Loma 8
8
Kuyoya chamuli Shipilitu Wajila
1Shikaho jino, kuhya namulonga chauchiko kuli ava váli muli Kulishitu Yesu.
2Mwomwo, ngolo#8:2 MuchiHelase ngwavo, lushimbi, nge ngwavo ngolo jakuyula mutu. jaShipilitu jakuhana mwono muli Kulishitu Yesu jinakusokola#8:2 Mokomoko ngwavo, lunangusokola. kungolo jashili nakufwa.
3 Mwomwo ocho Jishimbi kajahashile kulingako hakujizeyesa kuchisemwa chamujimba, Kalunga achilingile. Atumine Mwanenyi Ivene mumujimba wakufwana mujimba wanyama washili, hachihande#8:3 Mokomoko ngwavo, hakupwa wana wakulumba hashili. chashili — kaha shili ayihishile mumujimba wenyi,
4mangana seteko yakwoloka chamuJishimbi vayitesemo muli etu twazeneka kutambuka mwaya chisemwa chamujimba, oloze mwaya Shipilitu.
5Mwomwo vaze vayoya mwaya chisemwa chamujimba vajika michima yavo kuvyachisemwa chamujimba, oloze vaze vayoya mwaya Shipilitu vajika michima yavo kuvyaShipilitu.
6Mwomwo kujina chachisemwa chamujimba chapwa kufwa, oloze kujina chaShipilitu chapwa mwono nakuunda.
7Mwomwo kujina chachisemwa chamujimba chapwa kole naKalunga, mwomwo kachawa kuJishimbi jaKalungako, mwamuchano kachahasako.
8 Vaze vatwama muchisemwa chamujimba kaveshi kuhasa kusuulwisa Kalungako.
9 Enu kamwatwama muchisemwa chamujimbako oloze muli Shipilitu, nge mwamuchano vene Shipilitu yaKalunga atwama muli enu. Weshowo keshi naShipilitu yaKulishituko keshi wenyiko.
10Oloze nge Kulishitu ali muli enu, chipwe tuhu mujimba wafwa lyehi mwomwo washili, oloze Shipilitu napu mwono wenu hakwoloka.
11Jino nge Shipilitu yauze asangwile Yesu muvafu atwama muli enu, kaha Ou asangwile Kulishitu muvafu mwakayoyesa namijimba yenu yakufwa, muli Shipilitu yenyi átwama muli enu.
12Shikaho, enu vandumbwami, tuvaka-mukuli kuli Shipilitu — keshi kuchisemwa chamujimbako numba tuyoyenga mwaya chisemwa chamujimba.
13Mwomwo nge namuyoyanga mwaya chisemwa chamujimba, kaha namufwa. Oloze nge namujiha vilinga vyamujimba omu muli muli Shipilitu, kaha namuyoya.
14Mwomwo vosena vátwaminyina kuli Shipilitu yaKalunga, vakiko vana vaKalunga vakukola.
15Mwomwo kamwatambula shipilitu yaundungo numba mupwenga cheka nawomako, oloze mwatámbula Shipilitu wakumitavila kupwa muvana vakukola, hakiko tweji kutambakanyinanga ngwetu, Apa#8:15 MuchiHepeleu lizu Apa, lyapwa lyakanyike hakusanyika Ise., Ove Tata.
16 Ivene Shipilitu eji kwambululanga unjiho najishipilitu#8:16 MuchiHelase ngwavo, shipilitu yetu, hakuvuluka shipilitu yamutu himutu. jetu ngwenyi, Tuvana vaKalunga.
17Jino nge tuvana, kaha tuvaswana nawa, vaswana jaKalunga mutwaswanyina naKulishitu, chikalu tuli nakuyanjila nenyi hamwe, mangana tukasoloke nenyi namuupahu wenyi.
Upahu uze nawiza kusoloka
18Mwomwo ngunamono ngwami, vihuli vyamakumbi ano kavyatelemo kuvyesekesa naupahu uze nawiza kusoloka kuli etuko.
19Mwomwo vize vyakutanga vili nakuvandamina nakufwila chikuma kusoloka chavana vaKalunga vakukola.
