Hose'a 1
1
Debbo Hose'a e sukaaɓe mum
1Der laamaare Ajariya, e Yotamu, e Akaji, e Ejekiyasi laamiiɓe Yahuuda, e der laamaare Yerobo'am ɓii Yo'asi laamiiɗo Isira'iila, Joomiraawo baddi Hose'a ɓii Beeri.
2Nani ɗo haala ka Joomiraawo fuɗɗiri baddugo Hose'a, o wi'i:
Hose'a, yahu ɓaŋu debbo jeenoowo,
dimaa sukaaɓe jeenu.
# 1:2 Woppugo Alla yaha e saafa tooruuje nun dewtere wi'ata ɗoo, jeenu Gam himɓe Isira'iila woppii am, min Joomiraawo,
go ɓee caafa tooruuje feere feere.
3Ɗon nun Hose'a yahi ɓaŋi Gomer ɓii Dibilaymu. Go debbo on saawi, rimani mo suka gorko. 4Go Joomiraawo wi'i mo: Hokku mo inne #1:4 Yisireyeli: Inne nen filliti nun, Alla e aawa.Yisireyeli.
Gam e horii wakkati seɗɗa, go mi hiitoo lenyol Yehu,
gam ɓe barii himɓe faa Yisireyeli.
Mi heennyan laamaare himɓe Isira'iila.
5Nyanne mum,
mi heltan birooɗe himɓe Isira'iila der yayre Yisireyeli.
6Ɓaawo mum, debbo on saawi kade, rimi suka debbo.
Go Joomiraawo bati Hose'a wi'i:
Hokku mo inne Lo Ruhama. Inne nen filliti nun mo yurumaaka.
Gam mi yurumataako kade himɓe Isira'iila, mi sawrantaako ɓe.
7Amma mi yurumoto himɓe Yahuuda. Min Alla Joomiraawo maɓɓe, mi hisinan ɓe. Amma mi hisinirtaa ɓe e biroogal, naa bo e kaafahi, naa bo e konu, naa bo e pucci, naa bo e waɗɗotooɓe pucci.
8No Gomer enti Lo Ruhama, o saawi kade, go o rimi suka gorko. 9Go Joomiraawo wi'i Hose'a:
Hokku mo inne Lo Aami.
Inne nen filliti nun, on laataaki himɓe am.
Gam onon himɓe Isira'iila, on laataaki kade himɓe am,
min bo mi laataaki kade Alla mon.
Currently Selected:
Hose'a 1: BFB
Highlight
Share
Copy
Want to have your highlights saved across all your devices? Sign up or sign in
Bible Fulfulde Bénin © SIM International 2015, 2024.
