Loma 9
9
Omu Kalunga asakwile vaIsalele
1 Nguli nakuhanjika muchano muli Kulishitu — kangweshi nakuhanjika makuliko, chivezu chami chili nakwambulula unjiho muli Shipilitu Wajila hali ami —
2ngwami, nguli nakulinyenga chikuma nakulyonyinga chakuzeneka kukuma mumuchima wami,
3mwomwo nge chahashiwile, kachi yami navangula nakunguhandununa kuli Kulishitu hali vandumbwami mangana vavalwile — vakiko vausoko wami mwaya chisemwa chamujimba,
4ava vene vaka-Isalele, vákwechi kutokwa chakuvetavila kupwa vana vakukola, vákwechi upahu waKalunga, navilongeselo-vyajishiko-jaKalunga, nakuvahana Jishimbi, nakuvetavila kulifukula kuli Kalunga mutembele, vakwechi jishiko,
5vakwechi vakakuluka javo, kaha kuli vaIsalele kukiko kwafuma Kulishitu mwaya chisemwa chamujimba, Ou apwa helu lyavosena, Ikiye Kalunga vakisula kujingonde jazeneka kukuma. Amene.
6Oloze keshi nge mazu aKalunga anakumina mwamokomokoko. Mwomwo vaze vanasemuka kuli Isalele, keshi vosena vapwa vaIsaleleko.
7Kaha hakusemuka kuli Apalahama, keshi hakiko vosena vanapwila vana venyiko. Oloze ngwavo,
Muli Isaka mukiko navakavulukila vana vove.
8Chinapu ngwavo, vaze vanapu vana vakuchisemwa chamujimba keshi vosena vana vaKalungako, oloze vana vakulushiko vakiko vene válava kupwa vana venyi.
9Mwomwo mazu alushiko apwile ngana, ngwenyi
Kafwe halwola nge luno ou mwaka nawiza, nangukahiluka, kaha Sala mwakapwa namwana walunga.
10Kaha keshi ngocho kahako, oloze naLaveka nawa, omu emichile lijimo kuli mutu umwe, kakuluka yetu Isaka,
11(Mwomwo shimbu haze vapwile vana kanda vachisemuke, kanda vachilinge chuma chamwenemwene chipwe chachipi, mangana omu ásakwile Kalunga nge mwaya kujina chenyi mukole mbe, ngwenyi, Kacheshi chahavilingako, shina hakusanyika chenyi),
12kaha Laveka vamulwezele ngwavo,
Ou wamukulwane mwakazachilanga ou wakanyike muundungo.
13Nge muze vasoneka ngwavo,
Yakova ngwamuzangile, oloze Esau ngwamuhungile.
14Kaha natwamba ngwetu ika? Kuli Kalunga kuli kuhenga tahi? Chijilocho!
15Mwomwo alwezele Mose ngwenyi,
Nangukatetela ou vene nángutetela, kaha nangukevwila keke ou vene nángwivwila keke.
16Shikaho kacheshi chakuli ou mwásakako, chipwe kuli ou mwalikaka, oloze chakuli Kalunga Muka-kutetela.
17Mwomwo Mazu-vasoneka-ajila anambe kuli Fwalo ngwavo,
Hoho vene ngwakuzezwilile mangana ngwami, ngusolole ngolo jami muli ove, kaha mangana lijina lyami valyambululenga hamavu hosena.
18Shikaho Kalunga eji kutetelanga weshowo nasake, kaha eji kukaluhwisanga weshowo nasake.
19Kaha jino naunguhulisa ngwove, Mwomwo ika Kalunga achili nakuwanyina vatu tutenga? Nyi iya mwahasa kulikanga namwaya muchima wenyi?
20Hi-i! Ove mutu, yove iya numba ulingulule Kalunga? Nyi chuma chakutenga kumana chihase kwamba tengi yacho ngwacho, Ikaze unangutengela ngana?
21Kumana tengi keshi nangolo haunonga wenyiko numba? Kumuunga woumwe nahase kutengako chuma chimwe chamulimo wakulipwila nachikwavo chakala mulimo, nyi mweka?
22Nyi nge Kalunga, hakusaka kusolola utenu wenyi nakufumakanyisa ngolo jenyi, atalijiza mukuunda vaze vátela utenu wenyi nakuliula vilinga vyavo vyavipi, vaze válongesela kunongesa, kaha naulingaho ika?
23 Nyi nge Kalunga, hakulinga ngocho, asaka kufumakanyisa kutohwa chaupahu wenyi havyuma vyatela kutetela, vize álongeselengaho lyehi mangana vikapwenga vyaupahu,
24etu vene ásanyika, keshi vakufuma muli vaYuleya kahako, oloze naava vakufuma muli vaka-mafuchi nawa, kaha naulingaho ika?
