Numera Nuarin-tas alupas 23.
Nuarin-tas alupas 23.
1, 13, 28. Nitai ahlap u Belak. 7, 18 Intas ecsipece u Belam.
1Is ika a Belam ehele Belak, Namu ago natau inyi seven aiek igcaki vai nyak, um yecrei kurimatau atamaig inyi seven im siip atamaig inyi seven.
2Is ago a Belak is idivaig is asaig a Belam; erus lep ahlap a Belak im Belam irai kurimatau is ethi im siip atamaig is ethi irai iji atau asega, athi um athi ehni.
3Is ika a Belam ehele Belak, Aiji aiek ubutpotet pan u nitai ahlap atnamud unyum, ja ekpu apan ainyak: kit etpu apam a Ihova um aubilid nyak: ekpu asuptecnaig ehelum ainyak nitai inig etpu ehvaig ehelek aien. Is echim apan aien an nuarin ijinies.
4Is aubilid Belam a Atua: is ika ehelen aien, Ek mun ago natau et seven ainyak, um ahlap irai kurimatau et ethi im siip et ethi irai iji atau asega.
5Is ahu intas an nipjineucse Belam a Ihova, um ika, Adumoij pan ehele Belak aiek, um asaig ehelen intas inigki.
6Is adumoij pan ehelen aien, is idim aiji aien ubutpotet pan u nitai ahlap atnamud o un, im ilpu atimi alupas asega an pece Moab.
7Is asan tas inig eris ahu iran aien, um ika, Is atipagki nyak Eram irai lola edoon an ridjai o un a Belak, um ika, Apam aiek, um ahlaijaig ilpu mapoi Jekob vai nyak, um apam, um asan tas imtacimtac vai nup Isreel.
8Ekpu ehvahlaijai ra sji igki ainyak, et wat eti ahlaijai ra a Atua? ekpu ehvasan tas imtacimtac vai ra sji igki ainyak, et wat eti asan tas imtacimtac vai ra a Ihova?
9Ek amen ainyak ijinies irai ij um ecet ra, ek lep amen ainyak ijinies irai lola edoon um alum ra: erupu echim amen natimi iji igki, eri eti lep esvi ra pan irai nup urai iji pece.
10Et emda a di par esvi ilpu mapoi Jekob, et lep emda a di par esvi nahaijin ford irai up Isreel? Etmu idivaig inmas u ilpu atimi upene inmas unyak, etmu lep idivaig nadiat apitac ura nadiat apitac unyak!
11Is ika a Belak ehele Belam, Inhe nigki na mun ago aiek vai nyak? kis leh euc ainyak mika an ahlaijaig ilpu atimi tak atimi irak aiek, ja na mun idim acis yi alwai ra aiek.
12Is tas aien, um ika, Eris idim ika ekpu asan tas inigki ache ainyak etpu ahu an nipjineucsek a Ihova.
13Is ika ehelen a Belak, Ek ugyi euc ainyak mika an ahced nyak aiek, um apan an taka uarin, um alum ra eahki: napu almoi nahaiji ra ache aiek itac acen, jam eti alum ra asega: um ahlaijai ra vai nyak eahki.
14Is imiapan yin aien an nuarin nobohtan Sofim, an lolan nedoon Pisca, um ago natau is seven, um ahlap irai kurimatau atamaig is ethi im siip atamaig is ethi irai iji atau asega, athi um athi ehni.
15Is ika ehele Belak aien, Aiji aiek igcaki ubutpotet pan u nitai ahlap atnamud unyum, ja ekpu aubilid Ihova ainyak eahki.
16Is aubilid Belam a Ihova, um ahu intas an nipjineucsen, um ika, Namu lep apan ehele Belak aiek, um asan tas inigki.
17Is apan ehelen aien, is aiji aien ubutpotet pan u nitai ahlap atnamud o un, im lep ilpu atimi alupas an pece Moab ehelen. Is ika a Belak ehelen, Et mun asan he a Ihova?
18Is asan tas inig eris ahu iran aien, um ika, Ak Belak, atidai aiek um ahgei; ak inhal u Sipor, namu atahaijeg intas unyak aiek:
19et eti atimi a Atua par asan tas ahcil; et lep eti inhal u natimi aien par lep adumoij an liinmopon: et wat asaig tah nitai aien, etpu ago aien; et wat tas aien, etpu ehneijid intas o un aien:
20eh mun asaig ehelek mika ki asan tas acis yi alwai ainyak: et mun asan tas acis yi alwai aien; et lep ehka vai nyak par imiadumoij intas o un.
