Yo'el 2
2
Nyalaane Joomiraawo faanake warugo
1Puuree walardu faa Siyon!
Kuuɓee dow waanne Joomiraawo ceniine!
Jooɗiiɓe der leydi fu diwna!
Gam nyalaane Joomiraawo e wara,
ne faanake yottaago.
2Nyalaane nen laati nun ɓaleere, niɓɓune tikum,
ne laati nun nyalaane ne duule niɓɓuɗe,
nee nandi hande to niwre suddi waanne,
ne nandu nun hande jama'aare ɗuunne, semmiɗinne,
iri mayre meeɗay yi'eego,
iri mayre yi'ataake bo der jaamanuuji garooji.
3Yiite jaɓoowe e woni yeeso jama'aare nen,
ɓaawo mayre bo ɗenŋal yiite jaɓoowe,
yeeso mayre, leydi laati nun hande kara Adinin,
ɓaawo mayre bo laati nun hande ladde yorne, e nokkuure waatune,
goɗɗum wonataako der mayre kade!
4Jama'aare nen e nandi hande pucci,
hande waɗɗiiɓe pucci, non ɓe doggirta.
5Woolo maɓɓe nandu nun hande laanaaji konu eencooji dow baalle.
Woolo maɓɓe e nandi hande woolo fuɗo jorko jaɓooho yiite.
Ɓee nandi hande jama'aare semmiɗinne, siriyaniine konu.
6Himɓe fu diwnan nun to yi'ii ɓe,
geese mum jiiɓoo.
7Ɓe doggan nun hande soogeeji cuusuɗi,
ɓe eencan nun biriniwol hande haɓooɓe konu,
moy maɓɓe fu tokkan nun laawol mum,
goɗɗo selataa nokkun.
8Goɗɗo maɓɓe ɓillataa banniraawo mum,
moy fu tokkan nun laawol mum,
baa to kure e fiɗee, ɓe julan nun ɓe jawta,
ko haggata ɓe walaa.
9Ɓee janta der wanŋarde,
ɓee dogga dow biriniiji,
ɓee eenca cuuɗi,
ɓee naatira fenentiiji hande gujjo.
10Leydi e diwna yeeso maɓɓe,
kammu e dimmoo,
naaŋe e lewru e niɓɓa,
koode yaynataa.
11Joomiraawo e badda jama'aare konu mum,
soogeeji makko e ɗuuɗi sanne,
nananoowo haala makko e woodi semme,
gam nyalaane Joomiraawo e mawni,
nee hulnii sanne.
Moy waawata daraago nyanne mum?
Wakkati wittoygo to Joomiraawo waɗii
12Joomiraawo wi'i:
Jooni kade, bittee to am e ɓerɗe mon fu,
cuumee, bullon,
kollee biisere ɓerɗe mon!
13To on cerkitee kolte mon,
amma bonƴitee ɓerɗe mon,
bittee to Alla Joomiraawo mon,
gam o laati nun moƴƴuɗo e mo yurumeene,
o ɓernataa lallaw,
o laati nun munyuɗo e mo yidde,
oo acca waɗango himɓe kalluɗum ɗum o wi'uno o waɗanan ɓe, to ɓe tuubii.
14Moy anni naa o waylitan miilo makko,
o acca waɗugo kalluɗum ɗum o yesunoo waɗugo,
den o barkiɗina on,
den onon bo gaddanon mo dokke nafa e dokke jaram, kanko Alla Joomiraawo mon?
Wakkati suumaago e eelugo Joomiraawo waɗii
15Puuree walardu dow waanne Siyon,
kawritee himɓe,
bi'on ɓe cuumoo.
16Kawritee jama'aare,
noddinee hawriine!
Kawritee *dottiiɓe,
noddee sukaaɓe, e sukahon musinoohon!
Baa e jommanjo gorko fu wurtoo diga e suudu mum,
jommanjo debbo bo wurtoo diga e bukaaru mum!
17*Liimaamiiɓe gollantooɓe Joomiraawo, wulla hakkune suudu Joomiraawo e hiisirde.
Ɓe bi'a: Joomiraawo, yuruma men menen himɓe maa.
Taa accu senteene tawa himɓe maa.
Taa accu lenyi goɗɗi jala men wi'a:
Toy Alla maɓɓe woni?
No Joomiraawo toontorii himɓe mum
18Joomiraawo yiɗii leydi mum,
go yurumii himɓe mum.
