Fuɗɗoode 8
8
No Nuuhu wurtorii diga e laana diyam
1Alla e siwtori Nuuhu e tewuji ladde e mareefuuji, gondunooɗi e makko der laana diyam fu. O waɗi hennu wifi dow leydi fu, go diyam ɗam fuɗɗi ɓuytaago. 2Ɓulirɗe diyam ɗe leydi sukkii, julanɗe ɗe dow kammu bo sukkaa, go yoone haggi toɓugo. 3Diyam fuɗɗii ɓuytaago dow leydi. Ɓaawo balɗe hewre e lasoy ɗiɗi e sappo (150), diyam ɓuytake. 4Der lewru jeeɗiɗawru balɗe mum sappo e jeeɗiɗi, laana diyam ŋan jippake dow waanne wi'eteene Ararati. 5Diyam e ɓuytoo faa yottii lewru sappo'awru. Lewru nun nyalaane mum arandeere, ko'e baalle wurtake. 6No waɗi balɗe lasoy ɗiɗi (40), Nuuhu maɓɓitii fenentiyel ŋel o waɗannoo laana diyam ŋan. 7O yoofi lekuwal, ŋal fiiri eŋal yiiloo eŋal yaha eŋal warta faa diyam heennyiri dow leydi. 8O yoofi kade tantabaraaru gam o yi'a to diyam ɓuytake dow leydi. 9Amma tantabaraaru nun heɓay nokkuure to hoɗata, nu witti to makko e laana diyam ŋan, gam diyam e horinoo kade dow leydi fu. Nuuhu forti juunŋo mum happi nu o watti e laana diyam to o tawaa. 10O heɗii kade no waɗi balɗe jeeɗiɗi, go o yoofi tantabaraaru nu. 11No kiikiiɗe waɗi, nu witti to makko, nuu jogii haako jaytuhi e hunnuko mayru. Ɗon nun Nuuhu faami no diyam ɓuytake e leydi. 12O heɗii kade faa balɗe jeeɗiɗi go o yoofi tantabaraaru nun. Amma nu wittay kade to makko. 13Lewru go'awru, nyalaane mum arandeere der duuɓol Nuuhu keme jeego'o e go'aɓol, diyam ɓettii dow leydi. Nuuhu omti laana diyam ŋan o daari o tawi diyam ɓettii dow leydi. 14Lewru ɗiɗawru balɗe mum laso e jeeɗiɗi (27), diyam ɓettii dow leydi.
15Ɗon nun Alla bati Nuuhu wi'i: 16Burtee diga e laana diyam ŋan, an e debbo maa, e sukaaɓe maa, e rewɓe sukaaɓe maa. 17Burtodee e mareefuuji feere feere gonduɗi e maa, diga colli, e mareefuuji, e ko ladata dow leydi fu, ɗi dima ɗi ɗuuɗa ɗi beƴƴitoo der duuniyaaru fu. 18Nuuhu wurtii e debbo mum, e sukaaɓe mum, e rewɓe sukaaɓe ɓen. 19Mareefuuji fu, e mareefuuji ladanɗi, e colli, e ko woni dow leydi fu, ɗum fu e lenyol mum, ɗum wurtii diga e laana diyam ŋan.
20Nuuhu mahi hiisirde to o waɗanta Alla Joomiraawo buuɗeteeɗi. O etti mareefuuji ɗi karmaa fu, e colli ɗi karmaa fu, o waɗi kiiseteeɗi dow hiisirde nen. 21Alla jaɓii kiiseteeɗi Nuuhu, go o wi'i der ɓerne makko: Mi yaa'ataako kade leydi gam sabbu neɗɗo, gam miilooji ɓerne neɗɗo e halli diga sukaanaaku mum. Mi halkataa kade ko woodi yonki fu hande no gaɗirmi ɗum.
22To duuniyaaru heennyay,
aawre e dugge,
jaaŋol e guli
ceeɗu e dunŋu,
nyalooma e jemma,
goɗɗum mum heennyataa.
Currently Selected:
Fuɗɗoode 8: BFB
Highlight
Share
Copy
Want to have your highlights saved across all your devices? Sign up or sign in
Bible Fulfulde Bénin © SIM International 2015, 2024.