21Et eti eteuc tah natmas ehele ilpu mapoi Jekob, er eti ecetai tah natmasimai ehele nup Isreel: et amen ehele ra a Ihova Atua ura, era imiacitak yin ara et idivaig natimarid ura.
22Is iknipagki ra an pece Ijipt a Atua; et idivaig nemda u kurimatau aleg nemda ura.
23Et eti aca inrapupo vai ilpu mapoi Jekob, et lep eti aca naraces vai nup Isreel: er ika vai ilpu mapoi Jekob im nup Isreel an nopan inig, Inhe nigki et ago a Atua!
24Erupu aiji natimi et idivaig laion alupas; um atidai et idivaig laion takuras inig, etpu caig nitai atgei aien, um umnyi inja iran, ja par asjeuc se.
25Is ika a Belak ehele Belam, Namu jim ahlaijai ra aiek, um jim acis yi alwai ra.
26Ja is asuptecnaig a Belam, um ika ehele Belak, Kis asaig ehelum ainyak, um ika, Ekpu ago nitai iji igki asega ainyak, etpu asaig a Atua.
27Is ika a Belak ehele Belam, ek ugyi euc ainyak mika an apam aiek, ekpu imiapan euc ainyak an taka uarin; kit inyi upene ira Atua mika an ahlaijai ra aiek eahki vai nyak.
28Is imiapan Belam ijinies an lolan nedoon Pior a Belak, et ahecatoh u Jesimon.
29Is ika a Belam ehele Belak, Ago natau et seven igcaki aiek, um yecrei kurimatau et seven vai nyak im siip atamaig et seven.
30Is ago a Belak is idivaig is asaig a Belam, um ahlap irai kurimatau atamaig is ethi im siip atamaig is ethi irai iji atau asega, athi um athi ehni.
Currently Selected:
Numera Nuarin-tas alupas 23.: ABO
Highlight
Copy
Compare
Share
Want to have your highlights saved across all your devices? Sign up or sign in
Aneityum Bible © Bible Society of the South Pacific, 2021
(Genesis to Esther - 1879 • Job to Malachi - 1878
• Matthew to Revelation - 1863)
Numera Nuarin-tas alupas 23.
Nuarin-tas alupas 23.
1, 13, 28. Nitai ahlap u Belak. 7, 18 Intas ecsipece u Belam.
1Is ika a Belam ehele Belak, Namu ago natau inyi seven aiek igcaki vai nyak, um yecrei kurimatau atamaig inyi seven im siip atamaig inyi seven.
2Is ago a Belak is idivaig is asaig a Belam; erus lep ahlap a Belak im Belam irai kurimatau is ethi im siip atamaig is ethi irai iji atau asega, athi um athi ehni.
3Is ika a Belam ehele Belak, Aiji aiek ubutpotet pan u nitai ahlap atnamud unyum, ja ekpu apan ainyak: kit etpu apam a Ihova um aubilid nyak: ekpu asuptecnaig ehelum ainyak nitai inig etpu ehvaig ehelek aien. Is echim apan aien an nuarin ijinies.
4Is aubilid Belam a Atua: is ika ehelen aien, Ek mun ago natau et seven ainyak, um ahlap irai kurimatau et ethi im siip et ethi irai iji atau asega.
5Is ahu intas an nipjineucse Belam a Ihova, um ika, Adumoij pan ehele Belak aiek, um asaig ehelen intas inigki.
6Is adumoij pan ehelen aien, is idim aiji aien ubutpotet pan u nitai ahlap atnamud o un, im ilpu atimi alupas asega an pece Moab.
7Is asan tas inig eris ahu iran aien, um ika, Is atipagki nyak Eram irai lola edoon an ridjai o un a Belak, um ika, Apam aiek, um ahlaijaig ilpu mapoi Jekob vai nyak, um apam, um asan tas imtacimtac vai nup Isreel.
8Ekpu ehvahlaijai ra sji igki ainyak, et wat eti ahlaijai ra a Atua? ekpu ehvasan tas imtacimtac vai ra sji igki ainyak, et wat eti asan tas imtacimtac vai ra a Ihova?
9Ek amen ainyak ijinies irai ij um ecet ra, ek lep amen ainyak ijinies irai lola edoon um alum ra: erupu echim amen natimi iji igki, eri eti lep esvi ra pan irai nup urai iji pece.
