Zincimpi 9
9
Ngana na Kuyeba
1Ngana zinaziki litala lyazo,
zabazakale zimpangwa zazo mutanu na zibili.
2Zaziha kale tuyamana twazo na kuyema waine,
zawahishi tebulu yazo.
3Zatuma kale batunkanga zabo,
pe zili na kwihana hambalila ya kukankama ha munzi.
4Zikwihana ngayi, “Muntu nimwendi showa eze kuno!”
Ngana zikwambila wakuyeba ngayi,
5“Yekenu mulye byakulya byami,
kami munwe na waine ninayeme.
6Lehenu zinzila zenu zowa pe mu kuyoya,
endenu mu zinzila za ku yuvwishisha.”
7Ou nimwendi waku shiwulula wa wuncengwe ukulishingila kuhanduliwa,
ou nimwendi wukwambila wakuluwa ukulishingila lisheni.
8Hinga ushiwulula muntu wa wuncengwe ndelewa ukakuzimba.
Shiwulula muka ngana pe ukuku haka.
9Fundiziza wangana pe ukekala na ngana shikuma,
longesha wa kulunga pe ukununga kukulilongesha kwendi.
10 #
Yobo 28:28; Nyi 111:10; Zinc 1:7. Kuyuvwila Nyambi ya Ngula bowa niwo mabalikilo a ngana,
pe kalimukisho ka Nyambi wa Kuyela niko kanangatima.
11Ndaba ya nami ngana, matena wobe akavula,
kami myaka yikawezelela ku wumi wobe.
12Ndi uli wangana, ngana zobe zikakuyavwa,
ndi uli wawuncengwe, ukayanda ninkayobe.
13Mbuyama wakuyeba wenga wa miyoyo,
kutwesha kulilama wufwako, pe wakubula kalimukisho.
14Wekalanga ku shipana sha litala lyendi,
ha shipona shiya shili mu munzi hambalila ya kukankama.
15Wehananga bakakwenda na kupita mu nzila ngayi,
16“Muntu nimwendi showa eze kuno!”
Wambanga kuwakubula ngana ngayi,
17“Mema a kuyiba enga amawahe,
na byakulya bya kulila kuwi byenga byabitobe.”
18Ngoboni kulimuka ngayi bafu bali muyo bafwako,
kami bayeni bendi bali mu kalunga ka bafu.
Currently Selected:
Zincimpi 9: LLK
Highlight
Copy
Compare
Share
Want to have your highlights saved across all your devices? Sign up or sign in
Libuka Lya Kuyela © Bible Society of Zambia, 2020.