Maroma 4

1Ichi dinu, tukwila netu nkakulula yetu Abarahama wakuchisemwa wamwenidi? 2Muloŋa neyi Abarahama waloŋeli nanyidimu yindi, mutenowu wamweni hakudisambila; bayi dinu kumesu aNzambuku. 3Muloŋa mumukanda wajila nawudi? Nawu, Abarahama wamwitiyili Nzambi, amufuukwililichu nawu hikuloŋa. 4Muntu wakoŋaŋa mudimu, wufwetu windi hiyawufuukulaŋa nawu waluwuku, wamudimu windi.

5Hakwila muntu wabulaŋa kukoŋa mudimu, ilaŋa wakuminaŋa dakukuhwelela mukwakubalumuna antu adiŋi asekesha Nzambi kwikala aloŋa; kukuhwelela kwayenowu muntu akakufuukula nawu hikuloŋa. 6Mwomwatenena ŋayi Davidi kukooleka kwamuntu afuukwilaŋayi Nzambi kuloŋa kwakadinyidimu; 7nindi, Antu anaanakenuwu kuluwa kwawu, anabutiluwu nyiloŋa yawu, anakooleki. 8Muntu ákubula kufuukwilawu nshidi kudi Yehova, nakooleki.

9Kukoolekiku anakuteneni akwakwalama hohu, tahindi niayidima nawa? Muloŋa netu kukuhwelela kwaAbarahama amufu ukwililichu nawu hikuloŋa. 10Akufuukwili ŋahi? Chadiŋiyi mukwalama, tahindi mukubula kwalama? Himukwalamaku, chiŋa mukubula kwalama. 11Chinjikijilu chakwalama chatambwiliyi, himufunda wakuloŋa kwatambwiliyi nakukuhwelela kwakuhweleleliyi hadiŋiyi chidima; kulonda akekali nkakulula yawakwakukuhwelela ejima, hela ayidima, kulonda akayifuukwili kuloŋa; 12akekali nkakulula yawa kwakwalama; hiyakwakwalama hohuku, ninawa endaŋa mwaya kukuhwelela kwankakulula yetu Abarahama nawa, kwadiŋiyi naku hadiŋiyi chidima.

13Muloŋa ichi chikaninu chamukaninuwu Abarahama ni anyanindi, nawu akaswani mpata yamunu mwishina, hiyachikanini chakunshimbuku, ilaŋa chakukuloŋa kwakukuhwelela. 14Neyi akwanshimbi aneli answana, komana kukuhwelela kuneli dehi kwamukunkulwayi, nichikaninu chineli dehi chamu kunkulwayi. 15Muloŋa nshimbi jaletaŋa kuzuwa, ilaŋa kwabula nshimbi hikwekala kuvulumunaku. 16Dichi chineli chakukuhwelela, kulonda chili chaluwi, kulonda chikaninu chakakoli nawanyanindi ejima; bayi nawanyana akunshimbi hohuku, ninawa akweti kukuhwelela kwaAbarahama, diyi nkakulula yetu wejima wetu; 17kumesu aNzambi etiyiliyi, wahandishaŋa fu, watenaŋa yuma yabulaŋa kwikala kwoku nindi yidi kwoku. Mwomwanasonekuwu nawu, Ami nakwilishi kwikala nkakulula yanyuza yayivulu. 18Wakuminini dakuchiŋeja chakadi hakuchiŋejela, kulonda akekali nkakulula yanyuza yayivulu; mwomwahosheluwu dehi nawu, Dimu mwakekalilaŋa anyaneyi. 19Hela watoŋojokeli mujimba windi nindi wafwa dehi, muloŋa nyaka yindi yashi kili kafwampi neyi nkulakaji, hela welukili nindi Sara wachinyika dehi, hazeyeli mukukuhwelela kwinduku. 20Eŋaŋi, wadiŋi nakutalila mwakaniniyi Nzambi; halabili nantaduku, ilaŋa watambwili Ŋovu nakukuhwelela, hakumulemesha Nzambi.

21Welukili chikupu nindi Nzambi wukutwesha kukoŋa mwakaniniyi.

22Dichi amufu ukwililichu nawu hikuloŋa. 23Chamufu ukwililuwu ochu hiyachisonekeli hansaŋu yayena hohuku, 24nihansaŋu yetwetu nawa, etu akukeŋa kufu ukwilawu, etu tunetiyi Nzambi wasaŋwili Yesu, Mwanta wetu, mudi afu; 25yena amuheneni akooli nyiloŋa yetu, amusaŋwili kulonda etu twi kali aloŋa.

Currently Selected:

Maroma 4: MW62

Highlight

Copy