Golle Lilaaɓe 11
11
Piyer der eklesiya Urusaliima
1Lilaaɓe, e banniraaɓe wonuɓe Yahudiya nani lenyi janani bo jaɓii haala Alla. 2Piyer yahi *Urusaliima, *Yahuduuɓe goonɗinɓe wooltani mo, 3wi'i: «Gam ume naatuɗaa caka himɓe ɓe juulnaaka, go nyaamduɗaa e maɓɓe?» 4Den Piyer bati ɓe ko waɗi diga fuɗɗoode faa heennyitoode, wi'i:
5«Siire Yoppe gonunoomi, mii du'oo, den Alla hollitimmi goɗɗum ko wa'i hande wudere mawne ne gawarɗe muuɗum naay haɓɓaa, e jippuwoo diga dow kammu e fonnoy am. 6No daarumi ne faa wooɗi, ji'umi bisaaji, ɗi koyɗe naay e tewuji ladde ladooji, e pooli. 7Go nanumi daane gom e wi'ammi: "Piyer, umma, hiisu, nyaamu!" 8Bi'umi: "Aawo, Joomiraawo! Abada mi nyaamay ko harmi naa bo ko soɓi." 9Daane nen toontitii am kade diga kammu, wi'i: "Taa harmin ko Alla laaɓini." 10Ɗum waɗi nun faa laabi tati. Ɓaawo mum kujje ɗee fu safaa dow kammu. 11E wakkati mum nun, worɓe tato lilaaɓe to am ƴiwoyɓe diga Kaysariya wari e wuro to gonumi. 12Ruuhu Ceniiɗo wi'i am mi yaada e maɓɓe, to mi waɗu seko. Den banniraaɓe jeego'o ɓee ɗo yaadi e am, men naatidi suudu gorko on. 13O bati men no o yi'iri malaykaajo darinooɗo suudu makko e wi'a mo: "Lilu noddaneɗaa Simon innitirteeɗo Piyer, gonuɗo e wanŋarde Yoppe. 14O waajete haala accooha kisaa, an e saare maa fu." 15No puɗɗumi waajaago, Ruuhu Ceniiɗo jippii e maɓɓe hande no o jipporinoo e meeɗen arande. 16Den, ciwtormi ka Joomiraawo wi'unoo: "Yuhaana waɗii *batisi e diyam, amma onon, on gaɗirte *batisi e Ruuhu Ceniiɗo". 17To Alla hokkii ɓe dokkal iri ŋal o hokkunoo en, no goonɗinɗen Yeesu *Almasiihu Joomiraawo, den kan, ume laatiimi go mi haɗa Alla waɗugo ko yiɗi?» 18No ɓe nani ka, ɓe jeeɗii, eɓe teddina Alla, eɓe bi'a: «Alla hokkii lenyi janani bo laawol tuubugo, gam ɗi keɓa yonki.»
Eklesiya wonɓe Antiyokiya
19Goonɗinɓe sankitiiɓe gam sabbu tooraaji garuɗi gam maayde Etiyen, woɓɓe mum yahi faa Finikiya, e Kipurusu, e Antiyokiya, ɓe baajaaki goɗɗo sey *Yahuduuɓe tan. 20Amma woɓɓe maɓɓe laatiiɓe ɓe Kipurusu, e Sirene yahi Antiyokiya e waajoo *linjiila Yeesu Joomiraawo caka Yunaninkeeɓe. 21Baawɗe Joomiraawo e wondi e maɓɓe. Himɓe ɗuuɓɓe goonɗini, tuubi, tokki Joomiraawo.
22Himɓe Eklesiya tawaaka *Urusaliima nani habaru ko waɗi Antiyokiya, ɓe lili ton Barnabasi. 23No o yottii o yi'i moƴƴere Alla, ɓerne makko weli, o waajii, o semmiɗini ɓe ɓe fu ɓe tinnoo, ɓe tokka Joomiraawo e ɓerne woore. 24Barnabasi laati nun gorko geeto, kebbuɗo Ruuhu Ceniiɗo e goonɗinki. Jama'aare ɗuunne goonɗini Joomiraawo. 25Ɓaawo mum, Barnabasi yahi Tarsusu daartoygo Sol. 26No o yiiti mo, o yaari mo Antiyokiya. Ɓe jooɗii ton ɓe gaɗi duuɓol eɓe golla caka eklesiya, ɓe janŋini himɓe ɗuuɓɓe. Antiyokiya nun goonɗinɓe artaa noddeego Yeesuuɓe.
27E balɗe ɗen, annabiiɓe ƴiwoy *Urusaliima, wari Antiyokiya. 28Gooto maɓɓe, bi'eteeɗo Agabusu, ummii, darii, batiri e baawɗe Ruuhu, wi'i rafo manŋo waɗan e duuniyaaru fu. Ŋo waɗii bo der laamaare Kalawdiyusu#11:28 Kalawdiyusu laati nun laamiiɗo Roma joyaɓo. O laamake hakkune duuɓi 41 e 54 ɓaawo Yeesu. Habaru jaamanu nun hollii no rafo manŋo waɗiino der laamu Roma fu hakkune duuɓi 46 e 48 ɓaawo Yeesu Almasiihu.. 29Goonɗinɓe haɓɓi anniya hawritingo ballal, moy fu no waawata, gam ɓe lilda banniraaɓe maɓɓe wonɓe Yahudiya. 30Ɓe kawriti ballal ŋal, ɓe kokki Barnabasi e Sol, yaarani dottiiɓe eklesiya *Urusaliima.
Currently Selected:
Golle Lilaaɓe 11: BFB
Highlight
Share
Copy
Want to have your highlights saved across all your devices? Sign up or sign in
Bible Fulfulde Bénin © SIM International 2015, 2024.
