Ezekiyele 20
20
Shifungo sha Nyambi na kubula kwombatala kwa bantu
1Ha mutena wawulikumi wa ngonda ya mutanu, mu mwaka wa mutanu na yibili, bakakutwaminina bamina ba likunge lya baka Ishalela bezile mukwipula shifungo sha Nyambi ya Ngula. Nibo bekalile hanci kumbili yami. 2Niho Nyambi ya Ngula ambile kukwami ngayi, 3“Obe mwana muntu, amba ku bakulwane aba na kubatongweza ebye na kwamba Ami Nyambi ya Ngula ngayi, ‘Kati enu munezi na kwipula shifungo shami ndi? Nehe nili ami Nyambi wakuyoya, mwa shikuma nifwako kuketabila ngayi enu mukanyipule shuma shamina.’ Eshe nisho na kwamba Ami Nyambi ya Ngula.”
4Obe mwana muntu, kati waliwahishilakale mu kubayata ndi? Kati bayate. Banukishe byuma byawunyengwe ebye batendele batatizabo. 5#Kut 6:2-8. Batongweze ebye nikwamba Ami Nyambi ya Ngula ngayi oho nahatile Ishalela nalihahile luhaho ku baka litala lya Yakobo na kuliholola kukwabo mu Engepita na kubatongweza ngayi, Ami nili Nyambi ya Ngula Nyambi yenu. 6Ha mutena uyo nalihahile kubafumisha mu Engepita na kubatwala mu litunga elye nabahatilile, litunga likukunkula mahwe na wushi. 7Nabatongwezele ngayi, yumbenu tunankishi twenu twa wunyengwe otu munalikowezele na kubula kulibipisha enu bamwine na tunankishi twa mu Engepita, ndaba Ami nili Nyambi ya Ngula, Nyambi yenu. 8Ngoboni nibo balwishile na kukana kuyuvwilila. Nibo kaliha bayumbile tunankishi twabo twa wunyengwe, hinge kuleha tunankishi twa baka Engepita. Ami naliwahishilile ku bakalihila na ku monesha kupilama kwami muyo mu Engepita. 9Ngoboni kaliha natendele noho, ndaba shiyo shikaleta lisheni ku lizina lyami na kuhanduliwa ku meho a bantu. Nambile ku Baishalela nanaba bekalilengaho ngayi Ami nikafumisha Baishalela mu litunga lya Engepita. 10Niho nabafumishile mu Engepita na kubatwala mu libelelengwa. 11Nabatongwezele mazu wami na kuholola ndayano zami kukwabo. Muntu nimwendi ou ukwombatala ndayano ukayoya. 12Nabatongwezele ngayi balame matena aku Katala kwinga shimonekesho sha kuliyuvwashana mukatiketu na kubanukisha ngayi Ami Nyambi ya Ngula nikabayelesha. 13Ngoboni ba Ishalela bankanine mu libelelengwa. Nibo bakilukile lukuwa lwami na kukana ndayano zami, shinga bayoyele shikati shashitali hakwombatala. Nibo bazilulwile matena ami aku Katala. Ami naliwahishilile ku bakalihila na ku monesha kupilama kwami hahabo mu libelelengwa na kubanongesha. 14Ngoboni kaliha natendele noho, ndaba shikaletesha lisheni ku lizina lyami na kuhanduliwa ku matunga ndaba banamono hinitwaminina ba Ishalela kubafumisha mu Engepita. 15Nohobene Ami nahahile luhaho mu libelelengwa ngayi nifwako kuka batwala mu litunga elye nabapanikile, litunga likukunkula mahwe na wushi. 16Nalihahile ndaba nibo bakanine ndayano zami na kukiluka lukuwa lwami na kuzilulula matena wami aku Katala. Nibo bashingile tuhu kulemesha tunankishi. 17Ngoboni nabayuvwilile nceshe, kaliha na banongeshele hinge kubazihila muyo mu libelelengwa.
18Kami natongwezele bana babo mu libelengwa ngayi, “Hinga mukonka zintendelo za bankakazenu. Hinga mukonka biheka byabo, hinge kulibipisha na tunankishi twabo. 19Ami nili Nyambi ya Ngula Nyambi yenu. Ombatalenu mazu wami na ndayano zami. 20Lamenu matena ami aku Katala, niwo akenga shilimukisho sha kuliyuvwa mukatiketu, kami mukalimuka ngayi ami nili Nyambi ya Ngula Nyambi yenu.
