Esaaya 36
36
No kaananke Asuura hulɓiniri Urusaliima
(2 Kaanankooɓe 18:9-37; 2 Kabaaruuji Laamiiɓe 32:1-19)
1Ley hitaande sappo e nayaɓerde laamu Esekiya, Senakerib, kaananke Asuura haɓdi e galluuje Yahuuda cemmbiɗinɗe fuu de teeti ɗe. 2Kaananke Asuura oon neli mawɗo laamordu muuɗum ƴuuri Lakis yehi Urusaliima to kaananke Esekiya. O yaadi e konunkooɓe semmbiɗinɓe. O darii gaafol ndiyam manngol ƴuuroowol weendu dowuuru takkiindu laawol ngesa lonnooɓe.
3Ndeen Eliyakim ɓii Hilkiya mawɗo laamordu e Sebna binndanoowo kaananke, e Yoha ɓii Asaf kayboowo dewte kabaaruuji mburtii kawri e makko. 4Mawɗo laamordu Asuura oon wi'i ɓe:
— Mbi'on Esekiya inan ko kaananke Asuura, laamiiɗo mawɗo oon wi'i: Wo dow ɗume njowuɗaa hoolaare maaɗa? 5Yalla aɗa miila haala hunnduko ɓola tan na waawi hokkude ma daliili e jaalorgal ley konu naa? Moy woni mo kooliɗaa de kaandinɗaa muurtande kam? 6Inan aɗa watti hoolaare maaɗa e kuɗol kelngol, codoowol de yuwa tuugiiɗo ɗum. Ɗuum woni kaananke Misira! Wo noon Fira'awna oon woowi waɗude hooliiɓe ɗum fuu. 7Na hasii a wi'an: «Wo Joomiraaɗo, Laamɗo amin min koolii.» Yalla wanaa kam woni mo Esekiya fusi nokkuuje muuɗum cakkirɗe e kirsirɗe de yamiri yimɓe Yahuuda e ɓe Urusaliima ngara kofoo yeeso sakkirde wonnde Urusaliima ndeen tan naa? 8Ndelle joonin sey ngaddaa e joomii amin kaananke Asuura oon amaana joonde e jam. Ndeen mi hokkete pucci ujunaaje ɗiɗi (2.000), si tawii aɗa waawi heɓande hoore maaɗa waɗɗotooɓe ɗum'en! 9Noy mbaawirtaa sottinde ɓurɗo fuu famɗude e hooreeɓe sordaasiiɓe amin, aan jowuɗo hoolaare muuɗum e Misira faa nelda ɗum torkooji e dorbotooɓe. 10Ndelle a sikku ko wanaa muuyɗe Joomiraaɗo ngaddi kam faa mi halka leydi ndii naa? Wo Joomiraaɗo wi'i kam: «Hippa leydi ndi de kalkaa ndi.»
11Ndeen Eliyakim e Sebna e Yoha mbi'i mawɗo laamordu Asuura oon:
— Miɗen ŋaare, taa kaaldaa e amin yahuudiyankoore sabo min njiɗaa jooɗiiɓe dow kokuwol galluure ɓee paama ko mbi'oton. Haaldu min araminkoore sabo miɗen nana. 12Mawɗo laamordu oon jaabii ɓe wi'i:
— Yalla oɗon miila wo onon e joomii'on tan joomam neldi haala kaan naa? Wanaa jooɗiiɓe dow kokuwol ɓeen du nyaaman doodiiji muɓɓen de njara cille muɓɓen hono no mooɗon noon naa?
13Ndeen gorko oon ummii darii de feeki e yahuudiyankoore wi'i:
— Kettinee ko kaananke Asuura mawɗo oon wi'i: 14Taa accee Esekiya hiila on, sabo o waawataa hisinde on. 15Taa njaɓee Esekiya tilsinana on hoolaade Joomiraaɗo, na hiila on na wi'a: «Sikke walaa Joomiraaɗo hisinan en, galluure ndee saamataa e junngo kaananke Asuura.»
