Yonasi 2
2
Du'aare Yonasi
1Joomiraawo liloy linŋol manŋol, ŋol moɗi Yonasi. O waɗi nyaloomaaje tati e jemmaaje tati der reedu linŋol ŋol. 2O du'ii der reedu linŋol ɗon o eeli Alla Joomiraawo makko o wi'i:
3Yaa Joomiraawo,
wakkati gonumi der ɓillaare,
mi wullanii maa, go nanuɗaa bojji am.
Mi eelii maa ballal diga der joonne maayɓe,
go toontiɗaa am.
4A faɗɗii am faa caka maayo lugguŋo,
diyam maggo moɗii am faa e daane am.
Galmaaji diyam maggo tokkii dow am yawtii.
5Mii wi'annoo,
an Joomiraawo, a riiwii am diga yeeso maa.
Amma, mi yi'an kade suudu maa seniiŋol.
6Diyam yottake faa e daane am.
Mi yoolake der maayo,
go fuɗo wonuko der maggo haɓɓii e hoore am.
7Mi naatii der daɗɗa baalle,
go maɓɓooɗe leydi maɓɓimmi feɗi faa e baadey.
Amma, an Alla Joomiraawo am,
a wurtinii am e yonki diga der gayka.
8Wakkati ɓattiimi maayugo, mi siwtorii maa an Joomiraawo,
go du'aare am yottii maa faa der suudu maa seniiŋol.
9Saafooɓe tooruuje fewrekuuje woppii moƴƴere maa.
10Amma min, mi waɗante kiiseteeɗi,
mi yimane jimi jettooje.
Mi hebbinan alkawal ŋal kaɓɓan maa mi.
Joomiraawo, an nun hisintammi.
11Ɗon nun Joomiraawo baddi linŋol ŋol, go ŋol tuuti Yonasi dow leydi jorni.
Currently Selected:
Yonasi 2: BFB
Highlight
Share
Copy
Want to have your highlights saved across all your devices? Sign up or sign in
Bible Fulfulde Bénin © SIM International 2015, 2024.
