Golle Lilaaɓe 5
5
Ananiyasi e Safiira
1Amma gorko bi'eteeɗo Ananiyasi, e debbo mum Safiira, sippi leydi mum, 2suuɗi ceede ɗen goɗɗe mum e annagal debbo makko, go o yaari koriiɗe, o hokki lilaaɓe. 3Piyer wi'i mo: «Ananiyasi, ko waɗi accuɗaa Seyɗan naati e ɓerne maa faa pewanɗaa Ruuhu Ceniiɗo, cuuɗuɗaa ceede leydi nin goɗɗe mum? 4Go cippaa ni, an bane jeynoo ni? No cippuɗaa ni, an bane woodi baawɗe dow ceede ɗen na? Ko tawu maa go gaɗuɗaa ɗum? Himɓe bane pewanɗaa, Alla nun pewanɗaa.»
5No Ananiyasi nani haala kan, yani maayi. Kulol manŋol nanŋii nanuɓe ka fu. 6Gojankeeɓe ummii, suddi mo yaari mo yaasi, uwoy.
7Hakkune janɗe tati, debbo makko naati, tawi o nanay ko waɗi. 8Piyer wi'i mo: «Batam, jaka ni cippuɗon leydi mooɗon na?» O wi'i: «Ee, non non.» 9Ɗon nun Piyer wi'i mo: «Noy an e gorko maa nannantirɗon poonnon Ruuhu Joomiraawo? Hettina, uwoyɓe gorko maa e wara, ɓe jaare an bo!»
10Ɗon maa ɗon, kanko bo, o yani yeeso Piyer, o maayi. Gojankeeɓe naati, tawi o maayii, ɓe kocci mo, ɓe uwoy takkol goriiko. 11Kulol manŋol nanŋi eklesiya, e nanuɓe ka fu.
Haaynareeji ɗuuɗɗi
12Lilaaɓe e waɗa kaayeefiiji e haaynaareeji ɗuuɗɗi caka himɓe. Ɓe fu ɓe kawritii ley danki Suleymaanu, ɓe gaɗi hunnuko wooto. 13Baa feereejo gom suusay hawtugo e maɓɓe. Amma e nun fu, jama'aare e teddina ɓe sanne. 14Goonɗinɓe Joomiraawo, worɓe e rewɓe e ɓeydoo der maɓɓe yaago yaago, 15Himɓe e wadda nyawɓe, e laabi, ɓee pukkinee dow leece e daage, heɓa to Piyer e yawta, baa belli muuɗum meema woɓɓe mum. 16Himɓe ɗuuɓɓe ƴiwi e ci'on pilfitiikon *Urusaliima, waddi nyawɓe e ɓe ginnaaji bonɗi toorata, ɓe fu ɓe nyawtaa.
No lilaaɓe tooriraa
17Den hooreejo *Liimaamiiɓe e wondaaɓe mum, woniiɓe der waalde *Sadukiiɓe, waɗiri lilaaɓe ɓen nawniraagu. 18Ɓe nanŋi lilaaɓe ɓen, ɓe maɓɓi ɓe der kasu yeeso himɓe fu. 19Amma jemmaare mum, malaykaajo Joomiraawo maɓɓiti dammuɗe kasu, wurtini ɓe, wi'i: 20«Jahee oon gonii der suudu Alla, oon baajoo himɓe haalaaji gurnam kesam.»
21No ɓe nani ka, ɓe naati suba subaka der suudu Alla ɓee janŋina. Hooreejo *Liimaamiiɓe wari e wonduɓe e mum, ɓe noddi dawranooɓe *Yahuduuɓe, e *dottiiɓe Isira'iila fu, ɓe bi'i lilaaɓe ɓen waddee diga kasu. 22No reenooɓe yottii taway ɓe der kasu, ɓe bitti, ɓe jahi to *dawrooɓe ɓe bi'i: 23«Men tawii kasu e maɓɓii e feɗii no wooɗiri, reenooɓe e darii e dammuɗe, amma no men maɓɓiti, men taway goɗɗo der ɗon.»