21“Ngoboni shiyo shihemwinino kami sha mfutulukilile, bakilukile mazu wami na kubula kulama ndayano zami. Nibo bazilwile matena ami aku Katala. Shinga bayoyele shikati shashitali hakwombatala. Ami naliwahishilile ku bakalihila na ku monesha kupilama kwami hahabo mu libelelengwa na ku baziha nimwabo. 22Ngoboni kaliha natendele noho, ndaba shikaletesha lisheni ku lizina lyami na kuhanduliwa ku meho a bantu ndaba matunga anamono hinitwaminina ba Ishalela kubafumisha mu Engepita. 23Nohobene ami nahahile luhaho lwamina mu libelelengwa ami nikatwesha ku bapanzanishila mu kaye nimwako. 24Ami natendele eshe ndaba nibo bakanine ndayano zami na kukiluka mazu wami, banazilululu matena ami aku Katala na kulemesha tunankishi otu balemeshelenga bankakazabo. 25Niho nabapanikile ndayano zazibi na mazu aya a kubula kuleta wumi. 26Ami nabalehele hibalibipisha nibo bamwine na zintupu zabo na kubaleha hibatupula bana babo ba bamyeli babalume. Eshe shikenga noho mwanga nikabashushule na kubamonesha ngayi Ami nili Nyambi ya Ngula.
27“Nohobene obe mwana muntu, tongweza ba Ishalela ebye nikwamba Ami Nyambi ya Ngula kukwabo ngayi eze nizo zinzila zimo kami ziyo bahandwile nazo batatizenu mu kubula kukulupila kwabo. 28Ami na baletele mu litunga elye naba kulupishile kubapanika. Oho bamonene twina twatutali na mitondo ya kubombola, nibo bapanikile zintupu zabo kukwabyo nimwabyo. Nibo bampilamishile na zinkombela bahokeshelenga na zintupu za kunwa eze batupwile. 29Ami nabepwile ngayi, ‘Kati eye myanya yayitali oku mu kuyanga yinengi bishini?’ Nohobene niyo yikutoyiwa shikati nimwasho ngayi, ‘Myanya Yayitali.’
30“Haya tongweza Baishalela ebye na kwamba Ami Nyambi ya Ngula ngayi, ‘Shumangani mu kutendela wubi ou batendelenga batatizenu na kukonka tunankishi twabo? Ha kutenda byuma bya wunyengwe.’ 31Munakupanika bishemo byenu na kukombelelanga bana benu kukwata ha mundilo muna kulibipisha enu bamwine ku tunankishi, pe haya enu Baishalela himukwiza kukwami na kwipula shifungo shami. Mwa shikuma nehe nili Ami Nyambi ya Ngula wakuyoya, nifwako kukamitabila ngayi mukanyipule shuma shamina. 32Bifungo byenu bifwako kukatendiwa, ndaba bihanganiko byenu mukushinga ngayi mwinge ngonehe mikoka yashenge, ngonehe bantu bekala mu matunga amina bakulemesha bitondo na mamanya.”
Nyambi mukakushushula na kuyatila
33“Mwa shikuma nehe nili Ami Nyambi ya Ngula wakuyoya, nikamilela na liboko lya ku shuma na ngovu zami nimwazo na kupilama kwami. 34Nikamimonesha ngovu zami na kupilama kwami oho nikamikungulwila hamo kumifumisha ku matunga nimwawo oku mwapanzaninine. 35Ami nikamileta mu libelelengwa lya mikoka, nikamiyate nimwenu. 36Haya nikamiyata ngonehe nayatilenga batatizenu mu libelelengwa lya mu Engepita.” Eshe nisho akwamba Nyambi ya Ngula.
37“Ami nikamikandamika shikuma na kumingisha bakakwombatala kulimama kwami. 38Mukati kenu nikafumishamo baya bankani na bakawubi. Nikabafumisha mu matunga omu banaziki wuluno, ngoboni nifwako kuka baleha ngayi baboke ku litunga lya Ishalela. Kami mukalimuka ngayi Ami nili Nyambi ya Ngula.”