Fuɗɗoode 8
8
No Nuuhu wurtorii diga e laana diyam
1Alla e siwtori Nuuhu e tewuji ladde e mareefuuji, gondunooɗi e makko der laana diyam fu. O waɗi hennu wifi dow leydi fu, go diyam ɗam fuɗɗi ɓuytaago. 2Ɓulirɗe diyam ɗe leydi sukkii, julanɗe ɗe dow kammu bo sukkaa, go yoone haggi toɓugo. 3Diyam fuɗɗii ɓuytaago dow leydi. Ɓaawo balɗe hewre e lasoy ɗiɗi e sappo (150), diyam ɓuytake. 4Der lewru jeeɗiɗawru balɗe mum sappo e jeeɗiɗi, laana diyam ŋan jippake dow waanne wi'eteene Ararati. 5Diyam e ɓuytoo faa yottii lewru sappo'awru. Lewru nun nyalaane mum arandeere, ko'e baalle wurtake. 6No waɗi balɗe lasoy ɗiɗi (40), Nuuhu maɓɓitii fenentiyel ŋel o waɗannoo laana diyam ŋan. 7O yoofi lekuwal, ŋal fiiri eŋal yiiloo eŋal yaha eŋal warta faa diyam heennyiri dow leydi. 8O yoofi kade tantabaraaru gam o yi'a to diyam ɓuytake dow leydi. 9Amma tantabaraaru nun heɓay nokkuure to hoɗata, nu witti to makko e laana diyam ŋan, gam diyam e horinoo kade dow leydi fu. Nuuhu forti juunŋo mum happi nu o watti e laana diyam to o tawaa. 10O heɗii kade no waɗi balɗe jeeɗiɗi, go o yoofi tantabaraaru nu. 11No kiikiiɗe waɗi, nu witti to makko, nuu jogii haako jaytuhi e hunnuko mayru. Ɗon nun Nuuhu faami no diyam ɓuytake e leydi. 12O heɗii kade faa balɗe jeeɗiɗi go o yoofi tantabaraaru nun. Amma nu wittay kade to makko. 13Lewru go'awru, nyalaane mum arandeere der duuɓol Nuuhu keme jeego'o e go'aɓol, diyam ɓettii dow leydi. Nuuhu omti laana diyam ŋan o daari o tawi diyam ɓettii dow leydi. 14Lewru ɗiɗawru balɗe mum laso e jeeɗiɗi (27), diyam ɓettii dow leydi.
15Ɗon nun Alla bati Nuuhu wi'i: 16Burtee diga e laana diyam ŋan, an e debbo maa, e sukaaɓe maa, e rewɓe sukaaɓe maa. 17Burtodee e mareefuuji feere feere gonduɗi e maa, diga colli, e mareefuuji, e ko ladata dow leydi fu, ɗi dima ɗi ɗuuɗa ɗi beƴƴitoo der duuniyaaru fu. 18Nuuhu wurtii e debbo mum, e sukaaɓe mum, e rewɓe sukaaɓe ɓen. 19Mareefuuji fu, e mareefuuji ladanɗi, e colli, e ko woni dow leydi fu, ɗum fu e lenyol mum, ɗum wurtii diga e laana diyam ŋan.
20Nuuhu mahi hiisirde to o waɗanta Alla Joomiraawo buuɗeteeɗi. O etti mareefuuji ɗi karmaa fu, e colli ɗi karmaa fu, o waɗi kiiseteeɗi dow hiisirde nen. 21Alla jaɓii kiiseteeɗi Nuuhu, go o wi'i der ɓerne makko: Mi yaa'ataako kade leydi gam sabbu neɗɗo, gam miilooji ɓerne neɗɗo e halli diga sukaanaaku mum. Mi halkataa kade ko woodi yonki fu hande no gaɗirmi ɗum.
22To duuniyaaru heennyay,
aawre e dugge,
jaaŋol e guli
ceeɗu e dunŋu,
nyalooma e jemma,
goɗɗum mum heennyataa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible Fulfulde Bénin © SIM International 2015, 2024.