24No mawɗo reenooɓe suudu Alla e *Liimaamiiɓe nani ka, ɓe jiɓii sanne go ɓee ƴama no haala kan laatoytoo. 25Den goɗɗo wari, bati ɓe, wi'i: «Worɓe ɓe maɓɓunoɗon e kasu ɓen, na'on der suudu Alla, e janŋina himɓe!»
26Den, mawɗo reenooɓe yaadi e reenuɓe, waddoy lilaaɓe ɓen. Amma e semme bane, gam ɓee kula wara jama'aare faɗɗa ɓe kaaƴe. 27No ɓe gaddoy ɓe, ɓe darni ɓe yeeso *dawrooɓe. Hooreejo *Liimaamiiɓe ƴami ɓe, 28wi'i: «Men calakeno fen fen janŋinon haala gorko on. Amma onon on cankitii janŋinol mooɗon der *Urusaliima. Kade bo, oon jiɗi yowango men gacce neɗɗo on.» 29Piyer e lilaaɓe ɓen toontii, wi'i: «Gomma neɗɗo nanana Alla, e nanango himɓe. 30Alla kookiraaɓe meeɗen fintinii Yeesu mo tigguɗon dow *leggal palaaŋal, baruɗon. 31Kanko nun Alla etti, jooni mo juunŋo mum nyaamo waɗi mo hooreejo e kisinoowo, gam o waɗa himɓe Isira'iila tuuba, ɓe keɓa yaafuye hakkeeji maɓɓe. 32Menen woni seedeeɓe habaruuji ɗin, menen e Ruuhu Ceniiɗo mo Alla hokki nanananɓe ɗum.»
33No ɓe nani ka, mone waɗi ɓe sanne, faa ɓe jiɗi warugo lilaaɓe ɓen. 34*Farisaajo, bi'eteeɗo Gamuliyel, janŋinoowo tawreeta, mo himɓe fu teddini, ummii darii caka *dawrooɓe wi'i lilaaɓe wurtinee seɗɗa. 35Den o wi'i ɓe: «Onon himɓe Isira'iila, kakkilee e ko jiɗuɗon waɗugo himɓe ɓen. 36Ciwtoree no baa ɓooyay ɗo nun Tewdasi ummii, mawnini hoore mum. Ko waɗata himɓe keme nayo (400) e tokkunoo mo. Amma o waraama, tokkuɓe mo fu sankitii, goɗɗo horaaki. 37Ɓaawo makko, Yahuuda Galilinkeejo wari wakkati limgal himɓe, o waɗii himɓe ɗuuɓɓe tokki mo. O halkii kanko bo, tokkuɓe mo fu sankitii. 38Jooni, mii bata on: To on kiinnanee himɓe ɓen, accee ɓe jawta. Gam to gaɗu, e golle maɓɓe ƴiwu nun e himɓe, ɗe kalkan. 39Amma to e gooŋa to Alla ɗum ƴiwi, on baawataa ko halki ɗum. Kakkilee, to on kaɓee e Alla!»
*Dawrooɓe jaɓi haala makko. 40Ɓe nodditii lilaaɓe ɓen, ɓe piyi ɓe, ɓe kaɗi ɓe batugo haala Yeesu, go ɓe joofiti ɓe. 41Lilaaɓe ɓen wurtii diga caka *dawrooɓe e ɓerne welune, gam Alla daarii ɓe fotuɓe tooreego gam inne Yeesu. 42Nyalaane fu ɓe accay waajaago e janŋingo *linjiila Yeesu *Almasiihu der suudu Alla e der wurooji.
Currently Selected:
Golle Lilaaɓe 5: BFB
Highlight
Share
Copy
Want to have your highlights saved across all your devices? Sign up or sign in
Bible Fulfulde Bénin © SIM International 2015, 2024.