39Nyambi ya Ngula unakwamba ngayi, “Haya nimwenu enu Baishalela, yenunga mukalemeshe tunankishi twenu! Ngoboni ami nikumitongweza ngayi kunyima ya neshe enu mu ku fwanina kunyombatala na kubula kuhandula lizina lyami lya kuyela ndaba ya kutupula bishemo ku tunankishi twenu.” 40Nyambi ya Ngula unakwamba ngayi, “Ha lipili lyami lya kuyela lya Ziyoni, lipili lyalitali mu Ishalela, nimwenu Baishalela mukandemeshelaho muyo mu litunga. Ami nikamiwahilila na zinkombela mu kundetela na zintupu zenu zaziwahe na bishemo byenu bya kuyela. 41Kunyima ya kumifumisha mu matunga omu mwalipanzanishilile na kumi kungulwila hamo, nikatambula zinkombela ziya mwahokeshenga. Matunga akalimuka ngayi ami nili wa kuyela. 42Oho nikamibwesha ku litunga lya Ishalela, liya na kulupishile kupanika bankakazenu, niho mukalimuka ngayi Ami nili Nyambi ya Ngula. 43Niho mukanuka byuma nimwabyo bya kuyeneshesha ebye mwatendele na neshe mwalibipishile enu bamwine. Mukayuvwa wunyengwe enu bamwine, ndaba ya byuma byabibi nimwabyo ebye mwatendelenga. 44Enu baka Ishalela mukalimuka ngayi Ami nili Nyambi ya Ngula natendanga nanenu ndaba ya lizina lyami, kaliha na ntendelo yenu yayibi.” Eshe nisho anamba Nyambi ya Ngula.
Mundilo waku mabukubuku
45Nyambi ya Ngula wambile kukwami ngayi, 46“Obe mwana muntu, tilamina kulwa mabukubuku. Ambila mabukubuku na kulubulwila lishaka lya ku Nengembu. 47Tongweza lishaka lya ku mabukubuku liyuvwilile ebye akwamba Nyambi ya Ngula. Penza na ku bangiza mundilo mukati kobe, kami ukahokesha bitondo nimwabyo bya kubombola na bitondo nimwabyo bya kuyuma mumwobe. Kowa shuma shikazima milangi. Niwo ukakonkana nimwako kufuma ku mabukubuku kukuma na ku ncelele pe ukahokesha lupala nimwalo. 48Muntu nimwendi ukamona ngayi Ami Nyambi ya Ngula, ami nahokeshewo mundilo kami kowa muntu ukatwesha kuwuzima.”
49Niho nambile ngayi, “Obe Nyambi ya Ngula, muntu nimwendi unakulinyenga hahami ngayi, ‘Nakwamba munyambilo ya zinguli?’”
Currently Selected:
Ezekiyele 20: LLK
Highlight
Copy
Compare
Share
Want to have your highlights saved across all your devices? Sign up or sign in
Libuka Lya Kuyela © Bible Society of Zambia, 2020.
Ezekiyele 20
20
Shifungo sha Nyambi na kubula kwombatala kwa bantu
1Ha mutena wawulikumi wa ngonda ya mutanu, mu mwaka wa mutanu na yibili, bakakutwaminina bamina ba likunge lya baka Ishalela bezile mukwipula shifungo sha Nyambi ya Ngula. Nibo bekalile hanci kumbili yami. 2Niho Nyambi ya Ngula ambile kukwami ngayi, 3“Obe mwana muntu, amba ku bakulwane aba na kubatongweza ebye na kwamba Ami Nyambi ya Ngula ngayi, ‘Kati enu munezi na kwipula shifungo shami ndi? Nehe nili ami Nyambi wakuyoya, mwa shikuma nifwako kuketabila ngayi enu mukanyipule shuma shamina.’ Eshe nisho na kwamba Ami Nyambi ya Ngula.”
