Matiye Haala puɗɗirka
Haala puɗɗirka
Binnuɗo linjiila arandeha kaa ɗo laati nun Yahuduujo janŋuɗo. Diga fuɗɗoode, himɓe e miili Matiye jaɓoowo ceede faada nun winni linjiila kan. O laati nun bo gooto der aahiiɓe Yeesu sappo e ɗiɗo. Yahuduuɓe nun o winnani. O hollitii ɗum e limtango ɓe aayaaje Alkawal Kiinŋal ɗuuɗɗe, kollitooje no Yeesu nun laatii kebbinɗo annabaakuuji ɗuuɗɗi. Linjiila makko e jogii haalaaji mawɗi feere feere.
Haala Laamaare Alla nun laatii ɗaɗol manŋol der ekkitinol Yeesu. Laamaare Alla nen Matiye bo noddata Laamaare kammu. Maytitaago noddugo mo ‹Ɓii Dawda›, kan nun hollitinta ɗum. Yeesu laati nun laamiiɗo mo annabiiɓe batani waran, kan laatii waaji Matiye. Wooduɓe annal waddanii ‹laamiiɗo Yahuduuɓe›, dokke. Yeesu fiinii no Laamaare Alla faanake, tuubuɓe, go wayliti goonki mum, faami no ɓee haajaa Alla walla ɓe, kamɓe nun laamaare nen laatanii.
Baa no laamiiɗo on hollitii maaneeji Laamaare Alla e waɗugo kaayeefiiji, o nyawti nyawɓe, o nyaamni rafaaɓe, enon fu, himɓe woppii mo hande no o batunoo de ɗuuɗɗum kanko e hoore makko. Yahuduuɓe daartannooɓe laamiiɗo, faamay no e haani laamiiɗo on tooroo.
No Yeesu finti, o hollii no o laataaki laamiiɗo Yahuduuɓe tan. O wi'i: «Mi hokkaama baawɗe dow kammu e dow leydi fu.»
Tokkontirki haalaaji
1. Kookiraaɓe Yeesu e dingol mum (1:1-2).
2. Waaju e golle Yuhaana gaɗoowo *batisi (3:1-12).
3. Waɗugo Yeesu *batisi e jarbeeki mum (3:13–4:11).
4. Golle Yeesu der Galili (4:12–18:35).
5. Ummaago Yeesu diga Galili, yahi Urusaliima (19:1–20:34).
6. Asaweere Yeesu sakitiineere (21:1–27:66).
7. Fintuki e hollitaaki Yeesu Joomiraawo (28:1-20).
Currently Selected:
Matiye Haala puɗɗirka: BFB
Highlight
Share
Copy
Want to have your highlights saved across all your devices? Sign up or sign in
Bible Fulfulde Bénin © SIM International 2015, 2024.