Golle Lilaaɓe 5
5
Ananiyasi e Safiira
1Amma gorko bi'eteeɗo Ananiyasi, e debbo mum Safiira, sippi leydi mum, 2suuɗi ceede ɗen goɗɗe mum e annagal debbo makko, go o yaari koriiɗe, o hokki lilaaɓe. 3Piyer wi'i mo: «Ananiyasi, ko waɗi accuɗaa Seyɗan naati e ɓerne maa faa pewanɗaa Ruuhu Ceniiɗo, cuuɗuɗaa ceede leydi nin goɗɗe mum? 4Go cippaa ni, an bane jeynoo ni? No cippuɗaa ni, an bane woodi baawɗe dow ceede ɗen na? Ko tawu maa go gaɗuɗaa ɗum? Himɓe bane pewanɗaa, Alla nun pewanɗaa.»
5No Ananiyasi nani haala kan, yani maayi. Kulol manŋol nanŋii nanuɓe ka fu. 6Gojankeeɓe ummii, suddi mo yaari mo yaasi, uwoy.
7Hakkune janɗe tati, debbo makko naati, tawi o nanay ko waɗi. 8Piyer wi'i mo: «Batam, jaka ni cippuɗon leydi mooɗon na?» O wi'i: «Ee, non non.» 9Ɗon nun Piyer wi'i mo: «Noy an e gorko maa nannantirɗon poonnon Ruuhu Joomiraawo? Hettina, uwoyɓe gorko maa e wara, ɓe jaare an bo!»
10Ɗon maa ɗon, kanko bo, o yani yeeso Piyer, o maayi. Gojankeeɓe naati, tawi o maayii, ɓe kocci mo, ɓe uwoy takkol goriiko. 11Kulol manŋol nanŋi eklesiya, e nanuɓe ka fu.
Haaynareeji ɗuuɗɗi
12Lilaaɓe e waɗa kaayeefiiji e haaynaareeji ɗuuɗɗi caka himɓe. Ɓe fu ɓe kawritii ley danki Suleymaanu, ɓe gaɗi hunnuko wooto. 13Baa feereejo gom suusay hawtugo e maɓɓe. Amma e nun fu, jama'aare e teddina ɓe sanne. 14Goonɗinɓe Joomiraawo, worɓe e rewɓe e ɓeydoo der maɓɓe yaago yaago, 15Himɓe e wadda nyawɓe, e laabi, ɓee pukkinee dow leece e daage, heɓa to Piyer e yawta, baa belli muuɗum meema woɓɓe mum. 16Himɓe ɗuuɓɓe ƴiwi e ci'on pilfitiikon *Urusaliima, waddi nyawɓe e ɓe ginnaaji bonɗi toorata, ɓe fu ɓe nyawtaa.
No lilaaɓe tooriraa
17Den hooreejo *Liimaamiiɓe e wondaaɓe mum, woniiɓe der waalde *Sadukiiɓe, waɗiri lilaaɓe ɓen nawniraagu. 18Ɓe nanŋi lilaaɓe ɓen, ɓe maɓɓi ɓe der kasu yeeso himɓe fu. 19Amma jemmaare mum, malaykaajo Joomiraawo maɓɓiti dammuɗe kasu, wurtini ɓe, wi'i: 20«Jahee oon gonii der suudu Alla, oon baajoo himɓe haalaaji gurnam kesam.»
21No ɓe nani ka, ɓe naati suba subaka der suudu Alla ɓee janŋina. Hooreejo *Liimaamiiɓe wari e wonduɓe e mum, ɓe noddi dawranooɓe *Yahuduuɓe, e *dottiiɓe Isira'iila fu, ɓe bi'i lilaaɓe ɓen waddee diga kasu. 22No reenooɓe yottii taway ɓe der kasu, ɓe bitti, ɓe jahi to *dawrooɓe ɓe bi'i: 23«Men tawii kasu e maɓɓii e feɗii no wooɗiri, reenooɓe e darii e dammuɗe, amma no men maɓɓiti, men taway goɗɗo der ɗon.»
