Esaaya 30
30
No Misira laatorii balloowo fewreejo
1Joomiraaɗo haali wi'i:
Bone woodanii ɓiɓɓe muurtuɓe!
Iɓe ndaba dabareeji ɗi ƴuuraay to am.
Iɓe ngaɗa amaanaaji ɗi ƴuuraay e ruuhu am
faa ɓe ɓeyda hakke dow hakke.
2Iɓe njaha leydi Misira de ɓe ƴamaay kam,
faa ɓe keɓa moolowaade semmbe Fira'awna,
ɓe cuuɗowoo ley ɗoogi Misira.
3Ammaa moolorde Fira'awna ndeen laatanto on semteende.
Suuɗorde ɗoogi Misira ndeen laatanto on wemmbere.
4Inan mawɓe laamu makko na ngoni So'an,
nelaaɓe makko du njottake Hanes.
5Ɓe fuu ɓe cemtan sabo lenyol ngool waawaa wallude ɓe.
Ngol waawaa dannude ɓe.
Ngol waawaa hisinde ɓe.
Ammaa ngol semtinan ɓe.
Ngol laatanto ɓe wemmbere.
6Annabaaku dow kujje ladde Negeb:
Ley leydi mettorgal e wemmbere,
to laddeeru rewru e wordu,
to foosikere e ngoola pittoowa ƴuurata toon,
iɓe ndeka jawdi maɓɓe dow araaji,
e dow kunkuuji gelooɗi
faa njaara ndi to lenyol ngol waawaa wallude ɓe fey.
7Mballa Misira wo ɓolum, wo henndu tan.
Wo saabe ɗuum de inndirmi leydi ndiin Rahab powtiniiɗo.
Haala lenyol ngol jaɓataa hettinaade
8Joomiraaɗo haali wi'i:
Waru winndu ɗum dow alluwal yeeso maɓɓe
de nyenyaa ɗum ley dewtere
faa ɗum laatoo seedee ley jamaanuuji fuu faa abada.
9Sabo wo ɓe lenyol kungoraangol,
wo ɓe ɓiɓɓe fenooɓe,
ɓe njiɗaa hettindaade jamirooje Joomiraaɗo.
10Iɓe mbi'a yi'ooɓe taa nji'a,
annabaaɓe du, taa nji'a faa'e ko laati goonga dow maɓɓe,
ammaa kaalda e maɓɓe haalaaji belɗi nanude,
ɓe kolla ɓe jiile fewreeje.
11Celee laawol, mbosee balangol,
ittee Ceniiɗo Israa'iila oon hakkunde meeɗen.
12Saabe ɗuum de inan ko Ceniiɗo Israa'iila oon du wi'i:
Saabe on paɗɗii konngol ngool,
on njowii hoolaare mooɗon dow bone,
oɗon tiggii e jammbu,
13hakke oon laatanto on hono wudde mawnde,
laatiinde peccol dow kokuwol galluure toowngol ngool.
Wakkati gooto ngol saamata.
14Ngol fusete hono no yuuguure fusirtee noon.
Nde heltete keltanɗe ɗuɗɗe, nde hinnataake.
Fay heeɗoore mayre ko ƴoogiree ndiyam ley ɓunndu,
maa heltannde mayre ko ittiree ƴulmere ley kaatane heddataako.
Haala kisindam keɓirteeɗam e hoolaare
15Sabo inan ko Laamɗo Joomiraaɗo, Ceniiɗo Israa'iila oon wi'i:
Si on njeccake to am e hakkillo fukkiingo fu, on keɓan kisindam.
Wo e hakkillo fukkiingo e hoolaade kam keɓirton semmbe.
Ammaa on njaɓay ɗum!
16On mbi'i: A'aa, min ndoggidan e pucci!
Goonga, on ndoggan!
On mbi'ii: Min mbaɗɗoto pucci baaƴuɗi!
Goonga, riiwooɓe on ɓeen ɓuran ɗi waaƴude!
17Neɗɗo gooto tan riiwan yimɓe ujune,
de jaaloo ɗum'en.
Si njoyo maɓɓe ndippi on fu,
on ndoggan faa keddoɗon seeɗa
hono tiigorgal darapo dow waamnde,
hono maande gomma dow tilde.
Joomiraaɗo waɗanan yimɓe muuɗum moƴƴere
18Saabe ɗuum de Joomiraaɗo na heɗii faa waɗana on moƴƴere.