4Obe mwana muntu, kati waliwahishilakale mu kubayata ndi? Kati bayate. Banukishe byuma byawunyengwe ebye batendele batatizabo. 5#Kut 6:2-8. Batongweze ebye nikwamba Ami Nyambi ya Ngula ngayi oho nahatile Ishalela nalihahile luhaho ku baka litala lya Yakobo na kuliholola kukwabo mu Engepita na kubatongweza ngayi, Ami nili Nyambi ya Ngula Nyambi yenu. 6Ha mutena uyo nalihahile kubafumisha mu Engepita na kubatwala mu litunga elye nabahatilile, litunga likukunkula mahwe na wushi. 7Nabatongwezele ngayi, yumbenu tunankishi twenu twa wunyengwe otu munalikowezele na kubula kulibipisha enu bamwine na tunankishi twa mu Engepita, ndaba Ami nili Nyambi ya Ngula, Nyambi yenu. 8Ngoboni nibo balwishile na kukana kuyuvwilila. Nibo kaliha bayumbile tunankishi twabo twa wunyengwe, hinge kuleha tunankishi twa baka Engepita. Ami naliwahishilile ku bakalihila na ku monesha kupilama kwami muyo mu Engepita. 9Ngoboni kaliha natendele noho, ndaba shiyo shikaleta lisheni ku lizina lyami na kuhanduliwa ku meho a bantu. Nambile ku Baishalela nanaba bekalilengaho ngayi Ami nikafumisha Baishalela mu litunga lya Engepita. 10Niho nabafumishile mu Engepita na kubatwala mu libelelengwa. 11Nabatongwezele mazu wami na kuholola ndayano zami kukwabo. Muntu nimwendi ou ukwombatala ndayano ukayoya. 12Nabatongwezele ngayi balame matena aku Katala kwinga shimonekesho sha kuliyuvwashana mukatiketu na kubanukisha ngayi Ami Nyambi ya Ngula nikabayelesha. 13Ngoboni ba Ishalela bankanine mu libelelengwa. Nibo bakilukile lukuwa lwami na kukana ndayano zami, shinga bayoyele shikati shashitali hakwombatala. Nibo bazilulwile matena ami aku Katala. Ami naliwahishilile ku bakalihila na ku monesha kupilama kwami hahabo mu libelelengwa na kubanongesha. 14Ngoboni kaliha natendele noho, ndaba shikaletesha lisheni ku lizina lyami na kuhanduliwa ku matunga ndaba banamono hinitwaminina ba Ishalela kubafumisha mu Engepita. 15Nohobene Ami nahahile luhaho mu libelelengwa ngayi nifwako kuka batwala mu litunga elye nabapanikile, litunga likukunkula mahwe na wushi. 16Nalihahile ndaba nibo bakanine ndayano zami na kukiluka lukuwa lwami na kuzilulula matena wami aku Katala. Nibo bashingile tuhu kulemesha tunankishi. 17Ngoboni nabayuvwilile nceshe, kaliha na banongeshele hinge kubazihila muyo mu libelelengwa.
18Kami natongwezele bana babo mu libelengwa ngayi, “Hinga mukonka zintendelo za bankakazenu. Hinga mukonka biheka byabo, hinge kulibipisha na tunankishi twabo. 19Ami nili Nyambi ya Ngula Nyambi yenu. Ombatalenu mazu wami na ndayano zami. 20Lamenu matena ami aku Katala, niwo akenga shilimukisho sha kuliyuvwa mukatiketu, kami mukalimuka ngayi ami nili Nyambi ya Ngula Nyambi yenu.
21“Ngoboni shiyo shihemwinino kami sha mfutulukilile, bakilukile mazu wami na kubula kulama ndayano zami. Nibo bazilwile matena ami aku Katala. Shinga bayoyele shikati shashitali hakwombatala. Ami naliwahishilile ku bakalihila na ku monesha kupilama kwami hahabo mu libelelengwa na ku baziha nimwabo. 22Ngoboni kaliha natendele noho, ndaba shikaletesha lisheni ku lizina lyami na kuhanduliwa ku meho a bantu ndaba matunga anamono hinitwaminina ba Ishalela kubafumisha mu Engepita. 23Nohobene ami nahahile luhaho lwamina mu libelelengwa ami nikatwesha ku bapanzanishila mu kaye nimwako. 24Ami natendele eshe ndaba nibo bakanine ndayano zami na kukiluka mazu wami, banazilululu matena ami aku Katala na kulemesha tunankishi otu balemeshelenga bankakazabo. 25Niho nabapanikile ndayano zazibi na mazu aya a kubula kuleta wumi. 26Ami nabalehele hibalibipisha nibo bamwine na zintupu zabo na kubaleha hibatupula bana babo ba bamyeli babalume. Eshe shikenga noho mwanga nikabashushule na kubamonesha ngayi Ami nili Nyambi ya Ngula.
27“Nohobene obe mwana muntu, tongweza ba Ishalela ebye nikwamba Ami Nyambi ya Ngula kukwabo ngayi eze nizo zinzila zimo kami ziyo bahandwile nazo batatizenu mu kubula kukulupila kwabo. 28Ami na baletele mu litunga elye naba kulupishile kubapanika. Oho bamonene twina twatutali na mitondo ya kubombola, nibo bapanikile zintupu zabo kukwabyo nimwabyo. Nibo bampilamishile na zinkombela bahokeshelenga na zintupu za kunwa eze batupwile. 29Ami nabepwile ngayi, ‘Kati eye myanya yayitali oku mu kuyanga yinengi bishini?’ Nohobene niyo yikutoyiwa shikati nimwasho ngayi, ‘Myanya Yayitali.’