16Taa kettinee haala Esekiya sabo inan ko kaananke Asuura wi'i: Paamiree e am, de kokkon kam ko'e mooɗon. Noon waɗata de mono e mooɗon fuu nyaama ɓiɓɓe inaboohi e ƴibbi muuɗum de yara ndiyam luggere muuɗum e jam, 17faa nde ngaroymi kooƴumi on njaarumi ley leydi nanndundi e leydi mooɗon, leydi keewndi alkama e inaboojam kesam, leydi keewndi nyaamdu e gese inabooje. 18Taa njaɓee Esekiya hiila on na wi'a: Joomiraaɗo hisinan en!
Yalla tooruuji lenyi goɗɗi mbaawii hisinde leydi muɓɓen e junngo kaananke Asuura fay nde wootere naa? 19Toy tooruuji Hamat e ɗi Arpad ɗiin ngoni? Toy ɗi Sefarwayim ngoni? Yalla tooruuji Samariya mbaawii hisinde ɗum e juuɗe amin naa? 20Hakkunde tooruuji leyɗe ɗeen fuu, tooru nduye waawi hisinde leydi muuɗum e junngo am sakko mbi'on ko Joomiraaɗo mooɗon na waawi hisinde Urusaliima?
21Ammaa yimɓe ɓeen fuu na ndeƴƴinii siw. Fay gooto jaabaaki sabo kaananke yamiriino taa ɓe njaaboo faa'e. 22Caggal ɗuum Eliyakim ɓii Hilkiya mawɗo laamordu e Sebna binndanoowo kaananke e Yoha ɓii Asaf kayboowo dewte kabaaruuji njeccii to Esekiya na ceeki kaddule muɓɓen. Ɓe kumpiti mo ko mawɗo laamordu Asuura oon wi'i ɗuum fuu.
Currently Selected:
Esaaya 36: FBF
Highlight
Copy
Compare
Share
Want to have your highlights saved across all your devices? Sign up or sign in
© SIM International 2012, 2022
Esaaya 36
36
No kaananke Asuura hulɓiniri Urusaliima
(2 Kaanankooɓe 18:9-37; 2 Kabaaruuji Laamiiɓe 32:1-19)
1Ley hitaande sappo e nayaɓerde laamu Esekiya, Senakerib, kaananke Asuura haɓdi e galluuje Yahuuda cemmbiɗinɗe fuu de teeti ɗe. 2Kaananke Asuura oon neli mawɗo laamordu muuɗum ƴuuri Lakis yehi Urusaliima to kaananke Esekiya. O yaadi e konunkooɓe semmbiɗinɓe. O darii gaafol ndiyam manngol ƴuuroowol weendu dowuuru takkiindu laawol ngesa lonnooɓe.
3Ndeen Eliyakim ɓii Hilkiya mawɗo laamordu e Sebna binndanoowo kaananke, e Yoha ɓii Asaf kayboowo dewte kabaaruuji mburtii kawri e makko. 4Mawɗo laamordu Asuura oon wi'i ɓe:
— Mbi'on Esekiya inan ko kaananke Asuura, laamiiɗo mawɗo oon wi'i: Wo dow ɗume njowuɗaa hoolaare maaɗa? 5Yalla aɗa miila haala hunnduko ɓola tan na waawi hokkude ma daliili e jaalorgal ley konu naa? Moy woni mo kooliɗaa de kaandinɗaa muurtande kam? 6Inan aɗa watti hoolaare maaɗa e kuɗol kelngol, codoowol de yuwa tuugiiɗo ɗum. Ɗuum woni kaananke Misira! Wo noon Fira'awna oon woowi waɗude hooliiɓe ɗum fuu. 7Na hasii a wi'an: «Wo Joomiraaɗo, Laamɗo amin min koolii.» Yalla wanaa kam woni mo Esekiya fusi nokkuuje muuɗum cakkirɗe e kirsirɗe de yamiri yimɓe Yahuuda e ɓe Urusaliima ngara kofoo yeeso sakkirde wonnde Urusaliima ndeen tan naa? 8Ndelle joonin sey ngaddaa e joomii amin kaananke Asuura oon amaana joonde e jam. Ndeen mi hokkete pucci ujunaaje ɗiɗi (2.000), si tawii aɗa waawi heɓande hoore maaɗa waɗɗotooɓe ɗum'en! 9Noy mbaawirtaa sottinde ɓurɗo fuu famɗude e hooreeɓe sordaasiiɓe amin, aan jowuɗo hoolaare muuɗum e Misira faa nelda ɗum torkooji e dorbotooɓe. 10Ndelle a sikku ko wanaa muuyɗe Joomiraaɗo ngaddi kam faa mi halka leydi ndii naa? Wo Joomiraaɗo wi'i kam: «Hippa leydi ndi de kalkaa ndi.»
