Numera Nuarin-tas alupas 22.
Nuarin-tas alupas 22.
1 Eh acaiji intas uhup u Belak vai Belam. 15 Et leh yin aien vai intas sekunt o un. 22 Et ika a nagelo is atgei yin, el is eti imiatamaig yin a togke o un. 36 Et aubilid yin a Belak.
1ERIS atga ura a nup Isreel um apan, um atumop irai iji uarin marara Moab an nahaijin Jortan igcapam ubutpotet pan Jeriko.
2Is almoi a Belak inhal u Sipor niji itai asega eris ago a nup Isreel vai nup Emor.
3Eris imtita atimi a nup u Moab, va nitai inig nikavaig, eris ahinag ara; eris lep ohocred a nup u Moab vai nup Isreel.
4Eris ika a nup u Moab ehele ilpu atimi alupas Mitian, Erupu auroauro natimi iji igki um hegaig niji itai asega uja, et idivaig et caig nefelelicai an nobohtan kurimatau. Is atimarid u nup u Moab a Belak inhal u Sipor an nopan iyehki:
5Is abra atimi aien par apan Pidor ehele Belam inhal u Bior, ubutpotet pan nofowai an pece u nup Amon, um imiacaij yin, um ika, Eris ahes an pece Ijipt a nup uran tah an pece: era lep ataluopni pam nobohtan ara, um amen ubutpotet ehelek:
6ek ugyi euc ainyak, mika an apam aiek, um ahlaijai atimi iji igki; era esjilid irak ara: kit ekpu esjilid ira ra ainyak, um auud ra, um ahlo ra an pece: ek ato ainyak mika era ahesmoij natimi iji ig na acis yi alwai ra aiek, et lep erekinman ira ra ara na ahlaijai ra aiek.
7Eris apan a ilpu atimi alupas u nup u Moab im ilpu atimi alupas u nup u Mitian, um apos nimtan naraces irai ikmara; eris apan ehele Belam ara, um asaig ehelen intas o Belak.
8Is ika ehele ra aien, Amen igcaki aijaua an nepig inigki, ekpu lep asaig ehelemia ainyak intas etpu asaig ehelek a Ihova: eris amen ehele Belam a ilpu atimi alupas u nup u Moab.
9Is ehcohos pan ehele Belam a Atua, um ika, Natimi a di ji igki ehelum?
10Is ika a Belam ehele Atua, Is abra atimi a Belak inhal u Sipor, natimarid u nup u Moab, par apam ehelek, um ika,
11Eris ahes an pece Ijipt a nup uran tah an pece um apam, era ataluopni pam nobohtan ara: apam aiek, um ahlaijai ra; kit ekpu esjilid ira ra ainyak an nedoa, um ahlo ra.
12Is ika a Atua ehele Belam, Namu jim ahced ra aiek; um jim ahlaijai atimi iji igki: eris acis yi alwai ra.
13Is aiji a Belam an nuhialeg, um ika ehele ilpu atimi alupas u Belak, Akumu apan aijaua an pece unyimia: et acaiji nyak a Ihova vai ki jim ahced caua ainyak.
14Eris atidai a ilpu atimi alupas u nup u Moab um apan ehele Belak, um ika, Et esjum a Belam par ahced cama.
15Is lep abrai ilpu atimi alupas a Belak, eris ahinag ara um esjilid irai ra sji ehki.
16Eris apan ehele Belam ara, um ika ehelen, Et ika a Belak inhal u Sipor, Ek ugyi euc ainyak mika an ham ehelek aiek, etmu jim atapnes euc tah nitai:
17ekpu imiaridjai euc ainyak, um ika eri ecen alupas vai euc, ekpu lep ago niji itai asega ainyak napu asaig ehelek aiek: ek ugyi euc ainyak, mika an ham aiek um ahlaijai atimi iji igki.
18Is tas a Belam ehele ilpu aheca u Belak, um ika. El et alupai nyak neom o un a Belek um ohua silver im colt iran, el et ehka vai nyak par imipalea intas o Ihova Atua unyak, an tah nitai alupas ka an tah nitai haklin.
19Ek ugyi caua ainyak, mika aki lep amen igcaki aijaua an nepig inigki, mika ki ato ainyak nitai inig etpu lep asaig ehelek a Ihova.
