Kututika Kutontolola
Kutontolola
Libuka lya Kututika likwimanina “Kutuntuka”, kami shambo shashinene shatendiwile mwaka ku Baishalela, nisho shinamoneshiwi mu lino libuka. Kutuntuka kwa bantu ba Ishalela mu Engepita, omwo bengile bandungo. Libuka lili na mitwe yayinene yinaa; (1) Bahebelu ba kutina kufuma mu wulungo. (2) Mukala bendele wakuya ku lipili lya Shinayi. (3) Kulimama kwa Nyambi na bantu bendi ku Shinayi, na kubapana ndayano za kulishiyashiya. (4) Nyambi ukufundiziza ba Ishalela kuzika na kuwahisha mwanya wakumulemeshela na ha bivwalo na kufungwila kwa bakankombela. Linakwamba ha bya kupabuka kwa matapa naha Baishalela balemeshelenga kanankishi. Hayilu ya nimwabyo, eli libuka liku monesha bikomokesho biya atendele Nyambi, oho ashobolwele bantu bendi bekalile mu wulungo na kubenga litunga lya kukulupila bya kumbili.
Oho libuka likwamba bya bazukulya Yakobo kwinga litunga lyatumbiwile ngayi Ishalela, muntu wamunene munelye libuka nengi Moshesha, muntu ou Nyambi ahatile kutwaminina bantu bendi kufuma mu litunga lya Engepita na yayiyendi Aloni na mpazendi Miliyamu. Shuma shashinene tukuwana munelye libuka shinengi mutanti wa Ndayano Likumi (20:1-17), na bya malwa likumi na Shimbo sha Kupitilila.
Biya Bilimo
Baishalela ba kushoboloka mu Engepita 1:1—15:21
Bandungo mu Engepita 1:1-22
Kuhemuwa kwa Moshesha na kukula kwendi 2:1—4:31
Moshesha na Aloni bakwimana ku meho a Fwalo wa Engepita 5:1—11:10
Shimbo sha kupitilila na kututika kwa Baishalela mu Engepita 12:1—15:21
Kufuma ku liwate lya kufubila na kuya ku Lipili lya Shinayi 15:22—18:27
Kulimama na Ndayano 19:1—24:18
Mwanya wa Shizila na kufundiziza ha kulemesha 25:1—40:38
Currently Selected:
Kututika Kutontolola: LLK
Highlight
Copy
Compare
Share
Want to have your highlights saved across all your devices? Sign up or sign in
Libuka Lya Kuyela © Bible Society of Zambia, 2020.