10Et emda a di par esvi ilpu mapoi Jekob, et lep emda a di par esvi nahaijin ford irai up Isreel? Etmu idivaig inmas u ilpu atimi upene inmas unyak, etmu lep idivaig nadiat apitac ura nadiat apitac unyak!
11Is ika a Belak ehele Belam, Inhe nigki na mun ago aiek vai nyak? kis leh euc ainyak mika an ahlaijaig ilpu atimi tak atimi irak aiek, ja na mun idim acis yi alwai ra aiek.
12Is tas aien, um ika, Eris idim ika ekpu asan tas inigki ache ainyak etpu ahu an nipjineucsek a Ihova.
13Is ika ehelen a Belak, Ek ugyi euc ainyak mika an ahced nyak aiek, um apan an taka uarin, um alum ra eahki: napu almoi nahaiji ra ache aiek itac acen, jam eti alum ra asega: um ahlaijai ra vai nyak eahki.
14Is imiapan yin aien an nuarin nobohtan Sofim, an lolan nedoon Pisca, um ago natau is seven, um ahlap irai kurimatau atamaig is ethi im siip atamaig is ethi irai iji atau asega, athi um athi ehni.
15Is ika ehele Belak aien, Aiji aiek igcaki ubutpotet pan u nitai ahlap atnamud unyum, ja ekpu aubilid Ihova ainyak eahki.
16Is aubilid Belam a Ihova, um ahu intas an nipjineucsen, um ika, Namu lep apan ehele Belak aiek, um asan tas inigki.
17Is apan ehelen aien, is aiji aien ubutpotet pan u nitai ahlap atnamud o un, im lep ilpu atimi alupas an pece Moab ehelen. Is ika a Belak ehelen, Et mun asan he a Ihova?
18Is asan tas inig eris ahu iran aien, um ika, Ak Belak, atidai aiek um ahgei; ak inhal u Sipor, namu atahaijeg intas unyak aiek:
19et eti atimi a Atua par asan tas ahcil; et lep eti inhal u natimi aien par lep adumoij an liinmopon: et wat asaig tah nitai aien, etpu ago aien; et wat tas aien, etpu ehneijid intas o un aien:
20eh mun asaig ehelek mika ki asan tas acis yi alwai ainyak: et mun asan tas acis yi alwai aien; et lep ehka vai nyak par imiadumoij intas o un.
21Et eti eteuc tah natmas ehele ilpu mapoi Jekob, er eti ecetai tah natmasimai ehele nup Isreel: et amen ehele ra a Ihova Atua ura, era imiacitak yin ara et idivaig natimarid ura.
22Is iknipagki ra an pece Ijipt a Atua; et idivaig nemda u kurimatau aleg nemda ura.
23Et eti aca inrapupo vai ilpu mapoi Jekob, et lep eti aca naraces vai nup Isreel: er ika vai ilpu mapoi Jekob im nup Isreel an nopan inig, Inhe nigki et ago a Atua!
24Erupu aiji natimi et idivaig laion alupas; um atidai et idivaig laion takuras inig, etpu caig nitai atgei aien, um umnyi inja iran, ja par asjeuc se.
25Is ika a Belak ehele Belam, Namu jim ahlaijai ra aiek, um jim acis yi alwai ra.
26Ja is asuptecnaig a Belam, um ika ehele Belak, Kis asaig ehelum ainyak, um ika, Ekpu ago nitai iji igki asega ainyak, etpu asaig a Atua.
27Is ika a Belak ehele Belam, ek ugyi euc ainyak mika an apam aiek, ekpu imiapan euc ainyak an taka uarin; kit inyi upene ira Atua mika an ahlaijai ra aiek eahki vai nyak.
28Is imiapan Belam ijinies an lolan nedoon Pior a Belak, et ahecatoh u Jesimon.
29Is ika a Belam ehele Belak, Ago natau et seven igcaki aiek, um yecrei kurimatau et seven vai nyak im siip atamaig et seven.
30Is ago a Belak is idivaig is asaig a Belam, um ahlap irai kurimatau atamaig is ethi im siip atamaig is ethi irai iji atau asega, athi um athi ehni.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Aneityum Bible © Bible Society of the South Pacific, 2021
(Genesis to Esther - 1879 • Job to Malachi - 1878
• Matthew to Revelation - 1863)