O ummake faa o yurmoo on.
Sabo Joomiraaɗo wo Laamɗo ponnditiiɗo.
Barke woodanii heɗiiɓe moƴƴere makko ɓeen fuu.
19Sabo lenyol jooɗoto Siyona ley Urusaliima katin.
Goonga, a woyataa katin.
O waɗante hinney si a wullitake to makko.
Nde o nani fu, o jaabete.
20Joomiraaɗo hokkan on nyaamdu ley ɓillaare
e ndiyam ley tiiɗalla.
Jooma oon woɗɗataako ma katin.
A yi'iran mo e gite maaɗa#30:20 Aayaare ndeen na waawi du faamireede ni: Joomiraaɗo nyaamnan on ɓillaare de yarna on torra, ammaa o tottitataako on katin. Jannginoowo mooɗon oon suuɗataako on katin, gite mooɗon nji'an mo..
21Wakkati on anndaa yalla nyaamo ndewoton naa nano ndeen,
noppi mon nanan daande gaɗa mooɗon na wi'a:
Inan laawol, njokkee ngol!
22On ndaardan kaŋŋe e cardi ndi mbolgoriɗon tooruuji mon
e kaŋŋe mo kurrirɗon tooruuji gaɗiraaɗi jamɗe ɗuum fuu ko harmi.
Paɗɗon kujje ɗeen hono tuundi nyiddiniindi.
Mbi'on ɗe: Lallee ɗo!
23Ndeen o neldan ƴuwoonde dow aawdi ndi aawuɗon e leydi ndiin.
O waɗan ko gese mon ndimata ɗuum laatoo nyaamdu lobburu woondu barke.
Nyannde ndeen daabaaji mooɗon nduran ley durduɗe mawɗe.
24Na'i e araaji demooji leydi ɗiin nyaaman haako wooduko lamɗam moƴƴinaako faa wooɗi.
25Dow baamle toowɗe e dow tile toowɗe fuu tawete gooruuji ndiyam mawɗi
nyannde war-hoore mawɗo oon fini,
wakkati cuuɗi toowɗi caamata.
26Nyannde Joomiraaɗo fiilata ɓuuye yimɓe muuɗum
de sawra nawnanɗe muɓɓen ndeen,
leelewal lewru yaynan hono jayngol naange
de jayngol naange ɓeydoroo kile jeɗɗi
hono nde annoora nyalaaɗe jeɗɗi hawrondinaa.
Haala tikkere Joomiraaɗo dow Asuura
27Innde Joomiraaɗo na ƴuura to woɗɗi,
tikkere makko na huɓɓa, na teddi sanne.
Hunnduko makko na heewi haalaaji mone,
ɗemngal makko na wa'i hono yiite nyaamoowe.
28Foofaango makko na nanndi e gooruwol cemmbiɗingol, jooloowol faa daande.
O seɗiran lenyi e temal halkere.
O wattan lagamal lallinoowal yimɓe e gaɓɓule muɓɓen.
29On njiman hono no yimirtee jemma nyannde hiiro.
Ɓerɗe mooɗon mbelan hono yaadooɓe e puufaali cereeli,
weeɗuɓe dow waamnde Joomiraaɗo, to Tefaare Israa'iila toon.
30Joomiraaɗo waɗan daande muuɗum mawnde ndeen nanee.
O hollan junngo makko fiyiroowo e tikkere makko nyaaɗunde ndeen.
O holliran ɗum e yiite nyaamoowe,
ley ƴuwoonde semmbentereere nde diggaali e kaaƴe malmalluuje.
31Ndeen daande Joomiraaɗo hulɓinan Asuura.
O fiyiran leydi ndiin e sawru.
32Nde Joomiraaɗo fiyiri o sawru kiite fu,
iido bawɗi e geegineeji nanete.
Joomiraaɗo yiilan junngo muuɗum faa haɓda e makko.
33Wulirde segilaama
nde moƴƴinanaama kaananke
inde luggi, inde yaaji.
Leɗɗe ɗuuɗɗe kawrondinaama,
foofaango Joomiraaɗo huɓɓata ɗum
hono gooruwol sitti kuɓɓoowol.
