Yonasi 3
3
Waaju Yonasi der wanŋarde Niniwe
1Joomiraawo baddii kade Yonasi de ɗiɗawre wi'i: 2Umma, yahu Niniwe, wanŋarde mawne nen, bataa himɓe mayre haala ka batan maa mi. 3Ɗon nun Yonasi ummii, yahi Niniwe hande no Joomiraawo batiri. Niniwe laatino nun wanŋarde mawne sanne, sey neɗɗo waɗa balɗe tati go woosodoo ne. 4Yonasi naati wanŋarde nen nyalaane woore tan, e waajoo, e wi'a: E horii balɗe lasoy ɗiɗi (40) go Niniwe halkee. 5Go himɓe Niniwe hoolii Alla. Ɓe piini, ɓe cuumoo, diga mawɗo maɓɓe faa pettel maɓɓe, ɓe ɓornoo saakiho gam hollugo biisere ɓerɗe maɓɓe. 6No laamiiɗo Niniwe nani haala kan, ummii diga kittaal laamu mum, ɓorti kolte mum, ɓornii saakiho, jooɗii e dooni gam hollugo biisere ɓerne mum. 7Go o fiini o wi'i: Min Laamiiɗo e ardiiɓe der laamu am, men desii ooda men bi'i: Diga himɓe faa e mareefuuji, diga nagge faa e be'a, e baala, to nyaamu goɗɗum, to duru, to yaru bo diyam. 8Himɓe e mareefuuji fu ɓornoo saakiho gam hollugo biisere ɓerɗe mum. Ɓe eela Alla e semme. Mo fu acca baadi mum bonni, acca bo nyaamugo himɓe semme. 9Waɗoto Alla miisitoo, waɗa alhaanu ko yesunoo waɗugo, den mone mum deƴƴa, acca halkugo en.
10No Alla yi'i no himɓe Niniwe tuubii, ɓe accii waɗugo baadi maɓɓe kalluni, o wi'i o waɗantaa ɓe kalluɗum ɗum o wi'unoo o waɗanan ɓe ɗum.
Currently Selected:
Yonasi 3: BFB
Highlight
Share
Copy
Want to have your highlights saved across all your devices? Sign up or sign in
Bible Fulfulde Bénin © SIM International 2015, 2024.
Yonasi 3
3
Waaju Yonasi der wanŋarde Niniwe
1Joomiraawo baddii kade Yonasi de ɗiɗawre wi'i: 2Umma, yahu Niniwe, wanŋarde mawne nen, bataa himɓe mayre haala ka batan maa mi. 3Ɗon nun Yonasi ummii, yahi Niniwe hande no Joomiraawo batiri. Niniwe laatino nun wanŋarde mawne sanne, sey neɗɗo waɗa balɗe tati go woosodoo ne. 4Yonasi naati wanŋarde nen nyalaane woore tan, e waajoo, e wi'a: E horii balɗe lasoy ɗiɗi (40) go Niniwe halkee. 5Go himɓe Niniwe hoolii Alla. Ɓe piini, ɓe cuumoo, diga mawɗo maɓɓe faa pettel maɓɓe, ɓe ɓornoo saakiho gam hollugo biisere ɓerɗe maɓɓe. 6No laamiiɗo Niniwe nani haala kan, ummii diga kittaal laamu mum, ɓorti kolte mum, ɓornii saakiho, jooɗii e dooni gam hollugo biisere ɓerne mum. 7Go o fiini o wi'i: Min Laamiiɗo e ardiiɓe der laamu am, men desii ooda men bi'i: Diga himɓe faa e mareefuuji, diga nagge faa e be'a, e baala, to nyaamu goɗɗum, to duru, to yaru bo diyam. 8Himɓe e mareefuuji fu ɓornoo saakiho gam hollugo biisere ɓerɗe mum. Ɓe eela Alla e semme. Mo fu acca baadi mum bonni, acca bo nyaamugo himɓe semme. 9Waɗoto Alla miisitoo, waɗa alhaanu ko yesunoo waɗugo, den mone mum deƴƴa, acca halkugo en.
10No Alla yi'i no himɓe Niniwe tuubii, ɓe accii waɗugo baadi maɓɓe kalluni, o wi'i o waɗantaa ɓe kalluɗum ɗum o wi'unoo o waɗanan ɓe ɗum.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible Fulfulde Bénin © SIM International 2015, 2024.