20Is ehcohos pan ehele Belam a Atua an nepig, um ika ehelen. El era apam ehelum natimi um imiacaij euc, atidai aiek, um ahced ra; ja napu imiaiji intas inig aiek ekpu asaig ehelum ainyak.
21Is aiji an nuhialeg a Belam, um atijai satel irai togke o un, um ahced ilpu atimi alupas u nup u Moab,
22Is atavaitap a Atua va napan o un: is aiji a nagelo o Ihova an nefalaig par atapnes yin. Is ateuc irai togke o un aien, erus lep ahced yin ahwat aheca o un is ero.
23Is ecet nagelo o Ihova togke o un naiji vaig an nefalaig, im nauitoga o un an nikman is ti incetpon iran: is udei nefalaig a togke, um apan irai uman tah: is aredei togke o un a Belam par imiadumoij yin an nefalaig.
24Ja is aiji a nagelo o Ihova an nefalaig ui okoro vaine, is etgeig nathatahau an nahaijin, im nahaijin.
25Is wat almoi nagelo o Ihova a togke, is atarere nathatahau aien, um atgeig yi oplec neduei Belam an nathatahau: is lep aredei yin aien.
26Is lep atga a nagelo o Ihova um aiji an nuarin ehroehro, is ti inuarin ahidaig pan iran an matan ka an mauun.
27Is wat ecet nagelo o Ihova a togke, is eropse aien ithai Belam; is atavaitap a Belam, um aredei togke an niseuc.
28Is asalgei nipjineucse togke a Ihova, is ika aien ehele Belam, Kis ago inhe iram ainyak mika na mun eceseij aredei nyak aiek.
29Is ika a Belam ehele togke, As imiedohalav nyak aiek: el et amen nauitoga an nikmak, el ek atgei euc ainyak.
30Is lep ika a togke ehele Belam, Ek togke unyum ainyak, as atga irak aiek an nopan iyehki as leh nyak aiek um imihum pam an nopan inig: kis upyi ago nedo inigki vai euc ainyak, ka oʼo? Is um ika aien, Oʼo.
31Is asalgei nesganimtai Belam a Ihova, is lep ecet nagelo o Ihova aien naijivaig an nefalaig, im nauitoga o un an nikman is ti incetpon iran: is atpuse aien, um eropse an nesganimtan.
32Is ika ehelen a nagelo o Ihova, As a uri aiek par eceseij aredei togke unyum? ek mun idim ham ainyak par atapnes euc, et idim has nedo unyum an nuhup unyak:
33is ecet nyak a togke, um eceseij atidjin irak: el et eti atidjin irak aien, el et idim atgei euc ainyak, um imiatamaig yin.
34Is ika a Belam ehele nagelo o Ihova, Ek mun ago nedo has ainyak; ek mun eti ato ainyak mika na mun aiji an nefalaig aiek par atapnes nyak: el et eti upene iram, ekpu lep adumoij ainyak.
35Is ika a nagelo o Ihova ehele Belam, Ahced atimi aiek: ja namu asaig intas inigki ache aiek, ekpu asaig ehelum ainyak. Is ahced ilpu atimi alupas u Belak a Belam.
36Is wat atahaijeg a Belak mika is ham a Belam, is apan aien an maliyum is ethi an pece Moab par aubilid yin, an nehni vai inpece Amon, nilpun pece itac acen.
37Is ika a Belak ehele Belam, Kis emda ainyak um abra atimi par apan um imiacaij euc: as a uri aiek par eti ham ehelek: ek emda ainyak par imiaridjai euc, um ika eri ecen vai euc.
38Is ika a Belam ehele Belak, Ek mun idim ham ainyak ehelum: ja ek eti emda ainyak nasaig vaig tah nitai: ekpu asaig intas inig ache ainyak etpu ati an nipjineucsek a Atua.
39Is ahced Belak a Belam, um yetpan Kirjad-husod.
40Is ahlap a Belak irai kurimatau im siip, um imiapan ehele Belam, im ilpu atimi alupas eris amen ehelen ara.
41Is wat lahlah an tak apnyin, is leh Belam a Belak um imiapan yin irai iji tap u Beal, va etpu almoi atimi asega aien.
Currently Selected:
Numera Nuarin-tas alupas 22.: ABO
Highlight
Copy
Compare
Share
Want to have your highlights saved across all your devices? Sign up or sign in
Aneityum Bible © Bible Society of the South Pacific, 2021
(Genesis to Esther - 1879 • Job to Malachi - 1878
• Matthew to Revelation - 1863)
Numera Nuarin-tas alupas 22.