19Joomiraawo toontake himɓe mum wi'i:
Mi hokkan on alkamaari, e innabojam kesam, e nebbam.
Mi hokkan on ɗum faa ɗum heƴa on.
Mi accataa kade lenyi janani sentina on.
20Mi riiwan wayɓe mon ƴiwuɓe diga soɓɓiire,
mi riiwiran ɓe far to ladde yorne to goɗɗum walaa.
Mi yoolan ardiiɓe maɓɓe der maayo Lamɗam,
den mi yoola sakitiiɓe maɓɓe der maayo Mediterane.
Maayɓe maɓɓe nyolan,
faa luunŋol maɓɓe haɗa himɓe fowtugo.
Gam Joomiraawo e waɗa kujje mawɗe.
21An leydi, taa hulu,
welweltu, kollaa belɗum ɓerne maa,
gam Joomiraawo waɗii kujje mawɗe.
22Onon tewuji ladde, to on kulee,
gam fuɗo wilitii der ladde,
leɗɗe rimii ɓikkon,
ibbe e innabooje rimii ɓikkon ɗuukkon.
23Onon himɓe Siyon, belbeltee, ceyee gam sabbu Alla Joomiraawo mon,
gam o toɓinanan on yoone arandeere deydey,
o toɓinanan on yoone arandeere, e sakitiine deydey hande no arande.
24Piyirɗe alkamaari hebban alkamaari,
ɓiɗɗirɗe innabooje hebban innabojam kesam e nebbam faa eɗam ila.
25Joomiraawo wi'i: Mi yoɓan on ko gilɗi, e baɓattariiji, e siinaaji, e baɓatti ɗi lildanoymi on hande soogeeji am nyaamunoo fu.
26On nyaaman kaaron,
den maanton inne am min Alla Joomiraawo mon,
min gaɗanɗo on ko haaynii.
Mi wi'ii, mi accataa senteene tawa on onon himɓe am.
27Den mum on annitan no mi na'on caka mon onon himɓe Isira'iila,
min woni Alla Joomiraawo mon,
Alla feere gom walaa to hinaa min.
Mi accataa senteene tawa on onon himɓe am.
Currently Selected:
Yo'el 2: BFB
Highlight
Share
Copy
Want to have your highlights saved across all your devices? Sign up or sign in
Bible Fulfulde Bénin © SIM International 2015, 2024.
Yo'el 2
2
Nyalaane Joomiraawo faanake warugo
1Puuree walardu faa Siyon!
Kuuɓee dow waanne Joomiraawo ceniine!
Jooɗiiɓe der leydi fu diwna!
Gam nyalaane Joomiraawo e wara,
ne faanake yottaago.
2Nyalaane nen laati nun ɓaleere, niɓɓune tikum,
ne laati nun nyalaane ne duule niɓɓuɗe,
nee nandi hande to niwre suddi waanne,
ne nandu nun hande jama'aare ɗuunne, semmiɗinne,
iri mayre meeɗay yi'eego,
iri mayre yi'ataake bo der jaamanuuji garooji.
3Yiite jaɓoowe e woni yeeso jama'aare nen,
ɓaawo mayre bo ɗenŋal yiite jaɓoowe,
yeeso mayre, leydi laati nun hande kara Adinin,
ɓaawo mayre bo laati nun hande ladde yorne, e nokkuure waatune,
goɗɗum wonataako der mayre kade!
4Jama'aare nen e nandi hande pucci,
hande waɗɗiiɓe pucci, non ɓe doggirta.
5Woolo maɓɓe nandu nun hande laanaaji konu eencooji dow baalle.
Woolo maɓɓe e nandi hande woolo fuɗo jorko jaɓooho yiite.
Ɓee nandi hande jama'aare semmiɗinne, siriyaniine konu.
6Himɓe fu diwnan nun to yi'ii ɓe,
geese mum jiiɓoo.
7Ɓe doggan nun hande soogeeji cuusuɗi,
ɓe eencan nun biriniwol hande haɓooɓe konu,
moy maɓɓe fu tokkan nun laawol mum,
goɗɗo selataa nokkun.
8Goɗɗo maɓɓe ɓillataa banniraawo mum,
moy fu tokkan nun laawol mum,
baa to kure e fiɗee, ɓe julan nun ɓe jawta,
ko haggata ɓe walaa.
9Ɓee janta der wanŋarde,
ɓee dogga dow biriniiji,
ɓee eenca cuuɗi,
ɓee naatira fenentiiji hande gujjo.
