Ezekiyele 19
19
Lwimbo lwa malila
1Nyambi ya Ngula wantongwezele ngayi nimbilile lwimbo lwa malila bamyene babili Baishalela.
2Mandiyobe wengile shimbwi wa mukazi,
wekalilenga mu litanga lya bimbwi.
Niye walelele bana bendi mukati ka mihempela ya babimbwi babalume.
3Walelele umo ku bana bendi na kumulongesha kuyomba,
niho afutukile kwinga mukakulya bantu.
4Bakamatunga oho bayuvwile byendi,
bamukwatilile mu liteke.
Bamuyakile mu shiyengelele niho bamutwalile ku Engepita.
5Oho amonene ngayi bihanganiko byendi bya ntalu,
walelele mwanendi wamina niho engile shimbwi wamukali.
6Oho akulile shikuma, wendelenga na baminendi babimbwi.
Niye walimukile sha kuyomba pe wafutukile mukakulya bantu.
7Niye wanongeshele bipata, na kulobesha minzi.
Bantu ba mu litunga bekalile na bowa shikati nimwasho oho abuluminenga
8Matunga alikungulwile na kumulwisha, bezile kufuma noku noku,
niho batandubwile tunyanzi twabo twa ku yombesha,
bamukwatilile mu liteke lyabo.
9Nibo bakwatile na kahanto niho bamuyakile mu shiyengelele na kumutwala kuli mwene wa Mbambiloni,
niho bamuyakile mu tolongo.
Mwanga kubuluma kwendi kubule kuyuvwanika
kami ha mapili amu Ishalela.
10Mandiyobe wengile ngonehe mukolobozi wa shinyanca,
wakuniwile mumfuba yekalile kwakwipi na mushinzi.
Watutwishile myahi yayingi na kuyima mikabo
ndaba kwekalile mema amengi.
11Myahi ya mikolobozi ya shinyanca yengile ya ku shuma,
kami yakulile kwinga miwana ya wene.
Mikolobozi ya shinyanca yakulile na kutaliha shikuma na kukuma ku makumbi.
Muntu nimwendi wamonene mabizi wawo na wutali wawo.
12Ngoboni wazulilewo mu kupilama na kuwu yumbila hanci.
Mpepo yaku mushamuko yayumishile mikabo yawo.
Myahi yawo yapamokeleko,
niyo yayumine niho yahokeshiwile.
13Haya niyo ya kuniwile mu libelelengwa,
muli litunga lya kuyuma lya kubula mema.
14Lishina lya mukolobozi wa shinyanca lya kwatile mundilo,
mundilo wahokeshele myahi yawo na mikabo.
Myahi yawo yifwako kami kukashuma,
yifwako kukenga miwana ya wene.
Olwe lunengi lwimbo lwa malila,
lunembiliwi kakengi shikuma.
Currently Selected:
Ezekiyele 19: LLK
Highlight
Copy
Compare
Share
Want to have your highlights saved across all your devices? Sign up or sign in
Libuka Lya Kuyela © Bible Society of Zambia, 2020.
Ezekiyele 19
19
Lwimbo lwa malila
1Nyambi ya Ngula wantongwezele ngayi nimbilile lwimbo lwa malila bamyene babili Baishalela.
2Mandiyobe wengile shimbwi wa mukazi,
wekalilenga mu litanga lya bimbwi.
Niye walelele bana bendi mukati ka mihempela ya babimbwi babalume.
3Walelele umo ku bana bendi na kumulongesha kuyomba,
niho afutukile kwinga mukakulya bantu.
4Bakamatunga oho bayuvwile byendi,
bamukwatilile mu liteke.
Bamuyakile mu shiyengelele niho bamutwalile ku Engepita.
5Oho amonene ngayi bihanganiko byendi bya ntalu,
walelele mwanendi wamina niho engile shimbwi wamukali.
6Oho akulile shikuma, wendelenga na baminendi babimbwi.
Niye walimukile sha kuyomba pe wafutukile mukakulya bantu.
7Niye wanongeshele bipata, na kulobesha minzi.
Bantu ba mu litunga bekalile na bowa shikati nimwasho oho abuluminenga
8Matunga alikungulwile na kumulwisha, bezile kufuma noku noku,
niho batandubwile tunyanzi twabo twa ku yombesha,
bamukwatilile mu liteke lyabo.
9Nibo bakwatile na kahanto niho bamuyakile mu shiyengelele na kumutwala kuli mwene wa Mbambiloni,
niho bamuyakile mu tolongo.
Mwanga kubuluma kwendi kubule kuyuvwanika
kami ha mapili amu Ishalela.
10Mandiyobe wengile ngonehe mukolobozi wa shinyanca,
wakuniwile mumfuba yekalile kwakwipi na mushinzi.
Watutwishile myahi yayingi na kuyima mikabo
ndaba kwekalile mema amengi.
11Myahi ya mikolobozi ya shinyanca yengile ya ku shuma,
kami yakulile kwinga miwana ya wene.
Mikolobozi ya shinyanca yakulile na kutaliha shikuma na kukuma ku makumbi.
Muntu nimwendi wamonene mabizi wawo na wutali wawo.
12Ngoboni wazulilewo mu kupilama na kuwu yumbila hanci.
Mpepo yaku mushamuko yayumishile mikabo yawo.
Myahi yawo yapamokeleko,
niyo yayumine niho yahokeshiwile.
13Haya niyo ya kuniwile mu libelelengwa,
muli litunga lya kuyuma lya kubula mema.
14Lishina lya mukolobozi wa shinyanca lya kwatile mundilo,
mundilo wahokeshele myahi yawo na mikabo.
Myahi yawo yifwako kami kukashuma,
yifwako kukenga miwana ya wene.
Olwe lunengi lwimbo lwa malila,
lunembiliwi kakengi shikuma.
Libuka Lya Kuyela © Bible Society of Zambia, 2020.