Ezekiyele 10
10
Wuwahe wa Nyambi ya Ngula ukufuma mu Litala lyendi
1 #
Ezek 1:26. Oho natilaminine ha mbimbayilu namonene ha mitwe ya makelumbi#10:1 Mitwe ya makelumbi: Bibumbwabumbwa bya muyilu bya kulifweka na mangeloyi ali na mbando. a mbando, pe hayilu yawo hekalile shuma sha monekelenga ngo shiluli shatendiwile na mamanya a shafwila. 2Nyambi wambile ku muntu ou wavwalile likwiza lya kulelema lyaliwahe ngayi, “Ingina mukati ka mawili mu nceto ya makelumbi pe ukenzalishe maboko wobe na mashanga a mundilo. Niho ukapanzanishile mashanga mu lukena.”
Pe natilaminine oho ayilenga. 3Makelumbi amo a mbando emanine ku mabukubuku a Litala lya Nyambi ya Ngula, oho niye ou muntu engininengamo pe likumbi lyafwikile mukati ka shipango. 4Pe wuwahe wa Nyambi ya Ngula watutikile kufuma ku likelumbi na kuya ku menginino a Litala lya Nyambi. Litala nimwalyo lyenzalile na likumbi na shipango shenzalile na kubyazima kwa wuwahe wa Nyambi ya Ngula. 5Pe miyoyo ya mbando za aya makelumbi yayuvwanikile hinge ha munkanda wa shipango. Miyoyo yavuminenga ngonehe lizu lya Nyambi Mpandashilanga lyayuvwanikanga.
6Nyambi ya Ngula watongwezele uya mulume wavwalile likwiza lya kulelema ngayi, “Shimba mundilo mukati ka mawili aya ali mu nceto ya makelumbi.” Uya muntu wenginine na kwimana kunkumo ya liwili. 7Umo ku makelumbi wolwele liboko lyendi mu mundilo uya wekalile mukatikabo, wakalile mashanga na kuwayaka mu maboko a muntu ou wavwalilenga makwiza a kulelema amawahe. Pe uya mulume washimbile aya mashanga na kuya. 8Namonene likelumbi na likelumbi wekalile naneshe shamonekele ngonehe liboko lya muntu mu nceto ya mbando zendi.
9Niho namonene kami mawili anaa, limo lyekalile ku likelumbi na likelumbi. Mawili abyaziminenga ngonehe mamanya a ndando yayinene. 10Nimwawo mawili anaa engile akulifweka, ku liwili na liwili kwekalile liminalyo elye lyalilamikile nalyo. 11Oho makelumbi endelenga ayile mu zimbalila nimwazo na kubula kufutoka. Nimwawo endelenga hamo mumbalila eye ashingilenga kuya na kubula kufutozoka. 12Zinyutu zawo nimwazo na myongo na maboko mbando na mawili byekalile na meho. 13Aya mawili nayuvwile bawabilikiza ngayi, “Mawili akulipohela.”
14Likelumbi na likelumbi wekalile na zimpala zinaa. Lupala lwa kutatika lwengile lwa likelumbi, lwa wubili lwengile lupala lwa muntu, lwa wuhatu lwengile lupala lwa shimbwi na lwa wunaa lupala lwa ngonga. 15Makelumbi atukilile muyilu, nibyo bibumbwabumbwa bimo bya kuyoya namonene ku mushinzi wa Kemba. 16Pe oho bendelenga, mawili endelenga nabo hamo, oho baya makelumbi batukilenga nawo kami atendelenga noho. 17Oho makelumbi emaninenga mawili emaninenga, kami oho atukilenga, mawili kami atukilenga ndaba makelumbi niwo awendeshelenga.
18Niho wuwahe wa Nyambi ya Ngula wafumine ku menginino a Litala lya Nyambi na kuya ku mwanya wa hayilu ya makelumbi. 19Makelumbi atandubwile mbando zawo na kutuka muyilu kufuma hanci oho ami hinilimonena na mawili ayilenga nabo. Bakatulile ku lipangati lya ku mushamuko wa Litala lya Nyambi ya Ngula na wuwahe wa Nyambi wa Ishalela wekalile hahabo. 20Ami nalimukile ngayi nibyobene bibumbwabumbwa bimo biya namonene ku mushinzi wa Kemba mu nceto ya litanda lya Nyambi wa Ishalela.
21Nimwendi wabo wekalile na zimpala zinaa na mbando zinaa na nebye byamonekele ngonehe liboko lya muntu mu nceto ya lubando. 22Zimpala zabo zamonekele shiwahewahe ngo zimpala namonene ku mushinzi wa Kemba. Nimwasho shibumbwabumbwa shalulumanine kuya kumbili.
Currently Selected:
Ezekiyele 10: LLK
Highlight
Copy
Compare
Share
Want to have your highlights saved across all your devices? Sign up or sign in
Libuka Lya Kuyela © Bible Society of Zambia, 2020.