20Mwomwo vize vyakutanga vavilingishile mangana viwenga muufwefwelekete. Kavyalisakilile viveneko, oloze chapwile chakuli Uze avingishilemo, mangana vipwenga nalutalililo.
21Mwomwo vyakutanga nawa navakavisokola kuundungo wakuya nakupola, mangana vikapwenga mukusokoka chavana vaKalunga chaupahu.
22Mwomwo tunatachikiza ngwetu, vyakutanga vyosena vili nakukemena hamwe mumisongo yakusema nakulelo.
23Kaha keshi vize vyakutanga kahako, oloze nayetu nawa, etu twátwama namihako yaShipilitu yakulivanga, tweji kukemenanga mujitulo jetu, shimbu tuli nakutalilila kutwitavila kupwa tuvana vakukola, chikiko vene kusokola mijimba yetu.
24Mwomwo mulutalililo olu mukiko vatulwililile. Oloze kutalilila chize chakumona lyehi kachapwa lutalililoko. Mwomwo iya atalilila chize namono lyehi?
25Oloze nge natutalilila chize katwamweneko, kaha natuchivandamina mukuunda.
26Mujila yoyimwe, Shipilitu eji kutukafwanga mukuhehela chetu, mwomwo katwatachikiza mwakulombela nge omu twatelako. Oloze Ivene Shipilitu eji kutulembelelangako nakukemena navahona kulumbununa.
27 Oloze Ou éji kutala-talanga mumichima, atachikiza mwaya kujina chaShipilitu, mwomwo eji kulembelelanga vaka-kujila mwaya muchima waKalunga.
28Kaha tunatachikiza ngwetu, vyosena vyazachila hamwe nakuneha kuwaha kuli ava vazanga Kalunga, ava vene ásanyika mwaya punga yenyi.
29Mwomwo vaze átachikijilengaho lyehi avatongwele lyehi nawa, mangana vatenga museteko yakufwana muze apwa Mwanenyi, mangana Ikiye apwenga Alitulaho muli vasongo jenyi vavavulu.
30Kaha vaze atongwele lyehi, avasanyikile nawa. Kaha vaze ásanyikile, avavulukile kupwa vakwoloka nawa. Kaha vaze ávulukile kupwa vakwoloka, avahanyine naupahu nawa.
Tunahambakana kufungulula
31Kaha jino, havyuma evi natwambaho ngwetu ika? Nge Kalunga emana kuli etu, kaha iyaze mwatwimanyina nakole?
32Uze katetelele Mwanenyiko, oloze amusuwile hali etu tuvosena, mwazeneka ngachilihi kutusuwila nawa vyosena hamwe naIkiye?
33 Iyaze mwatwika mulonga ava ásakula Kalunga? Kalunga Ikiye avavuluka kupwa vakwoloka.
34Iyaze mwavahisa namulonga? Kulishitu Yesu Ikiye áfwile, kaha chahambakananyi, vamusangula muvafu, Ikiye áli kulivoko lyaKalunga lyachilyo, Ou vene éji kutuhakwilanga nawa.
35Iyaze mwatuhandununa kuzangi yaKulishitu? Luyando tahi? Nyi vihuli tahi? Nyi kutuyanjisa tahi? Nyi zala yakalombolombo tahi? Nyi uvu tahi? Nyi vyakuneha kufwa tahi? Nyi poko yamukwale tahi?
36Nge muze vasoneka ngwavo,
Hali Ove, hakiko veji kutujihilanga musana wosena
Vatumona nge tumikoko navajiha.
37Nduma! Muvyosena evi tuvaka-kufungulula chikupu muli Ou átuzanga.
38Mwomwo ngunafwelela chikupu ngwami, chipwe kufwa, chipwe kuyoya, chipwe vangelo, chipwe vaka-kuyula, chipwe evi viliko, chipwe vize navikapwako, chipwe vaka-ngolo,
39chipwe kujindama helu, chipwe kukunama, chipwe chuma cheka chakutánga, kacheshi kuhasa kutuhandununa kuzangi yaKalunga yili muli Kulishitu Yesu Mwata wetuko.