10Leydi e diwna yeeso maɓɓe,
kammu e dimmoo,
naaŋe e lewru e niɓɓa,
koode yaynataa.
11Joomiraawo e badda jama'aare konu mum,
soogeeji makko e ɗuuɗi sanne,
nananoowo haala makko e woodi semme,
gam nyalaane Joomiraawo e mawni,
nee hulnii sanne.
Moy waawata daraago nyanne mum?
Wakkati wittoygo to Joomiraawo waɗii
12Joomiraawo wi'i:
Jooni kade, bittee to am e ɓerɗe mon fu,
cuumee, bullon,
kollee biisere ɓerɗe mon!
13To on cerkitee kolte mon,
amma bonƴitee ɓerɗe mon,
bittee to Alla Joomiraawo mon,
gam o laati nun moƴƴuɗo e mo yurumeene,
o ɓernataa lallaw,
o laati nun munyuɗo e mo yidde,
oo acca waɗango himɓe kalluɗum ɗum o wi'uno o waɗanan ɓe, to ɓe tuubii.
14Moy anni naa o waylitan miilo makko,
o acca waɗugo kalluɗum ɗum o yesunoo waɗugo,
den o barkiɗina on,
den onon bo gaddanon mo dokke nafa e dokke jaram, kanko Alla Joomiraawo mon?
Wakkati suumaago e eelugo Joomiraawo waɗii
15Puuree walardu dow waanne Siyon,
kawritee himɓe,
bi'on ɓe cuumoo.
16Kawritee jama'aare,
noddinee hawriine!
Kawritee *dottiiɓe,
noddee sukaaɓe, e sukahon musinoohon!
Baa e jommanjo gorko fu wurtoo diga e suudu mum,
jommanjo debbo bo wurtoo diga e bukaaru mum!
17*Liimaamiiɓe gollantooɓe Joomiraawo, wulla hakkune suudu Joomiraawo e hiisirde.
Ɓe bi'a: Joomiraawo, yuruma men menen himɓe maa.
Taa accu senteene tawa himɓe maa.
Taa accu lenyi goɗɗi jala men wi'a:
Toy Alla maɓɓe woni?
No Joomiraawo toontorii himɓe mum
18Joomiraawo yiɗii leydi mum,
go yurumii himɓe mum.
19Joomiraawo toontake himɓe mum wi'i:
Mi hokkan on alkamaari, e innabojam kesam, e nebbam.
Mi hokkan on ɗum faa ɗum heƴa on.
Mi accataa kade lenyi janani sentina on.
20Mi riiwan wayɓe mon ƴiwuɓe diga soɓɓiire,
mi riiwiran ɓe far to ladde yorne to goɗɗum walaa.
Mi yoolan ardiiɓe maɓɓe der maayo Lamɗam,
den mi yoola sakitiiɓe maɓɓe der maayo Mediterane.
Maayɓe maɓɓe nyolan,
faa luunŋol maɓɓe haɗa himɓe fowtugo.
Gam Joomiraawo e waɗa kujje mawɗe.
21An leydi, taa hulu,
welweltu, kollaa belɗum ɓerne maa,
gam Joomiraawo waɗii kujje mawɗe.
22Onon tewuji ladde, to on kulee,
gam fuɗo wilitii der ladde,
leɗɗe rimii ɓikkon,
ibbe e innabooje rimii ɓikkon ɗuukkon.
23Onon himɓe Siyon, belbeltee, ceyee gam sabbu Alla Joomiraawo mon,
gam o toɓinanan on yoone arandeere deydey,
o toɓinanan on yoone arandeere, e sakitiine deydey hande no arande.
24Piyirɗe alkamaari hebban alkamaari,
ɓiɗɗirɗe innabooje hebban innabojam kesam e nebbam faa eɗam ila.
25Joomiraawo wi'i: Mi yoɓan on ko gilɗi, e baɓattariiji, e siinaaji, e baɓatti ɗi lildanoymi on hande soogeeji am nyaamunoo fu.
26On nyaaman kaaron,
den maanton inne am min Alla Joomiraawo mon,
min gaɗanɗo on ko haaynii.
Mi wi'ii, mi accataa senteene tawa on onon himɓe am.
27Den mum on annitan no mi na'on caka mon onon himɓe Isira'iila,
min woni Alla Joomiraawo mon,
Alla feere gom walaa to hinaa min.
Mi accataa senteene tawa on onon himɓe am.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible Fulfulde Bénin © SIM International 2015, 2024.