Livitike 11
11
1Yehova wahosheli naMosi naAroni, 2hakuyila nindi, Hoshaku nawanyana kaIsarela, neyi, Tiyenu anyama imwakadyaŋa hadianyama ahamaseki ejima. 3Hadi anyama mwakadyaŋahu wowu aambuka yikwa, aambula nyikonu, abukulaŋa. 4Hakwinza wena abukulaŋa hela aambuka yikwa, tiyenu nawa imwakabula kudya, nŋameli chakubukula wabukulaŋa, ilaŋa kwambuka yikwa nehi, enu kwenu wamajilu; 5nichibatata, chakubukula wabukulapa, ilaŋa kwambuka yikwa nehi, enu kwenuwamajilu; 6nikachinchi chakubukula wabukulapa, ilaŋa kwambukayikwa nehi, enu kwenu wamajilu; 7niŋulu, chayikwa waambuka, wa ambula nyikonu, kwinza kubukula habukulaŋaku, enu kwenu wamajilu. 8Kudyambiji yawu chinjila, hela kukunka wafwa dehi chinjila, enu kwenuamajilu.
9Tiyenu amumeji imwakadyaŋa, ejima adi mumajiya, ninamutuluŋalwiji. Anamutuluŋa lwijina namutuloŋa ejima abula mazaŋa namakálu, niejima endaŋa mumeji, niayuma amomi ejima ekala mumeji, enu kwenu hiyayuma ashimana hohu; 10mwakayimonaŋa kwenu nenu hikushimana hohu, kudya mbiji yawuchinjila, 11hela afwa dehi mwakayimonaŋa kwenu nenu yakushimana hohu. 12Ayuma amumeji ejima abula hela mazeŋa hela makálu enu kwenu akushimanahohu.
13Tiyenu atujila imwakamonaŋa nenu akushimana; kuyidya chinjila, akushimana hohu, mbuulu, ni ilamona, ninkwaji; 14nichiyimbi, nikakoji, mwahita nyitundu yawu; 15nimakololu ejima mwahita nyitundu yawu; 16ninyamalanda, nikambamba, nikatoyu, nichikoji mwahita nyitunduyawu; 17nikampoŋeshi, nikasafu, niikuŋu; 18nichinsweŋi, nipelikanyi, niikubi; 19nikakumbikumbi, nikalah mwahita nyitundu yawu, nisusutenu, nikatata.
20Ayuma ejima akweti mpuula azalalaŋa endelaŋa hanyendu yawu yejima yiwana, enu kwenu akushimana hohu. 21Tiyenu ayuma akweti mpuula azalalaŋa endelaŋa hanyendu yawu yejima yiwana, akweti nyendu kumadachilu awu yakumotokaŋa nachu hamaseki imwakadyaria; 22nikabola mwahita nyitundu yawu, niibobola mwahita nyitundu yawu, niizenzi mwahita nyitundu yawu, nimpasu, mwahita nyitundu yawu, mwakayidyaŋa tuhukwenu. 23Kwinza ayuma acheŋi ejima akweti mpuula, azalalaŋa, akwetinyendu yiwana, enu kwenu akushimana hohu.
24Yumiyi diyi yakayiletela majilu, yowu wakakunka yafwa dehi akekali wamajilu hohu nikumelela; 25yowu wakasenda yafwa dehi akakosi yumayindi yakuvwala, akekali wamajilu hohu nikumelela. 26Anyama ejimaaambuka yikwa, abula kubalula nyikonu, abulaŋa kubukula, enu kwenuamajilu, antu ejima akayikunka akekali amajilu. 27Anyama ejima endelaŋakumakasa nanyendu, ejima endelaŋa hamafumbu, enu kwenu amajilu, yowuwakakunka wafwa dehi akekali wamajilu hohu nikumelela. 28Wakasendawafwa akakosi yuma yindi yakuvwala, akekali wamajilu hohu nikumelela; anyamawa enu kwenu amajilu.
