Hoshiya 4
4
Nyambi ya Ngula ukukalihila Ishalela
1Yuvwililenu lizu lya Nyambi ya Ngula, enu bantu ba Ishalela, Nyambi ya Ngula uli na byambo akushinga kwambila bantu bali mu litunga ngayi, “Mowa kupwisha hinge nceshe na kalimukisho ka bya Nyambi mu litunga. 2Muli tuhu kuli beza kwa mahalo, kuziha na linyawe, mishunga yina konkana kuti na kuti, pe bantu ba kuliziha shikati nimwasho. 3Nohobene litunga lili na kulila na bantu nimwabo bekalamo bali mu makando, byuma nimwabyo bya kuyoya bikwikalamo tuyamana twa mu lishaka na tuyoni na zinci bikafwa.”
Nyambi ya Ngula ukukalihila Bakankombela
4Nyambi ya Ngula ngayi, “Hinga mu nyanca muntu, kami hinga mu bangila muntu, monenu enu bakankombela. 5Enu mukupukala mwana, bamiluwe kami ba kupukala hamo nanenu wushiku, pe nikalobesha mandiyenu Ishalela. 6Bantu bami bali na kuloba ndaba ya kubula kalimukisho. Unengi mulandu wenu bakankombela, ndaba enu mukukana ku ndimuka. Haya na nami nili na kumi kana kwinga bakankombela bami. Pe ndaba mu navulama mulao wami, Ami kami nikavulama bana benu. 7Omo mukuvulila enu bakankombela, nimo kami mukutendela wubi wawingi kukwami. Haya nikafutula maleema wenu kwinga lisheni. 8Oho bantu ba kuleta zinkombela za kulilumikila, bakankombela ba kulya. Nohobene bakankombela ba ku wahilila oho bantu ba kutenda wubi. 9Pe bakankombela bakenga ngo bantu ni ka bashushula nimwabo ndaba ya zinzila zabo na kubapana ncuungu kwezekesha ku milimo yabo. 10Nohobene bakalya ngoboni kukekuta bafwako, bakalala na balwiholwiho, ngoboni kukavula bafwako, ndaba banakana kuyuvwilila Nyambi ya Ngula.”
Nyambi ya Ngula ukunyanca kulemesha tunankishi
11Nyambi ya Ngula ngayi, “Waine yayipya hinge ya mwaka yavulanganyanga ngana za bantu bami. 12Bantu bami bakuya na kwipula shitondo, ngayi shibatongweze mwa kutendela. Kubuka mwa shikuma niko kwezanga mu mitima yabo. Banankana. Ngonehe mbuyama akwinga walwiholwiho, banalipana nibo bene ku banyambi bashenge. 13Ba kukombelela tunankishi hayilu ya mapili na kuhokesha incence ha twina mu nceto ya mitondo ya Telimbini ya mibombola yayiwahe. Nohobene bana benu ba bambuyama bakwinga balwiholwiho na bamyenga benu ba kutenda wunjenge. 14Nifwako kukashushula bana benu ba bambuyama, oho bakwinga balwiholwiho, hinge bamyenga benu oho ba kutenda wunjenge, ndaba nenu balume munashanuku na balwiholwiho, mukakombelela hamo naba lwiholwiho. Bantu bakubula ku yuvwishisha bakaloba.
15 #
Hosh 5:8; 10:5-8. “Hinge Ishalela ukwinga walwiholwiho, Yunda hinga utenda mulandu. Hinga wingina mu Ngilingale, hinge kuya ku Mbeti Abeni,#4:15 Mbeti Abeni: lizina likutontolola ngayi litala lya wubi hinge ngayi litala lya tunankishi, kwinika ha Mbetele lyengile Litala lya Nyambi ya Ngula. pe hinga ulibeza, mu lizina lya Nyambi ya Ngula wakuyoya. 16Bantu ba Ishalela hinga mwinga bakubula kuyuvwa ngo ngombe wa shitole. Kati Nyambi ya Ngula ukubalisha nehi bambelele ba mu mbuwa ndi? 17Efulemu unalifungili ku tunankishi, mulehenu ninkayendi. 18Ha kumanisha kunwa waine, bantu ba Ishalela, bakuya na kushinga banjenge, ba ku haka bya lisheni kupitakana wuwahe. 19Mpepo oho yikabashimba, bakekala na lisheni ndaba ya kukombelela ku tunankishi twabo.”
Currently Selected:
Hoshiya 4: LLK
Highlight
Copy
Compare
Share
Want to have your highlights saved across all your devices? Sign up or sign in
Libuka Lya Kuyela © Bible Society of Zambia, 2020.