Currently Selected:
Loma 8: LUE
Highlight
Copy
Compare
Share
Want to have your highlights saved across all your devices? Sign up or sign in
Bible Society of Zambia
Loma 8
8
Kuyoya chamuli Shipilitu Wajila
1Shikaho jino, kuhya namulonga chauchiko kuli ava váli muli Kulishitu Yesu.
2Mwomwo, ngolo#8:2 MuchiHelase ngwavo, lushimbi, nge ngwavo ngolo jakuyula mutu. jaShipilitu jakuhana mwono muli Kulishitu Yesu jinakusokola#8:2 Mokomoko ngwavo, lunangusokola. kungolo jashili nakufwa.
3 Mwomwo ocho Jishimbi kajahashile kulingako hakujizeyesa kuchisemwa chamujimba, Kalunga achilingile. Atumine Mwanenyi Ivene mumujimba wakufwana mujimba wanyama washili, hachihande#8:3 Mokomoko ngwavo, hakupwa wana wakulumba hashili. chashili — kaha shili ayihishile mumujimba wenyi,
4mangana seteko yakwoloka chamuJishimbi vayitesemo muli etu twazeneka kutambuka mwaya chisemwa chamujimba, oloze mwaya Shipilitu.
5Mwomwo vaze vayoya mwaya chisemwa chamujimba vajika michima yavo kuvyachisemwa chamujimba, oloze vaze vayoya mwaya Shipilitu vajika michima yavo kuvyaShipilitu.
6Mwomwo kujina chachisemwa chamujimba chapwa kufwa, oloze kujina chaShipilitu chapwa mwono nakuunda.
7Mwomwo kujina chachisemwa chamujimba chapwa kole naKalunga, mwomwo kachawa kuJishimbi jaKalungako, mwamuchano kachahasako.
8 Vaze vatwama muchisemwa chamujimba kaveshi kuhasa kusuulwisa Kalungako.
9 Enu kamwatwama muchisemwa chamujimbako oloze muli Shipilitu, nge mwamuchano vene Shipilitu yaKalunga atwama muli enu. Weshowo keshi naShipilitu yaKulishituko keshi wenyiko.
10Oloze nge Kulishitu ali muli enu, chipwe tuhu mujimba wafwa lyehi mwomwo washili, oloze Shipilitu napu mwono wenu hakwoloka.
11Jino nge Shipilitu yauze asangwile Yesu muvafu atwama muli enu, kaha Ou asangwile Kulishitu muvafu mwakayoyesa namijimba yenu yakufwa, muli Shipilitu yenyi átwama muli enu.
12Shikaho, enu vandumbwami, tuvaka-mukuli kuli Shipilitu — keshi kuchisemwa chamujimbako numba tuyoyenga mwaya chisemwa chamujimba.
13Mwomwo nge namuyoyanga mwaya chisemwa chamujimba, kaha namufwa. Oloze nge namujiha vilinga vyamujimba omu muli muli Shipilitu, kaha namuyoya.
14Mwomwo vosena vátwaminyina kuli Shipilitu yaKalunga, vakiko vana vaKalunga vakukola.
15Mwomwo kamwatambula shipilitu yaundungo numba mupwenga cheka nawomako, oloze mwatámbula Shipilitu wakumitavila kupwa muvana vakukola, hakiko tweji kutambakanyinanga ngwetu, Apa#8:15 MuchiHepeleu lizu Apa, lyapwa lyakanyike hakusanyika Ise., Ove Tata.
16 Ivene Shipilitu eji kwambululanga unjiho najishipilitu#8:16 MuchiHelase ngwavo, shipilitu yetu, hakuvuluka shipilitu yamutu himutu. jetu ngwenyi, Tuvana vaKalunga.
17Jino nge tuvana, kaha tuvaswana nawa, vaswana jaKalunga mutwaswanyina naKulishitu, chikalu tuli nakuyanjila nenyi hamwe, mangana tukasoloke nenyi namuupahu wenyi.
Upahu uze nawiza kusoloka
18Mwomwo ngunamono ngwami, vihuli vyamakumbi ano kavyatelemo kuvyesekesa naupahu uze nawiza kusoloka kuli etuko.
19Mwomwo vize vyakutanga vili nakuvandamina nakufwila chikuma kusoloka chavana vaKalunga vakukola.