29Tiyenu yuma yakuzalala yazalalaŋa hamaseki yimwamona nenuyamajilu; kabunshi, ninfwa, nimusenvu mwahita nyitundu yawu, 30nimunkalankanta, niibulu, nimunsulu, nichitombu, ni iloŋolu. 31Wenawa diwuimwakamona nenu amajilu hadi yuma yejima yazalalaŋa; yowu wakakunkawafwa dehi akekali wamajilu hohu nikumelela. 32Chochuma chakaholokela wafwa dehi chakekali chamajilu hela chuma chamutondu, helachuma chakuvwala, hela chitembi, hela isaka, hela chuma hichuma, chejima chakalakalaŋawu nachu mudimu, akachombeki mumeji, chakekali chamajilu hohu nikumelela, hichakatooka. 33Neyi wakaholokela muyumayewumba, yuma yejima yekalamu yakekali yamajilu, yumoyu yewumba mwakayi fumpa yejima; 34yuma yejima yadyaŋawu, neyi meji awu akasampukilahu, yakekali yamajilu; niyuma yakunwa yejima yanwaŋawu muyumayakunwina yejima yidochu yakekali yamajilu. 35Chochuma chakaholokela wafwa dehi chakekali chamajilu; hela ŋiku dikweti mpaku, hela ŋiku dakusha manuŋu, akayifumpi puchi puchi, amajilu kwawu, enu kwenu yamajilu. 36Ilaŋa ntahi kaseloki, indi kwiji wina watentama meji, mwakekali mutooka; owu wakakunka wafwa dehi akekali wamajilu. 37Neyi kachumaka kumujimba wawafwa dehi kakaholokela hambutu yakutumba yakukeŋa kutumbawu, saŋa yatookela. 38Ilaŋa neyi hambutu ashahu dehi meji, nikachuma kakumujimba wawafwa dehi kakuholokelahu, enu kwenu yela dehi yamajilu.
39Neyi kanyama kimwadyaŋa kakadifwila, yowu wakakunka wafwa dehi akekali wamajilu hohu nikumelela. 40Yowu wakadya mbiji yawu akakosi yuma yindi yakuvwala akekali wamajilu hohu nikumelela; hela yena wakasenda akakosi yuma yindi yakuvwala, akekali wamajilu hohu nikumelela.
41Ayuma ejima akuzalala azalalaŋa hamaseki akushimana, chinjila kuyidya. 42Hela akwendela hamavumu, hela akwendela kumakasa nanyendu, hela akweti nyendu yayivulu kafwampi ayuma ejima akuzalala azalalaŋa hamaseki, bayi mwakayidyaku muloria akushimana kwawu. 43Bayi mwakadishima nayuma yakuzalala yazalalaŋaku, hela kudilisha amajilu, bayi mudilisha nawu amajiluku mwakenza kaditamisha nawu. 44Muloŋaami yami Yehova Nzambi yenu, dichi dijilikenu mwikali ajila; muloŋa ami najila; bayi mwakaditamisha nachuma hichuma chazalalaŋa chikwenda hamasekuku. 45Muloŋa yami Yehova nayifumishili mwituŋa daEjipituniikali Nzambi yenu; dichi dinu chiŋa mwakekalaŋa ajila, muloŋa ami najila.
46Mwenimu dimu mulushimbi lwakanyama, nilwakajila, nilwa ayuma amomi ejima endaŋa mumeji, nilwa ayuma ejima azalalaŋa hamaseki; 47kulondakwambula chuma chatama nachuma chitooka, f nichuma chachumi chikutwesha kudyawu nachuma chachumi chikubula kudyawu.
Currently Selected:
Livitike 11: MW62
Highlight
Copy
Compare
Share
Want to have your highlights saved across all your devices? Sign up or sign in
The Bible in Lunda: Ndembu (Lunda of Kalunda) © B. F. B. S. 1962.
