Yonasi 4
4
Mone waɗii Yonasi gam Alla yurumake wanŋarde Niniwe
1Ko Alla waɗi ɗon naawii Yonasi sanne, go mone makko ummii sanne. 2Go o eeli Joomiraawo o wi'i: Yaa Joomiraawo, ka batumi wakkati gonumi e leydi am nun yottii ɗon. Kan acci doggunoomi, jiɗumi jahugo leydi Tarsisi. Mii anni, a laati nun Alla mo moƴƴere, e mo yurumeene, e mo munyal, yidde maa e mawni sanne. Aa acca waɗango neɗɗo kalluɗum ɗum bi'unoɗaa a waɗanan mo. 3Jooni, an Joomiraawo, accu mi maaya, gam maayde am e ɓuranimmi gurnam am. 4Go Joomiraawo wi'i mo: Haanaano monnoɗaa. 5Ɗon nun Yonasi wurtii diga wanŋarde Niniwe, yahi jooɗii lettugal mayre. Go o waɗani ɗon hoore makko bukaaru, o naati der mayru o jooɗii, oo heɗii o yi'a ko tawata wanŋarde nen. 6Ɗon nun Alla Joomiraawo fuɗini leggel gom, ŋel mawni ŋel ɓuri Yonasi juutugo, ŋel waɗani mo ɗoogi, gam heɓa hakkillo makko fukkoo. Go ɓerne Yonasi on weli sanne gam sabbu leggel ŋel. 7Amma fini mum, diga fajiri, Alla liloy gilŋel gom, ŋel wari, ŋel nyaami leggel ŋel, go ŋel yoori. 8No naaŋe fuɗi, Alla yoofoy hennu gulŋol diga lettugal. Go naaŋe fiyi hoore Yonasi, faa o fekkori. Go o suunii maayde, o wi'i: Maayde am e ɓuranimmi gurnam am. 9Go Alla wi'i Yonasi: Haanayno monnoɗaa gam sabbu leggel ŋel. Go Yonasi wi'i: E haani mone waɗammi faa mi eela maayde. 10Go Joomiraawo wi'i mo: An, aa yurumaa leggel ŋel a tooranaaki, an bane fuɗini ŋel. Jemmaare woore nun ŋel fuɗi, ŋel yoori bo jemmaare woore. 11Go a yiɗaa min mi yurumoo Niniwe wanŋarde mawne, woodune himɓe ko ɓuri ujune hewre e laso (120 000), ɓe annaa suttontirgo nyaamo e nano? Nee woodi bo mareefuuji ɗuuɗɗi der mayre.
Currently Selected:
Yonasi 4: BFB
Highlight
Share
Copy
Want to have your highlights saved across all your devices? Sign up or sign in
Bible Fulfulde Bénin © SIM International 2015, 2024.
Yonasi 4
4
Mone waɗii Yonasi gam Alla yurumake wanŋarde Niniwe
1Ko Alla waɗi ɗon naawii Yonasi sanne, go mone makko ummii sanne. 2Go o eeli Joomiraawo o wi'i: Yaa Joomiraawo, ka batumi wakkati gonumi e leydi am nun yottii ɗon. Kan acci doggunoomi, jiɗumi jahugo leydi Tarsisi. Mii anni, a laati nun Alla mo moƴƴere, e mo yurumeene, e mo munyal, yidde maa e mawni sanne. Aa acca waɗango neɗɗo kalluɗum ɗum bi'unoɗaa a waɗanan mo. 3Jooni, an Joomiraawo, accu mi maaya, gam maayde am e ɓuranimmi gurnam am. 4Go Joomiraawo wi'i mo: Haanaano monnoɗaa. 5Ɗon nun Yonasi wurtii diga wanŋarde Niniwe, yahi jooɗii lettugal mayre. Go o waɗani ɗon hoore makko bukaaru, o naati der mayru o jooɗii, oo heɗii o yi'a ko tawata wanŋarde nen. 6Ɗon nun Alla Joomiraawo fuɗini leggel gom, ŋel mawni ŋel ɓuri Yonasi juutugo, ŋel waɗani mo ɗoogi, gam heɓa hakkillo makko fukkoo. Go ɓerne Yonasi on weli sanne gam sabbu leggel ŋel. 7Amma fini mum, diga fajiri, Alla liloy gilŋel gom, ŋel wari, ŋel nyaami leggel ŋel, go ŋel yoori. 8No naaŋe fuɗi, Alla yoofoy hennu gulŋol diga lettugal. Go naaŋe fiyi hoore Yonasi, faa o fekkori. Go o suunii maayde, o wi'i: Maayde am e ɓuranimmi gurnam am. 9Go Alla wi'i Yonasi: Haanayno monnoɗaa gam sabbu leggel ŋel. Go Yonasi wi'i: E haani mone waɗammi faa mi eela maayde. 10Go Joomiraawo wi'i mo: An, aa yurumaa leggel ŋel a tooranaaki, an bane fuɗini ŋel. Jemmaare woore nun ŋel fuɗi, ŋel yoori bo jemmaare woore. 11Go a yiɗaa min mi yurumoo Niniwe wanŋarde mawne, woodune himɓe ko ɓuri ujune hewre e laso (120 000), ɓe annaa suttontirgo nyaamo e nano? Nee woodi bo mareefuuji ɗuuɗɗi der mayre.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible Fulfulde Bénin © SIM International 2015, 2024.