Currently Selected:
Esaaya 30: FBF
Highlight
Copy
Compare
Share
Want to have your highlights saved across all your devices? Sign up or sign in
© SIM International 2012, 2022
Esaaya 30
30
No Misira laatorii balloowo fewreejo
1Joomiraaɗo haali wi'i:
Bone woodanii ɓiɓɓe muurtuɓe!
Iɓe ndaba dabareeji ɗi ƴuuraay to am.
Iɓe ngaɗa amaanaaji ɗi ƴuuraay e ruuhu am
faa ɓe ɓeyda hakke dow hakke.
2Iɓe njaha leydi Misira de ɓe ƴamaay kam,
faa ɓe keɓa moolowaade semmbe Fira'awna,
ɓe cuuɗowoo ley ɗoogi Misira.
3Ammaa moolorde Fira'awna ndeen laatanto on semteende.
Suuɗorde ɗoogi Misira ndeen laatanto on wemmbere.
4Inan mawɓe laamu makko na ngoni So'an,
nelaaɓe makko du njottake Hanes.
5Ɓe fuu ɓe cemtan sabo lenyol ngool waawaa wallude ɓe.
Ngol waawaa dannude ɓe.
Ngol waawaa hisinde ɓe.
Ammaa ngol semtinan ɓe.
Ngol laatanto ɓe wemmbere.
6Annabaaku dow kujje ladde Negeb:
Ley leydi mettorgal e wemmbere,
to laddeeru rewru e wordu,
to foosikere e ngoola pittoowa ƴuurata toon,
iɓe ndeka jawdi maɓɓe dow araaji,
e dow kunkuuji gelooɗi
faa njaara ndi to lenyol ngol waawaa wallude ɓe fey.
7Mballa Misira wo ɓolum, wo henndu tan.
Wo saabe ɗuum de inndirmi leydi ndiin Rahab powtiniiɗo.
Haala lenyol ngol jaɓataa hettinaade
8Joomiraaɗo haali wi'i:
Waru winndu ɗum dow alluwal yeeso maɓɓe
de nyenyaa ɗum ley dewtere
faa ɗum laatoo seedee ley jamaanuuji fuu faa abada.
9Sabo wo ɓe lenyol kungoraangol,
wo ɓe ɓiɓɓe fenooɓe,
ɓe njiɗaa hettindaade jamirooje Joomiraaɗo.
10Iɓe mbi'a yi'ooɓe taa nji'a,
annabaaɓe du, taa nji'a faa'e ko laati goonga dow maɓɓe,
ammaa kaalda e maɓɓe haalaaji belɗi nanude,
ɓe kolla ɓe jiile fewreeje.
11Celee laawol, mbosee balangol,
ittee Ceniiɗo Israa'iila oon hakkunde meeɗen.
12Saabe ɗuum de inan ko Ceniiɗo Israa'iila oon du wi'i:
Saabe on paɗɗii konngol ngool,
on njowii hoolaare mooɗon dow bone,
oɗon tiggii e jammbu,
13hakke oon laatanto on hono wudde mawnde,
laatiinde peccol dow kokuwol galluure toowngol ngool.
Wakkati gooto ngol saamata.
14Ngol fusete hono no yuuguure fusirtee noon.
Nde heltete keltanɗe ɗuɗɗe, nde hinnataake.
Fay heeɗoore mayre ko ƴoogiree ndiyam ley ɓunndu,
maa heltannde mayre ko ittiree ƴulmere ley kaatane heddataako.
Haala kisindam keɓirteeɗam e hoolaare
15Sabo inan ko Laamɗo Joomiraaɗo, Ceniiɗo Israa'iila oon wi'i:
Si on njeccake to am e hakkillo fukkiingo fu, on keɓan kisindam.
Wo e hakkillo fukkiingo e hoolaade kam keɓirton semmbe.
Ammaa on njaɓay ɗum!
16On mbi'i: A'aa, min ndoggidan e pucci!
Goonga, on ndoggan!
On mbi'ii: Min mbaɗɗoto pucci baaƴuɗi!
Goonga, riiwooɓe on ɓeen ɓuran ɗi waaƴude!
17Neɗɗo gooto tan riiwan yimɓe ujune,
de jaaloo ɗum'en.
Si njoyo maɓɓe ndippi on fu,
on ndoggan faa keddoɗon seeɗa
hono tiigorgal darapo dow waamnde,
hono maande gomma dow tilde.