25Ngana omu nambe nawa kumukanda waHozeya ngwenyi,
Vaze vazenekele kupwa vatu jami, nangukavavuluka ngwami, vatu jami,
Kaha vaze vaka-mafuchi ngwazenekele kuzanga, nangukavavuluka ngwami, vakuzanga.
26 Kaha nachikasoloka, kuchihela kuze vavalwezele ngwavo, Enu kamweshi muvatu jamiko,
Kwakuze vene navakavavuluka ngwavo, vana vakukola vaKalunga Ou ayoya.
27Isaya nawa hakuvuluka vaIsalele atambakana ngwenyi,
Chipwe vana vaIsalele hakuvalava navakavula nge usekeseke wakalungalwiji,
Oloze chize chimbwa chavatu nachikasala, navakachilwila.
28Mwomwo MWATA mwakamanyisa milimo yenyi hamavu nakuyikumisa washi.
29Kaha ngana omu apolofwetele Isaya ngwenyi,
Nge MWATA wamayongomena katuseleleho vanako,
Kachi tunalumuka kupwa nge Sotome, kachi tunapu nge Ngomola.
Ulwilo navaIsalele
30Shikaho natwamba ngwetu ika? Ngwetu, vaka-mafuchi, ava vazenekele kukava kwoloka, vakiko vanawane lyehi kwoloka, echi vene kwoloka kana chahakufwelela.
31Oloze vaIsalele hakufwila kulinga mwaya lushimbi lwakutwala kukwoloka, kavatésele mulushimbi kanako.
32Mwomwo ika? Mwomwo kavachitondelele hakufwelelako, oloze vachitondele nge chakuvilinga vyakuJishimbi kaha. Mwomwo vahukanyine kulilolwa lize lyakuhukanyisa,
33nge muze vasoneka ngwavo,
Talenu, nguli nakwala lilolwa lyakuhukanyisa vatu muZeyone, likiko lilolwa lyakuvalimbwisa,
Kaha weshowo mwamufwelela kaveshi kukamwivwisa sonyiko.
Currently Selected:
Loma 9: LUE
Highlight
Copy
Compare
Share
Want to have your highlights saved across all your devices? Sign up or sign in
Bible Society of Zambia
Loma 9
9
Omu Kalunga asakwile vaIsalele
1 Nguli nakuhanjika muchano muli Kulishitu — kangweshi nakuhanjika makuliko, chivezu chami chili nakwambulula unjiho muli Shipilitu Wajila hali ami —
2ngwami, nguli nakulinyenga chikuma nakulyonyinga chakuzeneka kukuma mumuchima wami,
3mwomwo nge chahashiwile, kachi yami navangula nakunguhandununa kuli Kulishitu hali vandumbwami mangana vavalwile — vakiko vausoko wami mwaya chisemwa chamujimba,
4ava vene vaka-Isalele, vákwechi kutokwa chakuvetavila kupwa vana vakukola, vákwechi upahu waKalunga, navilongeselo-vyajishiko-jaKalunga, nakuvahana Jishimbi, nakuvetavila kulifukula kuli Kalunga mutembele, vakwechi jishiko,
5vakwechi vakakuluka javo, kaha kuli vaIsalele kukiko kwafuma Kulishitu mwaya chisemwa chamujimba, Ou apwa helu lyavosena, Ikiye Kalunga vakisula kujingonde jazeneka kukuma. Amene.
6Oloze keshi nge mazu aKalunga anakumina mwamokomokoko. Mwomwo vaze vanasemuka kuli Isalele, keshi vosena vapwa vaIsaleleko.
7Kaha hakusemuka kuli Apalahama, keshi hakiko vosena vanapwila vana venyiko. Oloze ngwavo,
Muli Isaka mukiko navakavulukila vana vove.
8Chinapu ngwavo, vaze vanapu vana vakuchisemwa chamujimba keshi vosena vana vaKalungako, oloze vana vakulushiko vakiko vene válava kupwa vana venyi.
9Mwomwo mazu alushiko apwile ngana, ngwenyi
Kafwe halwola nge luno ou mwaka nawiza, nangukahiluka, kaha Sala mwakapwa namwana walunga.
