2 Teshalonika 2
2
Wamubi
1 #
1Tesh 4:15-17. Bawushinda, ha bya kwiza kwa Mwene wetu Yeshu Kilishitu na bya kukungulukila hamo kukwendi, tukuminyepa, 2ngayi hinga mulikekula, kami hinga mubazumuniwa na baya ba kulubulula hinge baya bakwamba hinge na liñwati liku moneka ngo linafumu kukwetu, kwamba ha bya Mutena wa Mwene ngayi wakumakale. 3Hinga mwitabila ngayi muntu wamina amyongeze na shiheka shamina. Ndaba oho uya Mutena shilolo wize, kukeza taha mukakushanwisha na muntu wamubi ukamoneka, uya muntu ukaloba. 4#Ndan 11:36; Ezek 28:2. Ukakanangana kami ukaliyemeza niye mwine hayilu ya byuma nimwabyo bikutumbiwa ngayi nyambi, hinge biya bikulemeshiwa. Ukatwala shipona shendi mu Litala lya Nyambi, ukalilundumika niye mwine ngayi niye Nyambi.
5Kati kwanuka mufwako ndi? Oho nekalilenga nenu namitongwezelenga ebye byuma. 6Haya wuluno mwalimukakale eshe shikumukanisha ku moneka, ngayi mwanga akaholoke ha shikati shendi. 7Ndaba ngovu za kuholama za kuholola Mukawubi zili na kutenda milimo, ngoboni kuli ou uli na kuzikanisha, pe uya Mukawubi kukamoneka wufwako, hantu uya uli na kukanisha ziya ngovu akafuma mu nzila. 8#Isha 11:4. Niho kukaholoke Mukawubi, pe Mwene Yeshu ukamufumisha na moyo wa mu kanwa kendi, kami ukamulobesha na kubyazima kwendi oho akeza. 9#Mat 24:24. Uya Mukawubi, ukeza na ngovu nimwazo za Shatana, pe ukatenda bimonekesho na bikomokesho bya mahalo, 10kami ukatenda nimwabyo bya kutengama bya kwongeza baya bakaloba. Bakaloba, ndaba shilolo batambule shishemo sha kupwisha, ngayi bapuluke. 11Ndaba yanebye, Nyambi ukabatumina ngovu za mukakwongeza ngayi ba kulupile bya mahalo, 12ngayi nimwabo aba bakubula kukulupila kupwisha, baya ba ku wahilila bya wubi mwanga balobe.
Munahatiwili wumi
13Ngoboni etu tunafwanini kukambilila kuli Nyambi shikati nimwasho ndaba yanenu bawushinda wetu ba kuhakiwa kuli Mwene, ndaba Nyambi wamihatile kufuma ku kutatika ngayi mupuluke, pe munayeleshiwi na Moyo, kami munakulupili kupwisha. 14Kunebye, Nyambi wamihanine kupitila mu ncango zaziwahe twashimikilile kukwenu, ngayi mwanga mutambule shitapilo sha wuwahe wa Mwene wetu Yeshu Kilishitu. 15Nohobene, bawushinda, shumishenu, kami kakatilenu ebye twamilongeshele na mazu a mukanwa, hinge mazu amu mañwati etu.
16Mwanga Mwene wetu Yeshu Kilishitu niye mwine na Nyambi Tatiyetu, ou watuhakile na kutupana kubengezekiwa kwa shikati nimwasho na kulumbeza kwakuwahe na nceshe zendi, 17abengezeke mitima yenu na kumishumisha mu lizu nimwalyo na mu milimo yayiwahe.
Currently Selected:
2 Teshalonika 2: LLK
Highlight
Copy
Compare
Share
Want to have your highlights saved across all your devices? Sign up or sign in
Libuka Lya Kuyela © Bible Society of Zambia, 2020.