Zakaliya Kutontolola
Kutontolola
Libuka lya muluwe Zakaliya, ou washimikilile lushango ku ba Yunda aba babokele kufuma mu wuntapwa mu Mbambiloniya. Ngonehe muluwe wamina, washumankanishile bantu kukulupila na kutendulula Litala lya Nyambi ya Ngula. (Penza kami Ezila 5:1-2) Ngonehe bamiluwe bamina aba balimenekele kukwendi. Zakaliya wekalile na shitima sha kuliyelesha ha bya wunyambi ku ba Yunda naku bantwamina babo. Kulumbeza ku shumankanisha bantu.
Muluwe Zakaliya wambile shikuma ha bamfwile na banginga na mapukwenda. Bantu baliwahishile kulemesha Nyambi ya Ngula, hinge ndi bantu bekalile mu malamo ngoboni ngayi bazaminine, Nyambi ukabalama. Shimono shamoneshele ou ukafwanina kulela Yunda, ngayi Zelumbambelu ukenga kalela. Shimono shimina sha Yoshuwa Mukulwane wa bakankombela nimwabo.
Mbalila ya wubili ya buka ya Zakaliya yikwamba habya mutena ou Nyambi akayata bamalamo ba Ishalela, kulamwina na kuleta hamo bantu, ku shumankanisha bantwamina ba Ishalela na kufutula Yelushalema kami kwinga mwanya wakwikala wa Nyambi (7-14).
Mbalila ya wuhatu ya libuka lya Zakaliya ya kwiza kwa mwene wamupya. (9:1—14:21)
Biya Bilimo
Bimono bya Zakaliya 1:1—6:15
Kutontolola lushango 1:1-6
Bimono mutanu na bihatu na zintendelo 1:7—6:15
Bya kuzila kulya na Kwombatala na Kutangamisha 7:1—8:23
Kwiza kwa mwene wamupya 9:1—14:21
Bantwamina na bantu babo 9:1—11:17
Bantu na Bantwamina babo 12:1—14:21
Currently Selected:
Zakaliya Kutontolola: LLK
Highlight
Copy
Compare
Share
Want to have your highlights saved across all your devices? Sign up or sign in
Libuka Lya Kuyela © Bible Society of Zambia, 2020.