Malaki 1
1
1Awa niwo mazu a Nyambi ya Ngula ku bantu ba Ishalela kupitila muli muluwe Malaki.#1:1 Malaki, kutontolola ngayi, “Ntumwana wami.”
Shishemo sha Nyambi ya Ngula ku bantu ba Ishalela
2 #
Lom 9:13. #Isha 34:5-17; 63:1-6; Yel 49:7-22; 35:1-15; Amos 1:11-12; Omba 1-14.Nyambi ya Ngula ukwamba ku bantu bendi ngayi, “Namihaka shikati nimwasho.”
Ngoboni mukwamba ngayi, “Kati watu haka nahiti?”
Nyambi ya Ngula ukukumbula ngayi, “Nka Ishau na Yakobo bengile muntu na mukonzo wendi, ngoboni ami nahakileko Yakobo na bazukulyendi. 3Ishau na bazukulyendi nabakanine, nalobeshele litunga lyendi lya binkanda na ku shiya likona lyendi ku bamimbwe bamu libelelengwa.”
4Ndi Baendoma bazukulya Ishau bakwamba ngayi, “Tunalobeshiwi, ngoboni tukatendulula mapembe wetu,” niho Nyambi wa Makunge ukukumbula ngayi, “Balehenu batendulule, pe nikalunyemwina hanci kami. Hantu banakatoyiwi ngayi, ‘Litunga lya kuluwa na bantu baya anakalihili Nyambi ya Ngula, mwaya myaka.’”
5Bantu ba Ishalela bakalimonena, pe bakamba ngayi, “Nyambi ya Ngula wangovu kukakuma na mu nciza ya nginza ya litunga lya Ishalela.”
Nyambi ya Ngula ukunyanca bakankombela
6Nyambi wa Makunge ukunyanca bakankombela ngayi, “Mwana walemeekanga tatiyendi na mukamulimo walemeekanga hekulyendi, ndi Ami nili tatiyenu, maleema wami haya ali kuti? Ndi Ami nili hekulyenu, haya bowa muli nawo uli kuti? Mukuhandulu, ngoboni mukwipula ngayi, ‘Kati tunakuhandulu nahiti?’ 7Mwahandulanga ha kutupula byakulya bya kubula ku fwanina ha kaala. Niho mwikupula ngayi, ‘Kati etu twa kuhandulu nahiti?’ Munahandulu hakwamba ngayi kaala ka Nyambi ku fwanina maleema kafwako. 8#Nday 15:21. Oho mu kutupula shimuna wakufwa meho hinge wakukola hinge wakupenga kwinga nkombela, kati mu kuhanganika ngayi eshe kaliha Kubipisha ndi? Katupulenu ebye kuli kalela wenu, kati ukawahilila hinge kumiyamiziza ndi? Eshe nisho anamba Nyambi wa Makunge.”
9Haya enu bakankombela, lambililenu kuli Nyambi ya Ngula ngayi mwanga atuyamizize. Haya ndi mukatupula ntupu ya nahiyo, kati ukayitambula ndi? 10Nyambi wa Makunge ukwamba ngayi, “Shinga hali umo hakati kenu ukushinka bipana bya Litala lyami, ngayi mubule kwibika mundilo wakubula ebye mu kutendaho. Nifwako ku wahilila nanenu, kami kukatambula zintupu zenu nifwako. 11Lizina lyami lyalinene hakati ka matunga nimwawo, kufuma kukututika kwa mutena kutwala na kukulela kwawo. Muzimbalila nimwazo incence ya kuhokesha iya yatutwishanga livumba lyaliwahe yatupuliwanga ku lizina lyami, na ntupu ya kuyela kulemeeka lizina lyami. Ndaba lizina lyami lyalinene mukati ka matunga.” Eshe nisho anamba Nyambi wa Makunge.
12Nyambi ya Ngula ukwamba ngayi, “Mukuhandula lizina lyami na biheka byenu. Ha kutupula byakulya binabipi, enu mukwamba ngayi howa wukalu Kubipisha tebulu ya Mwene.”
13Nyambi wa Makunge ukwamba ngayi, “Enu mukwamba ngayi, ‘Ebye bya kukwangisha,’ kami mu kuminwina mizulu muyilu kuhandula. Oho mu kuleta zinkombela zenu, mu kuleta shimuna unashimbiwi na mushunga hinge wakupenga hinge wakukola, kwinga nkombela. Kati nafwanini kutambula bya nehe ndi? 14Mwanga akutiwe muntu uya ukwongeza, uya ukukombelela nkombela ya kubula ku fwanina. Oho niye hinga ekala na shimuna shashiwahe ou a kulupishile ngayi ukampana. Ami Mwene Wamunene, eshe nisho akwamba Nyambi wa Makunge, kami lizina lyami lya kulemeshiwa mukati ka matunga nimwawo.”
Currently Selected:
Malaki 1: LLK
Highlight
Copy
Compare
Share
Want to have your highlights saved across all your devices? Sign up or sign in
Libuka Lya Kuyela © Bible Society of Zambia, 2020.