Joomiraaɗo waɗanan yimɓe muuɗum moƴƴere
18Saabe ɗuum de Joomiraaɗo na heɗii faa waɗana on moƴƴere.
O ummake faa o yurmoo on.
Sabo Joomiraaɗo wo Laamɗo ponnditiiɗo.
Barke woodanii heɗiiɓe moƴƴere makko ɓeen fuu.
19Sabo lenyol jooɗoto Siyona ley Urusaliima katin.
Goonga, a woyataa katin.
O waɗante hinney si a wullitake to makko.
Nde o nani fu, o jaabete.
20Joomiraaɗo hokkan on nyaamdu ley ɓillaare
e ndiyam ley tiiɗalla.
Jooma oon woɗɗataako ma katin.
A yi'iran mo e gite maaɗa#30:20 Aayaare ndeen na waawi du faamireede ni: Joomiraaɗo nyaamnan on ɓillaare de yarna on torra, ammaa o tottitataako on katin. Jannginoowo mooɗon oon suuɗataako on katin, gite mooɗon nji'an mo..
21Wakkati on anndaa yalla nyaamo ndewoton naa nano ndeen,
noppi mon nanan daande gaɗa mooɗon na wi'a:
Inan laawol, njokkee ngol!
22On ndaardan kaŋŋe e cardi ndi mbolgoriɗon tooruuji mon
e kaŋŋe mo kurrirɗon tooruuji gaɗiraaɗi jamɗe ɗuum fuu ko harmi.
Paɗɗon kujje ɗeen hono tuundi nyiddiniindi.
Mbi'on ɗe: Lallee ɗo!
23Ndeen o neldan ƴuwoonde dow aawdi ndi aawuɗon e leydi ndiin.
O waɗan ko gese mon ndimata ɗuum laatoo nyaamdu lobburu woondu barke.
Nyannde ndeen daabaaji mooɗon nduran ley durduɗe mawɗe.
24Na'i e araaji demooji leydi ɗiin nyaaman haako wooduko lamɗam moƴƴinaako faa wooɗi.
25Dow baamle toowɗe e dow tile toowɗe fuu tawete gooruuji ndiyam mawɗi
nyannde war-hoore mawɗo oon fini,
wakkati cuuɗi toowɗi caamata.
26Nyannde Joomiraaɗo fiilata ɓuuye yimɓe muuɗum
de sawra nawnanɗe muɓɓen ndeen,
leelewal lewru yaynan hono jayngol naange
de jayngol naange ɓeydoroo kile jeɗɗi
hono nde annoora nyalaaɗe jeɗɗi hawrondinaa.
Haala tikkere Joomiraaɗo dow Asuura
27Innde Joomiraaɗo na ƴuura to woɗɗi,
tikkere makko na huɓɓa, na teddi sanne.
Hunnduko makko na heewi haalaaji mone,
ɗemngal makko na wa'i hono yiite nyaamoowe.
28Foofaango makko na nanndi e gooruwol cemmbiɗingol, jooloowol faa daande.
O seɗiran lenyi e temal halkere.
O wattan lagamal lallinoowal yimɓe e gaɓɓule muɓɓen.
29On njiman hono no yimirtee jemma nyannde hiiro.
Ɓerɗe mooɗon mbelan hono yaadooɓe e puufaali cereeli,
weeɗuɓe dow waamnde Joomiraaɗo, to Tefaare Israa'iila toon.
30Joomiraaɗo waɗan daande muuɗum mawnde ndeen nanee.
O hollan junngo makko fiyiroowo e tikkere makko nyaaɗunde ndeen.
O holliran ɗum e yiite nyaamoowe,
ley ƴuwoonde semmbentereere nde diggaali e kaaƴe malmalluuje.
31Ndeen daande Joomiraaɗo hulɓinan Asuura.
O fiyiran leydi ndiin e sawru.
32Nde Joomiraaɗo fiyiri o sawru kiite fu,
iido bawɗi e geegineeji nanete.
Joomiraaɗo yiilan junngo muuɗum faa haɓda e makko.
33Wulirde segilaama
nde moƴƴinanaama kaananke
inde luggi, inde yaaji.
Leɗɗe ɗuuɗɗe kawrondinaama,
foofaango Joomiraaɗo huɓɓata ɗum
hono gooruwol sitti kuɓɓoowol.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© SIM International 2012, 2022