Golle Lilaaɓe 6
6
Worɓe jeeɗiɗo suɓaama gam walla lilaaɓe
1Der balɗe ɗen, tawi goonɗinɓe e ɓeydoo ɗuuɗugo, batooɓe yunaninkeere gaccii Iburaninkeeɓe, gam gowniiɓe maɓɓe yeebete nun to nyaamdu e seennee nyalaane fu. 2Lilaaɓe sappo e ɗiɗo (12) ɓen noddi jama'aare goonɗinɓe, wi'i: «Haanay men acca waajaago haala Alla, men kiinnoo seennugo nyaamdu. 3Gam majjum banniraaɓe, cuɓee hakkune mooɗon worɓe jeeɗiɗo ɓe kooliɗon, hebbuɓe Ruuhu Ceniiɗo e faamu, gam men jowana ɓe golle ɗen. 4Amma menen, accon men men kiinnoo du'aago, e waajaago haala Alla.»
5Haala kan welii jama'aare fu. Den, ɓe cuɓi Etiyen, gorko kebbuɗo goonɗinki e Ruuhu Ceniiɗo, kanko e Filippu, e Porokorusu, e Nikanor, e Timon, e Parmenasi, e Nikolawusu mo Antiyokiya, naatuɗo diina *Yahuduuɓe. 6Ɓe jaari ɓe yeeso lilaaɓe. Lilaaɓe ɓen yowi juuɗe dow maɓɓe, ɓe du'anii ɓe.
7Haala Alla e sankitoo yaago yaago, goonɗinɓe e ɓeydoo sanne der *Urusaliima. Kade bo *Liimaamiiɓe ɗuuɓɓe laatake goonɗinɓe.
Nanŋoore Etiyen
8Etiyen, kebbuɗo moƴƴere e baawɗe Alla, e waɗannoo haaynaareeji e kaayeefiiji mawɗi caka himɓe. 9Amma woɓɓe der waajorde wi'eteene waajorde rinɗinaaɓe, e ƴiwɓe Sirene, e Alekisandiriya, e Silisiya, e Asiya, ummii e yeddontira e Etiyen. 10Amma ɓe baaway jaalaago mo gam o batan nun e faamu, e baawɗe Ruuhu. 11Ɗon nun ɓe kokki himɓe ceede, gam ɓe bi'a ɓe nanii oo yenna Muusa e Alla. 12Non nun ɓe umminiri hakkillo himɓe, e *dottiiɓe, e moodiɓɓe tawreeta. Den ɓe jottii ɓe juhi Etiyen, ɓe nanŋi mo, ɓe jaari mo to *dawrooɓe, 13ɓe gaddi seedeeɓe fewfewɓe, ɓe bi'a: «Gorko oo accay yennugo nokkuure seniine nee ɗo, e *tawreeta Muusa. 14Men nanii oo wi'a Yeesu Nasaratuujo pusan nokkuure nen, waylita tawaaŋal ŋal Muusa hokki en.»
15*Dawrooɓe jooɗiiɓe ton fu tiggi Etiyen gite, yi'i yeeso makko e wa'i hande yeeso malaykaajo.
Currently Selected:
Golle Lilaaɓe 6: BFB
Highlight
Share
Copy
Want to have your highlights saved across all your devices? Sign up or sign in
Bible Fulfulde Bénin © SIM International 2015, 2024.
Golle Lilaaɓe 6
6
Worɓe jeeɗiɗo suɓaama gam walla lilaaɓe
1Der balɗe ɗen, tawi goonɗinɓe e ɓeydoo ɗuuɗugo, batooɓe yunaninkeere gaccii Iburaninkeeɓe, gam gowniiɓe maɓɓe yeebete nun to nyaamdu e seennee nyalaane fu. 2Lilaaɓe sappo e ɗiɗo (12) ɓen noddi jama'aare goonɗinɓe, wi'i: «Haanay men acca waajaago haala Alla, men kiinnoo seennugo nyaamdu. 3Gam majjum banniraaɓe, cuɓee hakkune mooɗon worɓe jeeɗiɗo ɓe kooliɗon, hebbuɓe Ruuhu Ceniiɗo e faamu, gam men jowana ɓe golle ɗen. 4Amma menen, accon men men kiinnoo du'aago, e waajaago haala Alla.»
5Haala kan welii jama'aare fu. Den, ɓe cuɓi Etiyen, gorko kebbuɗo goonɗinki e Ruuhu Ceniiɗo, kanko e Filippu, e Porokorusu, e Nikanor, e Timon, e Parmenasi, e Nikolawusu mo Antiyokiya, naatuɗo diina *Yahuduuɓe. 6Ɓe jaari ɓe yeeso lilaaɓe. Lilaaɓe ɓen yowi juuɗe dow maɓɓe, ɓe du'anii ɓe.
7Haala Alla e sankitoo yaago yaago, goonɗinɓe e ɓeydoo sanne der *Urusaliima. Kade bo *Liimaamiiɓe ɗuuɓɓe laatake goonɗinɓe.
Nanŋoore Etiyen
8Etiyen, kebbuɗo moƴƴere e baawɗe Alla, e waɗannoo haaynaareeji e kaayeefiiji mawɗi caka himɓe. 9Amma woɓɓe der waajorde wi'eteene waajorde rinɗinaaɓe, e ƴiwɓe Sirene, e Alekisandiriya, e Silisiya, e Asiya, ummii e yeddontira e Etiyen. 10Amma ɓe baaway jaalaago mo gam o batan nun e faamu, e baawɗe Ruuhu. 11Ɗon nun ɓe kokki himɓe ceede, gam ɓe bi'a ɓe nanii oo yenna Muusa e Alla. 12Non nun ɓe umminiri hakkillo himɓe, e *dottiiɓe, e moodiɓɓe tawreeta. Den ɓe jottii ɓe juhi Etiyen, ɓe nanŋi mo, ɓe jaari mo to *dawrooɓe, 13ɓe gaddi seedeeɓe fewfewɓe, ɓe bi'a: «Gorko oo accay yennugo nokkuure seniine nee ɗo, e *tawreeta Muusa. 14Men nanii oo wi'a Yeesu Nasaratuujo pusan nokkuure nen, waylita tawaaŋal ŋal Muusa hokki en.»
15*Dawrooɓe jooɗiiɓe ton fu tiggi Etiyen gite, yi'i yeeso makko e wa'i hande yeeso malaykaajo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible Fulfulde Bénin © SIM International 2015, 2024.