24No mawɗo reenooɓe suudu Alla e *Liimaamiiɓe nani ka, ɓe jiɓii sanne go ɓee ƴama no haala kan laatoytoo. 25Den goɗɗo wari, bati ɓe, wi'i: «Worɓe ɓe maɓɓunoɗon e kasu ɓen, na'on der suudu Alla, e janŋina himɓe!»
26Den, mawɗo reenooɓe yaadi e reenuɓe, waddoy lilaaɓe ɓen. Amma e semme bane, gam ɓee kula wara jama'aare faɗɗa ɓe kaaƴe. 27No ɓe gaddoy ɓe, ɓe darni ɓe yeeso *dawrooɓe. Hooreejo *Liimaamiiɓe ƴami ɓe, 28wi'i: «Men calakeno fen fen janŋinon haala gorko on. Amma onon on cankitii janŋinol mooɗon der *Urusaliima. Kade bo, oon jiɗi yowango men gacce neɗɗo on.» 29Piyer e lilaaɓe ɓen toontii, wi'i: «Gomma neɗɗo nanana Alla, e nanango himɓe. 30Alla kookiraaɓe meeɗen fintinii Yeesu mo tigguɗon dow *leggal palaaŋal, baruɗon. 31Kanko nun Alla etti, jooni mo juunŋo mum nyaamo waɗi mo hooreejo e kisinoowo, gam o waɗa himɓe Isira'iila tuuba, ɓe keɓa yaafuye hakkeeji maɓɓe. 32Menen woni seedeeɓe habaruuji ɗin, menen e Ruuhu Ceniiɗo mo Alla hokki nanananɓe ɗum.»
33No ɓe nani ka, mone waɗi ɓe sanne, faa ɓe jiɗi warugo lilaaɓe ɓen. 34*Farisaajo, bi'eteeɗo Gamuliyel, janŋinoowo tawreeta, mo himɓe fu teddini, ummii darii caka *dawrooɓe wi'i lilaaɓe wurtinee seɗɗa. 35Den o wi'i ɓe: «Onon himɓe Isira'iila, kakkilee e ko jiɗuɗon waɗugo himɓe ɓen. 36Ciwtoree no baa ɓooyay ɗo nun Tewdasi ummii, mawnini hoore mum. Ko waɗata himɓe keme nayo (400) e tokkunoo mo. Amma o waraama, tokkuɓe mo fu sankitii, goɗɗo horaaki. 37Ɓaawo makko, Yahuuda Galilinkeejo wari wakkati limgal himɓe, o waɗii himɓe ɗuuɓɓe tokki mo. O halkii kanko bo, tokkuɓe mo fu sankitii. 38Jooni, mii bata on: To on kiinnanee himɓe ɓen, accee ɓe jawta. Gam to gaɗu, e golle maɓɓe ƴiwu nun e himɓe, ɗe kalkan. 39Amma to e gooŋa to Alla ɗum ƴiwi, on baawataa ko halki ɗum. Kakkilee, to on kaɓee e Alla!»
*Dawrooɓe jaɓi haala makko. 40Ɓe nodditii lilaaɓe ɓen, ɓe piyi ɓe, ɓe kaɗi ɓe batugo haala Yeesu, go ɓe joofiti ɓe. 41Lilaaɓe ɓen wurtii diga caka *dawrooɓe e ɓerne welune, gam Alla daarii ɓe fotuɓe tooreego gam inne Yeesu. 42Nyalaane fu ɓe accay waajaago e janŋingo *linjiila Yeesu *Almasiihu der suudu Alla e der wurooji.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible Fulfulde Bénin © SIM International 2015, 2024.