Golle Lilaaɓe 11
11
Piyer der eklesiya Urusaliima
1Lilaaɓe, e banniraaɓe wonuɓe Yahudiya nani lenyi janani bo jaɓii haala Alla. 2Piyer yahi *Urusaliima, *Yahuduuɓe goonɗinɓe wooltani mo, 3wi'i: «Gam ume naatuɗaa caka himɓe ɓe juulnaaka, go nyaamduɗaa e maɓɓe?» 4Den Piyer bati ɓe ko waɗi diga fuɗɗoode faa heennyitoode, wi'i:
5«Siire Yoppe gonunoomi, mii du'oo, den Alla hollitimmi goɗɗum ko wa'i hande wudere mawne ne gawarɗe muuɗum naay haɓɓaa, e jippuwoo diga dow kammu e fonnoy am. 6No daarumi ne faa wooɗi, ji'umi bisaaji, ɗi koyɗe naay e tewuji ladde ladooji, e pooli. 7Go nanumi daane gom e wi'ammi: "Piyer, umma, hiisu, nyaamu!" 8Bi'umi: "Aawo, Joomiraawo! Abada mi nyaamay ko harmi naa bo ko soɓi." 9Daane nen toontitii am kade diga kammu, wi'i: "Taa harmin ko Alla laaɓini." 10Ɗum waɗi nun faa laabi tati. Ɓaawo mum kujje ɗee fu safaa dow kammu. 11E wakkati mum nun, worɓe tato lilaaɓe to am ƴiwoyɓe diga Kaysariya wari e wuro to gonumi. 12Ruuhu Ceniiɗo wi'i am mi yaada e maɓɓe, to mi waɗu seko. Den banniraaɓe jeego'o ɓee ɗo yaadi e am, men naatidi suudu gorko on. 13O bati men no o yi'iri malaykaajo darinooɗo suudu makko e wi'a mo: "Lilu noddaneɗaa Simon innitirteeɗo Piyer, gonuɗo e wanŋarde Yoppe. 14O waajete haala accooha kisaa, an e saare maa fu." 15No puɗɗumi waajaago, Ruuhu Ceniiɗo jippii e maɓɓe hande no o jipporinoo e meeɗen arande. 16Den, ciwtormi ka Joomiraawo wi'unoo: "Yuhaana waɗii *batisi e diyam, amma onon, on gaɗirte *batisi e Ruuhu Ceniiɗo". 17To Alla hokkii ɓe dokkal iri ŋal o hokkunoo en, no goonɗinɗen Yeesu *Almasiihu Joomiraawo, den kan, ume laatiimi go mi haɗa Alla waɗugo ko yiɗi?» 18No ɓe nani ka, ɓe jeeɗii, eɓe teddina Alla, eɓe bi'a: «Alla hokkii lenyi janani bo laawol tuubugo, gam ɗi keɓa yonki.»
Eklesiya wonɓe Antiyokiya
19Goonɗinɓe sankitiiɓe gam sabbu tooraaji garuɗi gam maayde Etiyen, woɓɓe mum yahi faa Finikiya, e Kipurusu, e Antiyokiya, ɓe baajaaki goɗɗo sey *Yahuduuɓe tan. 20Amma woɓɓe maɓɓe laatiiɓe ɓe Kipurusu, e Sirene yahi Antiyokiya e waajoo *linjiila Yeesu Joomiraawo caka Yunaninkeeɓe. 21Baawɗe Joomiraawo e wondi e maɓɓe. Himɓe ɗuuɓɓe goonɗini, tuubi, tokki Joomiraawo.
22Himɓe Eklesiya tawaaka *Urusaliima nani habaru ko waɗi Antiyokiya, ɓe lili ton Barnabasi. 23No o yottii o yi'i moƴƴere Alla, ɓerne makko weli, o waajii, o semmiɗini ɓe ɓe fu ɓe tinnoo, ɓe tokka Joomiraawo e ɓerne woore. 24Barnabasi laati nun gorko geeto, kebbuɗo Ruuhu Ceniiɗo e goonɗinki. Jama'aare ɗuunne goonɗini Joomiraawo. 25Ɓaawo mum, Barnabasi yahi Tarsusu daartoygo Sol. 26No o yiiti mo, o yaari mo Antiyokiya. Ɓe jooɗii ton ɓe gaɗi duuɓol eɓe golla caka eklesiya, ɓe janŋini himɓe ɗuuɓɓe. Antiyokiya nun goonɗinɓe artaa noddeego Yeesuuɓe.
27E balɗe ɗen, annabiiɓe ƴiwoy *Urusaliima, wari Antiyokiya. 28Gooto maɓɓe, bi'eteeɗo Agabusu, ummii, darii, batiri e baawɗe Ruuhu, wi'i rafo manŋo waɗan e duuniyaaru fu. Ŋo waɗii bo der laamaare Kalawdiyusu#11:28 Kalawdiyusu laati nun laamiiɗo Roma joyaɓo. O laamake hakkune duuɓi 41 e 54 ɓaawo Yeesu. Habaru jaamanu nun hollii no rafo manŋo waɗiino der laamu Roma fu hakkune duuɓi 46 e 48 ɓaawo Yeesu Almasiihu.. 29Goonɗinɓe haɓɓi anniya hawritingo ballal, moy fu no waawata, gam ɓe lilda banniraaɓe maɓɓe wonɓe Yahudiya. 30Ɓe kawriti ballal ŋal, ɓe kokki Barnabasi e Sol, yaarani dottiiɓe eklesiya *Urusaliima.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible Fulfulde Bénin © SIM International 2015, 2024.