Zefwaniya 3
3
Wubi wa Yelushalema na kukuliziwa
1Makando ku lukena lwa bakakufutulukila na kulibipisha,
lukena lwa bakakulyatilila.
2Lukena lwabulukanga kuyuvwilila ku lizu,
hinge kutengululiwa.
Kaliha lwa kulupilanga muli Nyambi ya Ngula,
kami kunyepa kuyavwa kwa Nyambi lufwako.
3Babilolo balwo banengi ngo babimbwi Bakubuluma,
bakakuyata balwo banengi ngo bambinzi ba mazolo,
babulanga kutenteka shuma ngayi shikume kulumenemene.
4Bamiluwe balwo banengi bakakulilundumika na bakakubeba,
bakankombela bendi banazilululu eshe shenga sha kuyela.
Na kuleta mushunga ku mazu a Nyambi.
5Nyambi ya Ngula wekala mukati kalwo,
niye wenga wakwoloka, kaliha watendanga byabibi,
lumenemene na lumenemene wayatanga na kuketula shiwahe,
ha malungashiku na malungashiku ukulubuka kwakubula kukwanga,
ngoboni bakakutenda wubi bakubula lisheni.
6“Nanongeshakale matunga nimwawo na kulobesha bipata byabo
nabipishi mikwakwa ya minzi yabo ngayi kubule muntu wa kwendamo,
minzi yabo yafutukakale mapembe mwakubula bantu ba kuzikamo.
7Niho nambile ku luyo lukena ngayi,
‘Mwa shikuma haya ukantina na kutambula kutengululiwa.’
Nyinkalo yendi kukalobeshiwa yifwako
hinge kashushwilo kami kukeza hahalwo kafwako.
Ngoboni mitima yabo nimwayo yishili
kukakatila kutenda milimo ya ku bola.”
8Nyambi ya Ngula ukwamba ngayi,
Tatililenu taha, ndaba mutena uya nikemana ngo mukakuyatisha matunga.
Ndaba shifungo shami shinengi sha kukungula matunga nimwawo,
na kukungwila hamo wene wa matunga.
Nakuyitila wukali wami hahabo na ntukumina nimwayo ya wukali wami,
ndaba ya mundilo wakupilama kwa lihungu lyami,
hano hanci nimwaho ha kabanga.
9“Ee, ha shikati shiyo nikafutula nyambilo ya bantu,
nimwabo ngayi bambenga byabiwahe,
ngayi nimwabomwabo mwanga bakehanenga ha lizina lya Nyambi ya Ngula
na kumutendela milimo na mutima umo tuhu.
10Ku balika mu nciza ya mishinzi ya litunga lya Kushi#3:10 Kushi: Kushi niye kami Etopya. bakandemesha,
bantu bami baya bapanzana,
bakaleta zintupu kukwami.
11Ha mutena uyo kukayeneshiwa mufwako
ndaba yantendelo yenu iya mwamfutukilile,
ndaba nikafumisha bakakuliyemeza mukati kenu,
pe kukaliyemeza kami ha lipili lyami lya kuyela mufwako.
12Ndaba nikayaka mukati kenu bantu
ba kubomba na kulishepesha.
Nibo ba kuholama mu lizina lya Nyambi ya Ngula.
13 #
Kuh 14:5. Baishalela baya bakashala kukatenda byabibi bafwako,
kami kukamba mahalo bafwako,
hinge ha mivumbo yabo.
Bakalya na kulangana,
kowa shuma sha kubatinisha.”
Lwimbo lwa ku wahilila
14Obe mwana Ziyoni wa mbuyama,
yimbila na kubilikiza obe Ishalela.
Wahilila na kutangala na mutima wobe nimwawo,
obe Yelushalema mwana wa mbuyama.
15Nyambi ya Ngula unafumishi kuyatishiwa hahobe,
unashintululu bamalamo bobe.
Nyambi ya Ngula, Mwene wa Ishalela uli mukati kobe,
kaliha munafwanini kwikala na bowa.
16Ha mutena uyo shikambiwa ku Yelushalema ngayi,
“Obe Ziyoni hinga utina,
maboko wobe hinga apopa.
17Nyambi ya Ngula, Nyambi yobe,
uli hamo na nobe,
uli na ngovu za kulamwina.
Nyambi ya Ngula ukawahilila mumwobe,
ukakukatalisha mu shishemo shendi,
ukaku wahilila na kukwimbilila nyimbo.
18Ngo ha mutena wa shimbo sha ku wahilila,
nikafumisha malwa kukwobe
ngayi mwanga ubule kwikala na lisheni.
19Monenu, ha shikati shiyo nimwabo baya
bamilyatililanga nikabashushula.
Nikapulwisha bakakushunkuta,
na kukungula baya bapanzanine.
Nikafutula lisheni lyabo liya lyalimukiwile,
hano hanci nimwaho ngayi bayemeziwe.
20Ha shikati shiyo nikamikungula hamo,
na kumibwesha ku munzi.
Mwa shikuma, nikamitumbalalisha na kuyemeziwa hakati ka
bantu ba matunga nimwawo,
oho nikamibweshela wuheti wenu himumona na meho wenu.”
Eshe nisho anamba Nyambi ya Ngula.
Currently Selected:
Zefwaniya 3: LLK
Highlight
Copy
Compare
Share
Want to have your highlights saved across all your devices? Sign up or sign in
Libuka Lya Kuyela © Bible Society of Zambia, 2020.
