Ishaya 4
4
1Ha mutena uyo bambuyama mutanu na babili bakakwata mulume umo na kumutongweza ngayi, “Tukushinga tuhu ngayi twihaniwe bakazobe, mwanga tulifumishe lisheni lya kwikala mu wuzike. Tukalya byakulya byetu na kuvwala byetu.”
Yelushalema ukapinduliwa
2Mutena ukeza oho mwahi wawupya wa Nyambi ya Ngula ukawaha na kutama. Nimwabo mashaliza ba Ishalela bakawahilila na kutangala ha zimbuto ziya zikayima mu litunga. 3Pe baya bakashala mu Ziyoni na kwikala mu Yelushalema, bakatumbiwa ngayi ba kuyela na baya nimwabo banatikitiwi ku babomi mu Yelushalema. 4Oho Mwene wayoweshakale mazilo a bana ba bambuyama ba mu Ziyoni na mu Yelushalema ku mabalakata a mukeza uya wayitikilileho. Pe ukauyelesha na moyo wakuyata na moyo wa mundilo. 5#Kut 13:21; 24:16. Niho Nyambi ya Ngula ukalenga hambalila nimwayo ya lipili lya Ziyoni nanaba bakakungulukilaho likumbi lya wishe ku shikati sha mwaana, liyeye lya mulangi wa mundilo ku wushiku. Wuwahe wa Nyambi ukafwika lukena. 6Wuwahe wendi ukenzika lukena kukanisha ntukumina ya mutena na kwinga shilembalemba sha kutinina nkuli na mvula.
Libuka Lya Kuyela © Bible Society of Zambia, 2020.