10Kaha keshi ngocho kahako, oloze naLaveka nawa, omu emichile lijimo kuli mutu umwe, kakuluka yetu Isaka,
11(Mwomwo shimbu haze vapwile vana kanda vachisemuke, kanda vachilinge chuma chamwenemwene chipwe chachipi, mangana omu ásakwile Kalunga nge mwaya kujina chenyi mukole mbe, ngwenyi, Kacheshi chahavilingako, shina hakusanyika chenyi),
12kaha Laveka vamulwezele ngwavo,
Ou wamukulwane mwakazachilanga ou wakanyike muundungo.
13Nge muze vasoneka ngwavo,
Yakova ngwamuzangile, oloze Esau ngwamuhungile.
14Kaha natwamba ngwetu ika? Kuli Kalunga kuli kuhenga tahi? Chijilocho!
15Mwomwo alwezele Mose ngwenyi,
Nangukatetela ou vene nángutetela, kaha nangukevwila keke ou vene nángwivwila keke.
16Shikaho kacheshi chakuli ou mwásakako, chipwe kuli ou mwalikaka, oloze chakuli Kalunga Muka-kutetela.
17Mwomwo Mazu-vasoneka-ajila anambe kuli Fwalo ngwavo,
Hoho vene ngwakuzezwilile mangana ngwami, ngusolole ngolo jami muli ove, kaha mangana lijina lyami valyambululenga hamavu hosena.
18Shikaho Kalunga eji kutetelanga weshowo nasake, kaha eji kukaluhwisanga weshowo nasake.
19Kaha jino naunguhulisa ngwove, Mwomwo ika Kalunga achili nakuwanyina vatu tutenga? Nyi iya mwahasa kulikanga namwaya muchima wenyi?
20Hi-i! Ove mutu, yove iya numba ulingulule Kalunga? Nyi chuma chakutenga kumana chihase kwamba tengi yacho ngwacho, Ikaze unangutengela ngana?
21Kumana tengi keshi nangolo haunonga wenyiko numba? Kumuunga woumwe nahase kutengako chuma chimwe chamulimo wakulipwila nachikwavo chakala mulimo, nyi mweka?
22Nyi nge Kalunga, hakusaka kusolola utenu wenyi nakufumakanyisa ngolo jenyi, atalijiza mukuunda vaze vátela utenu wenyi nakuliula vilinga vyavo vyavipi, vaze válongesela kunongesa, kaha naulingaho ika?
23 Nyi nge Kalunga, hakulinga ngocho, asaka kufumakanyisa kutohwa chaupahu wenyi havyuma vyatela kutetela, vize álongeselengaho lyehi mangana vikapwenga vyaupahu,
24etu vene ásanyika, keshi vakufuma muli vaYuleya kahako, oloze naava vakufuma muli vaka-mafuchi nawa, kaha naulingaho ika?
25Ngana omu nambe nawa kumukanda waHozeya ngwenyi,
Vaze vazenekele kupwa vatu jami, nangukavavuluka ngwami, vatu jami,
Kaha vaze vaka-mafuchi ngwazenekele kuzanga, nangukavavuluka ngwami, vakuzanga.
26 Kaha nachikasoloka, kuchihela kuze vavalwezele ngwavo, Enu kamweshi muvatu jamiko,
Kwakuze vene navakavavuluka ngwavo, vana vakukola vaKalunga Ou ayoya.
27Isaya nawa hakuvuluka vaIsalele atambakana ngwenyi,
Chipwe vana vaIsalele hakuvalava navakavula nge usekeseke wakalungalwiji,
Oloze chize chimbwa chavatu nachikasala, navakachilwila.
28Mwomwo MWATA mwakamanyisa milimo yenyi hamavu nakuyikumisa washi.
29Kaha ngana omu apolofwetele Isaya ngwenyi,
Nge MWATA wamayongomena katuseleleho vanako,
Kachi tunalumuka kupwa nge Sotome, kachi tunapu nge Ngomola.
Ulwilo navaIsalele
30Shikaho natwamba ngwetu ika? Ngwetu, vaka-mafuchi, ava vazenekele kukava kwoloka, vakiko vanawane lyehi kwoloka, echi vene kwoloka kana chahakufwelela.
31Oloze vaIsalele hakufwila kulinga mwaya lushimbi lwakutwala kukwoloka, kavatésele mulushimbi kanako.
32Mwomwo ika? Mwomwo kavachitondelele hakufwelelako, oloze vachitondele nge chakuvilinga vyakuJishimbi kaha. Mwomwo vahukanyine kulilolwa lize lyakuhukanyisa,
33nge muze vasoneka ngwavo,
Talenu, nguli nakwala lilolwa lyakuhukanyisa vatu muZeyone, likiko lilolwa lyakuvalimbwisa,
Kaha weshowo mwamufwelela kaveshi kukamwivwisa sonyiko.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible Society of Zambia