20Mwomwo vize vyakutanga vavilingishile mangana viwenga muufwefwelekete. Kavyalisakilile viveneko, oloze chapwile chakuli Uze avingishilemo, mangana vipwenga nalutalililo.
21Mwomwo vyakutanga nawa navakavisokola kuundungo wakuya nakupola, mangana vikapwenga mukusokoka chavana vaKalunga chaupahu.
22Mwomwo tunatachikiza ngwetu, vyakutanga vyosena vili nakukemena hamwe mumisongo yakusema nakulelo.
23Kaha keshi vize vyakutanga kahako, oloze nayetu nawa, etu twátwama namihako yaShipilitu yakulivanga, tweji kukemenanga mujitulo jetu, shimbu tuli nakutalilila kutwitavila kupwa tuvana vakukola, chikiko vene kusokola mijimba yetu.
24Mwomwo mulutalililo olu mukiko vatulwililile. Oloze kutalilila chize chakumona lyehi kachapwa lutalililoko. Mwomwo iya atalilila chize namono lyehi?
25Oloze nge natutalilila chize katwamweneko, kaha natuchivandamina mukuunda.
26Mujila yoyimwe, Shipilitu eji kutukafwanga mukuhehela chetu, mwomwo katwatachikiza mwakulombela nge omu twatelako. Oloze Ivene Shipilitu eji kutulembelelangako nakukemena navahona kulumbununa.
27 Oloze Ou éji kutala-talanga mumichima, atachikiza mwaya kujina chaShipilitu, mwomwo eji kulembelelanga vaka-kujila mwaya muchima waKalunga.
28Kaha tunatachikiza ngwetu, vyosena vyazachila hamwe nakuneha kuwaha kuli ava vazanga Kalunga, ava vene ásanyika mwaya punga yenyi.
29Mwomwo vaze átachikijilengaho lyehi avatongwele lyehi nawa, mangana vatenga museteko yakufwana muze apwa Mwanenyi, mangana Ikiye apwenga Alitulaho muli vasongo jenyi vavavulu.
30Kaha vaze atongwele lyehi, avasanyikile nawa. Kaha vaze ásanyikile, avavulukile kupwa vakwoloka nawa. Kaha vaze ávulukile kupwa vakwoloka, avahanyine naupahu nawa.
Tunahambakana kufungulula
31Kaha jino, havyuma evi natwambaho ngwetu ika? Nge Kalunga emana kuli etu, kaha iyaze mwatwimanyina nakole?
32Uze katetelele Mwanenyiko, oloze amusuwile hali etu tuvosena, mwazeneka ngachilihi kutusuwila nawa vyosena hamwe naIkiye?
33 Iyaze mwatwika mulonga ava ásakula Kalunga? Kalunga Ikiye avavuluka kupwa vakwoloka.
34Iyaze mwavahisa namulonga? Kulishitu Yesu Ikiye áfwile, kaha chahambakananyi, vamusangula muvafu, Ikiye áli kulivoko lyaKalunga lyachilyo, Ou vene éji kutuhakwilanga nawa.
35Iyaze mwatuhandununa kuzangi yaKulishitu? Luyando tahi? Nyi vihuli tahi? Nyi kutuyanjisa tahi? Nyi zala yakalombolombo tahi? Nyi uvu tahi? Nyi vyakuneha kufwa tahi? Nyi poko yamukwale tahi?
36Nge muze vasoneka ngwavo,
Hali Ove, hakiko veji kutujihilanga musana wosena
Vatumona nge tumikoko navajiha.
37Nduma! Muvyosena evi tuvaka-kufungulula chikupu muli Ou átuzanga.
38Mwomwo ngunafwelela chikupu ngwami, chipwe kufwa, chipwe kuyoya, chipwe vangelo, chipwe vaka-kuyula, chipwe evi viliko, chipwe vize navikapwako, chipwe vaka-ngolo,
39chipwe kujindama helu, chipwe kukunama, chipwe chuma cheka chakutánga, kacheshi kuhasa kutuhandununa kuzangi yaKalunga yili muli Kulishitu Yesu Mwata wetuko.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible Society of Zambia