Nuarin-tas alupas 22.
1 Eh acaiji intas uhup u Belak vai Belam. 15 Et leh yin aien vai intas sekunt o un. 22 Et ika a nagelo is atgei yin, el is eti imiatamaig yin a togke o un. 36 Et aubilid yin a Belak.
1ERIS atga ura a nup Isreel um apan, um atumop irai iji uarin marara Moab an nahaijin Jortan igcapam ubutpotet pan Jeriko.
2Is almoi a Belak inhal u Sipor niji itai asega eris ago a nup Isreel vai nup Emor.
3Eris imtita atimi a nup u Moab, va nitai inig nikavaig, eris ahinag ara; eris lep ohocred a nup u Moab vai nup Isreel.
4Eris ika a nup u Moab ehele ilpu atimi alupas Mitian, Erupu auroauro natimi iji igki um hegaig niji itai asega uja, et idivaig et caig nefelelicai an nobohtan kurimatau. Is atimarid u nup u Moab a Belak inhal u Sipor an nopan iyehki:
5Is abra atimi aien par apan Pidor ehele Belam inhal u Bior, ubutpotet pan nofowai an pece u nup Amon, um imiacaij yin, um ika, Eris ahes an pece Ijipt a nup uran tah an pece: era lep ataluopni pam nobohtan ara, um amen ubutpotet ehelek:
6ek ugyi euc ainyak, mika an apam aiek, um ahlaijai atimi iji igki; era esjilid irak ara: kit ekpu esjilid ira ra ainyak, um auud ra, um ahlo ra an pece: ek ato ainyak mika era ahesmoij natimi iji ig na acis yi alwai ra aiek, et lep erekinman ira ra ara na ahlaijai ra aiek.
7Eris apan a ilpu atimi alupas u nup u Moab im ilpu atimi alupas u nup u Mitian, um apos nimtan naraces irai ikmara; eris apan ehele Belam ara, um asaig ehelen intas o Belak.
8Is ika ehele ra aien, Amen igcaki aijaua an nepig inigki, ekpu lep asaig ehelemia ainyak intas etpu asaig ehelek a Ihova: eris amen ehele Belam a ilpu atimi alupas u nup u Moab.
9Is ehcohos pan ehele Belam a Atua, um ika, Natimi a di ji igki ehelum?
10Is ika a Belam ehele Atua, Is abra atimi a Belak inhal u Sipor, natimarid u nup u Moab, par apam ehelek, um ika,
11Eris ahes an pece Ijipt a nup uran tah an pece um apam, era ataluopni pam nobohtan ara: apam aiek, um ahlaijai ra; kit ekpu esjilid ira ra ainyak an nedoa, um ahlo ra.
12Is ika a Atua ehele Belam, Namu jim ahced ra aiek; um jim ahlaijai atimi iji igki: eris acis yi alwai ra.
13Is aiji a Belam an nuhialeg, um ika ehele ilpu atimi alupas u Belak, Akumu apan aijaua an pece unyimia: et acaiji nyak a Ihova vai ki jim ahced caua ainyak.
14Eris atidai a ilpu atimi alupas u nup u Moab um apan ehele Belak, um ika, Et esjum a Belam par ahced cama.
15Is lep abrai ilpu atimi alupas a Belak, eris ahinag ara um esjilid irai ra sji ehki.
16Eris apan ehele Belam ara, um ika ehelen, Et ika a Belak inhal u Sipor, Ek ugyi euc ainyak mika an ham ehelek aiek, etmu jim atapnes euc tah nitai:
17ekpu imiaridjai euc ainyak, um ika eri ecen alupas vai euc, ekpu lep ago niji itai asega ainyak napu asaig ehelek aiek: ek ugyi euc ainyak, mika an ham aiek um ahlaijai atimi iji igki.
18Is tas a Belam ehele ilpu aheca u Belak, um ika. El et alupai nyak neom o un a Belek um ohua silver im colt iran, el et ehka vai nyak par imipalea intas o Ihova Atua unyak, an tah nitai alupas ka an tah nitai haklin.
19Ek ugyi caua ainyak, mika aki lep amen igcaki aijaua an nepig inigki, mika ki ato ainyak nitai inig etpu lep asaig ehelek a Ihova.