30“Haya tongweza Baishalela ebye na kwamba Ami Nyambi ya Ngula ngayi, ‘Shumangani mu kutendela wubi ou batendelenga batatizenu na kukonka tunankishi twabo? Ha kutenda byuma bya wunyengwe.’ 31Munakupanika bishemo byenu na kukombelelanga bana benu kukwata ha mundilo muna kulibipisha enu bamwine ku tunankishi, pe haya enu Baishalela himukwiza kukwami na kwipula shifungo shami. Mwa shikuma nehe nili Ami Nyambi ya Ngula wakuyoya, nifwako kukamitabila ngayi mukanyipule shuma shamina. 32Bifungo byenu bifwako kukatendiwa, ndaba bihanganiko byenu mukushinga ngayi mwinge ngonehe mikoka yashenge, ngonehe bantu bekala mu matunga amina bakulemesha bitondo na mamanya.”
Nyambi mukakushushula na kuyatila
33“Mwa shikuma nehe nili Ami Nyambi ya Ngula wakuyoya, nikamilela na liboko lya ku shuma na ngovu zami nimwazo na kupilama kwami. 34Nikamimonesha ngovu zami na kupilama kwami oho nikamikungulwila hamo kumifumisha ku matunga nimwawo oku mwapanzaninine. 35Ami nikamileta mu libelelengwa lya mikoka, nikamiyate nimwenu. 36Haya nikamiyata ngonehe nayatilenga batatizenu mu libelelengwa lya mu Engepita.” Eshe nisho akwamba Nyambi ya Ngula.
37“Ami nikamikandamika shikuma na kumingisha bakakwombatala kulimama kwami. 38Mukati kenu nikafumishamo baya bankani na bakawubi. Nikabafumisha mu matunga omu banaziki wuluno, ngoboni nifwako kuka baleha ngayi baboke ku litunga lya Ishalela. Kami mukalimuka ngayi Ami nili Nyambi ya Ngula.”
39Nyambi ya Ngula unakwamba ngayi, “Haya nimwenu enu Baishalela, yenunga mukalemeshe tunankishi twenu! Ngoboni ami nikumitongweza ngayi kunyima ya neshe enu mu ku fwanina kunyombatala na kubula kuhandula lizina lyami lya kuyela ndaba ya kutupula bishemo ku tunankishi twenu.” 40Nyambi ya Ngula unakwamba ngayi, “Ha lipili lyami lya kuyela lya Ziyoni, lipili lyalitali mu Ishalela, nimwenu Baishalela mukandemeshelaho muyo mu litunga. Ami nikamiwahilila na zinkombela mu kundetela na zintupu zenu zaziwahe na bishemo byenu bya kuyela. 41Kunyima ya kumifumisha mu matunga omu mwalipanzanishilile na kumi kungulwila hamo, nikatambula zinkombela ziya mwahokeshenga. Matunga akalimuka ngayi ami nili wa kuyela. 42Oho nikamibwesha ku litunga lya Ishalela, liya na kulupishile kupanika bankakazenu, niho mukalimuka ngayi Ami nili Nyambi ya Ngula. 43Niho mukanuka byuma nimwabyo bya kuyeneshesha ebye mwatendele na neshe mwalibipishile enu bamwine. Mukayuvwa wunyengwe enu bamwine, ndaba ya byuma byabibi nimwabyo ebye mwatendelenga. 44Enu baka Ishalela mukalimuka ngayi Ami nili Nyambi ya Ngula natendanga nanenu ndaba ya lizina lyami, kaliha na ntendelo yenu yayibi.” Eshe nisho anamba Nyambi ya Ngula.
Mundilo waku mabukubuku
45Nyambi ya Ngula wambile kukwami ngayi, 46“Obe mwana muntu, tilamina kulwa mabukubuku. Ambila mabukubuku na kulubulwila lishaka lya ku Nengembu. 47Tongweza lishaka lya ku mabukubuku liyuvwilile ebye akwamba Nyambi ya Ngula. Penza na ku bangiza mundilo mukati kobe, kami ukahokesha bitondo nimwabyo bya kubombola na bitondo nimwabyo bya kuyuma mumwobe. Kowa shuma shikazima milangi. Niwo ukakonkana nimwako kufuma ku mabukubuku kukuma na ku ncelele pe ukahokesha lupala nimwalo. 48Muntu nimwendi ukamona ngayi Ami Nyambi ya Ngula, ami nahokeshewo mundilo kami kowa muntu ukatwesha kuwuzima.”
49Niho nambile ngayi, “Obe Nyambi ya Ngula, muntu nimwendi unakulinyenga hahami ngayi, ‘Nakwamba munyambilo ya zinguli?’”
Libuka Lya Kuyela © Bible Society of Zambia, 2020.