11Ndeen Eliyakim e Sebna e Yoha mbi'i mawɗo laamordu Asuura oon:
— Miɗen ŋaare, taa kaaldaa e amin yahuudiyankoore sabo min njiɗaa jooɗiiɓe dow kokuwol galluure ɓee paama ko mbi'oton. Haaldu min araminkoore sabo miɗen nana. 12Mawɗo laamordu oon jaabii ɓe wi'i:
— Yalla oɗon miila wo onon e joomii'on tan joomam neldi haala kaan naa? Wanaa jooɗiiɓe dow kokuwol ɓeen du nyaaman doodiiji muɓɓen de njara cille muɓɓen hono no mooɗon noon naa?
13Ndeen gorko oon ummii darii de feeki e yahuudiyankoore wi'i:
— Kettinee ko kaananke Asuura mawɗo oon wi'i: 14Taa accee Esekiya hiila on, sabo o waawataa hisinde on. 15Taa njaɓee Esekiya tilsinana on hoolaade Joomiraaɗo, na hiila on na wi'a: «Sikke walaa Joomiraaɗo hisinan en, galluure ndee saamataa e junngo kaananke Asuura.»
16Taa kettinee haala Esekiya sabo inan ko kaananke Asuura wi'i: Paamiree e am, de kokkon kam ko'e mooɗon. Noon waɗata de mono e mooɗon fuu nyaama ɓiɓɓe inaboohi e ƴibbi muuɗum de yara ndiyam luggere muuɗum e jam, 17faa nde ngaroymi kooƴumi on njaarumi ley leydi nanndundi e leydi mooɗon, leydi keewndi alkama e inaboojam kesam, leydi keewndi nyaamdu e gese inabooje. 18Taa njaɓee Esekiya hiila on na wi'a: Joomiraaɗo hisinan en!
Yalla tooruuji lenyi goɗɗi mbaawii hisinde leydi muɓɓen e junngo kaananke Asuura fay nde wootere naa? 19Toy tooruuji Hamat e ɗi Arpad ɗiin ngoni? Toy ɗi Sefarwayim ngoni? Yalla tooruuji Samariya mbaawii hisinde ɗum e juuɗe amin naa? 20Hakkunde tooruuji leyɗe ɗeen fuu, tooru nduye waawi hisinde leydi muuɗum e junngo am sakko mbi'on ko Joomiraaɗo mooɗon na waawi hisinde Urusaliima?
21Ammaa yimɓe ɓeen fuu na ndeƴƴinii siw. Fay gooto jaabaaki sabo kaananke yamiriino taa ɓe njaaboo faa'e. 22Caggal ɗuum Eliyakim ɓii Hilkiya mawɗo laamordu e Sebna binndanoowo kaananke e Yoha ɓii Asaf kayboowo dewte kabaaruuji njeccii to Esekiya na ceeki kaddule muɓɓen. Ɓe kumpiti mo ko mawɗo laamordu Asuura oon wi'i ɗuum fuu.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© SIM International 2012, 2022