SAAMUNƆ 97
97
Dii mↄna
1Dii bé èe kí blee!
Tↄↄtɛdeenↄ pↄnnaa kɛ,
ísiabaadeenↄ gↄ̃ kú pↄnnaa guu.
2Ludambɛ sia kↄ̃n gusia níginigio ligazi,
maakɛ kↄ̃n yãzɛdeeon à kpata kãsãa ũ.
3Tɛ́ ègↄ̃ kũu à aɛ,
è ibɛɛ kɛ̀ aↄ̃ↄ ligazinↄ kpata.
4À loupina è tↄↄtɛ pu,
tó anduna è, è luga.
5Kpiiinↄ è yↄ́ lán zↄ́sa bà Dii aɛ,
anduna píngi Dii aɛ.
6Musudeenↄ è à maakɛɛ kpàakpa kɛ,
bori sãnda píngi è à gakui e.
7Wí è tãagbãgbãrinↄ kũ ń píngi,
gbɛ̃ kɛ̀ aↄ̃è ĩa dã kↄ̃n pↄ́ ginanↄ.
Tãanↄ é dↄnzi kɛnɛ ń píngi.
8Zayↄndeenↄↄ mà wà pↄnnaa kɛ̀,
Yuda wɛ́tɛdeenↄↄ kú pↄnnaa guu
n yãkpaɛkɛnanↄ yãnzi, Dii.
9Zaakɛ ń kú musu dɛ anduna píngila,
Dii, ń dɛ tãanↄla ń píngi.
10Dii ye gbɛ̃ kɛ̀ aↄ̃ zà yã zaaannↄzi,
ègↄ̃ a yãmarinↄ wɛ̃̀ndi dãkpa,
è ń bↄ zaakɛrinↄ ↄzĩ.
11Guu è dↄ gbɛ̃ maaanↄa,
nↄ̀sɛpuradeenↄↄ pↄnnaa vĩ.
12Gbɛ̃ maaanↄ, à pↄnnaa kɛ Dii guu,
à à tↄ́ kɛ̀ kú adona bↄ.
Currently Selected:
SAAMUNƆ 97: BBB
Highlight
Copy
Compare
Share
Want to have your highlights saved across all your devices? Sign up or sign in
Bokobaru Bible with New Testament and OT Portions © Sim International, 2005.
