Lobbel Urusaliima na yiilane hoore.
23Moy mbonkiɗaa?
Moy njennuɗaa?
Moy pelɓuɗaa?
Moy ndaarduɗaa e yawaara?
Yalla wo Ceniiɗo Israa'iila oon naa?
24A waɗii nelaaɓe maaɗa njennii Joomiraaɗo
de mbiiɗaa:
«Miin kaa, mi ƴeenyidii e torkooji am ɗuuɗɗi ɗiin to ɓuri toowude dow baamle.
Mi yehii to ɓuri luggude e leydi Liban.
Mi soppii leɗɗe seddere ɓurɗe toowude
e ɗe sipire ɓurɗe wooɗude.
Mi hewtii nokku ɓurɗo lonngitaade ley ladde ɓurnde sukkude.
25Mi wasii ɓulli de njarumi ndiyam muɓɓen.
Mi yoornirii calɗi maayo Misira ɗiin fuu e teppere am.»
26A faamaay ko miin Joomiraaɗo mi fodakeno ɗum gilla ko ɓooyi naa?
Mi segilake ɗum gilla arande.
Wo wakkati oo tabintinmi ɗum.
Galluuje cemmbiɗinɗe ɗeen du,
wo aan jeyi fusude ɗum'en faa laatoo joorde.
27Jooɗiiɓe e majje ngalaa semmbe,
iɓe ngondi wemmbere e semteende,
iɓe nanndi e huɗo gese hecco,
hono huɗo fuɗuko dow kippudi cuuɗi,
hono ngesa nga fuɗay faa'e tafon.
28Miɗo anndi nde njooɗiɗaa
nde njahataa e nde ngartataa fuu.
Miɗo anndi nde tikkanɗaa kam.
29Saabe aɗa ɓernani kam sanne,
haala mawnitaare maaɗa du hewtii faa noppi am dey,
mi wattan jammbuure e hinere maaɗa,
de mi watta lagamal e hunnduko maaɗa.
Mi yeccinirte laawol ngol ngarduɗaa.
30Aan Esekiya du, inan maande holloore ko ɗum tabitan:
Hikka on nyaaman ko fuɗani hoorem.
Mawuuri du laatorto hono noon,
ammaa mawtuuri on aawan, taƴon,
tiiroɗon inabooje, nyaamon ko ndimi.
31Hedditiiɓe e suudu Yahuuda ngaɗan ɗaɗi lugguɗi,
de ndima faa ɗuuɗa.
32Ayyo, heddiiɓe ɓeen lanyan mburtoo Urusaliima.
Hisuɓe ɓeen ƴuuran waamnde Siyona.
Wo yidde Joomiraaɗo Jom Kammu e Leydi mawnde ndeen waɗata ɗum.
33Saabe ɗuum de inan ko Joomiraaɗo wi'i dow kaananke Asuura:
O naatataa ley galluure ndeen.
O fiɗataa kure dow mayre.
Wawaade makko sappataako nde.
O tifataa leydi faa o ƴeenyira kokuuji mayre.
34O soƴƴorto laawol ngol o ƴuuri ngool.
O naatataa ley galluure ndee.
Noon Joomiraaɗo wi'i.
35Mi reenan galluure ndee.
Mi hisinan nde saabe am e saabe maccuɗo am Daawda.
36 Maleyka Joomiraaɗo fanti hoɗorde Asuurankooɓe de wari konunkooɓe ujunaaje hemre e capanɗe jeetati e joy (185.000). Nde weetunoo fu, tawaa ɓe fuu ɓe maayɓe. 37Ndeen Sennakerib kaananke Asuura oon hooti galluure Niniwe jooɗowii. 38Nyannde gomma imo wonnoo ley suudu tooru makko wi'eteendu Nisirok, imo teddina ɗum de ɓiɓɓe makko Adiramelek e Sarejer kippii mo, mbardi mo kaafaaje de ndoggiri leydi Ararat. Ndeen ɓiyiiko Esara-Hadon loomti mo laamii.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© SIM International 2012, 2022