Malila 1
1
Wunginga wa Yelushalema
1Ha! Yelushalema,
lukena lwenzalile na bantu,
wuluno lwafutukakale lipembe.
Lukena luya bayemezelenga mukaye nimwamo,
haya lwafutukakale ngonehe Mfwile.
Lukena lwengile ngonehe lihano
ha zinkena nimwazo,
wuluno lwafutukakale ngonehe ndungo.
2Wushiku nimwawo uli na kulila,
mihozi yendi yili na kukunkula ku mulevu.
Bakakuhakiwa bendi#1:2 Bakakuhakiwa bami:/ft kutoya banyambi babo ba mahalo balemeshelenga na kutoya litunga lya Ashiliya. ekalile nabo,
kowa hinge umo waku fwanina kumubengezeka.
Bahoni bendi banamubebe,
nimwabo bamufutulukilakale na kumulwisha.
3Bantu bamu Yunda bayakale mu wuntampwa,
banashiyi minzi yabo,
ndaba ya makando amanene na makalikiza shikuma,
bali na kuyoya mu matunga ashenge,
bafwalyo litunga lyabo.
Bamalamo babo banabazinguluku,
ku zimbalila nimwazo,
kami kowa kwa ku fwanina kutinina.
4Mikwakwa ya kuya ku Ziyoni
yili na kulila ngonehe bantu,
ndaba kowa muntu ulinakwendamo,
ha kuya ku Litala lya Nyambi ya Ngula,
mu kulemesha ha matena a bimbo.
Batunkanga baya bembililenga kuyo bali na kuyanda,
pe bakankombela bali na ku shunga.
Mapangati amu lukena nimwawo ali tuhu nahiya,
niho Ziyoni uli mu wukalu.
5Bamalamo bendi banamukomo,
pe uli mu maboko abo.
Nyambi ya Ngula unamushushulu
ndaba ya wubi wendi wawingi
bana bendi bana bakomo na kubatwala.
6Wuwahe wa Ziyoni unamana,
bantwamina bendi banafweke ngonehe bineke,
baya banakwanga na nzala,
nyala zabo zinamana oho ba kutina bakakuyomba.
7Mu matena a makalikiza Yelushalema,
uli na kwanuka kuyoya kwakuwahe
kuya ekalile nako mu matena akunyima,
ngoboni hano hi lipembe.
Oho ekalile mu maboko a bamalamo bendi
kowa hinge umo wamuyavwile.
Bamalamo oho bamumonenenga bamuhengamininenga
ha kuwa kwendi.
8Yelushalema una bipishi shikuma,
pe wengakale wa mazilo,
nimwabo bamu lemekeelenga bali na kumu hengamina.
Bana mumono uli muhelengwa,
uli na ku cincazala ku shunga
kuholeka lupala lwendi ndaba ya lisheni.
9Wubi wendi unaholoko mu bivwalo byendi,
ngoboni niye kaliha watwalileko
bihanganiko ku wubi wendi.
Kuwa kwendi kwengile kwakukomokesha,
kowa wamubengezekele.
Yelushalema uli na kulila ngayi, “Bamalamo bami banampitakana,
Obe Nyambi ya Ngula, nyuvwileko nceshe!”
10Bamalamo bendi banamuyibili,
wuheti wendi nimwawo.
Wabamonene bengina mu Litala lya Nyambi,
omu niyemwine Nyambi ya Ngula,
akanishile bakamatunga kwinginamo.
11Bantu bendi nimwabo bali na ku shunga,
oho bali na kushinga byakulya,
bali na kutambashana wuheti wabo na byakulya
ngayi mwanga bibayoyeshe.
Yelushalema uli na kulila ngayi,
“Nyambi ya Ngula, mona kami penza
eshe nili na kuyanda.”
12Kati eshe kutontolola shuma
kukwenu muli na kupita munzila shifwako ndi?
Monenu kuli wamina namono makando ngonehe ami,
makando aya anandetele Nyambi ya Ngula
hashikati sha wukali wendi wawunene.
13Watumine mundilo kufuma kuyilu
mundilo wahokeshele mukati kami.
Niye wamvwimine linkambwila,
pe wantulumwinine hanci,
wanciyile hinga na lunguka,
pe nabulukile nyala mutena nimwawo.
14Niye walimukile wubi wami nimwawo,
pe wawumangilile hamo nimwawo,
wawuzengelele mu ncingo yami,
niho wankwangishile shikuma ndaba ya wulemu yawo.
Nyambi ya Ngula wampanine mu maboko a bamalamo bami,
baya nabulile kutwesha kulwisha.
15Nyambi ya Ngula unabweshe bakanzita bami bangovu,
watumine kanzunga ka bakanzita
mu kulobesha bandumbana bami.
Wacancwele bantu ba Yunda ngonehe mushizongelo
sha mikabo ya shinyanca.
16Ndaba ya neshe nibyo nikulilila na kuvwisha mihozi.
Kowa hinge umo wakumbengezeka,
hinge kunkalamanisha.
Bamalamo banankomo,
pe bantu bami hikowa kulumbeza balinako.
17Nolwele maboko wami muyilu,
ngoboni kowa hinge umo wa ku nyavwa.
Nyambi ya Ngula unanyihanini bamalamo,
kufuminina kuzimbalila nimwazo kwiza mu kundwisha.
Yelushalema banamfutulu kwinga shuma sha mazilo.
18Nyambi ya Ngula wenga wakulunga,
ndaba ami ninabulu kwombatala ndayano zendi.
Nyuvwililenu enu bantu nimwenu, monenu makando wami.
Bandumbana na batunkanga bami banabatwala mu untampwa.
19Nehanine bakakuhakiwa bami,
ngoboni bakanine kunyavwa.
Bakankombela hamo na bantwamina,
bafwililile mu mikwakwa yamu lukena,
oho bekalile na ku shingashinga,
byakulya bya ku fwanina kubayoyesha.
20Nyambi ya Ngula mona ha makando wami,
moyo wami unakalikizi.
Mutima wami uli na kulwa mushali,
ndaba ya wubi wami.
Kuli kuliziha mu mikwakwa,
hinge mu matala muli lufu.
21Bantu bayuvwile ku shunga kwami,
ngoboni kowa wakumbengezeka.
Bamalamo bami nimwabo banawahilili
hanebye unatende hahami.
Leta wangu mutena uya wakuyata wakulupishile,
yandisha bamalamo bami ngonehe ami nilinakuyanda.
22Banyance ndaba ya wubi wabo.
Bashushule ngonehe unatende
kukwami,
ndaba ya wubi wami.
Nilinakushunga shikuma,
pe kulumbeza kwami nimwako kunamana.
Currently Selected:
Malila 1: LLK
Highlight
Copy
Compare
Share
Want to have your highlights saved across all your devices? Sign up or sign in
Libuka Lya Kuyela © Bible Society of Zambia, 2020.
