Baloma 16

Kushangwisha kwa Paulu

1Nikumilimukisha bya Fwembi, mpanzetu, ou mukakuyavwa wa mu litengo lya mu Shenkeliya. 2Mumutambule mu lizina lya Mwene, ngo shinafwanini bakakwitabila. Kami mumuyavwe byuma nimwabyo ebye anabulu, ndaba niye unayavwa shikuma bantu babengi, hamo na nami.

3 # Mil 18:2. Shangwishenu Pulishila na Akwila aba ninatende nabo hamo mulimo wa Yeshu Kilishitu. 4Baliwahishilile kufwa ndaba ya wumi wami. Kaliha ami tuhu nikukambilila kukwabo, ngoboni na matengo nimwawo a Bakamatunga. 5Shangwishenu kami na litengo lya bantu baya ba kungulukilanga mu litala lyabo.

Muncangwishile Epaneta muhoni wami nahaka, ou wengile muntu wakutatika mu litunga lya Esha kukulupila Kilishitu. 6Shangwishenu Maliya, ou watendele milimo shikuma hakati kenu. 7Shangwishenu kami Andilonikashi na Njuniya, bambayi Bayunda baya bekalile na nami mu tolongo, kami banatumbalala hakati ka bantumwana, aba batatikile kwinga Bakakilishitu oho ami shilolo nikulupile.

8Shangwishenu Ampiliyatashi, muhoni wami nahaka muli Mwene. 9Shangwishenu Alimbanashi, minetu mu mulimo wa Kilishitu na Shitakishi, muhoni wami nahaka. 10Shangwishenu Apeleshi mukakuyemeziwa muli Kilishitu. Shangwishenu baka litala lya Alishitobuleshi. 11Shangwishenu Holondiyane, minami Kayunda. Shangwishenu baka litala lya Nakishashi bali muli Mwene.

12Shangwishenu Talifwena na Talifwosha, bambuyama bakakutenda shikuma milimo muli Mwene. Shangwishenu Peshishi muhoni wami wakuhakiwa, mbuyama wamina wapitakanishile kutenda shikuma milimo muli Mwene. 13Shangwishenu Lufushi, mukakuhatiwa muli Mwene, shangwishenu na mandiyendi, ou wengile ngo mawa. 14Shangwishenu Ashinkilitashi na Fwilengoni na Hemeshi na Patulombashi na Hemashi na bawushinda baya bali nabo. 15Shangwishenu Fwilolongashi na Njuliya na Neliyashi na mpanzendi na Olimpashi na bakakwitabila nimwabo baya bali nabo.

16Lishangwishenu umo na wamina na kulizupeza kwa kuyela. Matengo nimwawo a Kilishitu akumishangwisha.

Mazu amamaninino

17Wuluno bawushinda nikumikowamina ngayi keyenu na bantu aba ba kumitapulula na kumipukalisha, aba ba kukana ku longesha oku munalilongeshe. Babengukenu! 18Ndaba obo bakwinga noho, kaliha ba kutendela milimo Mwene wetu Yeshu Kilishitu, ngoboni ba kutendela mavumo abo tuhu. Na mazu amawahe na nyambilo ya kubengezeka bakwongeza baka mitima ya kufutuka wangu. 19Bantu nimwabo, banayuvwu eshe munombatala ku ncango zaziwahe. Nohobene ninawahilili ndaba yanenu. Ngoboni nikushinga ngayi mwinge bakakukeya ku byabiwahe, pe mwinge bakuyeba ku byuma byabibi. 20Pe Nyambi ou wapananga ku mwena ukanyankupa kucancola Shatana ku nceto ya mawulu wenu.

Nceshe za Mwene wetu Yeshu Kilishitu zikale nenu.

21Timoteo ou minami nikutenda nendi milimo ukumishangwisha na Lushiya na Yashoni na Shoshipata bambayi Bayunda nanibo kami ba kumishangwisha.

22Ami Tetiyashi, mukakutikita elye liñwati, nikumishangwisha muli Mwene.

23 # Mil 19:29; 1Koli 1:14; 2Tim 4:20. Ngayushi ou wantambwile, uya mu litala lyendi ba kungulukilanga bakalitengo, ukumishangwisha. Elashitashi mukakukoweza wuheti wa mu munzi ukumishangwisha na Kwotashi kawushinda wetu ukumishangwisha. ( 24Nceshe za Mwene wetu Yeshu Kilishitu zikale nenu nimwenu Ameni.)

Malombelo akuyemeza amamaninino

25Tuyemezenu Nyambi! Niye uli na ngovu za kumishumisha mu kukulupila, kwezekesha na ncango zaziwahe nashimikilile za lukuwa lwa Yeshu Kilishitu na kwezekesha na kuholoka kwa ncimpi zaholekiwile shikati shashitali kufuma ku mwaka. 26Ngoboni wuluno zinamoneke, kami biya byatikitiwa na bamiluwe ngo ku ndayano za Nyambi wa mwaya myaka binalimukiwi ku matunga nimwawo, ngayi nimwabo ba kulupile na kwombatala.

27Kuli Nyambi tuhu mukangana nimwazo, kwikale wuwahe wa mwaya myaka kupitila muli Yeshu Kilishitu! Ameni.

Currently Selected:

Baloma 16: LLK

Highlight

Compare

Copy