20Is ehcohos pan ehele Belam a Atua an nepig, um ika ehelen. El era apam ehelum natimi um imiacaij euc, atidai aiek, um ahced ra; ja napu imiaiji intas inig aiek ekpu asaig ehelum ainyak.
21Is aiji an nuhialeg a Belam, um atijai satel irai togke o un, um ahced ilpu atimi alupas u nup u Moab,
22Is atavaitap a Atua va napan o un: is aiji a nagelo o Ihova an nefalaig par atapnes yin. Is ateuc irai togke o un aien, erus lep ahced yin ahwat aheca o un is ero.
23Is ecet nagelo o Ihova togke o un naiji vaig an nefalaig, im nauitoga o un an nikman is ti incetpon iran: is udei nefalaig a togke, um apan irai uman tah: is aredei togke o un a Belam par imiadumoij yin an nefalaig.
24Ja is aiji a nagelo o Ihova an nefalaig ui okoro vaine, is etgeig nathatahau an nahaijin, im nahaijin.
25Is wat almoi nagelo o Ihova a togke, is atarere nathatahau aien, um atgeig yi oplec neduei Belam an nathatahau: is lep aredei yin aien.
26Is lep atga a nagelo o Ihova um aiji an nuarin ehroehro, is ti inuarin ahidaig pan iran an matan ka an mauun.
27Is wat ecet nagelo o Ihova a togke, is eropse aien ithai Belam; is atavaitap a Belam, um aredei togke an niseuc.
28Is asalgei nipjineucse togke a Ihova, is ika aien ehele Belam, Kis ago inhe iram ainyak mika na mun eceseij aredei nyak aiek.
29Is ika a Belam ehele togke, As imiedohalav nyak aiek: el et amen nauitoga an nikmak, el ek atgei euc ainyak.
30Is lep ika a togke ehele Belam, Ek togke unyum ainyak, as atga irak aiek an nopan iyehki as leh nyak aiek um imihum pam an nopan inig: kis upyi ago nedo inigki vai euc ainyak, ka oʼo? Is um ika aien, Oʼo.
31Is asalgei nesganimtai Belam a Ihova, is lep ecet nagelo o Ihova aien naijivaig an nefalaig, im nauitoga o un an nikman is ti incetpon iran: is atpuse aien, um eropse an nesganimtan.
32Is ika ehelen a nagelo o Ihova, As a uri aiek par eceseij aredei togke unyum? ek mun idim ham ainyak par atapnes euc, et idim has nedo unyum an nuhup unyak:
33is ecet nyak a togke, um eceseij atidjin irak: el et eti atidjin irak aien, el et idim atgei euc ainyak, um imiatamaig yin.
34Is ika a Belam ehele nagelo o Ihova, Ek mun ago nedo has ainyak; ek mun eti ato ainyak mika na mun aiji an nefalaig aiek par atapnes nyak: el et eti upene iram, ekpu lep adumoij ainyak.
35Is ika a nagelo o Ihova ehele Belam, Ahced atimi aiek: ja namu asaig intas inigki ache aiek, ekpu asaig ehelum ainyak. Is ahced ilpu atimi alupas u Belak a Belam.
36Is wat atahaijeg a Belak mika is ham a Belam, is apan aien an maliyum is ethi an pece Moab par aubilid yin, an nehni vai inpece Amon, nilpun pece itac acen.
37Is ika a Belak ehele Belam, Kis emda ainyak um abra atimi par apan um imiacaij euc: as a uri aiek par eti ham ehelek: ek emda ainyak par imiaridjai euc, um ika eri ecen vai euc.
38Is ika a Belam ehele Belak, Ek mun idim ham ainyak ehelum: ja ek eti emda ainyak nasaig vaig tah nitai: ekpu asaig intas inig ache ainyak etpu ati an nipjineucsek a Atua.
39Is ahced Belak a Belam, um yetpan Kirjad-husod.
40Is ahlap a Belak irai kurimatau im siip, um imiapan ehele Belam, im ilpu atimi alupas eris amen ehelen ara.
41Is wat lahlah an tak apnyin, is leh Belam a Belak um imiapan yin irai iji tap u Beal, va etpu almoi atimi asega aien.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Aneityum Bible © Bible Society of the South Pacific, 2021
(Genesis to Esther - 1879 • Job to Malachi - 1878
• Matthew to Revelation - 1863)